‘ᓄᓇᕗᒻᒥ ᐊᑖᑕᐅᔪᖅ’ ᐱᕗᖅ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᕐᒥ ᐅᔭᒥᖓᓂ

ᔮᓐ ᐊᒪᕈᐊᓕᒃ ᐃᓕᓴᕆᔭᐅᓚᐅᖅᐳᖅ 2019−ᒥ; ᐃᓄᑭᑦᑐᒥ ᖁᕕᐊᓱᒍᑕᐅᔪᒥ ᐱᓕᕆᐊᖑᓚᐅᖅᑐᒥ ᐊᐃᑉᕆᓕ 1−ᒥ ᐃᖃᓗᖕᓂ

ᑭᖕ ᑭᒡᒐᖅᑐᖅᑎᖓ ᑲᓇᑕᒥ ᒥᐊᕆ ᓴᐃᒪᓐ, ᓴᐅᒥᖕᒥ, ᔮᓐ ᐊᒪᕈᐊᓕᒃ, ᕿᑎᐊᓂ, ᐊᒻᒪ ᓴᐃᒪᓐ ᐅᐃᖓ ᐅᐃᑦ ᕗᕋᐃᓱᕐ ᓇᖏᖅᐳᑦ ᐊᔾᔨᓕᐅᖅᑕᐅᓂᕐᒧᑦ ᓴᐃᒪᓐ ᑐᓂᓯᓚᐅᖅᑎᓪᓗᒍ ᐊᒪᕈᐊᓕᖕᒥ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᕐᒥ ᐅᔭᒥᖓᓂ ᐃᖃᓗᖕᓂ ᐊᐃᑉᕆᓕ 1−ᒥ. (ᓵᔾᔭᓐᑦ ᐊᓂᔅ ᐊᓴᕆ ᐊᔾᔨᓕᐅᖅᑕᖓ/Rideau Hall)

By ᔭᕝ ᐱᓚᑦᑎᐊᐃᒧᑦ
ᓄᓇᓕᖕᓂ ᑐᓴᒐᒃᓴᓕᐅᕐᓂᕐᒧᑦ ᐱᒋᐊᕈᑕᐅᔪᒥ ᑐᓴᒐᒃᓴᓕᐅᖅᑎ

For English version, see ‘Father of Nunavut’ receives Order of Canada medal

ᐅᓪᓗᐊᓂ ᓄᓇᕗᑦ ᖁᕕᐊᓱᒍᑎᖃᖅᖢᑎᒃ 25−ᖓᓂ ᓇᓪᓕᐅᓐᓂᖅᓱᐃᕐᓂᖓᓂ, ᐊᑕᐅᓯᐅᔪᒥ ᓄᓇᕗᒻᒥ ᓇᓂᓯᔨᐅᖃᑕᐅᔪᑦ ᐊᑖᑕᐅᔪᓂ ᑐᓂᔭᐅᓚᐅᖅᐳᖅ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᕐᒥ ᐅᔭᒥᖓᓐᓂ ᐃᓄᑭᑦᑐᓂ ᖁᕕᐊᓱᒍᑕᐅᔪᒥ.

ᔮᓐ ᐊᒪᕈᐊᓕᒃ ᐃᓕᔭᐅᓪᓚᕆᓚᐅᖅᐳᖅ ᐱᓕᕆᔨᐅᓪᓗᓂ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᕐᒥ ᑭᖕ ᑭᒡᒐᖅᑐᖅᑎᖓ ᑲᓇᑕᒥ ᒥᐊᕆ ᓴᐃᒪᓐᒧᑦ ᐃᖃᓗᖕᓂ ᐊᐃᑉᕆᓕ 3−ᒥ.

ᐊᒪᕈᐊᓕᒃ, 76, ᐊᑦᑎᖅᑕᐅᓚᐅᖅᐳᖅ ᑲᓇᑕᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᕐᒥ ᑎᓯᐱᕆ 2019−ᒥ ᑕᐃᔅᓱᒪᓂ-ᑯᐃᓐ ᑭᒡᒐᖅᑐᖅᑎᖓᓂ ᑲᓇᑕᒥ ᔫᓕ ᐸᐃᔭᑦᒧᑦ, ᑐᑭᖃᖅᖢᓂ ᐃᓕᔭᐅᓂᖓᓂ ᖁᕕᐊᓱᒍᑕᐅᔪᖅ ᖃᓄᐃᓐᓂᐅᓚᐅᖅᐳᖅ ᐊᕐᕌᒍᓄᑦ ᑎᓴᒪᓄᑦ ᐱᓕᕆᐊᖑᓪᓗᓂ.

ᓴᐃᒪᓐ ᐅᖃᐅᓯᖃᓚᐅᖅᐳᖅ ᖁᕕᐊᓱᒍᑕᐅᔪᖅ ᐱᓕᕆᐊᖑᓚᐅᕐᓂᖓᓂ ᐅᖃᓪᓚᒃᑎᓪᓗᒍ ᐃᖃᓗᖕᓂ ᐃᓄᓕᒫᓄᑦ ᖃᓄᐃᓐᓂᐅᔪᒥ ᖁᕕᓱᐊᒍᑎᖃᕐᓂᕐᒧᑦ ᓄᓇᕘᑉ 25−ᖓᓂ ᓇᓪᓕᐅᓐᓂᖅᓯᐅᕐᓂᖓᓂ.

ᐅᓂᒃᑳᕆᓚᐅᖅᐳᖅ ᐊᒪᕈᐊᓕᖕᒥ “ᑲᓇᑕᒥ ᐅᐱᒋᔭᐅᕐᔪᐊᕐᓂᖓᓂ.”

ᐊᒪᕈᐊᓕᒃ ᐃᓄᒃᔪᐊᖅ, ᓄᓇᕕᖕᒥᐅᑕᓪᓚᕆᐅᕗᖅ, ᐊᒻᒪ ᐊᑕᐅᓯᐅᓪᓗᓂ ᐆᒪᔪᓐᓇᖅᓯᒪᔪᓂ ᖁᑦᑎᒃᑐᒥ ᐅᑭᐅᖅᑕᖅᑐᒥ ᓅᑎᑕᐅᓂᐅᓚᐅᖅᑐᓄᑦ, ᒐᕙᒪᑐᖃᒃᑯᑦ ᓅᑎᕆᓪᓗᑎᒃ ᐃᓄᖕᓂ ᐅᖓᓯᒃᑐᒧᑦ ᐅᐊᖕᓇᕐᒧᑦ ᖁᕝᕙᕆᐊᖅᑎᑦᑎᓂᕐᒥ ᑲᓇᑕᐅᑉ ᐱᓇᓱᐊᕐᓂᖓᓂ ᐅᑭᐅᖅᑕᖅᑐᒥ ᐱᔪᓐᓇᕐᓂᕆᔭᖓᓂ.

ᒪᕐᕈᐃᖅᓱᖅᖢᓂ ᐊᖓᔪᖅᑳᖑᓯᒪᕗᖅ ᐃᓄᐃᑦ ᑕᐱᕇᑦ ᑲᓇᑕᒥ, ᑲᓇᑕᐅᑉ ᑲᑐᔾᔨᖃᑎᒌᖕᓂᖓ ᐃᓄᖕᓄᑦ, ᑕᐃᔅᓱᒪᓂ ᑕᐃᔭᐅᓚᐅᖅᑐᒥ Inuit Tapirisat of Canada−ᒥ.

ᐊᕐᕌᒍᓂ 6−ᓂ ᕿᑎᐊᓂ ᐊᑎᓕᐅᕆᓂᕐᒥ ᓄᓇᕗᒻᒥ ᐊᖏᕈᑕᐅᔪᒥ 1993−ᒥ ᐊᒻᒪ ᐊᕕᖕᓂᐅᔪᒥ ᓄᓇᑦᓯᐊᕐᒥ 1999−ᒥ, ᐊᒪᕈᐊᓕᒃ ᐊᖓᔪᖅᑳᖑᓪᓗᓂ ᑲᒥᓴᓇᐅᓚᐅᖅᐳᖅ ᓄᓇᕗᒻᒥ ᐊᑐᓕᖅᑎᑕᐅᓂᕐᒥ ᑲᑎᒪᔨᐅᔪᓄᑦ.

ᐊᒪᕈᐊᓕᒃ ᓯᕗᓂᐊᓂ ᑐᓂᔭᐅᓚᐅᖅᓯᒪᕗᖅ ᓄᓇᕗᒻᒥ ᐃᑲᔪᕐᓂᕐᒧᑦ ᐃᓕᓴᕆᔭᐅᓂᕐᒥ 2014−ᒥ.

ᑎᑎᕋᖅᐸᓚᐅᖅᓯᒪᒋᕗᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ ᑎᕆᖅᑯᑯᓗᒐ ᑲᓇᑕᒥ ᑎᑎᕋᖅᑕᐅᓂᐅᕙᒃᑐᒥ ᖃᔅᓯᒐᓚᖕᓄᑦ ᐊᕐᕌᒍᓄᑦ.

ᐊᐱᖅᓱᖅᑕᐅᓂᐅᔪᒥ, ᓴᐃᒪᓐ ᐅᖃᓪᓚᓚᐅᖅᐳᖅ ᐊᓯᐊᒎᖅᑐᒥ ᖁᕕᐊᓱᒍᑕᐅᔪᒥ ᐃᓚᒋᔭᐅᓚᐅᕐᓂᖓᓂ ᐊᒪᕈᐊᓕᖕᒥ ᐊᒻᒪ ᐃᓚᖏᓐᓂ, ᐱᓗᐊᖅᑐᒥ ᑕᐃᒪᐃᓚᐅᕐᒪᑦ ᓄᓇᕗᒻᒥ ᐊᖓᔪᖅᑳᖃᕐᕕᖓᓂ ᓄᓇᕘᑉ ᓇᓪᓕᐅᖅᓯᐅᕐᓂᖓᓂ ᐅᓪᓗᖓᓂ.

“ᐅᕙᓐᓄᑦ ᐱᒻᒪᕆᐅᓚᐅᖅᐳᖅ, ᔮᓐ ᐱᓕᕆᖃᑎᒋᕙᓚᐅᕋᒃᑯ ᐊᒻᒪ ᐃᖅᑲᓇᐃᔭᖃᑎᒋᕙᓚᐅᖅᖢᒍ ᐊᒥᓱᐊᓗᖕᓄᑦ ᐊᕐᕌᒍᓄᑦ,” ᓴᐃᒪᓐ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ.

“ᖃᔅᓯᒐᓚᖕᓂ ᖃᐅᔨᒪᔭᐅᕐᔪᐊᖅᑐᓂ ᐃᓄᖕᓂ ᓄᓇᕗᒻᒥ ᐃᓚᐅᖃᑕᐅᓂᑦᑎᓐᓂ ᑕᐃᔅᓱᒥᖓ [ᓄᓇᑖᕋᓱᐊᕐᓂᕐᒥ ᐋᔩᖃᑎᒌᖕᓂᐅᔪᒥ] ᐱᓕᕆᓂᐅᔪᒥ, ᑭᓯᐊᓂ ᐅᓪᓗᓂ ᐱᔾᔪᑎᖃᓚᐅᖅᐳᖅ ᔮᓐ ᐊᒪᕈᐊᓕᖕᒥ.”

Share This Story

(0) Comments