ᓯᕗᓪᓕᖅᐹᖑᔪᒥ ᐃᓚᖓᓐᓂ ᐃᓗᕕᑦ ᐊᖏᒡᓕᒋᐊᖅᑕᐅᓂᖓᓂ ᐱᓕᕆᐊᖑᓂᐊᖅᐳᖅ ᑕᒪᑐᒪᓂ ᐊᕐᕌᒎᔪᒥ

For the English version of this story, please see First part of Iqaluit cemetery expansion to be done this year.

ᓯᕗᓪᓕᖅᐸᐅᔪᒥ ᐱᓕᕆᓂᖓᓂ ᓇᑉᐸᖅᑎᕆᓂᕐᒥ ᐊᖏᒡᓕᒋᐊᖅᓯᓂᕐᒥ ᓂᐊᖁᙴᑉ ᐃᓗᕕᖓᓂᑦ ᓂᕆᐅᒋᔭᐅᕗᖅ ᐱᔭᕇᖅᑕᐅᓂᐊᕐᓂᖓᓂ ᑕᒪᑐᒪᓂ ᐊᕐᕌᒎᔪᒥ, ᐅᖃᖅᐳᖅ ᓄᓇᓕᐸᐅᔭᒥ ᐃᖃᓗᖕᓂ ᑐᑭᒧᐊᒃᑎᑦᑎᔨᒥ ᑎᑎᕋᐅᔭᖅᑎᓂ ᐊᒻᒪ ᐊᑭᑐᔫᑎᓂ ᐸᕐᓇᐃᓂᕐᒧᑦ.

ᑭᐊᕙᓐ ᑭᐊᕐ ᑐᓂᓯᓚᐅᖅᐳᑦ ᓄᑖᙳᕆᐊᖅᑎᑕᐅᓂᐅᔪᒥ ᐱᓕᕆᐊᒃᓴᒧᑦ ᓄᓇᓕᐸᐅᔭᒥ ᑲᑎᒪᔨᓄᑦ ᑲᑎᒪᓂᐅᔪᒥ ᐋᒍᔅᑎ 13−ᒥ ᑲᑎᒪᔩᑦ ᓂᕈᐊᓚᐅᖅᑎᓪᓗᒋᑦ ᒫᔾᔨ 2023−ᒥ ᐃᖅᑲᓇᐃᔭᖅᑎᐅᔪᓂ ᑎᑎᕋᐅᔭᕐᓂᖏᓐᓂ ᓴᓇᐅᒐᓂ ᐃᓗᕕᕐᒧᑦ ᐊᖏᒡᓕᒋᐊᖅᑕᐅᓂᖓᓂ.

ᓂᐊᖁᙴᒥ ᐃᓗᕕᖓ ᓴᓇᔭᐅᓚᐅᖅᓯᒪᕗᖅ 2014−ᒥ $1.3 ᒥᓕᐊᓐᓄᑦ. ᒫᓐᓇᐅᔪᒥ ᖃᓄᐃᓕᖓᓂᖓᓂ, ᑭᐊᕐ ᐅᖃᓚᐅᖅᐳᖅ, ᑎᑭᐅᑎᓂᐊᖅᐳᖅ ᐃᓐᓄᒍᓐᓇᕐᓂᖓᓂ ᐊᕐᕌᒍᐸᓗᖕᓂ ᒪᕐᕉᖕᓂ.

ᐊᖏᒡᓕᒋᐊᕐᓂᐅᔪᖅ ᑐᓂᓯᓂᐊᖅᐳᖅ 470−ᓂ ᓄᑖᓂ ᐃᓗᕕᖅᑕᐅᓂᕐᒧᑦ ᐃᓂᒃᓴᐅᔪᓂ ᓈᒻᒪᒃᑲᔭᖅᑐᒥ ᐅᖓᕙᕆᐊᖅᑕᐅᓂᖓᓂ ᐃᓗᕕᑦ ᐃᓅᓯᖓᓂ ᐊᕐᕌᒍᓄᑦ 8−ᓂ 9−ᓄᑦ, ᑭᐊᕐ ᐅᖃᓚᐅᖅᐳᖅ.

ᐊᖏᒡᓂᒋᐊᖅᑕᐅᓂᐅᔪᒥ ᐱᓕᕆᓂᐅᔪᖅ ᐊᕕᒃᑐᖅᑕᐅᓂᐊᖅᐳᖅ ᒪᕐᕈᐃᓕᖓᔪᓄᑦ ᐱᓕᕆᓂᐅᔪᓄᑦ.

ᓯᕗᓪᓕᖅᐸᐅᔪᒥ ᐱᓕᕆᓂᐅᔪᒥ ᐱᓕᕆᐊᖑᓂᐊᖅᐳᖅ ᒪᕐᕈᐃᓕᖓᓂᐅᔪᒥ. ᓯᕗᓪᓕᖅᐹᖓ ᐃᓚᖓ ᐃᓚᖃᖅᐳᖅ ᐃᓚᓯᓂᕐᒥ ᑕᑕᑎᕆᓂᕐᒥ ᐃᓂᐅᔪᒧᑦ ᖁᕝᕙᕆᐊᖅᑎᑦᑎᓂᕐᒥ ᖁᕝᕙᖅᓯᒪᓂᖓᓂ ᐊᒻᒪ ᐱᐅᓯᒋᐊᖅᑎᑦᑎᓗᓂ ᑯᕕᕕᐅᔪᓂᑦ. ᑕᒪᓐᓇ ᓂᕆᐅᒋᔭᐅᕗᖅ ᐱᔭᕇᖅᑕᐅᓂᐊᕐᓂᖓᓂ ᐃᓱᐊᓂ ᑕᒪᑐᒪᓂ ᐊᕐᕌᒎᔪᒥ, ᑭᐊᕐ ᐅᖃᓚᐅᖅᐳᖅ.

“ᐱᐅᓯᒋᐊᖅᑎᑦᑎᓂᐊᖅᐳᖅ ᖃᐅᖅᑎᓂᕐᒥ ᑕᐅᕙᓂ ᐃᓗᕕᕐᓂ ᐱᑎᑦᑎᑦᑕᐃᓕᒪᓂᕐᒥ ᐃᓚᖏᓐᓂ ᐊᑲᐅᙱᓕᐅᕈᑕᐅᔪᓂ ᐃᒪᕐᒧᑦ ᐊᒻᒪ ᖄᖓᓂ ᐃᒪᕐᒥ ᐱᑕᖃᖅᐸᓚᐅᖅᑐᓂ ᑕᐃᔅᓱᒪᓂᒃᑲᓐᓂᖅ,” he ᐅᖃᓚᐅᖅᐳᖅ.

ᓄᑖᙳᕆᐊᖅᑎᑕᐅᔪᒥ ᐸᕐᓇᐅᑎᒥᒃ ᑐᓂᓯᓂᕐᒥ 470−ᓂ ᓄᑖᖑᔪᓂ ᐃᓗᕕᖅᑕᐅᓂᕐᒧᑦ ᐃᓂᒃᓴᐅᔪᓂ ᓂᐊᖁᙴᒧᑦ ᐃᓗᕕᖓᓄᑦ, ᓈᒻᒪᒃᑲᔭᖅᑐᒥ ᐅᖓᕙᕆᐊᖅᓯᓂᖓᓂ ᐃᓗᕕᐅᑉ ᐱᔪᓐᓇᕐᓂᖓᓂ 8−ᓂ 9−ᓄᑦ ᐊᕐᕌᒍᓄᑦ, ᓄᓇᓕᐸᐅᔭᒥ ᑲᑎᒪᔨᑦ ᐅᖃᐅᔾᔭᐅᓚᐅᖅᐳᑦ ᐱᓇᓱᐊᕈᓯᐅᔪᒥ (ᖃᕋᓴᐅᔭᑎᒍᑦ ᐊᔾᔨᓕᐅᖅᑕᐅᔪᒥ ᓄᓇᓕᐸᐅᔭᖅ ᐃᖃᓗᖕᓂ)

ᐃᓗᕕᑦ ᑯᕕᓂᐅᔪᒥ ᐊᑲᐅᙱᓕᐅᕈᑎᖃᓚᐅᖅᐳᖅ ᑕᐃᒪᙵᓂ ᓴᖅᑭᑎᑕᐅᓚᐅᕐᓂᖓᓂ. 2015−ᒥ, ᑕᐃᔅᓱᒪᓂ-ᒪᐃᔭᒋᓚᐅᖅᑕᖓ ᒥᐊᕆ ᐅᐃᓪᒥᓐ ᒪᒥᐊᓚᐅᖅᐳᖅ ᐃᓗᕕᐅᑉ ᖃᓄᐃᓕᖓᓂᖓᓂ ᐊᒻᒪ 2018−ᒥ ᐊᑕᐅᓯᕐᒥ ᐊᑲᖅᓴᖅᓯᒪᙱᑦᑐᒥ ᓄᓇᖃᖅᑎᐅᔪᒥ ᑕᐃᓚᐅᖅᐸᖓ ᑭᕕᕕᐅᓂᖓᓂ ᐳᓚᕋᓚᐅᖅᑎᓪᓗᒍ ᐃᓂᐅᔪᒥ.

2021−ᒥ, ᓄᓇᓕᐸᐅᔭᖅ ᖁᕝᕙᕆᐊᖅᑎᑦᑎᓚᐅᖅᐳᑦ ᓄᓇᒥ ᑭᒡᓕᖓᓂ ᐃᓗᕕᕐᒥᑦ ᐊᒻᒪ ᓇᑉᐸᖅᑎᕆᓚᐅᖅᐳᑦ ᖁᕕᕕᐅᔪᒥ ᐱᓕᕆᔾᔪᓯᐅᔪᒥ ᐃᑲᔪᕐᓂᕐᒧᑦ ᐅᓕᕕᑦᑐᒥ.

ᒪᕐᕈᖓᓂ ᐃᓚᖓᓐᓂ ᓯᕗᓪᓕᖅᐸᐅᔪᒥ ᐱᓕᕆᓂᖓᓂ ᐊᖏᒡᓕᒋᐊᖅᑕᐅᓂᖓᓂ, ᓄᓇᓕᐸᐅᔭᖅ ᑎᓯᒡᓕᒋᐊᖅᑎᑦᑎᒃᑲᓐᓂᕐᓂᐊᖅᐳᖅ ᑐᙵᕕᖓᓂ ᐊᒻᒪ ᖄᖓᓂ ᓱᓇᒃᑯᑖᓂ, ᐃᓕᓯᓗᑎᒃ ᒪᕐᕈᖓᓂ ᐃᓯᕐᕕᖓᓂ ᐊᒻᒪ ᓯᕗᓂᐊᓂ−ᐱᐊᕐᕆᔭᖅᓯᒪᔪᒥ 50−ᐸᓗᖕᓂ 60−ᓄᑦ ᓄᑖᖑᔪᓂ ᐃᓗᕕᖅᑕᐅᓂᕐᒧᑦ ᐃᓂᒃᓴᐅᔪᓂ ᐃᓱᐊᓂ 2025ᕝᒥ.

ᓄᓇᓕᐸᐅᔭᒥ ᐃᖅᑲᓇᐃᔭᖅᑎᖏᑦ ᐃᒪᐃᖁᒡᓇᔭᖅᐳᑦ ᓴᓇᓂᖓᓂ ᐊᒻᒪ ᓇᑉᐸᖅᑎᕆᓂᕐᒥ ᐱᓕᕆᓂᐅᔪᒥ ᒪᕐᕈᖓᓂ ᐱᓕᕆᓂᖓᓂ ᐱᒋᐊᕈᓐᓇᕐᓂᖓᓂ 2030−ᒥ ᐊᒻᒪ ᐊᓱᐃᓛᒃ ᐃᓚᖃᒃᑲᓐᓂᕐᓗᓂ 238−ᓂ ᐃᓗᕕᖅᑕᐅᓂᕐᒧᑦ ᐃᓂᒃᓴᐅᔪᓂ.