ᐃᓄᐃᑦ, ᑲᓇᑕᒥ ᒥᕐᙳᐃᖅᓯᕐᕕᖕᓂ ᐊᑎᓕᐅᕆᕗᑦ $23ᒥᓕᐊᓐᒥ ᐊᖏᕈᑕᐅᔪᒥ ᐊᐅᓚᑦᑎᓂᕐᒧᑦ ᕗᕌᖕᒃᓕᓐ ᓱᕋᑦᑎᓯᒪᓂᐅᔪᓂ
ᓱᕋᑦᑎᓯᒪᓂᐅᔪᓂ HMS ᐃᕆᐸᔅ, HMS ᑎᐊᕈᕐ ᓯᕗᓪᓕᖅᐸᐅᓗᑎᒃ ᐃᓄᖕᓂ−ᐊᐅᓚᑕᐅᓗᑎᒃ ᑲᓇᑕᒥ ᐃᑦᑕᕐᓂᓴᒥ ᐃᓂᒋᔭᐅᓂᖓᓂ ᓄᓇᕗᒻᒥ
ᓄᑖᖑᔪᒥ $23-ᒥᓕᐊᓐᓂ ᐊᖏᕈᑕᐅᔪᒥ ᐅᑯᓇᓂ ᑲᓇᑕᒥ ᒥᕐᙳᐃᖅᓯᕐᕕᖕᓂ ᐊᒻᒪ ᐃᓄᖕᓂ ᑲᑐᔾᔨᖃᑎᒌᖑᔪᓂ ᐃᑲᔪᕐᓂᐊᖅᐳᖅ ᓴᖅᑭᑎᑦᑎᓂᖓᓂ ᓱᕋᑦᑎᓯᒪᓂᐅᔪᓂ HMS ᐃᕆᐸᔅ ᐊᒻᒪ HMS ᑎᐊᕈᕐᒥ 1845−ᒥ ᕗᕌᖕᒃᓕᓐ ᐃᖏᕐᕋᓂᐅᔪᒥ ᓯᕗᓪᓕᖅᐸᐅᓪᓗᓂ ᐃᓄᖕᓂ-ᐊᐅᓚᑕᐅᓪᓗᓂ ᑲᓇᑕᒥ ᐃᑦᑕᕐᓂᓴᒥ ᐃᓂᒋᔭᐅᓂᖓᓂ ᓄᓇᕗᒻᒥ. ᐊᔾᔨᖃᖅᑐᖅ ᐅᕙᓕ ᑲᓇᑕᒥ ᒥᕐᙳᐃᖅᓯᕐᕕᖕᓂ ᐃᒪᐅᑉ ᐊᑖᓂ ᐃᑦᑕᕐᓂᓴᓕᕆᔨ ᔮᓇᑕᓐ ᒧᐊᕐ ᕿᒥᕐᕈᐊᖅᑐᒥ ᐅᐊᓴᕐᕕᖕᒥ ᐊᒻᒪ ᐱᓕᕆᔨᐅᔪᒥ ᐃᒡᓕᖓᓂ ᐊᑦᑎᖕᓂᖅᓴᐅᔪᒥ ᓇᑎᖓᓂ HMS ᐃᕆᐸᔅᒥ ᐊᖅᑲᐅᒪᑎᓪᓗᒍ ᓯᑎᐱᕆ 2022−ᒥ. (ᒫᒃ−ᐋᓐᑐᕋᐃ ᐱᕐᓂᐊᕐ ᐊᔾᔨᖁᑎᖓ/ᑲᓇᑕᒥ ᒥᕐᙳᐃᖅᓯᕐᕕᖕᓂ)
For English version, see Inuit, Parks Canada sign $23M agreement to manage Franklin wrecks
ᓄᑖᖑᔪᒥ $23-ᒥᓕᐊᓐᓂ ᐊᖏᕈᑕᐅᔪᒥ ᐅᑯᓇᓂ ᑲᓇᑕᒥ ᒥᕐᙳᐃᖅᓯᕐᕕᖕᓂ ᐊᒻᒪ ᐃᓄᖕᓂ ᑲᑐᔾᔨᖃᑎᒌᖑᔪᓂ ᓴᖅᑭᑎᑦᑎᓂᐊᖅᐳᖅ ᓯᕗᓪᓕᖅᐹᖑᔪᒥ ᐃᓄᖕᓂ−ᐊᐅᓚᑕᐅᔪᒥ ᐃᑦᑕᕐᓂᓴᒥ ᐃᓂᒋᔭᐅᓂᖓᓂ ᓄᓇᕗᒻᒥ.
ᑕᒪᑐᒪᓂ ᐱᒋᐊᕐᓂᐸᓗᐊᓂ ᑕᖅᑭᐅᔪᒥ, ᒐᕙᒪᑐᖃᒃᑯᑦ ᐊᕙᑎᓕᕆᓂᕐᒧᑦ ᒥᓂᔅᑕ ᓯᑏᕙᓐ ᒍᐃᓪᐴᓪᑦ ᐊᒻᒪ ᕿᑎᕐᒥᐅᓂ ᐃᓄᐃᑦ ᑲᑐᔾᔨᖃᑎᒌᖑᔪᓂ ᐊᖓᔪᖅᑳᖓ ᕌᐳᑦ ᒍᕇᓐᓕ ᐊᑎᓕᐅᕆᓚᐅᖅᐳᑦ ᐊᕐᕌᒍᓄᑦ−10-ᓄᑦ ᐸᕐᓇᐅᑎᒥ ᐱᕙᓪᓕᐊᑎᑦᑎᓂᕐᒧᑦ ᐊᒻᒪ ᐊᐅᓚᑦᑎᓂᕐᒧᑦ ᓱᕋᑦᑎᓯᒪᓂᐅᔪᓂ HMS ᐃᕆᐸᔅ ᐊᒻᒪ HMS ᑎᐊᕈᕐ ᑲᓇᑕᒥ ᐃᑦᑕᕐᓂᓴᒥ ᐃᓂᒋᔭᐅᓂᖓᓂ.
ᒪᕐᕉᒃ ᐅᒥᐊᕐᔪᐊᑦ ᓱᕋᑦᑎᓯᒪᓂᐅᔪᑦ ᑕᐃᔅᓱᒪᓂᑐᖃᖅ 1845−ᒥ ᕗᕌᖕᒃᓕᓐ ᐃᖏᕐᕋᓂᐅᔪᒥ ᑕᒪᒃᑭᐅᒪᔪᒥ ᐃᓄᖕᓄᑦ−ᐊᐅᓚᑕᐅᔪᒥ ᑲᓇᑕᒥ ᐃᑦᑕᕐᓂᓴᒥ ᐃᓂᒋᔭᐅᓂᖓᓂ ᒪᓕᒃᐸᓪᓕᐊᔪᓄᑦ ᐊᕐᕌᒍᓄᑦ 10−ᓄᑦ.
ᕿᑎᕐᒥᐅᓂ ᐃᓄᖕᓄᑦ ᑲᑐᔾᔨᖃᑎᒌᖑᔪᖅ ᐃᖃᓗᒃᑑᑦᑎᐊᕐᒥ ᐊᒻᒪ ᓇᑦᑎᓕᒃ ᐃᑦᑕᕐᓂᓴᓄᑦ ᑲᑐᔾᔨᖃᑎᒌᖑᔪᑦ ᐅᖅᓱᖅᑑᒥ ᐱᖤᐊᖅᐳᑦ ᐅᓄᕐᓂᖅᓴᐅᔪᒥ $23 ᒥᓕᐊᓐᓂ ᑲᑐᔾᔨᓗᑎᒃ ᐊᒻᒪ ᐊᐅᓚᑦᑎᓗᑎᒃ ᐃᓂᐅᔪᒥ ᑲᓇᑕᒥ ᒥᕐᙳᐃᖅᓯᕐᕕᖕᓂ ᐸᕐᓴᐅᑎᐅᑉ ᐊᑖᓂ, ᐅᖃᐅᓯᐅᓚᐅᖅᐳᖅ ᕿᑎᖅᑰᒻᒥ ᒐᕙᒪᑐᖃᒃᑯᓐᓂ.
” ᓱᕋᑦᑎᓯᒪᓂᐅᔪᓂ HMS ᐃᕆᐸᔅ ᐊᒻᒪ HMS ᑎᐊᕈᕐ ᑲᓇᑕᒥ ᐃᑦᑕᕐᓂᓴᒥ ᐃᓂᒋᔭᐅᓂᖓᓂ ᐱᔨᑦᑎᕋᕐᓂᐊᖅᐳᖅ ᐃᒐᓛᖑᓂᖓᓂ ᑕᐃᔅᓱᒪᓂᐅᓚᐅᖅᑐᒥ ᐊᒻᒪ ᐃᓯᕐᕕᐅᓗᓂ ᐊᖏᒡᓕᒋᐊᖅᑐᒥ ᐳᓚᕋᖅᑐᓕᕆᓂᕐᒧᑦ ᐊᑐᐃᓐᓇᐅᔪᒥ ᐊᕕᒃᑐᖅᓯᒪᓂᑦᑎᓐᓂ,” ᐅᖃᓚᐅᖅᐳᖅ ᒍᕇᓐᓕ ᐅᖃᐅᓯᒃᓴᓕᐊᖑᔪᒥ.
ᑮᓇᐅᔭᑦ ᐊᑭᓖᓂᐊᖅᐳᖅ ᐃᖅᑲᓇᐃᔭᖅᑎᖃᕐᓂᕐᒥ, ᐊᐅᓚᑕᐅᓂᐅᔪᒥ, ᑐᑭᓕᐊᖑᓂᖓᓂ, ᐊᒻᒪᓗ ᐊᖏᔨᓂᒋᐊᖅᑎᑦᑎᓂᕐᒥ ᓱᕋᑦᑎᓯᒪᓂᐅᔪᓂ ᐸᖅᑭᔨᐅᔪᓂ ᐱᓕᕆᐊᖑᔪᒥ ᐃᓚᖃᖅᑐᒥ ᒪᑐᐃᖅᑕᐅᓂᖓᓂ ᑐᙵᕕᐅᒧᒥ ᑕᖕᒫᕐᕕᓂ ᒪᕐᕉᔪᓂ ᓱᕋᑦᑎᓯᒪᔪᓂ ᐃᓂᐅᔪᓂ, ᑲᓇᑕᒥ ᒥᕐᙳᐃᖅᓯᕐᕕᖕᓂ ᐅᖃᖅᑎᐅᔪᑦ ᐅᖃᓚᐅᖅᐳᖅ.
ᐊᖏᕈᑕᐅᔪᖅ ᓂᕆᐅᒋᔭᐅᒋᕗᖅ ᐃᑲᔪᖅᓱᐃᓂᐊᕐᓂᖓᓂ ᑮᓴᐅᔾᔭᒃᓴᓂᕐᒧᑦ ᐱᕙᓪᓕᐊᑎᑦᑎᓂᐅᔪᒥ ᐅᖅᓱᖅᑑᒥ ᐊᒻᒪ ᐃᖃᓗᒃᑑᑦᑎᐊᕐᒥ ᐅᕘᓇ ᐃᓄᖕᓂ ᓇᖕᒥᓂᕆᔭᐅᔪᒥ ᐱᕙᓪᓕᐊᑎᑦᑎᓂᕐᒥ ᑮᓇᐅᔭᖃᖅᑎᑦᑎᓂᐅᔪᒥ, ᐃᓄᖕᓄᑦ ᐃᓕᖅᑯᓯᖓᓐᓂ ᐊᒻᒪ ᐃᑦᑕᕐᓂᓴᓕᕆᓂᕐᒧᑦ ᑮᓇᐅᔭᖃᖅᑎᑕᐅᓂᐅᔪᒥ, ᐃᓄᖕᓄᑦ ᐊᑭᖃᙱᑦᑐᒥᒃ ᐃᓕᓐᓂᐊᕆᐊᒃᑲᓐᓂᕈᓯᐊᖏᑦ ᐊᔪᙱᓛᖑᓂᐊᒍᑦ ᐱᓪᓗᒍ ᑮᓇᐅᔭᖃᖅᑎᑕᐅᓂᐅᔪᒥ, ᐃᓄᖕᓄᑦ ᐱᓕᒻᒪᒃᓴᓂᐅᔪᒥ ᐊᒻᒪ ᐃᖅᑲᓇᐃᔮᖃᕐᓂᕐᒧᑦ ᐱᕕᒃᓴᖃᕐᓂᐅᔪᓂ ᐊᒻᒪ ᓱᕋᑦᑎᓯᒪᓂᐅᔪᒥ ᐸᖅᑭᔨᐅᔪᓂ ᐱᓕᕆᐊᖑᔪᒥ.
ᓯᕗᓂᐊᓂ ᑕᐃᔅᓱᒧᖓ, ᐃᓂᒋᔭᐅᔪᖅ ᐊᐅᓚᑕᐅᓚᐅᖅᐳᖅ ᕗᕌᖕᒃᓕᓐ ᐅᖃᐅᔾᔨᔨᐅᔪᓂ ᑲᑎᒪᔨᕋᓛᖑᔪᓂ ᐋᖅᑭᒃᓱᖅᓯᒪᓂᖃᖅᑐᒥ ᐃᓄᖕᓂ ᓄᓇᓕᖕᓂ ᐃᓚᒋᔭᐅᔪᓂ ᐊᒻᒪ ᑭᒡᒐᖅᑐᐃᔨᐅᔪᓂ ᕿᑎᕐᒥᐅᓂ ᐃᓄᐃᑦ ᑲᑐᔾᔨᖃᑎᒌᖑᔪᓂ, ᐃᓄᐃᑦ ᐱᖁᑎᖏᓐᓂᒃ ᓇᐅᑦᑎᖅᓱᖅᑏᑦ, ᓄᓇᕗᒻᒥ ᒐᕙᒪᒃᑯᑦ ᐊᒻᒪ ᐳᓚᕋᖅᑐᓕᕆᓂᕐᒥ ᐱᓕᕆᓂᐅᔪᒥ, ᑐᓂᓯᓚᐅᖅᑐᒥ ᐅᖃᐅᔾᔨᓂᐅᔪᒥ ᐊᒻᒪ ᑲᑐᔾᔨᖃᑎᒌᖕᓂᐅᔪᒥ ᐊᐅᓚᑦᑎᓂᕐᒥ ᓱᕋᑦᑎᓯᒪᓂᐅᔪᓂ.
ᐃᓂᖓᓂ ᕗᕌᖕᒃᓕᓐ ᐃᖏᕐᕋᓂᐅᔪᒥ ᐅᒥᐊᕐᔪᐊᓂ ᓇᓗᔭᐅᓚᐅᖅᐳᑦ ᐅᓄᕐᓂᖅᓴᐅᔪᒥ ᐊᕐᕌᒍᓄᑦ 160−ᓄᑦ ᓲᕐ ᔮᓐ ᕗᕌᖕᒃᓕᓐ ᐊᒻᒪ ᐅᒥᐊᕐᔪᐊᕐᒥᐅᑕᖏᑦ ᐊᓯᐅᖅᑲᑎᓪᓗᒋᑦ 1846−ᒥ ᕿᓂᖅᑎᓪᓗᒋᑦ ᓱᓪᓗᐊᓗᒃ ᐅᐊᓕᓂᕐᒥ ᕿᑭᖅᑖᓗᖕᒧᑦ ᑕᕆᐅᕐᑯᑦ ᐊᖅᖁᑎᖓᓂ.
HMS ᐃᕆᐸᔅ ᓇᓂᔭᐅᓚᐅᖅᐳᖅ 2014−ᒥ ᐊᒻᒪ HMS ᑎᐊᕈᕐ ᓇᓂᔭᐅᓚᐅᖅᐳᖅ 2016−ᒥ.
ᒫᓐᓇᓕᓴᐅᔪᓂ ᐊᖅᑲᐅᒪᓂᐅᔪᓂ ᑲᓇᑕᒥ ᒥᕐᙳᐃᖅᓯᕐᕕᖕᓂ ᐃᑦᑕᕐᓂᓴᓕᕆᔨᐅᔪᓂ ᓇᓂᓯᓚᐅᖅᐳᑦ ᕼᐊᓐᓇᓚᖏᓐᓂ ᐃᑦᑕᕐᓂᓴᓂ ᐃᓂᐅᔪᓂ. ᓇᑦᑎᓕᒃ ᐃᑦᑕᕐᓂᓴᓄᑦ ᑲᑐᔾᔨᖃᑎᒌᖑᔪᖅ ᐱᓕᕆᕙᓪᓕᐊᕗᑦ ᐸᕐᓇᐅᑎᒥᒃ ᑕᑯᒃᓴᐅᑎᑦᑎᓂᕐᒥ ᐃᓚᖏᓐᓂ ᑕᐃᒃᑯᓂ ᐃᑦᑕᕐᓂᓴᐅᔪᓂ ᐃᓄᓕᒫᓄᑦ ᓇᑦᑎᓕᒃ ᐃᑦᑕᕐᓂᓴᓕᕆᕝᕕᖓᓐᓂ ᐅᖅᓱᖅᑑᒥ.
(0) Comments