ᐊᑭᓕᕆᐊᖃᙱᑦᑐᓂ ᐅᓪᓛᕈᒻᒥᑕᖅᑎᑦᑎᖃᑦᑕᕐᓂᖅ ᑲᔪᓯᓂᐊᕐᑐᖅ ᑭᕙᓪᓕᖅᒥᓐ ᐊᒻᒪ ᕿᑎᕐᒥᐅᓂ
ᐊᒡᓂᑯ ᐄᒍᓪ ᓄᑖᙳᕆᐊᖅᑎᑦᑎᕗᑦ ᐃᑲᔫᑎᓄᑦ ᐊᖏᕈᑎᓂ ᐃᓚᖃᖅᖢᒍ $5ᒥᓕᐊᓐᓂ ᐅᓪᓛᕈᒻᒥᑕᓕᕆᔨᓄᑦ ᑲᓇᑕᒥ
ᒫᒃ-ᐅᓕᕕᐃ ᕙᓵᓐ, ᐊᐅᓚᑦᑎᔨ ᐊᒡᓂᑯ ᐄᒍᓪ ᒥᓕᐊᑏᓐ ᒎᓗᒧᑦ ᐅᔭᕋᒃᓯᐅᖅᕕᖕᒧᑦ ᐱᓕᕆᐊᒧᑦ ᐅᖃᐅᓯᕐᒥ ᐅᖃᐅᓯᖃᕐᐳᖅ ᑭᕙᓪᓕᖅᒥ ᐃᖅᑲᓇᐃᔮᓂ ᓴᖅᑭᔮᖅᑎᑦᑎᑎᓪᓗᒋᑦ ᑲᖏᖅᖠᓂᖅᒥ ᓯᑎᐱᕆ 23-ᖑᑎᓪᓗᒍ, ᑕᐃᑲᓂ ᑐᓴᖅᑎᑦᑎᓚᐅᕐᑐᖅ $5 ᒥᓕᐊᓐᓂ ᐅᓪᓛᕈᒻᒥᑕᓕᕆᔨᓄᑦ ᑲᓇᑐᒥ ᑐᓂᓯᓂᐊᕐᓂᕋᖅᖢᑎᒃ. (ᐊᔾᔨ ᐅᕙᙵᑦ ᐳᕇᓕᓐ ᐊᓕᔪᒃ/ᑭᕙᓪᓕᖅᒥ ᐃᖅᑲᓇᐃᔮᓄᑦ ᓴᖅᑭᔮᖅᑎᑦᑎᓕᕆᓂᕐᒧᑦ ᑲᑐᔾᔨᖃᑎᒌᓂ)
For the English version of this story, please see Free breakfasts to continue for students across Kivalliq and Kitikmeot.
ᒫᓃᐸᓗᒃᑐᑦ ᐃᓕᓐᓂᐊᖅᑐᑦ 22 ᐃᓕᓐᓂᐊᕐᕕᖕᓂ ᒫᓂ ᑭᕙᓪᓕᖅᒥ ᐊᒻᒪ ᕿᑎᕐᒥᐅᓂ ᐅᓪᓛᕈᒻᒥᑕᖅᑎᑕᐅᖃᑦᑕᕐᓂᐊᖅᑐᑦ ᐊᑭᖃᙱᑦᑐᓂ ᑎᑭᓪᓗᒍ 2031, ᖁᔭᓐᓇᒦ ᐊᒡᓂᑯ ᐄᒍᓪ ᐅᔭᕋᒃᓯᐅᕐᕕᒃ ᑐᓂᓚᐅᕐᑕᖓᓐᓂ $5 ᒥᓕᐊᓐ ᑕᓚᐃ.
ᐅᓇ ᐅᓪᓛᕈᒻᒥᑕᖅᑎᑦᑎᖃᑦᑕᕐᓂᖅ, ᑕᐃᔭᐅᓯᒪᖕᒥᔪᖅ ᐃᓄᙳᐃᓂᖅ ᐱᓕᕆᐊᒃᓴᖅ, ᐊᐅᓚᑕᐅᔪᖅ ᐅᓪᓛᕈᒻᒥᑕᓕᕆᔨᓄᑦ ᑲᓇᑕᒥ, ᑯᐸᐃᒃᒥ ᑲᒪᒋᔭᐅᔪᖅ ᐃᑲᔫᑎᓕᕆᔨᓄᑦ ᐱᓕᕆᐊᖃᖅᑐᓂ ᓂᕿᖃᙱᓗᐊᔭᓐᓂᕐᒥ ᑲᓇᑕᒥ.
“ᑕᑯᓯᒪᒐᑦᑕ ᐅᓇ ᐱᓕᕆᐊᕆᖑᔪᖅ ᐱᒻᒪᕆᐅᓂᖓᓂ ᐃᓕᓐᓂᐊᖅᑐᓄᑦ, ᐃᓚᒌᓄᑦ ᐊᒻᒪ ᓄᓇᓕᖕᓄᑦ,” ᐅᖃᕐᑐᖅ ᒫᒃ-ᐅᓕᕕᐃ ᕙᓵᓐ, ᐊᐅᓚᑎᔨᒋᔭᐅᔪᖅ ᐊᒡᓂᑯ ᐄᒍᓪ ᒥᓕᐊᑏᓐ ᒎᓗᒧᑦ ᐅᔭᕋᒃᓯᐅᖅᕕᒃᒥ ᓯᑎᐱᕆ 23-ᖑᑎᓪᓗᒍ ᐅᖃᓪᓚᒃᑎᓪᓗᒍ ᑭᕙᓪᓕᖅᒥ ᐃᖅᑲᓇᐃᔮᓄᑦ ᓴᖅᑭᔮᖅᑎᑦᑎᔪᑦ ᑲᑎᖃᑎᒌᒃᑎᓪᓗᒋᑦ.
ᐊᒡᓂᑯ ᐄᒍᓪ ᑐᓴᖅᑎᑦᑎᓚᐅᕐᑐᑦ ᓯᕗᓪᓕᕐᒧᑦ ᐱᓕᕆᓂᕐᒧᑦ $2.5 ᒥᓕᐊᓐ ᐃᑲᔫᑎᑦ ᐊᔾᔨᒋᓂᕋᖅᖢᓂᒋᑦ ᐱᓕᕆᐊᓂ ᓴᖅᑭᔮᖅᑎᑦᑎᑎᓪᓗᒋᑦ 2023-ᒥ.
ᐃᓄᙳᐃᓂᖅ ᐃᓄᒃᑎᑐᑦ ᑐᑭᖃᕐᑐᖅ ᐅᑯᓇᙵ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐅᖃᐅᓯᖃᖅᖢᓂ ᖃᓄᐃᓕᐅᖅᐸᓪᓕᐊᓂᖅ ᐊᔪᕈᓐᓃᕈᓐᓇᕐᓂᕐᒥ ᐃᓅᓂᕐᒥ.
— ᑎᑎᖃᖁᑎᒋᔭᐅᔪᓂ ᐆᒧᖓ ᑰᕆ ᓚᐅᕌᒃ
(0) Comments