ᓄᓇᕗᒥᑦ ᒐᕙᒪᒃᑯᑦ ‘ᖃᓄᐃᓕᐅᕈᓯᖏᓐᓂᒃ ᐊᓯᙳᖅᑎᑦᑎᔭᕆᐊᖃᕐᑐᑦ’ ᒪᐅᓇ ᑐᓴᐅᒪᑎᑦᑎᔭᕆᐊᖃᕐᓂᒃᑯᑦ: ᑕᒪᐅᖓᒥᐊᕆᐊᖃᙱᓐᓂᕐᒧᑦ ᑲᒥᓯᓇ

ᒪᓕᒐᓕᐅᖅᑏᑦ ᐅᖃᐅᓯᖃᕐᑐᑦ ᑐᓴᐅᒪᑎᑦᑎᓂᕐᒧᑦ ᐊᒻᒪ ᑕᒪᐅᖓᒥᐊᕆᐊᖃᙱᓐᓂᕐᒧᑦ ᑲᒥᓯᓇᐅᑉ ᐊᕐᕌᒍᒧᑦ ᐅᓂᒃᑳᖏᓐᓂᒃ

ᒍᕆᐊᒻ ᓯᑎᐅᓪ, ᓄᓇᕗᒥᑦ ᑐᓴᐅᒪᑎᑦᑎᓂᕐᒧᑦ ᐊᒻᒪ ᑕᒪᐅᖓᒥᐊᕆᐊᖃᙱᓐᓂᕐᒧᑦ ᑲᒥᓯᓇ, ᒪᓕᒐᓕᐅᖅᑎᓂᒃ ᑐᑭᓯᖁᔨᓚᐅᕐᑐᖅ ᓈᒻᒪᙱᓕᐅᕈᑎᓂᒃ ᐊᕐᕌᒍᒧᑦ ᐅᓂᒃᑳᓕᐊᖏᓐᓂ ᐊᒻᒪᓗ ᑐᓴᒐᒃᓴᓕᕆᓂᕐᒧᑦ ᒥᓂᔅᑕᐃ ᐱᓕᕆᓂᕐᓴᐅᖁᓪᓗᓂᒋᑦ. (ᐊᔾᔨᓕᐅᕆᔨ ᒥᓚᓂ ᐅᕆᑦᓵᑦ)

By ᑕᐃᕕᑦ ᕕᐊᓐ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For English version, see GN needs ‘attitude change’ in disclosing information: Privacy commissioner

ᓄᓇᕗᒥᑦ ᒐᕙᒪᒃᑯᑦ “ᖃᓄᐃᓕᐅᕈᓯᖏᓐᓂᒃ ᐊᓯᙳᖅᑎᑦᑎᔭᕆᐊᖃᕐᓂᕐᒥᒃ” ᐃᓱᒪᒋᕙᒃᑕᖏᑦᑎᒍ ᑐᓴᐅᒪᑎᑦᑎᕙᖕᓂᕐᒥ ᑭᒃᑯᓕᒫᓂᒃ, ᐅᖃᕐᓯᒪᔪᖅ ᓄᓇᕗᒥᑦ ᑐᓴᐅᒪᑎᑦᑎᓂᕐᒧᑦ ᐊᒻᒪ ᑕᒪᐅᖓᒥᐊᕆᐊᖃᙱᓐᓂᕐᒧᑦ ᑲᒥᓯᓇ ᒍᕆᐊᒻ ᓯᑎᐅᓪ.

ᒪᓕᒐᓕᐅᕐᑎᑦ ᑲᑎᒪᓚᐅᕐᑐᑦ ᐅᓪᓗᓕᒫᖅ ᓇᒡᒐᔾᔭᐅᒥ ᐊᒻᒪ ᐊᐃᑉᐹ ᐃᓚᖓᓂ ᐅᖃᐅᓯᖃᖅᖢᑎᒃ ᓯᑎᐅᑉ 2021/2022 ᐊᕐᕌᒍᒧᑦ ᐅᓂᒃᑳᖏᓐᓂᒃ ᐆᒥᖓ ᑐᓴᐅᒪᑎᑦᑎᓂᕐᒧᑦ ᐊᒻᒪ ᑕᒪᐅᖓᒥᐊᕆᐊᖃᙱᓐᓂᕐᒧᑦ ᓄᓇᕗᒥᑦ ᒐᕙᒪᒃᑯᓐᓂ.

“ᑐᓴᐅᒪᑎᑦᑎᓂᖅ ᓲᕐᓗ ᐊᐅᒋᔭᐅᖕᒪᑦ ᒐᕙᒪᒃᑯᓐᓄᑦ,” ᓯᑎᐅᓪ ᐅᖃᓚᐅᕐᑐᖅ ᐊᐱᕐᓱᖅᑕᐅᑎᓪᓗᒍ ᓄᓇᑦᓯᐊᒥ ᐱᕙᓪᓕᐊᔪᓄᑦ.

“ᓄᓇᖃᖅᑐᑦ ᐅᒃᐱᕆᔭᖃᕐᓂᐊᖅᐸᑕ ᒐᕙᒪᖓᓂ … ᑕᐃᒪᓕ ᓄᓇᕗᒥᐅᑕᑦ ᖃᐅᔨᒪᔭᕆᐊᖃᕐᑐᑦ ᒐᕙᒪᖓ ᖃᓄᐃᓕᐅᕐᒪᖔᑕ. ᑕᒪᓐᓇᓕ ᑐᑭᖃᕐᑐᖅ ᑐᓴᐅᒪᑎᑦᑎᖃᑦᑕᕐᓗᑎᒃ ᑐᓴᖅᑕᐅᔭᕆᐊᓕᖕᓂ.”

ᐅᖃᐅᓯᐅᓚᐅᕐᑐᑦ ᐃᓚᖃᓚᐅᕐᑐᖅ ᓯᑎᐅᑉ ᐅᓂᒃᑳᖓᓂ ᒪᑯᓂᖓ ᕼᐋᒻᒪᓚᒃᑯᓐᓂ ᐅᑯᑎᒎᓈᖃᑕᐅᓗᑎᒃ ᐊᑐᐃᓐᓇᖃᕈᓐᓇᕐᓂᖅ ᑐᓴᐅᒪᔭᐅᔭᕆᐊᓕᖕᓂᒃ ᐊᒻᒪᓗ ᓴᐳᔾᔭᐅᓯᒪᓂᖓ ᑕᒪᐅᖓᒥᐊᕆᐊᖃᙱᑦᑐᓄᑦ ᒪᓕᒐᕐᒥᒃ, ᑖᒃᑯᓂᖓᓗ ᐅᖃᐅᓯᖃᓚᐅᖅᖢᓂ ᐃᖃᓗᐃᑦ ᓄᓇᓕᐸᐅᔭᐃᑦ ᑲᑎᒪᔨᖏᓐᓄᑦ ᐊᒻᒪᓗ ᓄᓇᕗᒥᑦ ᕼᐋᒻᒪᓚᒃᑯᑦ ᑲᑐᔾᔨᖃᑎᒌᖏᓐᓄᑦ.

ᓄᓇᖃᕐᑐᑦ ᖃᐅᔨᒪᔭᕆᐊᖃᕐᒪᑕ ᕼᐋᒻᒪᓚᖏᑦ ᖃᓄᐃᓕᐅᖅᐸᓪᓕᐊᓂᖏᓐᓂᒃ, ᑭᓯᐊᓂᓕ ᒪᓕᒐᖅᑕᖃᙱᒻᒪᓐ ᐅᖃᕐᓯᒪᔪᓂᒃ ᕼᐋᒻᒪᓚᒃᑯᑦ ᑐᓴᐅᒪᑎᑦᑎᔭᕆᐊᖃᕐᓂᖏᓐᓂᒃ, ᐅᖃᕐᑐᖅ.

ᓯᑎᐅᓪ ᐅᖃᓚᐅᕐᒥᔪᖅ ᐅᑯᐊ ᐃᖃᓗᐃᑦ ᐃᒪᕐᒥ ᑐᐅᕕᕐᓇᖅᑐᖃᖅᑎᓪᓗᒋᑦ ᐅᑭᐊᒃᓵᖑᓚᐅᕐᓯᒪᔪᖅ ᓇᓗᓇᐃᒃᑯᑎᒋᓪᓗᓂᐅᒃ, ᐅᖃᓚᐅᕐᑐᖅ ᓄᓇᓕᐸᐅᔭᐃᑦ ᐃᖃᓗᖕᓂ ᐃᓚᐃᓐᓇᖓᓂ ᑐᓴᒐᒃᓴᓂᒃ ᑐᓴᖅᑎᑦᑎᓚᐅᕐᓂᖏᓐᓂᒃ ᑕᐃᒪᐃᑦᑐᒪᓂᕐᒧᑦ ᒪᓕᖓᖅᑎᒎᖓᓂᕐᒨᙱᑦᑐᖅ.

ᐅᓄᕐᓂᕐᓴᐃᑦ ᓄᓇᓖᑦ ᓄᓇᕗᒥ ᐅᓄᙱᑦᑐᓂ ᐃᖅᑲᓇᐃᔭᖅᑎᖃᕐᑎᓪᓗᒋᑦ ᐊᒻᒪᓗ ᐱᒻᒪᕆᐅᓂᕐᓴᓂᒃ ᐱᓕᕆᐊᒃᓴᖃᖅᐸᒃᖢᑎᒃ.

“ᐃᓱᒫᓘᑎᒋᓛᕆᓚᐅᕐᑐᖓ ᐅᓪᓛᒃᑯᑦ ᐃᖅᑯᒻᒪᕈᑎᒃ ᑖᒃᑯᐊ ᐃᒥᖅᑕᐅᑎᑦ ᐊᒻᒪ ᑯᕕᖅᑕᐅᑎᑦ ᐃᖏᕐᕋᑲᑕᒃᑲᓗᐊᕐᒪᖔᑕ,” ᐅᖃᕐᑐᖅ ᓯᑎᐅᓪ.

ᕼᐋᒻᒪᓚᐅᔪᑦ ᐅᑯᓂᖓ ᐊᑐᓕᖅᑎᑕᐅᒃᐸᑕ ᐊᑐᐃᓐᓇᖃᕈᓐᓇᕐᓂᖅ ᑐᓴᐅᒪᔭᐅᔭᕆᐊᓕᖕᓂᒃ ᐊᒻᒪᓗ ᓴᐳᔾᔭᐅᓯᒪᓂᖓ ᑕᒪᐅᖓᒥᐊᕆᐊᖃᙱᑦᑐᓄᑦ ᒪᓕᒐᖅᒥᒃ, ᑕᐃᒪᓕ ᐋᖅᑭᒃᑕᐅᔭᕆᐊᖃᕐᓂᐊᕐᑐᖅ ᐅᔾᔨᕈᓱᑦᑎᐊᕐᓗᑎᒃ ᓯᕗᓂᒃᓴᒥ ᑲᑕᑐᐃᓐᓇᖑᙱᓐᓂᕐᒧᑦ, ᐅᖃᕐᑐᖅ.

ᐅᓇ ᐃᓚᖃᕐᑐᖅ ᐃᓕᓐᓂᐊᖅᑎᑦᑎᕙᖕᓂᕐᒥ ᐱᐅᔪᒃᑯᑦ ᑐᓴᐅᒪᔾᔪᑎᓕᕆᓂᕐᒥᒃ ᐊᐅᓚᑦᑎᔾᔪᑎᓂᒃ ᐊᒻᒪᓗ ᓄᓇᕗᒥᑦ ᒐᕙᒪᒃᑯᑦ ᐃᑲᔫᑎᒃᓴᖃᖅᑎᑦᑎᓗᑎᒃ ᐱᓕᕆᐊᖃᕈᓐᓇᕐᓂᐊᕐᒪᑕ ᑐᓴᐅᒪᔾᔪᑎᓕᕆᓂᒃᑯᑦ ᐱᔭᐅᔪᒪᕙᒃᑐᓂᒃ.

ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ ᐅᖃᓚᐅᕐᑐᑦ ᑕᒪᑐᒥᖓ ᐱᓕᕆᐊᖃᓕᕐᓂᖏᓐᓂᒃ, ᓯᑎᐅᓪ ᐅᖃᕐᑐᖅ.

“ᑕᒪᕐᒥ ᕼᐋᒻᒪᓚᒃᑯ ᐃᓚᐅᖁᒐᓗᐊᖅᐸᒃᑲ ᐊᒻᒪᓗ ᐸᕐᓇᒃᓯᒪᓂᐊᖁᓪᓗᒋᑦ,” ᐅᖃᕐᑐᖅ.

ᐊᓯᖏᓐᓂ ᐅᖃᐅᓯᖃᓚᐅᕐᑐᑦ ᐅᓂᒃᑳᓂ ᐃᓚᖏ ᐱᓕᕆᕝᕕᐅᔪᑦ ᒪᓕᒐᕐᒥ ᒪᓕᖃᑦᑕᙱᓐᓂᖏᓐᓂᒃ, ᐊᒻᒪᓗ ᐊᓯᖏᑦ ᐅᑯᑎᑐᓇᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑎᑐᑦ ᐋᖅᑭᒃᓯᓯᒪᑦᑎᐊᓚᐅᕐᒪᑕ ᑐᓴᐅᒪᔭᐅᔭᕆᐊᓕᖕᓂ ᑐᓴᖅᑎᑦᑎᕙᖕᓂᕐᒥᒃ.

ᓯᑎᐅᓪ ᐅᖃᓚᐅᕐᑐᖅ ᐱᓕᕆᔨᒻᒪᕇᑦ ᐱᔪᒪᖁᓪᓗᓂᒋᑦ ᑐᓴᐅᒪᔭᐅᔭᕆᐊᓕᖕᓂ ᑐᓴᐅᒪᓕᖅᑎᑦᑎᓗᑎᒃ ᑐᓂᔭᐅᓯᒪᔪᓂᒃ ᑲᒥᓯᓇᒧᑦ, ᑕᐃᒪᐃᓯᒪᙱᒻᒪᑕ ᓲᖃᐃᒻᒪ ᓄᓇᕗᒥᑦ ᒐᕙᒪᒃᑯᑦ ᐊᓯᖏᑦ ᓯᕗᓪᓕᐅᑎᑦᑕᕆᐊᖃᕐᑕᖓ ᒪᑯᑎᑐᓇᖅ ᐃᒡᓗᖃᖅᑎᑦᑎᓂᕐᒥᒃ ᐊᒻᒪᓗ ᐊᓯᖏᓐᓄᑦ, ᐅᖃᕐᑲᓐᓂᕐᑐᖅ.

“ᐱᔾᔪᑎᒋᒃᑲᓐᓂᓚᐅᕐᑕᖓᓕ ᐃᓚᖏᑦ ᐃᓄᐃᑦ ᒐᕙᒪᒃᑯᓐᓃᑦᑐ ᐅᓗᕆᐊᓱᖕᒪᑕ ᑲᒥᓯᓇ ᐃᓱᒪᓕᐅᕆᑦᑎᐊᕋᔭᙱᑦᑕᕆᐊᒃᓴᖓᓂᒃ ᐊᒻᒪᓗ ᒪᓕᒋᐊᖃᕐᓂᐊᕐᓗᓂᔾᔪᒃ,” ᐅᖃᕐᑐᖅ, ᐅᖃᒃᑲᓐᓂᖅᖢᓂ ᑲᒥᓯᓇᐅᑉ ᐊᑐᖁᔭᖏᑦ ᐃᖅᑲᖅᑐᐃᕕᒃᑯᑦ ᐱᓕᕆᐊᖑᔪᓐᓇᕐᓂᖏᓐᓂᒃ ᐊᒻᒪ ᓵᓚᐅᓕᕈᓐᓇᕐᓂᖏᓐᓂᒃ.

ᓯᑎᐅᓪ ᐅᖃᓚᐅᕐᑐᖅ ᐱᓕᕆᐊᖃᕐᓂᕋᖅᖢᓂ ᐱᔨᑦᑎᕋᖅᑎᐅᓂᕐᒥᒃ ᒪᓕᒐᓕᐅᖅᑎᓄᑦ ᐊᒻᒪᓗ ᑖᒃᑯᐊ ᑐᑭᓯᔪᒪᔪᓐᓇᖅᖢᑎᒃ ᐃᓱᒫᓘᑎᒋᔭᐅᔪᓂᒃ ᐊᒻᒪᓗ ᒥᓂᔅᑕᓂᒃ ᐱᓕᕆᒃᑲᓐᓂᕈᓐᓇᖁᔨᓗᑎᒃ.

“ᐊᐱᕆᓂᐊᕋᒃᑭᑦ ᐱᓕᕆᖁᓗᒋᑦ ᑖᒃᑯᐊᑐᐊᖅ ᐱᓕᕆᐊᕆᔪᓐᓇᖅᑕᖏᓐᓂᒃ,” ᐅᖃᕐᑐᖅ.

“ᐅᕙᓐᓂ ᑐᓵᔪᓐᓇᖅᐸᑕ ᐊᒻᒪ ᑭᓱᓕᕆᙱᓪᓗᑎᒃ, ᑕᐃᒪᓕ ᐅᓇ ᑐᓴᐅᒪᔭᐅᔭᕆᐊᓕ ᓄᓇᕗᒥ ᒐᕙᒪᒃᑯᓐᓄ ᐅᑯᐊ ᒪᓕᒐᓕᐅᖅᑎᑦ ᐃᓱᒪᔭᕆᐊᖃᕐᓂᖏᓐᓂᒃ ᖃᓄᐃᓕᐅᕈᑎᐅᓂᐊᖅᑐᓂᒃ.”

Share This Story

(0) Comments