ᐃᒡᓗᓄᑦ ᖃᓄᐃᓕᐅᕈᑎᒃᓴᑦ ᓄᓇᕗᒥᑦ ᑐᓂᔭᐅᕗᑦ $10 ᒥᓕᐊᓐ ᑖᓚᓂ

ᒐᕙᒪᑐᖃᒃᑯᑦ ᐊᑭᓖᓂᐊᖅᑐᑦ ᐅᖅᓱᖅᑑᖅᒥᓐ ᐊᒻᒪ ᖁᒡᓗᖅᑑᖅᒥᓐ ᑕᓪᓕᒪᐅᓕᖓᔪᓂᒃ ᐃᒡᓗᒃᓴᓂᒃ ᐊᒻᒪ 9 ᐃᒡᓗᒃᓴᓂᒃ ᐃᖃᓗᖕᓂ

ᑳᑐᕆᓐ ᒪᒃᑭᓇ, ᒐᕙᒪᑐᖃᒃᑯᓐᓄᑦ ᒥᓂᔅᑕ ᐃᒡᓗᓕᐅᕐᓂᕐᒧᑦ ᐊᒻᒪ ᓄᓇᓕᖕᓄᑦ (ᓴᐅᒥᐊᓂ), ᐃᖃᓗᖕᓂ ᒪᐃᔭᐅᑉ ᑐᒡᓕᖓ ᔮᓇᑦ ᐱᑦᓯᐅᓛᖅ ᐳᕉᔅᑐ (ᕿᑎᐊᓂ), ᐊᒻᒪᓗ ᐋᒪᑦ ᕼᐅᓯᓐ, ᒐᕙᒪᑐᖃᒃᑯᓐᓄᑦ ᒥᓂᔅᑕ ᐃᓄᓕᕆᔨᓄᑦ, ᓱᕈᓯᕐᓄᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ (ᑕᓕᕐᐱᐊᓂᒃ) ᐅᖃᓪᓚᒃᑐᑦ ᐃᑲᔫᑎᒃᓴᓂᒃ ᑐᓴᖅᑎᑦᑎᑎᓪᓗᒋ ᓄᓇᕗᑦ ᐊᖓᔪᖅᑳᖃᖅᕕᖓᓂᒃ ᐋᒐᓯ 3-ᖑᑎᓪᓗᒍ. (ᐊᔾᔨᓕᐅᕆᔨ ᒥᓚᓂ ᐅᕆᑦᓵᑦ)

By ᒥᓚᓂ ᐅᕆᑦᓵᑦ

9 ᐊᑭᓕᒐᕐᓂᖅᑐᑦ ᐃᒡᓗᒃᓴᐃᑦ ᓴᓇᔭᐅᓂᐊᓕᕐᑐᑦ ᐃᖃᓗᖕᓂᒃ $5 ᒥᓕᐊᓐ ᑖᓚᓂ ᐊᑐᕐᓗᑎᒃ ᐃᑲᔪᕈᑎᒃᓴᓂᒃ ᒐᕙᒪᑐᖃᒃᑯᓐᓂᙶᖅᑐᓂᒃ ᐊᒻᒪᓗ 4.9 ᒥᓕᐊᓐ ᑖᓚᓂ ᐊᑐᐃᓐᓇᐅᓂᐊᕐᓂᕋᐃᒻᒥᔪᑦ ᐊᑭᓕᐅᑎᒃᓴᐅᓂᐊᕐᓗᑎᒃ ᐃᒡᓗᒃᓴᓂᒃ ᓴᓇᔭᐅᕙᓪᓕᐊᔪᓄᑦ ᖁᒡᓗᖅᑑᖅᒥᓐ ᐊᒻᒪᓗ ᐅᖅᓱᖅᑑᖅᒥᓐ.ᐋᒪᑦ ᕼᐅᓯᓐ, ᒐᕙᒪᑐᖃᒃᑯᓐᓄᑦ ᒥᓂᔅᑕ ᐃᓚᒌᓄᑦ, ᓱᕈᓯᕐᓄᑦ ᐊᒻᒪᓗ ᐃᓄᓕᕆᓂᒃᑯᑦ ᐱᕙᓪᓕᐊᔪᓕᕆᓂᖅᒧᑦ ᑐᓴᖅᑎᑦᑎᓚᐅᖅᑐᖅ ᐃᑲᔫᑎᒃᓴᓂᒃ ᑐᓴᐅᒪᔾᔪᑎᓕᕆᓂᒃᑯᑦ ᐃᖃᓗᖕᓂ ᐋᒐᓯ 3-ᖑᑎᓪᓗᒍ.ᐃᖃᓗᐃᑦ ᒪᐃᔭᐅᑉ ᑐᒡᓕᖓ, ᔮᓇᑦ ᐱᑦᓯᐅᓛᖅ ᐳᕉᔅᑐ, ᐅᖃᓪᓚᓚᐅᕐᒥᔪᖅ ᐊᖏᕐᕋᖃᙱᓐᓂᕐᒥᒃ ᐊᑐᖅᓯᒪᓂᖓᓂᒃᑕᐅᖅ ᑕᕝᕙᓂ..

ᐅᖃᓚᐅᕐᑐᖅ ᑖᓐᓇ ᑮᓇᐅᔭᖅ ᐃᑲᔪᕈᑎᒻᒪᕆᐅᓂᐊᕐᓂᖓᓂᒃ ᐅᓄᕐᑐᓄᑦ ᐃᖃᓗᖕᓂ ᐃᓚᒌᓄᑦ.

“ᐅᓄᕐᑐᑦ ᐃᖃᓗᒻᒥᐅᑕᐃᑦ ᑕᕝᕙᓂ ᐱᕈᖅᓴᖅᓯᒪᔪᑦ ᐊᒻᒪᓗ ᐊᖏᕐᕋᖃᐃᓐᓇᐅᔭᖅᑐᑦ ᐊᒃᑐᖅᑕᐅᓯᒪᓪᓚᕆᖕᒪᑕ ᐃᒡᓗᖃᙱᓗᐊᕐᓂᖅᒧᑦ,” ᐅᖃᖅᑐᖅ. “ᓴᓂᕐᕙᒃᑕᐅᑐᐃᓐᓇᖅᓯᒪᖕᒪᑕ … ᐅᓄᖅᑐᑦ ᐃᓄᐃᑦ ᐃᒃᓯᕙᐅᑖᓗᒋᔭᐅᔪᓃᑲᑕᒃᑐᑦ, ᑕᒪᓐᓇᓗ ᑕᐃᒪᐃᓪᓚᕆᒃᖢᓂ.”

ᐅᓇ ᑮᓇᐅᔭᖅ ᐅᕙᙶᖅᑐᖅ ᓱᒃᑲᔪᒥᒃ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᓂᒃ, ᑖᓐᓇᓗ ᐋᖅᑭᒃᑕᐅᓯᒪᓪᖢᓂ ᐊᑭᓕᖅᓱᒐᕐᓂᖅᑐᓂᒃ ᐃᒡᓗᒋᔭᐅᔪᓐᓇᓕᕆᓂᕐᒧᑦ.

ᐳᕉᔅᑐ ᑖᔅᓱᒥᖓ ᐃᑲᔫᑎᒃᓴᒥᒃ ᐱᐅᒃᓴᕋᓗᐊᖅᖢᓂ ᐅᖃᓚᐅᕐᒥᔪᖅ “ᓈᒻᒪᙱᓗᐊᖅᑐᐊᓗᒃ ᓱᓕ”.

“ᖃᐅᔨᒪᒐᑦᑕ ᐃᖃᓗᖕᓂ ᕼᐊᓐᓇᓚᑲᓪᓚᒻᒪᕆᐊᓗᖕᓂ ᐃᒡᓗᑖᕆᐊᖃᕐᒪᑕ,” ᐅᖃᖅᑐᖅ.

ᐳᕉᔅᑐ ᖃᐅᔨᒪᓚᐅᙱᑦᑐᖅ ᐊᓯᖏ ᓄᓇᕗᒥᑦ ᓄᓇᓖᑦ ᖃᔅᓯᓂ ᐃᒡᓗᑖᕆᐊᖃᕐᓂᖏᓐᓂᒃ, ᑭᓯᐊᓂᓕ ᐅᖃᓚᐅᕐᑐᖅ “ᖃᐅᔨᒪᒐᑦᑕ ᑭᖑᕚᕇᒐᓚᐅᑦ ᐊᑕᐅᓯᕐᒥᒃ ᐃᒡᓗᖃᖅᑐᑦ ᐊᒻᒪᓗ ᑭᖑᕚᕇᒻᒪᕇᑦ ᐅᑕᖅᑭᔪᑦ ᐃᒡᓗᒃᓴᖏᓐᓂᒃ.”

ᑭᓯᐊᓂᓕ ᐅᖃᓚᐅᕐᑐᖅ ᐃᑲᔪᕈᑎᐅᔪᓐᓇᖅᑐᓂᒃ ᑐᙵᓱᒃᑎᑦᑎᓂᕋᖅᖢᓂ ᐃᓱᒪᒋᓗᒍ ᐅᓄᖅᓯᕙᓪᓕᐊᓂᖏᑦ ᓄᓇᕗᒦᑦᑐ.

ᐃᖃᓗᖕᓂ ᓄᓇᓕᐸᐅᔭᐃ ᐃᒡᓗᓕᐅᓕᓛᕈᒪᔪᑦ  ᑎᓯᐱᕆᐅᑉ ᓄᙳᐊᓂᒃ, ᑐᓴᒐᒃᓴᕆᔭᐅᔪᓂᒃ ᓄᓇᓕᐸᐅᔭᓂᒃ ᐅᖃᖅᓯᒪᓚᐅᕐᒥᔪᖅ.

“ᐱᓕᕆᖃᑎᒌᒡᓗᑕ ᐊᒻᒪ ᐊᑐᓕᖅᑎᑦᑎᑲᑕᒃᑯᑦᑕ ᓄᓇᓕᖕᓂ ᐋᖅᑭᒍᑎᒃᓴᓂᒃ ᑕᐃᒪᓕ ᐃᒡᓗᖃᙱᓗᐊᕐᓂᐊᓗᒃ ᐱᓕᕆᐊᖑᓂᖅᓴᐅᔪᓐᓇᕋᔭᖅᑐᖅ,” ᐃᖃᓗᐃᑦ ᒪᐃᔭᖓ ᑭᐊᓂ ᐱᐊᓪ ᐅᖃᓚᐅᖅᑐᖅ ᑐᓴᒐᒃᓴᓕᐊᒃᑯᑦ.

ᑕᒪᓐᓇ ᐊᕐᕌᒍ ᐱᒋᐊᓕᓵᕐᓂᖅᓴᐅᓕᖅᑎᓪᓗᒍ, ᑎᓴᒪᓂᒃ ᑎᓴᒪᐅᓕᖓᔪᓂᒃ ᐃᒡᓗᒃᓴᓂᑦ — 18 ᐃᒡᓗᐃᑦ ᑲᑎᖢᑎᒃ — ᐋᖅᑭᒃᑕᐅᓯᒪᓚᐅᖅᑐᑦ ᐃᖃᓗᖕᓄᑦ ᓄᖃᖅᑎᑕᐅᓚᐅᕐᒪᑕ, ᒪᑯᐊ ᐃᒡᓗᓕᐅᖅᑎᑦ ᓴᓇᔪᒪᔪᑦ ᐊᑭᑦᑐᕋᐅᑎᒍᑎᖏᑦᑎᒍᑦ ᐋᖅᑭᒃᑕᐅᓯᒪᔪᓂᒃ ᐃᒡᓗᓕᐅᕐᓂᕐᒧᑦ ᖄᖏᐅᑎᓯᒪᓗᐊᓚᐅᕐᓯᒪᖕᒪᑕ ᐱᔾᔪᑎᖃᓗᐊᖅᖢᑎᒃ ᕿᔪᒃ ᐊᑭᑦᑐᕆᐊᖅᑕᐅᓯᒪᓪᓚᕆᓕᕐᓂᖏᓐᓄᑦ ᐊᒻᒪ ᐊᓯᖏ ᐃᒡᓗᓕᐅᕈᑎᐅᕙᒃᑐᑦ ᐱᖁᑎᒃᓴᑦ.

ᒪᕐᕉᖕᓂ ᑕᓪᓕᒪᐅᓕᖓᔪᓂᒃ ᐅᖅᓱᖅᑑᖅᒥᓐ ᐊᒻᒪ ᐊᑕᐅᓯᖅ ᑕᓪᓕᒪᐅᓕᖓᔪᖅ ᖁᒡᓗᖅᑐᖅᒥ ᒫᓐᓇ ᓴᓇᔭᐅᕙᓪᓕᐊᓯᒧᑦ, ᑕᐃᒪᓕ ᑐᓴᖅᑎᑦᑎᔾᔪᑎᒋᔭᐅᔪᖅ ᓇᓗᓇᐃᕐᓯᒍᑎᐅᑐᐃᓐᓇᖅᖢᓂ ᓇᑭ ᐃᑲᔫᑎᑖᖅᓯᒪᓂᖏᓐᓂᒃ ᑖᒃᑯᓄᖓ ᓴᓇᔭᐅᔪᓄᑦ. ᒫᓐᓇᓕ, ᓄᓇᕗᒥᑦ ᐃᒡᓗᓕᕆᔨᕐᔪᐊᒃᑯᑦ ᐊᑐᕈᓐᓇᕐᓂᐊᓕᖅᑐᑦ ᑖᒃᑯᓄᖓ ᐊᑐᕐᓂᐊᓚᐅᖅᑕᖏᓐᓂᒃ ᐊᓯᖔᖏᓐᓄᑦ ᐱᓕᕆᐊᒃᓴᐅᓛᖅᑐᓄᑦ.

ᐅᑯᐊ ᒪᕐᕉᒃ ᑕᓪᓕᒪᐅᓕᖓᔪᑦ ᐃᒡᓗᐃᑦ ᐋᖅᑭᒃᑕᐅᓯᒪᓇᓱᓚᐅᖅᓯᒪᔪᑦ ᐃᖅᑲᓇᐃᔭᖅᑎᓄᑦ ᐃᒡᓗᒋᔭᐅᓂᐊᕐᓗᑎᒃ, ᑭᓯᐊᓂᓕ ᐅᓇ ᑮᓇᐅᔭᖅ ᐅᕙᙵᑦ ᓱᒃᑲᔪᒥᒃ ᐃᒡᓗᓕᕆᓂᕐᒧᑦ ᐱᓕᕆᐊᒃᓴᓄᑦ ᐊᑐᐃᓐᓇᐅᑎᑕᐅᔪᖅ ᑭᒃᑯᓕᒫᓄᑦ ᐃᒡᓗᒋᔭᐅᓇᔭᖅᑐᓄᑦ. ᑕᐃᒪᓕ ᒪᓕᒐᓕᕆᕕᒡᔪᐊᒥᑦ ᐃᖃᓗᖕᓂ ᔫᓂᐅᑎᓪᓗᒍ, ᒫᒍᕆᑦ ᓇᑲᓱᒃ, ᒥᓂᔅᑕ ᑲᒪᒋᔭᖃᖅᑐᖅ ᐃᒡᓗᓕᕆᔨᕐᔪᐊᒃᑯᓐᓂᒃ ᐅᖃᓚᐅᖅᓯᒪᔪ ᑖᒃᑯᐊ ᐱᓕᕆᐊᖑᔪᑦ ᑕᐃᒪᓐᓇ ᑐᕌᖓᓂᐊᓕᕐᓂᖏᓐᓂᒃ.

Share This Story

(0) Comments

Join the Conversation

Your email address will not be published. Required fields are marked *

*