ᐆᒻᒪᖅᑯᑎᑦ−ᑯᐸᐃᖕᒥ ᑭᐅᓂᕐᒥ ‘ᖃᖓᒃᑲᓐᓂᐅᔭᖅ ᖃᓄᐃᓐᓂᕐᓘᑕᐅᔪᒥ ᑕᐃᔅᓱᒪᓂᑐᖃᕐᒥ’
ᑲᒻᐸᓂᐅᔪᖅ ᐊᖏᖅᓯᒪᓂᖃᖅᐳᑦ ᓴᐃᒻᒪᖃᑎᒌᖕᓂᕐᒥ ᓄᓇᖃᑦᑳᖅᓯᒪᔪᓄᑦ ᐃᓄᖕᓄᑦ
ᐆᒻᒪᖅᑯᑎᑦ−ᑯᐸᐃᖕᒥ ᓴᖅᑭᑎᑦᑎᓚᐅᖅᐳᖅ ᐸᕐᓇᒍᑎᒃᓴᒥ ᐱᓇᓱᐊᕈᓯᐅᓚᐅᖅᑐᒥ ᓴᐃᒻᒪᖃᑎᒌᖕᓂᕐᒥ ᐊᓪᓚᓄᑦ ᐊᒻᒪ ᐃᓄᖕᓄᑦ. (ᑐᓴᒐᒃᓴᓕᕆᔨᒃᑯᑦ ᐊᔾᔨᖁᑎᖓ ᓴᑐᕆᒃ ᒐᓛᓐᑦᒧᑦ)
For English version, see Hydro Quebec to address ‘repercussions of the past’ with Inuit, First Nations: report
ᐆᒻᒪᖅᑯᑎᑦ−ᑯᐸᐃᖕᒥ ᓴᖅᑭᑎᑦᑎᓯᒪᕗᑦ ᐸᕐᓇᒍᑎᒃᓴᒥ ᓴᐃᒻᒪᖃᑎᒌᖕᓂᕐᒥ ᐃᓄᖕᓄᑦ ᐊᒻᒪ ᐊᓪᓚᓄᑦ.
ᑐᕌᖓᓇᓱᐊᖅᐳᖅ ᑭᐅᓂᕐᒥ “ᖃᖓᒃᑲᓐᓂᐅᔭᖅ ᖃᓄᐃᓐᓂᕐᓘᑕᐅᔪᒥ ᑕᐃᔅᓱᒪᓂᑐᖃᕐᒥ,” ᒪᐃᑯᓪ ᓴᐱᐊ, ᐆᒻᒪᖅᑯᑎᑦ−ᑯᐸᐃᖕᒥ ᐊᖓᔪᖅᑳᖅ ᐊᒻᒪ ᐊᐅᓚᑦᑎᔨᒻᒪᕆᒃ, ᐅᖃᓚᐅᖅᐳᖅ ᐱᒋᐊᖅᑎᑕᐅᓂᖓᓂ ᐸᕐᓇᒍᑎᒃᓴᒧᑦ ᓴᖅᑭᑎᑕᐅᔪᒥ ᑎᓯᐱᕆ 5−ᒥ.
“ᓇᓗᓇᐃᖅᓯᕗᒍᑦ ᐱᓕᕆᖃᑎᒋᓂᕆᔭᕗᑦ ᐊᓪᓚᓄᑦ ᐊᒻᒪ ᐃᓄᖕᓄᑦ ᐃᓛᓐᓂᒃᑯᑦ ᐊᔪᕐᓇᖅᓯᒪᕗᖅ ᐊᒻᒪ ᓇᓗᓇᖅᖢᓂ.”
ᑭᖕᒧᑦ ᑎᒥᖁᑕᐅᔪᖅ ᐸᕐᓇᒍᑎᒃᓴᒥ ᑮᓇᐅᔾᔭᒃᓴᓂᕐᒥ ᓴᐃᒻᒪᖃᑎᒌᖕᓂᕐᒥ ᐊᒻᒪ ᓴᙱᒃᑎᒋᐊᖅᓯᓂᕐᒥ ᐱᓕᕆᖃᑎᖃᕐᓂᐅᔪᓂ ᑎᒍᒥᐊᖅᐳᖅ ᖃᔅᓯᒐᓚᖕᓂ ᓱᓕᓂᕋᐃᓂᐅᔪᓂ, ᐃᓚᖃᖅᑐᒥ ᖁᕝᕙᕆᐊᖅᑎᑦᑎᓂᕐᒥ ᐊᑐᖅᑕᐅᓂᕐᒥ ᓄᓇᖃᑦᑳᖅᓯᒪᔪᓄᑦ ᑐᓂᓯᔨᐅᔪᓂ ᐊᒻᒪ ᐱᓕᕆᖃᑎᖃᕐᓗᑎᒃ ᐃᓄᖕᓂ ᐊᒻᒪ ᐊᓪᓚᓂ ᐱᓕᕆᐊᒃᓴᐅᔪᓄᑦ.
ᐆᒻᒪᖅᑯᑎᑦ−ᑯᐸᐃᖕᒥ ᐊᐅᓚᑦᑎᕗᖅ ᐊᐅᓚᐅᑎᖃᕐᓂᕐᒥ, ᑐᓂᓯᓂᕐᒥ ᐊᒻᒪ ᑐᓐᓂᖅᓴᐃᓂᖓᓂ ᐆᒻᒪᖅᑯᑎᓂ ᑯᐸᐃᖕᒥ. ᐋᖅᑭᒃᓱᐃᓲᖑᕗᖅ ᐅᓄᕐᓂᖅᓴᐅᔪᓂ 30−ᓂ ᑲᑎᒪᓂᐅᔪᓂ ᐅᓄᕐᓂᖅᓴᐅᔪᓂ 100−ᓂ ᓄᓇᖃᑦᑳᖅᓯᒪᔪᓄᑦ ᑭᒡᒐᖅᑐᐃᔨᐅᔪᓄᑦ ᐅᐱᕐᙶᒥ 2024−ᒥ.
“ᑲᔪᖏᖅᓴᖅᑕᐅᓪᓗᓂ ᐅᑯᓇᓂ ᐅᖃᓪᓚᖕᓂᐅᔪᓂ,” ᐆᒻᒪᖅᑯᑎᑦ−ᑯᐸᐃᖕᒥ ᓴᖅᑭᑎᑦᑎᓚᐅᖅᐳᖅ ᓇᐃᒡᓕᒋᐊᒻᓯᒪᔪᒥ ᐃᓱᒫᓘᑕᐅᔪᓂ ᑐᕌᖓᔪᓄᑦ ᑎᒥᖁᑕᐅᔪᒧᑦ ᐊᒻᒪ ᐊᖏᖅᓯᒪᓂᐅᔪᓂ ᑭᐅᓂᖏᓐᓂ, ᓴᐱᐊ ᑎᑎᕋᓚᐅᖅᐳᖅ.
ᐃᓱᒫᓘᑕᐅᔪᑦ ᓄᓇᖃᑦᑳᖅᓯᒪᔪᓄᑦ ᑭᒡᒐᖅᑐᐃᔨᐅᔪᓂ ᐊᒃᑐᐃᓂᖃᓚᐅᖅᐳᖅ ᐊᔾᔨᒌᙱᕈᓘᔭᖅᑐᓂ ᑮᓇᐅᔾᔭᒃᓴᓂᕐᒧᑦ, ᐊᕙᑎᓕᕆᓂᕐᒧᑦ, ᐃᖅᑲᓇᐃᔭᕐᓂᕐᒥ ᐊᒻᒪ ᑕᐃᔅᓱᒪᓂᑐᖃᖅ ᐊᑲᐅᙱᓕᐅᕈᑕᐅᔪᓂ.
ᒫᓐᓇ, ᐆᒻᒪᖅᑯᑎᑦ−ᑯᐸᐃᖕᒥ ᓱᓕᓂᕋᐃᕗᑦ ᐊᑐᕐᓂᐊᕐᓂᕐᒥ $1 ᐱᓕᐊᓐ ᐅᖓᑖᓂ ᐱᖁᑎᓂ ᐊᒻᒪ ᐱᔨᑦᑎᕋᕐᓂᐅᔪᓂ ᓄᓇᖃᑦᑳᖅᓯᒪᔪᓄᑦ ᑐᓂᓯᔨᐅᔪᓄᑦ ᕿᑎᐊᓂ 2025−ᒥ ᐊᒻᒪ 2029−ᒧᑦ ᑭᐅᓂᕐᒥ ᐱᔭᕆᐊᖃᕐᓂᐅᔪᓂ ᐊᓄᕆᒧᑦ, ᓯᕿᓂᕐᒧᑦ, ᐃᒪᕐᒥ ᐆᒻᒪᖅᑯᑎᓄᑦ ᐊᒻᒪ ᐊᓯᖏᓐᓂ ᓄᓇᓖᑦ ᐊᑐᖅᐸᒃᑕᖏᓐᓂ ᐊᐅᓚᔪᓐᓇᖁᓪᓗᒋᑦ ᐱᓕᕆᐊᒃᓴᐅᔪᓂ.
ᐆᒻᒪᖅᑯᑎᑦ−ᑯᐸᐃᖕᒥ ᓱᓕᓂᕋᐃᒋᕗᑦ ᐃᑲᔪᖅᓱᐃᓂᕐᒥ ᐊᒻᒪ ᐱᓕᕆᖃᑎᖃᕐᓂᕐᒥ ᐊᓪᓚᓄᑦ ᐊᒻᒪ ᐃᓄᖕᓄᑦ ᓇᖕᒥᓂᕆᔭᐅᔪᓂ “ᐃᓱᒪᓕᐅᕆᓂᕐᒥ ᐱᐅᓛᖑᔪᓂ ᑐᕌᒐᕆᔭᐅᔪᓂ ᐊᔾᔨᐅᙱᑎᑦᑎᓂᕐᒥ ᐱᓕᕆᕝᕕᐅᔪᓂ ᐅᑯᐊ ᓇᖕᒥᓂᕆᔭᐅᔪᑦ ᐊᑭᑦᑐᕋᐅᑎᔪᓐᓇᕐᓂᖏᓐᓂ ᑳᓐᑐᕌᖑᔪᓂ ᐊᒻᒪ ᐊᖏᒡᓕᒋᐊᖅᓯᓂᕐᒥ ᐊᕕᒃᑐᖅᓯᒪᓂᖓᓂ ᑳᓐᑐᕌᖑᔪᓂ ᑐᓂᔭᐅᔪᓂᑦ,” ᐸᕐᓇᒍᑎᒃᓴᖅ ᐅᖃᓚᐅᖅᐳᖅ.
ᐊᒻᒪ ᑎᒥᖁᑕᐅᔪᖅ ᐅᖃᓚᐅᖅᐳᖅ ᐊᖏᒡᓕᒋᐊᖅᑎᑦᑎᓂᐊᕐᓂᖓᓂ ᓄᓇᖃᑦᑳᖅᓯᒪᔪᓄᑦ ᐃᓚᐅᖃᑕᐅᓂᖏᓐᓂ ᐋᖅᑭᒃᓱᐃᓂᕐᒥ ᐆᒻᒪᖅᑯᑎᑦ−ᑯᐸᐃᖕᒥ ᓯᕗᓂᒃᓴᒥ ᐱᓕᕆᐊᒃᓴᖏᓐᓂ, ᐊᕙᑎᒧᑦ ᑐᙵᓇᕐᓂᖅᓴᐅᑎᑦᑎᓗᑎᒃ.
“[ᓄᓇᖃᑦᑳᖅᓯᒪᔪᓄᑦ ᑭᒡᒐᖅᑐᐃᔨᐅᔪᑦ] ᐅᖃᐅᓯᖃᓚᐅᕆᕗᑦ ᐱᔪᒪᓂᐅᔪᒥ ᐊᑭᓕᖅᑕᐅᓂᕐᒥ ᐃᓱᒪᒋᔭᖏᓐᓂ ᑕᐃᔅᓱᒪᓂᒃᑲᓐᓂᖅ ᔭᒐᐃᓂᐅᔪᓂ ᐊᒻᒪ ᓱᔪᐃᓂᐅᔪᓂ ᐃᓚᒋᔭᐅᔪᒥ ᓄᓇᒥ ᐊᑐᕐᓂᕐᒥ ᐊᒻᒪ ᐆᒻᒪᖅᑯᑎᓄᑦ ᐱᕙᓪᓕᐊᑎᑕᐅᓂᖓᓂ,” ᐅᓂᒃᑳᓕᐊᖅ ᐅᖃᓚᐅᖅᐳᖅ.
ᐸᕐᓇᒍᑎᒃᓴᖅ ᑮᓇᐅᔭᓕᕆᓂᕐᒧᑦ ᐊᖏᕈᑎᓕᐅᖅᓯᒪᙱᓚᖅ ᐆᒧᖓ ᐊᑲᐅᙱᓕᐅᕈᑕᐅᔪᒧᑦ.
ᒪᐃᒥ, ᐆᒻᒪᖅᑯᑎᑦ−ᑯᐸᐃᖕᒥ ᐊᑎᓕᐅᕆᓚᐅᖅᐳᑦ $32-ᒥᓕᐊᓐᓂ “ᑮᓇᐅᔾᔭᒃᓴᓂᕐᒧᑦ ᓴᐃᒻᒪᖃᑎᒌᖕᓂᕐᒥ” ᐊᖏᕈᑕᐅᔪᒥ ᐃᓄ ᓄᓇᓕᐅᔪᒥ ᐅᓇᒥᓐ ᓯᐳᒥ ᓴᐳᑎᒧᑦ ᓴᓇᔭᐅᔪᒥ ᓯᕗᓕᖏᑕ ᓄᓇᖁᑎᖓᓐᓂ 1990−ᖏᓐᓂ.
ᓱᑲᖓᓂᖃᖅᓯᒪᕗᖅ ᐅᑯᓇᓂ ᐆᒻᒪᖅᑯᑎᑦ−ᑯᐸᐃᖕᒥ ᐊᒻᒪ ᓄᓇᖃᑦᑳᖅᓯᒪᔪᓄᑦ ᑲᑎᙵᓂᐅᔪᓂ ᑯᐸᐃᖕᒥ ᐊᕐᕌᓂᐅᓚᐅᖅᑐᒥ, ᒫᓐᓇᓕᓴᐅᓛᖑᔪᒥ ᓇᓚᐅᑦᑖᕆᔭᐅᓯᒪᔪᒥ $250 ᒥᓕᐊᓐᓂ ᐆᒻᒪᖅᑯᑎᓄᑦ ᐊᑭᓕᒐᒃᓴᓂ 15−ᖑᔪᓂ ᑯᕇᒐᓚᐃᓐᓇᓂ ᐊᒻᒪ ᐃᓄᓂ ᑲᑎᙵᓂᐅᔪᓂ ᓄᓇᓕᐅᔪᓂ ᐊᑭᓖᙱᓐᓂᖏᓐᓂ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᔪᓂᒃ.
ᐊᑭᓕᒃᓴᖅ, ᑲᑎᑉᐸᓪᓕᐊᓯᒪᔪᒥ ᑕᐃᒪᙵᓂ 2016−ᒥ, ᑭᒡᒐᖅᑐᐃᕗᖅ 90 ᐳᓴᓐᑎᒥ ᐆᒻᒪᖅᑯᑎᓄᑦ ᐊᑭᓕᒃᓴᓂ ᑯᐸᐃᖕᒥ ᓄᓇᖃᑦᑳᖅᓯᒪᔪᓄᑦ ᓄᓇᓕᐅᔪᓂ.
“ᐅᒃᐱᕈᓱᖕᓂᖅ ᓴᓇᔭᐅᒃᑲᓐᓂᕆᐊᖃᖅᐳᖅ ᐅᕝᕙᓘᓐᓃᑦ ᓴᙱᒃᑎᒋᐊᖅᑕᐅᓗᓂ,” ᓄᓇᖃᑦᑳᖅᓯᒪᔪᓄᑦ ᑭᒡᒐᖅᑐᐃᔨᐅᔪᑦ ᐅᖃᖅᐳᑦ, ᐅᖃᐅᓯᐅᓪᓗᓂ ᐅᓂᒃᑳᓕᐊᒥ.
(0) Comments