ᐃᒡᓗᓕᖕᒥ ᑎᑎᕋᖅᑎᐅᔪᖅ ᐃᖅᑲᐃᑎᑦᑎᕗᖅ ᑭᖑᓂᐊᒍᑦ-ᓇᓚᐅᑦᑖᕆᓂᐅᔪᒥ ᐅᑭᐅᖅᑕᖅᑐᒥ ᐱᔪᒥᓇᓪᓚᕆᒃᑐᒥ

For English version, see Igloolik writer’s short story evokes post-apocalyptic Arctic utopia

ᐊᕐᕌᒍ 2050−ᖑᕗᖅ. ᐃᓅᖃᑎᒋᖕᓂᐅᔪᒥ ᑲᑕᒃᓯᒪᕗᖅ ᐅᓇᑕᕐᔪᐊᕐᓂᐅᔪᒥ ᐊᒻᒪ ᐋᓐᓂᐊᕐᓇᒧᑦ. ᐃᓄᒃᓱᒐᓕᖕᒥᐅᑦ — ᓄᓇᖃᖅᑎᐅᔪᓂ ᐱᓪᓚᕆᐅᙱᑦᑐᒥ 26−ᖓᓂ ᓄᓇᕗᒻᒥ ᓄᓇᓕᐅᔪᒥ — ᐆᒻᒪᕆᑦᑎᐊᖅᐳᑦ ᐊᑐᕐᓂᕐᒥ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐅᕝᕙᓘᓐᓃᑦ ᐃᓄᐃᑦ ᐱᖅᑯᓯᑐᖃᖏᓐᓂ ᖃᐅᔨᒪᓂᐅᔪᒥ.

ᐅᓇ ᑭᖑᓂᐊᒍᑦ-ᓇᓚᐅᑦᑖᕆᓂᐅᔪᒥ ᐅᑭᐅᖅᑕᖅᑑᕗᖅ ᐅᓂᒃᑳᕆᓯᒪᔪᒥ ᓵᓚᖃᕋᓱᐊᕐᓂᐅᔪᒥ-ᓵᓚᖃᖅᑐᒥ ᓇᐃᑦᑐᒥᒃ ᐅᓂᒃᑳᖅᑐᐊᖑᕗᖅ ᒪᐃᒋᓐ ᐅᖔᓛᕐᒧᑦ, 30, ᐃᒡᓗᓕᖕᒥᐅᑕᖅ. ᐱᓕᕆᓂᖓ ᐱᓚᐅᖅᐳᖅ ᒪᕐᕈᖓᓂ-ᐃᓂᐅᔪᒥ $10,000−ᒥ ᓵᓚᖃᐅᓯᐊᖑᔪᒥ ᐱᖓᔪᖓᓐᓂ ᐊᕐᕌᒍᑕᒫᒥ ᐃᓄᒃᑑᖅᑕ! ᐃᓄᒃᑐᑦ ᑎᑎᕋᕐᓂᕐᒥ ᓵᓚᖃᕋᓱᐊᕐᓂᐅᔪᒥ.

ᓵᓚᖃᕋᓱᐊᕐᓂᐅᔪᖅ, ᑲᒪᒋᔭᐅᓪᓗᓂ ᓄᓇᕗᒻᒥ ᑐᙵᕕᒃᑯᓐᓂ, ᐃᓕᓴᖅᓯᕗᖅ ᓴᖅᑭᑉᐸᓪᓕᐊᔪᓂ ᐃᓄᖕᓂ ᑎᑎᕋᖅᑎᐅᔪᓂ ᓴᖅᑭᑎᑦᑎᔪᓂ ᐱᓪᓚᕆᐅᔪᓂ ᐱᓕᕆᓂᐅᔪᓂ ᐃᓄᒃᑐᑦ. ᐅᖔᓛᖅ ᐱᓚᐅᖅᐳᖅ ᓵᓚᖃᐅᓯᐊᖓᓐᓂ ᓂᕆᕕᒡᔪᐊᖅᑎᑦᑎᓂᐅᔪᒥ ᐃᖃᓗᖕᓂ ᑎᓯᐱᕆ 4−ᒥ, ᑲᖏᖅᖠᓂᕐᒥᐅᑕᖅ ᑎᑎᕋᖅᑎ ᑖᓇ ᐋᑕᒻᔅ ᐊᑦᑎᖅᑕᐅᓚᐅᖅᖢᓂ ᓯᕗᓪᓕᐅᔪᒥ-ᐃᓂᖓᓂ ᐱᔭᕇᕐᓂᐅᔪᒥ.

“ᓄᓇᕐᔪᐊᒥ-ᐃᓱᓕᓐᓂᖓᓂ ᐅᓂᒃᑳᖅᑐᐊᖑᔪᒥ ᐃᓄᐃᑦ ᐃᓅᔭᕆᐊᖃᒃᑲᓐᓂᓕᖅᖢᑎᒃ ᐱᖅᑯᓯᑐᖃᖅᑎᒍᑦ ᐃᓅᓯᐅᔪᒥ ᓱᕈᐃᓂᖃᓗᐊᕐᒪᑦ ᐊᒻᒪ ᐱᐅᙱᑦᑐᓂ ᑭᓱᑐᐃᓐᓇᓂ ᖃᓄᐃᓐᓂᖓᓂ ᓄᓇᕐᔪᐊᓕᒫᒥ,” ᐅᖔᓛᖅ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ ᐅᓂᒃᑳᕆᓪᓗᓂ ᐅᓂᒃᑳᖅᑐᐊᖓᓂ, ᑎᑎᕋᖅᓯᒪᔪᒥ 11 ᒪᒃᐱᒐᓂ ᐅᖓᑎᑦᑎᐊᖓᓂ.

“ᓄᓇᕐᔪᐊᖅ ᓱᕋᑦᑎᕙᓪᓕᐊᕗᖅ, ᑭᓯᐊᓂ ᐃᓱᓕᑉᐳᑦ ᐃᓅᓂᕐᒥ ᓴᐃᓕᓇᖅᑐᒥ ᐃᓅᓯᐅᔪᒥ ᐊᑐᖅᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂ.”

ᖁᕕᐊᓱᑦᑎᐊᓕᖅᖢᑎᒃ ᑭᖑᓂᐊᒍᑦ ᐊᔪᕐᓇᙱᑦᑑᙱᓚᖅ, ᑭᓯᐊᓂ.

ᐅᖔᓛᑉ ᐅᓂᒃᑳᖅᑐᐊᖓᓂ, ᑎᑎᕋᖅᓯᒪᓂᐅᔪᒥ ᓴᓇᓯᒪᓂᖓ ᒪᓕᒃᐳᖅ ᐃᓚᖏᓐᓂ ᐊᑭᕋᖅᑐᖅᑎᐅᔪᓂ ᕿᒫᔪᓂ ᖃᓪᓗᓈᑦ ᓄᓇᖓᓐᓄᑦ ᕿᓂᖅᖢᑎᒃ ᓱᓇᒃᑯᑖᓂ ᐃᒃᓯᓐᓇᖅᑕᐅᔪᓂ ᓂᐅᕕᕐᕕᐅᔪᓂ.

“ᑭᓯᐊᓂ ᓴᐳᑎᔭᐅᔭᕆᐊᖃᖅᐳᑦ ᐃᓄᓪᓗᐊᑕᖏᓐᓂ ᐅᓂᒃᑳᖅᑐᐊᓐᓂ, ᐊᒻᒪ ᐅᑎᖅᑎᑕᐅᓪᓗᑎᒃ ᕿᒧᒃᓯᒃᑯᑦ,” ᐅᖃᓚᐅᖅᐳᖅ.

ᐅᓂᒃᑳᖅᑐᐊᖅ ᐋᖅᑭᒃᓯᒪᕗᖅ ᐱᓪᓚᕆᐅᙱᑦᑐᒥ ᓄᓇᓕᐅᔪᒥ ᐃᓄᒃᓱᒐᓕᖕᓂ, ᑐᙵᕕᖃᓗᐊᙱᑦᑐᒥ ᐃᒡᓗᓕᖕᒥ. ᓴᓇᙳᐊᖅᓯᒪᔪᒥ ᕼᐋᒻᓚᐅᔪᒥ ᐊᑐᖅᑐᐊᖅᐳᖅ ᐊᑎᖓᓂ ᐊᓕᐊᓇᐃᒋᓛᖓᓂ ᐃᓂᓪᓚᕆᐅᔪᒥ ᐃᖃᓪᓕᐊᕐᕕᐅᔪᒥ ᓚᐃᓗᕐ ᑕᓯᕐᓂ, ᐃᒡᓗᓕᐅᑉ ᓯᓚᑎᑦᑎᐊᖓᓂ.

ᐅᖔᓛᑉ ᐅᓂᒃᑳᖅᑐᐊᖓ ᓴᖅᑭᑉᐸᓪᓕᐊᓲᖑᕗᖅ ᕼᐋᓕᕗᑦᒥ ᐅᖃᓕᒫᒐᓕᐊᖓᑎᑐᑦ.

“ᐅᕝᕙᓘᓐᓃᑦ ᖁᙱᐊᖅᑕᐅᓂᐅᔪᒥ,” ᐅᖃᓚᐅᖅᐳᖅ.

ᓇᓕᐊᑐᐃᓐᓇᒥ ᐱᓕᕆᔾᔪᑎᐅᔪᒥ ᓂᕈᐊᖅᑕᖓᓂ ᐅᖃᓕᒫᒐᓕᐊᖑᓂᐊᕐᓂᖓᓄᑦ, ᐃᓚᒋᔭᐅᓂᐊᖅᐳᖅ ᑲᒻᐸᓂᐅᓂᕐᒧᑦ ᐊᑎᖓᓂ ᐊᑐᖅᑐᐊᕐᓂᐅᓂᐊᖅᐳᖅ.

“ᑎᑎᕋᕈᒪᕗᖓ ᐃᓚᖓᓂ ᒪᕐᕈᖓᓂ, ᐃᒻᒪᖄ ᐊᐅᔭᐅᔪᒥ,” ᐅᖔᓛᖅ ᐅᖃᓚᐅᖅᐳᖅ.

“ᐃᓱᒪᓂᐅᔪᒥ ᐅᕙᓐᓄᑦ ᓴᖅᑭᒃᑳᖓᒥ, ᑕᐃᑲᓂ ᐱᒋᐊᓲᖑᕗᖓ. ᑭᓯᐊᓂ ᐋᖅᑭᒃᓱᑦᑎᐊᖅᓯᒪᔪᒪᓲᖑᕗᖓ ᐊᒻᒪ ᐸᕐᓇᒡᓗᖓ, ᑕᐃᒫᒃ ᐃᓛᓐᓂᒃᑯᑦ ᑭᓱᑐᐃᓐᓇᖅ ᐱᓕᕆᓇᓱᐊᖅᑕᕋ ᐊᑯᓂᐅᓲᖑᕗᖅ.”

ᐊᓈᓇᐅᓪᓗᓂ ᑎᓴᒪᓄᑦ ᐃᖅᑲᓇᐃᔭᖅᑐᒥ ᐃᓕᓴᐃᔨᐅᓂᕐᒥ ᐊᑕᒍᑦᑖᓗᑦ ᖁᑦᑎᒃᑐᒥ ᐃᓕᓐᓂᐊᕐᕕᖓᓂ ᐃᒡᓗᓕᖕᒥ, ᐅᖔᓛᖅ ᖁᓕᑦᑕᐅᔭᓕᐅᓲᖑᕗᖅ ᐊᒻᒪ ᓴᓇᓲᖑᕗᖅ ᐊᓯᖏᓐᓂ ᐊᒡᒐᒧᑦ ᐅᑭᐅᖅᓯᐅᑎᓂ ᐊᓐᓄᕌᓂ ᐃᓚᖏᓐᓄᑦ ᐊᒻᒪ ᓂᐅᕕᐊᒃᓴᒃᓴᓂ.

ᐅᖃᓚᐅᖅᐳᖅ ᐊᓕᐊᓇᐃᒋᔭᖃᕐᓂᖓᓂ ᑎᑎᕋᕐᓂᕐᒥ ᓄᑕᕋᐅᓂᓕᒫᖓᓂ ᑭᓯᐊᓂ ᐱᓕᕆᐊᕆᓯᒪᔭᖏᑦ ᐅᖃᓕᒫᒐᓕᐊᖑᓚᐅᖅᓯᒪᙱᓚᑦ.

ᑎᑎᕋᕐᓂᖅ ᐱᔭᕆᐊᑐᔪᐊᓘᕗᖅ ᐊᒻᒪ ᐊᒃᓱᕈᕐᓇᖅᖢᓂ, ᐊᔾᔨᐸᓗᐊᓂ ᒥᖅᓱᕐᓂᕐᒧᑦ ᐅᖃᓚᐅᖅᐳᖅ.

“ᐅᖃᓕᒫᕐᓂᖅ, ᐲᔭᐃᓂᖅ, ᐃᓚᓯᓂᖅ, ᐊᓯᔾᔩᓂᖅ, ᐋᖅᑭᒋᐊᑦᑎᐊᖅᓯᓂᕐᒥ — ᑭᓱᕈᓘᔮᓗᐃᑦ,” ᐅᖃᓚᐅᖅᐳᖅ. “ᑭᓯᐊᓂ ᐊᓕᐊᓇᐃᑦᑐᒻᒪᕆᐊᓗᒃ.”