ᐃᓕᓴᖅᓯᕕᒃ ᑐᓴᖅᑎᑦᑎᔪᑦ ᓄᑖᒥ ᐊᐅᓚᑦᑎᔨ ᑐᑭᒧᐊᖅᑎᑦᑎᔨᒥ

For the English version of this story, please see Ilisaqsivik announces new executive director.

ᐅᑯᐊ ᐃᓕᓴᖅᓯᕕᒃ ᑲᑐᔾᔨᖃᑎᒌᑦ ᐊᐅᓚᑦᑎᔨ ᑐᑭᒧᐊᖅᑎᑖᕆᓵᖅᑕᖓ ᐅᖃᖅᑐᖅ “ᖁᕕᐊᓇᕈᓘᔭᕐᓂᖓᓂᒃ ᐊᒻᒪ ᖁᕕᐊᓲᑎᖃᕐᓇᖅᖢᓂ” ᐊᐅᓚᑦᑎᔨᐅᓪᓗᓂ ᑲᖏᖅᑐᒑᐱᐅᑉ ᒪᒥᓴᕐᕕᖓᓂ.

ᔭᓂᕗ ᔭᐃᐴᑎ ᓂᕈᐊᕆᔭᐅᓚᐅᕐᒪᑦ ᐊᐅᓚᑦᑎᔨ ᑐᑭᒧᐊᖅᑎᑦᑎᔨᐅᓂᐊᕐᓗᓂ ᐃᓕᓴᖅᓯᕕᒃᒥ ᐊᒻᒪᓗ ᑐᑭᒧᐊᖅᑎᑦᑎᔨᐅᓗᓂ ᑐᑯᒫᖅ, ᑲᑐᔾᔨᖃᑎᒌᓄᑦ ᐱᓕᕆᐊᓄᑦ ᐱᓕᕆᔨᖏᑦ ᒪᑯᓂᖓ ᑐᔪᕐᒥᕕᒃᓂ ᓄᓇᓕᖕᓂ, ᐅᖃᓚᐅᕐᑐᑦ ᐃᓕᓴᖅᓯᕕᒃᑯᑦ ᑲᑎᒪᔨᖏ ᕕᕝᕗᐊᕆ 23ᒥ.

ᐃᓅᓂᑰᓪᓗᓂ ᐊᒻᒪ ᐱᕈᖅᖢᓂ ᑲᖏᖅᑐᒑᐱᒃᒥ, ᔭᐃᐴᑎ ᐃᓕᓐᓂᐊᖅᑐᓕᕆᓂᕐᒧᑦ ᐃᓕᓐᓂᐊᖅᓯᒪᔪᑦ ᐊᒻᒪ ᓇᓗᓇᐃᒃᑯᑎᑖᖅᓯᒪᓪᓗᓂ ᓯᓚᑦᑐᖅᓴᕐᕕᐊᓗᒃᒥ ᕆᔭᐃᓇᒥ ᐊᒻᒪᓗ ᐱᓕᕆᐊᖃᖅᓯᒪᓪᓗᓂ ᑲᖏᖅᑐᒎᐱᒃᒥ ᑯᐊᐸᒃᑯᓐᓄᑦ ᑲᑎᒪᔨᐅᖃᑕᐅᓯᒪᓪᓗᓂ, ᐃᓕᓐᓂᐊᖅᑐᓕᕆᔨᒃᑯᓐᓄᑦ ᑲᑎᒪᔨᐅᓯᒪᓪᓗᓂ ᐊᒻᒪᓗ ᐋᓐᓂᐊᖃᖅᑕᐃᓕᓂᕐᒧᑦ ᑲᑎᒪᔨᕋᓛᓄᑦ.

ᖁᓗᐊᖅ ᐃᓕᓐᓂᐊᖅᕕᒃᒧᑦ ᐊᖓᔪᖅᑳᒧᑦ ᑐᒡᓕᕆᔭᐅᓚᐅᕐᒥᔪᖅ ᐊᒻᒪᓗ ᐅᖃᓚᐅᖅᖢᓂ ᓄᓇᑦᓯᐊᕐᒥ ᐱᕙᓪᓕᐊᔪᓄᑦ ᐃᖅᑲᓇᐃᔮᖃᖃᑦᑕᕐᓯᒪᓂᖓᓂᒃ ᐃᓅᓱᒃᑐᓂ ᐱᓕᕆᖃᑎᖃᕐᓂᒃᑯᑦ ᐊᒻᒪᓗ ᐃᑲᔫᑎᖃᕐᓂᐊᖅᖢᓂ ᐃᓕᓴᖅᓯᕕᒃᒥᒃ ᐊᐅᓚᑦᑎᔨᐅᓕᕈᓂ.

ᐅᖃᓚᐅᕐᑐᖅ ᐃᓱᒪᓂᕋᖅᖢᓂ ᐱᐅᓂᕐᓴᓂ ᖃᓄᐃᓕᐅᕈᑎᒃᓴᓂ ᓴᖅᑭᑎᑦᑎᔪᒪᓪᓗᓂ ᓄᓇᓕᖕᓃᑦᑐᓄᑦ ᐊᒻᒪᓗ ᐱᓕᕆᐊᖃᕐᒥᓗᓂ ᓂᕿᖃᑦᑎᐊᙱᔭᑦᑐᓕᕆᓂᕐᒥ ᓄᓇᓕᖕᓂ.

ᔭᐃᐴᑎ ᐃᓇᖏᕐᓯᔪᖅ ᐊᐅᓚᑦᑎᔨ ᑐᑭᒧᐊᖅᑎᑦᑎᔨᐅᑲᐃᓐᓇᓚᐅᖅᑐᒥᑦ ᓯᐅᕆ ᕚᒃᔅ.

ᕚᒃᔅ ᓯᕗᓂᐊᓂ ᐃᓕᓴᖅᓯᕕᒃᑯᑦ ᐊᐅᓚᑦᑎᔨ ᑐᑭᒧᐊᖅᑎᑦᑎᔨᖓ ᒫᑲᒻ ᕌᓐᑕ, ᐃᖅᑲᓇᐃᔭᕈᓐᓃᖅᑎᑕᐅᑲᐃᓐᓚᐅᕐᑐᖅ ᓄᕕᐱᕆ 2022ᒥ ᐸᓯᔭᒃᓴᙳᖅᑎᑕᐅᓚᐅᖅᖢᓂ ᖁᓄᔪᕐᓂᐊᖅᓂᕐᒥ ᔪᓚᐃᒥ ᑕᕝᕙᓂᑦᑕᐃᓐᓇᖅ ᐊᕐᕌᒍᒥ. ᕌᓐᑕ ᓱᓕ ᐃᖅᑲᖅᑐᐃᕕᒃᒥ ᐱᓕᕆᐊᖑᓯᒪᔪᖅ.

ᑲᑐᔾᔨᖃᑎᒌ ᐅᖃᐅᓯᖃᕈᒪᓚᐅᙱᑦᑐᑦ ᕌᓐᑕ ᒥᒃᓵᓄ ᑭᓯᐊᓂᓕ ᐅᖃᖅᖢᑎᒃ ᐃᖅᑲᓇᐃᔭᖅᑎᐅᔪᓐᓃᕐᓂᖓᓂᒃ ᐃᓕᓴᖅᓯᕕᒃ ᑲᑐᔾᔨᖃᑎᒌᓄᑦ.

ᐃᓕᓴᖅᓯᕕᒃ ᑲᑐᔾᔨᖃᑎᒌᑦ ᑮᓇᐅᔭᓕᐅᕋᓱᙱᖢᑎᒃ ᐱᓕᕆᔨᐅᔪᑦ ᖃᓄᐃᑦᑕᐃᓕᓂᕐᒧᑦ ᐱᓕᕆᐊᒃᓴᓂᒃ ᐊᒻᒪᓗ ᐃᓄᒃᑎᑐᑦ ᐃᓅᓯᓕᕆᔨᖃᖅᖢᑎᒃ ᑲᖏᖅᑐᒑᐱᒃᒥ ᐊᒻᒪ ᐊᓯᖏᓐᓂᒃ ᓄᓇᕗᑦ ᓄᓇᓕᖏᓐᓂ.

ᐅᓇ ᑐᙵᕕᒋᔭᐅᔪᖅ ᐅᑯᓄᖓ ᐃᓕᓴᖅᓯᕕᒃ, ᑯᒧᒫᖅ ᐊᒻᒪᓗ ᐃᑦᑕᖅ ᐃᑦᑕᓐᓂᓴᓕᕆᔨᒃᑯᓐᓄᑦ ᐊᒻᒪ ᖃᐅᔨᓴᕐᕕᒃᒧᑦ ᐊᒻᒪᓗ ᐃᖅᑲᓇᐃᔭᖅᑎᑦᑎᔨᖃᐅᓛᖑᓪᓗᑎᒃ ᑲᖏᖅᑐᒑᐱᒃᒥ ᒫᓂ 200ᖏᓐᓂ ᐃᖅᑲᓇᐃᔭᖅᑎᖃᖅᖢᑎᒃ.

“ᖁᕕᐊᓱᕈᓘᔭᖅᑐᖓ ᐃᓚᐅᓕᕐᓂᓐᓂ ᑖᒃᑯᓇᓂ ᐱᓕᕆᖃᑎᒌᓂᒃ ᐱᓕᕆᐊᓴᓂ ᐱᓕᕆᔨᓂᒃ ᐊᒻᒪ ᐱᔨᑦᑎᕋᐅᑎᓕᕆᔨᓂᒃ,” ᔭᐃᐴᑎ ᐅᖃᓚᐅᕐᑐᖅ ᑐᓴᒐᒃᓴᓕᐊᖑᑎᓪᓗᒍ.

“ᐊᒻᒪᓗ ᐅᐱᑦᑐᖓ ᓯᕗᓕᐅᖅᑎᐅᓂᐊᕐᓂᓐᓂ ᐊᒻᒪ ᑭᒡᒐᖅᑐᐃᓂᐊᕐᓂᓐᓂ ᑲᑐᔾᔨᖃᑎᒌᓂ ᓄᓇᑦᑎᓐᓂ ᐃᓄᖕᓂᓗᓗ ᐃᑲᔪᖅᐸᒃᑐᓂᒃ.”

ᔭᐃᐴᑎ ᐃᖅᑲᓇᐃᔭᓕᕐᓂᐊᖅᑐᖅ ᒫᔅᓯ 1ᒥ.