ᐃᖃᓗᖕᓂ ᒪᐃᔭᖓ ᐱᔪᒪᕗᖅ ᑭᐊᒃᓴᐅᑎᒥᒃ ᐃᑭᑦᑎᕕᖕᒥ ᐊᔾᔨᐸᓗᐊᓂ ᓅᒃᒥ

For the English version of this story, please see Iqaluit mayor wants incinerator similar to Nuuk’s.

ᐃᖃᓗᖕᓂ ᒪᐃᔭᖓ ᓵᓚᒪᓐ ᐊᕙ ᐅᖃᖅᐳᖅ ᐱᔪᒪᓂᖓᓂ ᑭᐊᒃᓴᐅᑎᒥᒃ ᐃᑭᑦᑎᕕᖕᒥ ᐃᒡᓗᕐᔪᐊᒥ ᓄᓇᓕᐸᐅᔭᖓᓐᓂ ᐊᔾᔨᐸᓗᖓᓐᓂ ᑕᐃᔅᓱᒥᖓ ᓅᒃ, ᑲᓛᖠᐅᑉ ᓄᓈᓐᓂ.

ᑐᓂᓯᓚᐅᖅᐳᖅ ᓄᑖᙳᕆᐊᖅᑕᐅᓂᐅᔪᒥ ᐃᓚᖏᓐᓂ ᐊᐅᓪᓛᕐᓂᖓᓂ ᑭᖑᓪᓕᖅᐸᐅᔪᒥ ᓇᑉᐸᖓᓂ ᐊᐅᔭᐅᔪᒥ ᓄᓇᓕᐸᐅᔭᒥ ᑲᑎᒪᔨᓄᑦ ᑲᑎᒪᓂᐅᔪᒥ ᓯᑎᐱᕆ 24−ᒥ.

ᐋᒍᔅᑎᒥ, ᐊᕙ ᐃᓚᒋᔭᐅᓚᐅᖅᐳᖅ ᑲᑎᒪᔨᐅᔪᓂ ᓄᓇᕗᒻᒥ ᕼᐋᒻᓚᒃᑯᓐᓂ ᓯᕗᓕᐅᖅᑎᐅᔪᓂ ᐳᓚᕋᓚᐅᖅᑐᓂ ᓅᒃᒧᑦ. ᐳᓚᕋᓚᐅᖅᐳᑦ ᓄᓇᓕᐸᐅᔭᐅᑉ ᑭᐊᒃᓴᐅᑎᒥ ᐃᑭᑦᑎᕕᖓᓂ ᐱᓕᕆᕝᕕᐊᓂ ᐱᓲᖑᔪᓂ ᐊᒃᑕᑯᓂ, ᐃᑭᑎᑕᐅᓪᓗᑎᒃ ᐆᓇᕐᓂᐅᔪᓂ 850 C ᐅᖓᑖᓂ, ᐊᒻᒪ ᐊᑐᓲᖑᕗᖅ ᐆᓇᕐᓂᖓᓂ ᐅᕙᙶᖅᑐᒥ ᐅᖅᑰᓴᐃᓂᖓᓂ 4,000−ᓂ 10,000−ᓄᑦ ᐊᖏᕐᕋᐅᔪᓂ ᐊᒻᒪ ᐃᒡᓗᕐᔪᐊᓂ ᓄᓇᓕᐸᐅᔭᒥ 20,000−ᐸᓗᖕᓂ ᐃᓄᓕᖕᓂ.

“ᐸᕐᓇᒍᒪᕗᖓ ᑐᒃᓯᕋᕐᓂᕐᒧᑦ ᑭᐊᒃᓴᐅᑎᒥᒃ ᐃᑭᑦᑎᕕᖕᒥ ᓄᓇᓕᐸᐅᔭᑦᑎᓐᓄᑦ,” ᐊᕙ ᐅᖃᓚᐅᖅᐳᖅ, ᐅᖃᓪᓚᒃᖢᓂ ᐃᓄᒃᑎᑐᑦ.

“ᐅᒃᐱᕈᓱᒃᐳᖓ ᓄᓇᕗᒻᒥ ᒐᕙᒪᕗᑦ ᐊᒻᒪ ᒐᕙᒪᑐᖃᒃᑯᑦ ᐃᓱᒪᒃᓴᖅᓯᐅᕆᓪᓗᐊᕐᓂᖏᓐᓂ ᑮᓇᐅᔭᖃᖅᑎᑦᑎᓂᕐᒥ ᐊᔾᔨᐸᓗᖏᓐᓂ ᐱᓕᕆᐊᒃᓴᐅᔪᓂ ᓄᓇᕗᒻᒥ.”

Coun. Simon Nattaq, ᐳᓚᕋᓚᐅᕐᒥᔪᖅ ᓅᒃᒥ ᐃᒡᓗᕐᔪᐊᖓᓂ, ᐅᖃᓚᐅᖅᐳᖅ ᑭᐊᒃᓴᐅᑎᒥᒃ ᐃᑭᑦᑎᕕᖕᒥ ᐃᖃᓗᖕᓂ “ᐱᓪᓚᕆᒡᓗᑎᒃ” ᐃᓱᒪᒃᓴᖅᓯᐅᕈᑕᐅᓪᓗᐊᖅᐳᖅ.

ᐅᔾᔨᕆᓚᐅᖅᐳᖅ ᐊᒃᑕᑯᐃᑦ ᓄᓇᓕᐸᐅᔭᐅᑉ ᐊᒃᑕᕐᕕᖓᓂ ᑎᒃᑕᐅᒐᔪᒃᐳᑦ ᐊᓄᕆᒧᑦ ᓄᓇᒧᑦ ᐊᒻᒪ ᑕᕆᐅᕐᒧᑦ.

ᔫᓂᒥ. ᓄᓇᑦᑎᐊᖅ ᑐᓴᒐᒃᓴᓕᕆᔨᒃᑯᓐᓂ ᑐᓴᒐᒃᓴᓕᕆᔨᒥ ᐳᓚᕋᖅᑎᑕᐅᔪᖃᓚᐅᖅᐳᖅ ᓅᒃᒥ ᑭᐊᒃᓴᐅᑎᒥᒃ ᐃᑭᑦᑎᕕᖓᓂ ᐱᓕᕆᕝᕕᖓᓂ. ᕗᕌᖕᒃ ᕌᔅᒥᐅᓴᓐ, ᐊᐅᓚᑦᑎᔨᒻᒪᕆᒃ ESANI A/S−ᒥ, ᑲᓛᖠᐅᑉ ᓄᓈᓐᓂ ᐊᒃᑕᑯᓂ ᐊᐅᓚᑦᑎᓂᐅᔪᒥ ᑲᒻᐸᓂᐅᔪᒥ, ᑕᑯᒃᓴᐅᑎᑦᑎᓚᐅᖅᐳᖅ ᖃᓄᖅ 90 ᐳᓴᓐᑎᐸᓗᖕᒥ ᐊᒃᑕᑯᓂ ᐊᒡᔭᖅᑕᐅᔪᓂ ᐃᑭᑎᑕᐅᕙᒃᐳᑦ ᓄᖑᖦᖢᑎᒃ.

ᐊᒥᐊᒃᑯᖓ 10 ᐳᓴᓐᑎᖓᓂ ᐊᐅᓪᓚᖅᑎᑕᐅᕙᒃᐳᑦ ᐊᒃᑕᕐᕕᐅᔪᒧᑦ ᐅᕝᕙᓘᓐᓃᑦ ᐃᒋᑕᐅᔪᓄᑦ ᓴᕕᕋᔭᖕᓄᑦ ᐊᑐᖅᑕᐅᒃᑲᓐᓂᕈᓐᓇᖅᑐᓄᑦ ᐅᕝᕙᓘᓐᓃᑦ ᐊᑐᓕᖅᑎᑕᐅᒃᑲᓐᓂᕐᓗᑎᒃ ᐊᓯᖏᓐᓄᑦ.

ᓴᓇᔭᐅᓗᓂ ᐊᑭᐅᔪᒥ C$50 ᒥᓕᐊᓐᓂ, ᐃᒡᓗᕐᔪᐊᖅ ᐊᐅᓚᑕᐅᓲᖑᕗᖅ ᖃᐅᔨᓴᐅᑦ ᐊᐳᖅᖢᒍ, ᐃᖅᑲᓇᐃᔭᖅᑎᖃᖅᐳᖅ 10−ᓂ ᐊᔪᙱᑦᑐᓂ ᓴᓇᔨᐅᔪᓂ ᐊᒻᒪ ᐱᕙᒃᐳᑦ ᐊᒃᑕᑯᓂ ᑎᑭᑎᑕᐅᔪᓂ ᐊᓯᖏᓐᓂ ᑲᓛᖠᐅᑉ ᓄᓈᓐᓂ ᓄᓇᓕᐅᔪᓂ.

ᓱᕋᔾᔭᐃᒃᑯᑎᐅᔪᒥ ᐱᓕᕆᓂᐅᔪᒥ ᓇᓗᓇᐃᖅᓯᕗᖅ ᓱᔪᐃᓐᓇᖅᑐᓂ ᐃᓚᐅᑎᒃᓴᓂ ᓴᖅᑭᑎᑕᐅᙱᓐᓂᖏᓐᓂ ᐊᒻᒪ ᐊᓂᕐᓂᒃᓴᖓ ᑕᐅᑲᓂ ᐃᒡᓗᕐᔪᐊᒥ ᓴᓗᒪᐃᓐᓇᖅᐳᖅ.

ᐅᖃᐅᓯᐅᓂᖓᓂ ᐃᖃᓗᖕᓂ ᑭᐊᒃᓴᐅᑎᒥ ᐃᑭᑦᑎᕕᖕᒥ ᓯᕗᒻᒧᐊᕆᔭᐅᓯᒪᕗᖅ ᑲᑎᒪᔨᓄᑦ ᖃᔅᓰᖅᓱᖅᑕᐅᓯᒪᔪᒥ ᐊᕐᕌᒍᒐᓴᓂ, ᑭᓯᐊᓂ ᑕᐃᒪᐃᑦᑐᒥ ᐃᒡᓗᕐᔪᐊᒥ ᐱᑕᖃᙱᓚᖅ.

“ᑮᓇᐅᔭᓂ ᐊᑐᕆᐊᖃᖅᐳᒍᑦ ᐃᑲᔪᕐᓂᕐᒥ ᐊᕙᑎᑦᑎᓐᓂ,” ᐊᕙ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ, ᐊᐱᕆᔭᐅᒐᒥ ᐱᑕᖃᑐᐃᓐᓇᕆᐊᖃᖅᑐᒥ $50 ᒥᓕᐊᓐᒥ ᐊᑭᒋᓇᔭᖅᑕᖓᓂ.

“ᐃᓚᖏᑦ ᐃᓄᐃᑦ ᐅᖃᑐᐃᓐᓇᕆᐊᖃᖅᐳᑦ ᐊᑭᖓ ᐊᑭᑐᓗᐊᕐᓂᖓᓂ, ᑭᓯᐊᓂ ᐃᑲᔪᕐᓂᖃᕐᓂᐊᖅᐳᖅ ᐸᔭᑎᒥ.”

ᐊᕙ ᐅᖃᓚᐅᖅᐳᖅ ᐸᕐᓇᒃᐳᖅ ᐅᖃᐅᓯᖃᕐᓂᕐᒥ ᑐᒃᓯᕋᐅᑎᖓᓂ ᓄᓇᕗᒻᒥ ᒪᐃᔭᐅᔪᓄᑦ ᓄᕕᐱᕆᒥ ᓄᓇᕗᒻᒥ ᑲᑐᔾᔨᖃᑎᒌᖑᔪᓂ ᕼᐋᒻᓚᐅᔪᓂ ᑲᑎᒪᓕᕈᑎᒃ ᐃᖃᓗᖕᓂ.

ᐅᖃᓚᐅᖅᐳᖅ ᑭᐊᒃᓴᐅᑎᒥ ᐃᑭᑦᑎᕕᖕᒥ ᐃᑲᔪᕋᔭᖅᐳᖅ ᐃᖃᓗᖕᓂ ᐃᓚᒋᖅᓯᑦᑕᐃᓕᒃᑲᓐᓂᕐᓂᖓᓂ ᐊᒃᑕᕐᕕᖏᓐᓄᑦ.

“ᖃᖅᑲᙳᖅᐸᓵᓕᕐᒪᑦ,” ᐊᕙ ᐅᖃᓚᐅᖅᐳᖅ.

“ᐊᑐᓯᒋᐊᕈᑦᑕ ᑭᐊᒃᓴᐅᑎᒥ ᐃᑭᑦᑎᕕᖕᒥ, ᐱᑕᖃᕋᔭᙱᓚᖅ.”

ᐱᓇᓱᐊᕈᓯᐅᓚᐅᖅᑐᒥ ᐊᕙᐅᑉ ᓯᕗᓪᓕᖅᐸᐅᓪᓗᓂ ᑲᑎᒪᓂᖓᓂ ᒪᐃᔭᐅᑉ ᐃᒃᓯᕙᐅᑕᖓᓂ ᑕᐃᒪᙵᓂ ᔪᓚᐃᒥ. ᒪᕐᕉᔪᓄᑦ ᑲᑎᒪᓂᐅᔪᓄᑦ ᐊᒻᒪ ᓯᕗᓪᓕᖅᐸᐅᔪᒥ ᓯᑎᐱᕆᒥ, ᐃᓚᐅᖃᑕᐅᓚᐅᖅᐳᖅ ᐅᕘᓇ ᐅᖃᓘᑎᒃᑯᑦ ᑲᑎᒪᓂᐅᔪᒥ ᒪᐃᔭᐅᑉ ᑐᒡᓕᖓ ᑭᒻ ᓯᒥᑦ ᐃᒃᓯᕚᖅᑎᓪᓗᒍ ᐃᓂᒋᔭᖓᓂ.