ᐃᖃᓗᐃᑦ ᑕᑯᕗᑦ ᐱᖓᓱᓂ ᐃᒡᓗᕐᔪᐊᓂ ᐃᑭᑦᑐᓂ ᖄᖏᖅᓯᒪᔪᓂ ᑕᖅᑭᓂ ᐱᖓᓱᓂ

For the English version of this story, please see Iqaluit sees 3 structure fires over the past 3 months.

ᐱᖓᓱᓂ ᐃᑭᑦᑐᖃᓚᐅᖅᐳᖅ ᐃᖃᓗᖕᓂ ᓯᕗᓪᓕᐅᔪᓂ ᑕᖅᑭᓂ ᐱᖓᓱᓂ 2025−ᒧᑦ, ᒪᕐᕉᖕᓂ ᐱᑎᑦᑎᔪᒥ ᓄᖑᑎᑦᑎᑦᑎᐊᖅᖢᓂ.

ᓵᓚᒪᓐ ᑕᒑᖅ, ᓄᓇᓕᐸᐅᔭᐅᑉ ᖃᑦᑎᔨᒃᑯᓐᓄᑦ ᐊᖓᔪᖅᑳᕆᔭᐅᓚᐅᑲᒃᑐᖅ, ᐃᓚᓕᐅᔾᔨᓚᐅᖅᐳᖅ ᓄᑖᙳᕆᐊᖅᑎᑕᐅᓂᐅᔪᒥ ᑕᑯᒃᓴᐅᑎᑦᑎᓂᖓᓂ ᐊᐃᑉᕆᓕ 22−ᒥ ᐃᖃᓗᖕᓂ ᓄᓇᓕᐸᐅᔭᒥ ᑲᑎᒪᔨᓄᑦ.

ᐊᖏᓛᖑᓚᐅᖅᑐᒥ ᐃᑭᑦᑐᒥᒃ ᐱᓚᐅᖅᐳᖅ ᓅᐳᓪ ᐃᒡᓗᖓᓂ, ᖁᓕᕇᒃᑐᓂ ᐃᒡᓗᖃᕐᕕᐅᔪᖅ ᐃᒡᓗᕐᔪᐊᒥ 1088 ᒥᕝᕕᒃ ᐊᑐᕆᐊᖓᓂ, ᐃᓂᖃᕈᓐᓃᖅᑎᑦᑎᓚᐅᖅᑐᒥ 36−ᓂ ᐃᓚᒌᓂᑦ.

ᐊᑕᐅᓯᖅ ᐊᓯᖓᓂ ᐃᑭᑦᑐᒥ ᓱᔪᐃᓚᐅᖅᐳᖅ ᐃᒡᓗᕋᓛᖑᔪᒥ, ᑕᒑᖅ ᐅᖃᓚᐅᖅᐳᖅ, ᐊᒻᒪ ᐱᖓᔪᖓ ᓱᔪᐃᓚᐅᖅᐳᖅ ᖁᓕᕇᒃᑐᒥ ᐃᒡᓗᒋᔭᐅᔪᒥ ᓄᓇᓕᐸᐅᔭᐅᑉ 240 ᐃᓚᖓᓐᓂ.

ᐅᔾᔨᕆᓚᐅᕆᕗᖅ ᑐᐊᕕᕐᓇᖅᑐᒥ ᐱᔨᑦᑎᕋᕐᓂᐅᔪᒥ ᑭᐅᓯᒪᕗᑦ ᖁᑦᑎᖕᓂᖅᓴᐅᔪᒥ ᐅᓄᕐᓂᐅᔪᓂ ᐅᖃᓗᖕᓂᐅᔪᓂ ᖄᖏᖅᓯᒪᔪᓂ ᖃᔅᓯᐊᕐᔪᖕᓂ ᑕᖅᑭᐅᔪᓂ, ᑭᓯᐊᓂ ᑐᓂᓯᓚᐅᙱᓚᖅ ᐅᓂᒃᑳᕆᒃᑲᓐᓂᕐᓂᐅᔪᓂ ᖃᓄᑎᒋ ᖁᑦᑎᖕᓂᖅᓴᐅᓂᖓᓂ ᑕᐃᒃᑯᐊ ᐅᓄᕐᓂᐅᔪᓂ.

ᐱᒋᐊᕐᓂᖓᓂ ᐊᕐᕌᒍᒥ ᑕᐃᑯᖓ ᒫᔾᔨ 31−ᒧᑦ, ᑕᒑᖅ ᐅᖃᓚᐅᖅᐳᖅ, 508−ᓂ ᐅᖃᓗᖕᓂᖃᓚᐅᖅᐳᖅ ᐱᔨᑦᑎᕋᕐᓂᕐᒧᑦ ᓄᓇᓕᐸᐅᔭᒥ ᐊᒻᒪ 313−ᓂ ᑐᒃᓯᕋᕐᓂᐅᔪᓂ ᑐᐊᕕᕐᓇᖅᑐᒧᑦ ᐅᓯᔭᐅᔪᒪᓂᕐᒧᑦ, ᐱᓕᕆᓪᓗᓂ ᑕᐃᒪᐃᒐᔪᖕᓂᐅᔪᒥ 9−ᓂ ᐅᖃᓗᖕᓂᐅᔪᓂ ᖃᐅᑕᒫᒥ.

ᐱᓕᕆᕝᕕᒃ 12−ᓂ ᐊᑭᓕᖅᓱᖅᑕᐅᓇᑎᒃ ᐃᑲᔪᖅᑎᖃᖅᐳᑦ, ᑭᓯᐊᓂ ᐃᓂᖃᖅᖢᑎᒃ 15−ᓄᑦ. ᒫᓐᓇᐅᔪᒥ 24−ᓂ ᐅᓪᓗᓕᒫᖅᓯᐅᑎᓂ ᖃᑦᑎᕆᔨᐅᔪᓂ ᐊᒻᒪ ᑐᐊᕕᕐᓇᖅᑐᒥ ᑭᐅᔨᐅᔪᓂ ᐃᖅᑲᓇᐃᔭᖅᑎᓂ. ᒪᕐᕉᖕᓂ ᐊᖓᔪᖅᑳᑉ ᑐᒡᓕᖏᓐᓂ ᐃᓂᖃᖅᐳᑦ, ᐊᑕᐅᓯᖅ ᐃᓄᖃᕐᓇᓂ.

ᐊᖏᒡᓕᒋᐊᖅᑐᒥ ᐅᖃᓗᖕᓂᐅᔪᓂ, ᐱᓕᕆᕝᕕᒃ ᓇᓗᓇᐃᖅᓯᕗᖅ ᒪᕐᕉᖕᓂ ᑐᐊᕕᕐᓇᖅᑐᒥ ᓄᓇᓯᐅᑎᓂ ᐊᑐᐃᓐᓇᐅᖏᓐᓇᐅᔭᖅᐳᑦ ᐅᓪᓘᔪᒥ, ᑕᒑᖅ ᐅᖃᓚᐅᖅᐳᖅ.

“ᑕᖅᑭᓂ ᒪᕐᕉᖕᓂ ᐱᔭᒃᓴᖃᕐᔪᐊᕐᓇᖅᓯᒪᕗᖅ ᐅᕙᓐᓄᑦ,” ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᐱᓕᕆᓯᒪᕗᖅ ᓄᑖᙳᕆᐊᖅᑎᑦᑎᓂᕐᒥ ᐊᑐᒐᒃᓴᐃᑦ ᐋᖅᑭᒃᓯᒪᓂᖏᓐᓂ ᐊᐅᓚᑕᐅᓂᖏᓐᓂ ᒪᓕᒋᐊᓕᖕᓂ ᐊᒻᒪ ᐱᓕᕆᔾᔪᓯᐅᔪᓂ.

“ᐃᓚᖏᑦ ᓄᑖᙳᕆᐊᖅᑎᑕᐅᔭᕆᐊᖃᖅᐳᑦ, ᐃᓚᖏᑦ ᐋᖅᑭᒃᑕᐅᔭᕆᐊᖃᖅᐳᑦ ᑕᒪᒃᑭᖅᑐᒥ,” ᐅᖃᓚᐅᖅᐳᖅ.

ᑕᒑᖅ ᐱᓚᐅᖅᐳᖅ ᖃᑦᑎᔨᒃᑯᓐᓄᑦ ᐊᖓᔪᖅᑳᕆᔭᐅᓚᐅᑲᒃᑐᒥ ᐃᖅᑲᓇᐃᔮᒥᒃ ᑕᖅᑭᐸᓗᖕᓂ ᒪᕐᕉᓕᖅᑐᓂ ᖄᖏᖅᓯᒪᓕᖅᑐᓂ ᖃᑦᑎᕆᔨᒃᑯᓐᓂ ᐊᖓᔪᖅᑳᖓ ᓯᑏᕝ ᒪᒌᓐ ᕿᒪᐃᓚᐅᖅᑎᓪᓗᒍ ᐃᓂᐅᔪᒥ.

ᓯᓚ ᐱᐅᓯᕙᓪᓕᐊᑎᓪᓗᒍ, ᑕᒑᖅ ᐅᖃᓚᐅᖅᐳᖅ, ᓯᕗᓪᓕᕐᒥ ᑭᐅᔨᐅᔪᑦ ᑕᐅᑐᒃᑕᑐᐊᖃᑲᐃᓐᓇᕐᓂᐊᖅᐳᑦ ᐊᕐᕌᒎᑉ ᐃᓚᖓᓐᓂ ᐱᓕᒻᒪᒃᓴᓂᐅᔪᓂ ᓲᕐᓗ ᐃᒪᕐᒥ ᓴᐳᔾᔨᓂᐅᔪᓂ.

ᒪᐃᔭᐅᑉ ᑐᖏᓕᖓ ᑭᒻᐳᓕ ᓯᒥᑦ ᖁᔭᓕᓚᐅᖅᐳᖅ ᑕᒑᕐᒥ “ᐊᖏᓚᐅᕐᓂᖓᓂ ᐃᓂᐅᔪᒧᑦ” ᐊᒻᒪ ᐅᖃᓚᐅᖅᐳᖅ ᑐᓴᖅᓯᒪᓪᓗᓂ ᐱᐅᔫᑎᓂᑦ.