ᓯᑭᑑᖅᑎ ᖁᔭᓕᕗᖅ ᓴᐳᔾᔨᔨᐅᔪᓂ ᐃᒫᓚᐅᖅᑎᓪᓗᒍ ᓂᒡᓚᓱᒃᑐᒥ ᑰᖕᒧᑦ

For the English version of this story, please see Iqaluit snowmobiler thanks rescuers after fall into icy river.

ᐊᐃᓂᐊᖅ ᖁᐊᒐᐅᑉ ᓯᑭᑑᒃᑯᑦ ᐃᖏᕐᕋᓂᐅᔪᒥ ᐱᓇᓱᐊᕈᓯᐅᓚᐅᖅᑐᒥ ᐊᐅᓪᓛᕐᓂᐅᒐᔪᖕᓂᐊᓚᐅᖅᐳᖅ ᐃᒡᓗᕋᓛᖓᓄᑦ.

ᑭᓯᐊᓂ, ᓯᑯ ᓄᑎᒃᑲᒥ ᐊᑎᖓᓐᓂ.

ᖁᐊᒐᖅ ᓇᖏᑦᑎᐊᓚᐅᖅᐳᖅ ᐊᒻᒪ ᖁᕕᐊᓱᓚᐅᖅᐳᖅ ᔭᓄᐊᕆ 24−ᒥ, ᐅᖃᐅᓯᖃᖅᖢᓂ ᖁᔭᓕᓂᖓᓂ ᓯᕗᓪᓕᐅᔪᓄᑦ ᑭᐅᔨᐅᔪᓄᑦ ᐊᒻᒪᓗ ᓯᑭᑑᖃᖅᑐᒥ ᖃᒧᑎᓕᖕᒥ ᐃᑲᔪᕆᐊᓚᐅᖅᑐᒥ ᐃᒻᒥᓂᒃ ᐊᒻᒪ ᓯᑭᑑᖓ ᑭᕕᑎᓪᓗᒍ ᐃᖃᓗᐃᑦ ᑰᖓᓄᑦ ᐃᖃᓗᖕᓂ ᐱᓇᓱᐊᕈᓯᐅᓚᐅᖅᑐᒥ.

“ᑭᒃᑯᓕᒫᓂ ᖁᔭᓕᔪᒪᕗᖓ,” ᖁᐊᒐᖅ ᐅᖃᓚᐅᖅᐳᖅ.

ᐃᖅᑲᐅᒪᕗᖅ ᐊᐅᓪᓚᕐᓂᖓᓂ ᔭᓄᐊᕆ 20−ᒥ 9 ᐅᓪᓛᖅᐸᓯᒃᑯᑦ. -15 C−ᖑᐸᓗᓚᐅᖅᐳᖅ, ᓯᕿᓐᓂᓕᖅᐸᓪᓕᐊᓪᓗᓂ, ᐊᒻᒪ ᖃᓐᓂᓵᕐᓂᑯᖃᖅᖢᓂ ᒪᓂᖅᑲᒥ.

ᑎᑭᓚᐅᖅᐳᖅ ᑐᐊᑦᑐᒥ ᐃᑳᕐᕕᒃᓴᐅᔪᒥ ᐃᓂᐅᔪᒥ ᑰᖕᒥ ᐃᓗᐊᓂ ᑕᓯᕐᒧᐊᒥ ᓄᓇᕗᒻᒥ ᒥᕐᙳᐃᖅᓯᕐᕕᖓᓂ, ᒥᕝᕕᐅᑉ ᖃᓂᒋᔭᖓᓂ, ᐊᒻᒪ ᓄᖅᑲᓚᐅᖅᐳᖅ ᕿᒥᕐᕈᓇᖕᓂᕐᒥ ᐃᑳᒪᐅᙱᓐᓂᖓᓂ.

ᐊᐃᓂᐊᖅ ᖁᐊᒐᐅᑉ ᓯᑭᑑᖓ ᐃᒫᖅᓯᒪᕗᖅ ᐃᖃᓗᐃᑦ ᑰᖓᓂ ᔭᓄᐊᕆ 20−ᒥ. ᑭᖑᓂᒃᑲᓐᓂᐊᓂ ᐅᓪᓗᖓᓂ, ᐃᓚᖏᓐᓂ ᐃᓄᖕᓂ ᐃᑲᔪᓚᐅᖅᐳᑦ ᐲᖅᓯᓂᖓᓂ ᓯᑭᑑᒥ ᓯᑯᒥ. (ᔨᐊᕝ ᐱᓚᑦᑎᐊᐃ ᐊᔾᔨᖁᑎᖓ)

“ᖃᓄᐃᑦᑑᔮᓚᐅᙱᑦᑐᖅ,” ᐃᖅᑲᐅᒪᕗᖅ, ᑭᓯᐊᓂ ᖃᔅᓯᐊᕐᔪᖕᓂ ᐃᒪᖃᒐᓛᓚᐅᖅᐳᖅ ᓯᑯᒥ.

ᐃᑳᓚᐅᖅᐳᖅ ᐃᖏᕐᕋᓪᓗᓂ 20 ᑭᓛᒥᑐᐸᓗᖕᓂ/ᐃᑲᕐᕋᒥ — “ᓱᒃᑲᓴᕐᓂᐅᔪᒥ” ᓱᒃᑲᓴᕐᓂᐅᙱᑦᑐᒥ.

ᐊᓱᐊᓛᒃ ᓯᑯ ᓄᑎᒃᐸᓪᓕᐊᓕᓚᐅᖅᐳᖅ, ᐊᒻᒪ ᖁᐊᒐᖅ ᓱᒃᑲᓴᕈᓐᓇᓚᐅᙱᓚᖅ ᓅᑎᕆᓂᕐᒥ ᓯᑭᑑᖓᓂ ᓯᕗᒻᒧᑦ.

“ᓯᑭᑑᕋ ᑭᕕᓚᐅᖅᐳᖅ ᑐᓄᐊᒍᑦ, ᑕᒪᒃᑭᙱᖦᖢᓂ, ᑭᓯᐊᓂ ᐃᖏᕐᕋᒃᑲᓐᓂᕈᓐᓇᓚᐅᙱᓚᖓ,” ᐅᖃᓚᐅᖅᐳᖅ. ᓂᐅᓚᐅᖅᐳᖅ ᐊᒻᒪ ᐱᓱᓯᒋᐊᖅᖢᓂ ᓯᑯᒥ ᓯᒡᔭᒧᑦ.

ᑭᓯᐊᓂ, ᐅᖃᓚᐅᖅᐳᖅ, “ᓯᑯ ᓄᑎᓚᐅᖅᐳᖅ ᐊᒻᒪ ᑲᑕᒃᖢᖓ.”

ᖁᐊᒐᖅ, 70, ᐅᓂᒃᑳᓚᐅᖅᐳᖅ ᓇᖏᕐᓂᖓᓂ ᕿᑎᖓᒍᑦ-ᖁᑦᑎᒃᑎᒋᔪᒥ ᓂᒡᓕᓇᕕᒡᔪᐊᖅᑐᒥ ᐃᒪᕐᒥ, ᐱᓱᒃᑲᓐᓂᕈᓐᓃᖅᖢᓂ ᐅᕝᕙᓘᓐᓃᑦ ᖃᕝᕕᕈᓐᓇᕐᓇᓂ ᓯᑯᒧᑦ.

ᑭᓯᐊᓂ ᐅᖃᓗᒍᓐᓇᓚᐅᖅᐳᖅ ᓄᓇᓕᐸᐅᔭᐅᑉ ᑐᐊᕕᕐᓇᖅᑐᒥ ᐱᔨᑦᑎᕋᖅᑎᒃᑯᓐᓄᑦ ᐅᖃᓘᑎᕋᓛᖓᒍᑦ ᐊᒻᒪ ᐊᐱᕆᓚᐅᖅᐳᖅ ᐃᑲᔪᖅᑕᐅᔪᒪᓪᓗᓂ.

ᑎᑭᓐᓂᐅᔪᒥ ᑐᐊᕕᕐᓇᖅᑐᓂ ᓄᓇᓯᐅᑎᓂ ᖃᔅᓯᐊᕐᔪᖕᓂ ᒥᓂᑦᓂ ᑭᖑᓂᐊᒍᑦ ᑕᑯᓚᐅᖅᐸᖏᑦ ᑲᓂ ᒥᖅᑯᓵᕐᒥ, ᒥᕐᙳᐃᖅᓯᕐᕕᖕᒦᓚᐅᖅᑐᒥ. “ᓱᖏᐅᓐᓇᙱᓚᖅ” ᑕᑯᓂᕐᒥ ᖃᑦᑎᕆᔨᒃᑯᓐᓂ ᑕᐃᑲᓂ ᐃᓂᐅᔪᒥ, ᐅᖃᓚᐅᖅᐳᖅ, ᑕᐃᒫᒃ ᒪᓕᓕᓚᐅᖅᐳᖅ.

ᑰᖕᒥ, ᒥᖅᑯᓵᖅ ᑕᑯᓚᐅᖅᐳᖅ ᖁᐊᒐᕐᒥ ᐃᒪᕐᒥ ᐊᒻᒪ ᓯᕗᓪᓕᐅᔪᑦ ᑭᐅᔨᐅᔪᑦ ᐃᑲᔪᕋᓱᒃᖢᑎᒃ.

ᖃᑦᑎᕆᔨᒃᑯᑦ ᐃᑲᔪᖅᑕᐅᔭᕆᐊᖃᖅᑑᔮᓚᐅᖅᐳᑦᑕᐅᖅ, ᑕᐃᒫᒃ ᒥᖅᑯᓵᖅ ᐃᓪᓗᖓᑕ ᓂᐅᕕᕐᕕᖓᓄᐊᓚᐅᖅᐳᖅ ᖃᓂᑦᑐᒥ ᐊᒻᒪ ᐅᑎᓚᐅᖅᐳᖅ ᖃᒧᑎᓕᔭᖅᖢᓂ ᐊᑦᑕᑕᖅᓯᒪᔪᒥ ᓯᑭᑑᖓᓄᑦ.

ᖃᔅᓯᐊᕐᔪᖕᓂ ᐱᓇᓱᓚᐅᖅᐳᑦ, ᖁᐊᒐᖅ ᐅᖃᓚᐅᖅᐳᖅ, ᑭᓯᐊᓂ ᖃᑦᑎᕆᔨᒃᑯᑦ ᓄᓱᓚᐅᖅᐸᖓ ᓄᓇᒧᑦ ᐊᑐᖅᖢᑎᒃ ᓇᒡᒍᐊᒥᒃᑎᑐᑦ ᓴᓇᓯᒪᔪᓂ ᐳᒃᑕᓚᐅᑎᓂ.

ᐃᑲᕐᕋᐅᑉ ᓇᑉᐸᓪᓗᐊᐸᓗᐊᓂ ᐃᒪᕐᒦᓐᓇᓱᒋᓚᐅᖅᐳᖅ. ᑕᐃᑯᖓ ᑎᑭᖦᖢᒍ, ᓴᙲᓗᐊᓕᓚᐅᖅᐳᖅ ᐱᓱᖕᓂᕐᒧᑦ.

ᒥᖅᑯᓵᖅ ᑕᑯᓚᐅᖅᐳᖅ ᓯᕗᓪᓕᐅᔪᒥ ᑭᐅᔨᐅᔪᓂ ᐊᒃᓱᕈᓚᐅᕐᓂᖏᓐᓂ ᓅᑎᑦᑎᓂᕐᒥ ᖁᐊᒐᕐᒥ. “ᐊᓱᐃᓛᒃ, ᐃᑲᔪᖅᑕᐅᔭᕆᐊᖃᓚᐅᖅᐳᑦ,” ᐅᖃᓚᐅᖅᐳᖅ.

ᖁᐊᒐᖅ ᑭᕕᓚᐅᖅᐸᖓ ᖃᒧᑎᖓᓄᑦ ᐅᑕᖅᑭᔪᒧᑦ ᖃᑦᑎᕆᔨᒃᑯᑦ ᓄᓇᓯᐅᑎᒧᑦ. ᐅᓯᓕᐅᔾᔭᐅᒐᒥ, ᖁᐊᒐᖅ ᐋᓐᓂᐊᕕᓕᐊᕈᔾᔭᐅᓚᐅᖅᐳᖅ.

“ᓯᕘᕋᕕᒡᔪᐊᓚᐅᖅᐳᖓ,” ᒥᖅᑯᓵᖅ ᐅᖃᓚᐅᖅᐳᖅ. “ᖃᐅᔨᒪᐸᓗᓚᐅᖅᐳᖓ ᑎᒥᖓ ᓂᒡᓕᓗᐊᐸᓗᓚᐅᕐᓂᖓᓂ.”

ᖁᐊᒐᖅ ᖃᓄᐃᑦᑐᓐᓂᐊᖅᓯᐊᕆᔭᐅᓚᐅᖅᐳᖅ ᐋᓐᓂᐊᕕᖕᒥ ᐊᒻᒪ ᐊᖏᕐᕋᓚᐅᖅᐳᖅ ᐃᑲᕐᕋᑦ 6 ᐊᓂᒍᖅᑎᓪᓗᒍ. ᐅᖃᓚᐅᖅᐳᖅ ᖁᐊᕐᓂᖃᓚᐅᙱᓚᖅ, ᑭᓯᐊᓂ ᐃᓅᓕᓴᖅᑎᑦ ᓇᐅᑦᑎᖅᓱᓚᐅᖅᐳᑦ ᓄᑭᑦᑎᐊᕆᖕᓂᕐᒥ ᑭᒡᓕᐅᔪᓂ ᐊᒻᒪ ᑎᒥᖓᑕ ᐆᓇᕐᓂᖓᓂ.

ᐊᒪᕈᖅ ᐊᖑᓇᓱᒃᑐᓕᕆᔨᒃᑯᓐᓂ ᒥᑭᒋᐊᕐᓂᐊᖅᑎᓪᓗ ᑲᑐᔾᔨᖃᑎᒌᒃᑯᑦ ᐃᒡᓗᕐᔪᐊᖓᓂ ᔭᓄᐊᕆ 24−ᒥ, ᖁᐊᒐᖅ ᐅᐸᒃᓯᒪᓗᓂ ᖁᔭᓕᔪᓐᓇᓚᐅᖅᐳᖅ ᒥᖅᑯᓵᕐᒥ ᐃᒻᒥᓂᒃ ᐃᑲᔪᓚᐅᕐᓂᖓᓂ. ᑐᓂᓯᓚᐅᕆᕗᖅ ᖁᔭᓕᓂᖓᓂ ᐃᖃᓗᖕᓂ ᑐᐊᕕᕐᓇᖅᑐᒥ ᐱᔨᑦᑎᕋᖅᑎᒃᑯᓐᓂ, ᐋᓐᓂᐊᕕᖕᒥ ᐃᖅᑲᓇᐃᔭᖅᑎᓂ ᐊᒻᒪ ᐃᓄᖕᓂ ᑭᖑᓂᐊᒍᑦ ᐃᑲᔪᓚᐅᖅᑐᓂ ᓄᓱᒃᓯᓂᖓᓂ ᓯᑭᑑᖓᓂ ᑰᖕᒥ.

“ᖁᕕᐊᓱᕐᔪᐊᓚᐅᖅᐳᖓ ᑕᑯᓂᕐᒥ ᐱᓱᖕᓂᖓᓂ,” ᒥᖅᑯᓵᖅ ᐅᖃᓚᐅᖅᐳᖅ.

ᐃᖅᑲᐅᒪᓪᓗᓂ ᖃᓄᐃᓐᓂᐅᔪᒥ, ᖁᐊᒐᖅ ᐅᖃᓚᐅᖅᐳᖅ ᐱᒻᒪᕆᐅᕗᖅ ᐃᓄᖕᓂ ᓇᒃᓴᕐᓂᖏᓐᓂ ᑐᐊᕕᕐᓇᖅᑐᒥ ᐋᔩᖃᑎᒌᒍᑎᒥᒃ ᐱᓕᕆᔾᔪᑎᒥᒃ ᐊᒻᒪ ᐊᔪᕐᓇᙱᒃᑯᓂ ᐊᐅᓪᓛᖅᐸᒡᓗᓂ ᑲᑎᙵᓂᐅᔪᓂ.

ᐊᓂᖅᓴ, ᐃᒫᕐᓂᖓ ᐱᓚᐅᖅᐳᖅ ᓄᓇᓕᐸᐅᔭᐅᑉ ᖃᓂᒋᔭᖓᓂ, ᐅᖃᓘᑎᕋᓛᖓ ᐊᔪᓚᐅᙱᓚᖅ ᐊᒻᒪ ᓯᓚ ᓂᒡᓚᓱᓗᐊᓚᐅᙱᓚᖅ.

“ᑐᐊᕕᕐᓇᕐᔪᐊᓚᐅᙱᓚᖅ ᐅᕝᕙᓘᓐᓃᑦ ᐅᓗᕆᐊᓇᓚᐅᙱᓚᖅ [ᖃᓄᐃᓐᓂᐅᔪᓂ] ᐃᓚᖏᓐᓂ ᐃᓄᖕᓂ ᐃᒻᒥᓂᒃ ᓇᓂᓯᕙᖕᓂᖏᓐᓂ,” ᐅᖃᓚᐅᖅᐳᖅ.

ᓄᓇᕗᒻᒥ ᒐᕙᒪᒃᑯᑦ ᑐᓂᓯᓚᐅᖅᐳᑦ ᑐᓴᒐᒃᓴᓕᐊᖑᔪᒥ ᔭᓄᐊᕆ 24−ᒥ ᐃᓂᖅᑎᕆᓂᕐᒥ ᐃᓄᖕᓂ “ᐅᓗᕆᐊᓇᖅᑐᒥ” ᓯᑯᒥ ᖃᓄᐃᓐᓂᐅᔪᒥ ᑕᓯᕐᔪᐊᖅ ᓄᓇᕗᒻᒥ ᒥᕐᙳᐃᖅᓯᕐᕕᖓᓂ. ᐊᔭᐅᕆᕗᖅ ᐃᓄᖕᓂ ᓇᐅᑦᑎᖅᓱᕐᓂᕐᒥ ᓯᑰᑉ ᖃᓄᐃᓐᓂᕆᔭᖓᓂ ᐊᒻᒪ ᓇᒃᓴᕐᓗᑎᒃ ᐅᕕᙱᐊᕋᓂ, ᓈᓚᐅᑎᓂ ᐊᒻᒪ ᐊᒃᖢᓈᓂ.