ᐃᖃᓗᐃᑦ ᐃᒥᕐᑕᕐᕕᖓ ᐱᐊᓂᒃᑕᐅᑐᐃᓐᓇᕆᐊᓕᒃ ᑕᒪᑐᒪᓂ ᐱᓇᓱᐊᕈᓯᕐᒥ

For English version, see Iqaluit water treatment plant could be ready to go back online next week

ᓄᓇᓕᐸᐅᔭᐃᑦ ᐃᒪᖃᕐᕕᖓ ᐊᐅᓚᑕᐅᔾᔪᓯᖓᓄᑦ ᐅᑎᕐᓵᓕᑐᐃᓐᓇᕆᐊᓕᒃ.

ᓄᓇᓕᐸᐅᔭᐃᑦ ᑐᓴᖅᑎᑦᑎᓚᐅᕐᑐᑦ ᖃᐅᔨᓴᖅᑕᐅᔪᒥᒃ ᐊᒻᒪ ᐋᖅᑭᒃᓱᖅᑕᐅᓂᖓᓂᒃ ᐃᒪᖃᕐᕕᒃ ᒫᔅᓯ 10-ᖑᑎᓪᓗᒍ.

ᐱᓕᕆᑎᑕᐅᔪᑦ ‘ᐱᓕᕆᐊᖃᓪᓚᕆᒃᖢᑎᒃ’ ᖃᐅᔨᓴᕐᒪᑕ ᐃᒪᖃᕐᕕᐅᑉ ᒥᓪᓗᐊᕈᑎᖏᓐᓂᒃ, ᑯᕕᔾᔪᑎᖏᓐᓂᒃ, ᐊᐅᓚᑕᐅᔾᔪᑎᖏᓐᓂᒃ, ᓱᕈᔾᔭᐃᕈᑎᖏᓐᓂᒃ, UV ᐱᓕᕆᔾᔪᑎᓂᒃ ᐊᒻᒪ ᑯᓘᕇᓐᒥ ᐃᓚᓯᔾᔪᑎᖏᓐᓂᒃ.

“ᐅᓇ ᐱᓕᕆᐊᖑᖕᒪᑦ ᐅᔾᔨᖅᓱᖅᑕᐅᑦᑎᐊᖅᖢᓂ, ᓲᖃᐃᒻᒪ ᐊᕐᕌᒍ ᐃᓚᓕᕐᑐᖅ ᐃᒪᖃᕐᕕᒃ ᐊᐅᓚᑕᐅᓚᕐᓯᒪᓂᖓᓂᒃ,” ᑐᓴᒐᒃᓴᕆᔭᐅᔪᑦ ᐅᖃᕐᓯᒪᓚᐅᕐᑐᑦ.

ᖃᐅᔨᓴᖅᑕᐅᓂᖓ ᐃᓚᖃᓚᐅᕐᑐᖅ ᓄᓇᓕᐸᐅᔭᐃᑦ ᐃᒪᕐᒥ ᖃᐅᔨᓴᑲᑕᒃᖢᑎᒃ ᐃᒪᖃᕐᕕᓕᒫᒥᒃ ᐊᒻᒪᓗ ᑖᓐᓇ ᓴᓗᒻᒪᕐᓴᖅᑕᐅᑦᑎᐊᖅᖢᓂ ᐊᒻᒪᓗ ᐆᒪᔪᖃᙱᒃᑲᓗᐊᕆᐊᒃᓴᖓᓂᒃ ᖃᐅᔨᓴᖅᑕᐅᓪᓗᓂ.

ᑖᓐᓇ ᐱᓕᕆᐊᕆᔭᐅᕌᓂᒃᐸᑦ ᐅᑯᐊ ᐱᓕᕆᑎᑕᐅᔪᑦ ᓄᓇᓕᐸᐅᔭᓂ ᐃᓱᒪᓕᐅᕆᓯᒪᔪᑦ ᓄᓇᕗᒥᑦ ᒐᕙᒪᒃᑯᓐᓄᑦ ᓇᓗᓇᐃᕐᓗᑎᒃ ᐃᒪᖃᕐᕕᒃ ᐊᑐᖅᑕᐅᔪᒪᓂᖓᓂᒃ ᐊᑐᖅᑕᐅᔾᔪᓯᕆᕙᒃᑕᖓᒍᑦ. ᐃᓱᒪᖕᒪᑕ ᐊᑐᐃᓐᓇᐅᓕᕐᓂᐊᕋᓱᒋᔭᐅᓪᓗᓂ ᐱᓇᓱᐊᕈᓯᖅ ᐃᓱᓕᑉᐸᑦ, ᑐᓴᒐᒃᓴᐃᑦ ᐅᖃᕐᓯᒪᓚᐅᕐᑐᑦ.

ᓄᓇᓕᐸᐅᔭᐃᑦ ᐃᖅᑲᓇᐃᔭᖅᑎᑖᓚᐅᕐᑐᑦ ᐃᓕᓐᓂᐊᕌᓂᒃᓯᒪᔪᒥᒃ ᐃᒪᖃᕐᕕᓕᕆᔨᒃᓴᒥᒃ “ᑲᒪᒋᔭᖃᕐᓂᐊᕐᓗᓂ ᐱᓕᕆᔨᓂᒃ ᐃᒪᖃᕐᕕᒃᒥ ᐊᒻᒪ ᐊᐅᓚᑕᐅᔭᕆᐊᖃᕐᓂᖓᒍᑦ ᐊᐅᓚᑕᐅᓗᓂ,” ᐅᖃᕐᓯᒪᓚᐅᕐᒥᔪᖅ ᑐᓴᒐᒃᓴᓕᐊᖑᔪᑦ.

ᐅᖃᕐᓯᒪᓚᐅᕐᒥᔪᖅ ᑕᕐᓴᖓ ᐊᒻᒪ ᑎᐱᖓ ᐃᒪᐅ ᐊᓯᙳᔾᔮᕋᓱᒋᔭᐅᙱᖢᑎᒃ ᑖᓐᓇ ᐊᐅᓚᑕᐅᓯᒪᓕᕐᐸᑦ ᐃᒪᖃᕐᕕᒃ. ᐊᒻᒪᓗ ᐃᓱᒪᒋᔭᐅᓪᓗᓂ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᐊᖓᔪᖅᑳᖅ ᐃᒪᕐᒥ ᖃᓛᖅᑎᑦᑎᖁᔨᑐᐃᓐᓇᕆᐊᖃᕐᓂᖓᓂᒃ.

ᐃᖃᓗᐃᑦ ᓄᓇᓕᐸᐅᔭᖏᑦ ᐅᖃᓚᐅᕐᑐᑦ ᑐᓴᖅᑎᑦᑎᒃᑲᓐᓂᕐᓂᐊᕐᓂᕋᖅᖢᑎᒃ ᑖᓐᓇ ᐃᒪᖃᕐᕕᒃ ᐊᑐᖅᑕᐅᔪᓐᓇᖅᓯᑦᑎᐊᖅᐸᑦ.

ᐃᒪᖃᕐᕕᒃ ᐊᑐᖅᑕᐅᙱᒻᒪᑦ 2022 ᐱᒋᐊᓕᓵᓚᐅᕐᓯᒪᑎᓪᓗᒍ ᖃᐅᔨᑎᓪᓗᒋ ᐱᐅᔪᓐᓃᕐᓯᒪᓚᐅᕐᓂᖓᓂᒃ ᒪᕐᕈᐃᖅᖢᓂ.