ᓱᒃᑲᔪᖅ ᓄᑖᙳᕆᐊᖅᑎᑕᐅᔪᖅ ᑎᑭᑉᐳᖅ ᓄᑖᖑᔪᒥ ᐃᖃᓗᖕᓂ-ᒪᓐᑐᕆᐋᓪᒧᑦ ᖃᖓᑕᓂᐅᔪᓂ

For the English version of this story, please see Chrono Aviation prepares for Iqaluit-Montreal takeoff.

Chrono ᖃᖓᑕᓲᖁᑎᖓᑕ ᓇᖕᒥᓂᖃᖅᑎᐅᔪᓄᑦ, ᒪᑐᐃᖅᓯᓂᕐᒥ ᓄᑖᖑᔪᒥ ᐃᑭᒪᔪᓄᑦ ᐊᖅᑯᑎᐅᔪᒥ ᐃᖃᓗᖕᓂ ᐊᒻᒪ ᒪᓐᑐᕆᐋᓪᒧᑦ ᐱᓂᖃᓪᓚᕆᙱᑦᑐᖅ ᓂᐅᕕᐊᒃᓴᖃᕐᓂᕐᒥ ᐅᓄᓛᖑᔪᓂ ᖃᖓᑦᑕᐅᑎᓂᑦ.

Chrono−ᑯᑦ ᐃᑭᒪᔪᓂ ᐱᔨᑦᑎᕋᕐᓂᐅᔪᒥ ᒪᓐᑐᕆᐋᓪᒧᑦ ᐊᒻᒪ ᐃᖃᓗᖕᓄᑦ ᒪᑐᐃᓚᐅᖅᐳᖅ ᐋᒍᔅᑎ 6−ᒥ ᖃᖓᑕᓲᓂ ᐅᑎᕐᔭᕐᓂᐅᔪᒥ ᐊᐅᓪᓛᕐᓂᖃᖅᖢᓂ ᒪᕐᕈᐃᖅᓱᖅᑐᒥ ᐱᓇᓱᐊᕈᓯᕐᒥ.

ᐊᖓᔪᖅᑳᖅ ᕕᓐᓯᓐᑦ ᒑᓐᔫ ᐊᒻᒪ ᐊᖓᔪᖅᑳᑉ-ᑐᒡᓕᖓ ᑖᓂ ᒑᓐᔫ — ᐃᓚᒌᙱᑦᑐᑦ, ᑭᓯᐊᓂ ᓇᓂᓯᓚᐅᖅᐳᑦ Chrono−ᒥ — ᐅᖃᓚᐅᖅᐳᖅ ᐃᓱᒪᓕᐅᕐᓂᐅᔪᖅ ᒪᑐᐃᖅᓯᓂᕐᒥ ᐃᑭᒪᔪᓄᑦ ᐊᖅᑯᑎᖓᓂ ᑎᑭᓚᐅᖅᐳᖅ ᐱᕕᒃᓴᖃᕐᓂᐅᔪᒥ ᐊᒻᒪ ᐱᔭᕆᐊᖃᖅᑎᑕᐅᓂᖓᓂ.

Chrono ᐃᓚᓯᓂᐊᖅᐳᖅ Boeing 737-800 Next Generation ᐃᑭᒪᔪᓄᑦ ᓱᒃᑲᔪᒥ ᖃᖓᑕᓲᖁᑎᖏᓐᓄᑦ ᐆᒧᖓ ᐊᖅᑯᑕᐅᔪᒧᑦ ᐊᖏᓂᖅᓴᐅᓪᓗᓂ ᐊᒻᒪ ᐅᖅᓱᖅᑐᓗᐊᙱᓐᓂᖅᓴᐅᓪᓗᓂ ᓄᑕᐅᔪᓐᓃᖅᐸᓪᓕᐊᔪᓂ 737-200 ᓱᒃᑲᔪᖏᓐᓂ.

ᓄᑕᐅᙱᓐᓂᖅᓴᑦ ᐃᑭᒪᔪᓄᑦ ᖃᖓᑕᓲᑦ “ᐊᑐᒐᒃᓴᐅᑦᑎᐊᙱᓐᓂᖅᓴᐅᓕᖅᐳᑦ” ᐱᔾᔪᑎᖃᖅᑐᒥ ᐋᖅᑭᐅᒪᑎᑦᑎᓂᕐᒧᑦ ᐊᑭᖏᓐᓂ, ᑖᓂ ᒑᓐᔫ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ.

ᐊᒻᒪᓗ, ᓄᓇᓕᖕᓂ ᐱᔪᓐᓇᖅᑎᑦᑎᔪᑦ ᑕᐅᕙᓂ ᒪᓐᑐᕆᐋᓪ Metropolitan/Saint-Hubert ᒥᑦᑕᕐᕕᖓᓂ ᓛᙱᐅᓪ, ᑯᐸᐃᖕᒥ, ᓄᖅᑲᖅᑎᑦᑎᓚᐅᖅᐳᑦ ᑕᐃᒃᑯᓂᖓ ᓱᒃᑲᔪᓂ ᐊᐅᓪᓚᕐᓂᖏᓐᓂ ᐅᓐᓄᐊᒃᑯᑦ ᐱᔾᔪᑎᖃᖅᑐᒥ ᓂᐱᖅᑯᖅᑐᓗᐊᕐᓂᖏᓐᓂ ᐃᓱᒫᓘᑕᐅᔪᓂ.

ᖃᖓᑕᓲᖅ ᑳᓐᑐᕌᒃᑕᐅᓯᒪᕗᖅ ᐹᕙᓐᓛᓐ ᓴᕕᕋᔭᒃᓴᓂ ᑎᒥᖁᑕᐅᔪᓂ ᖃᖓᑕᑎᑦᑎᓂᕐᒥ ᓴᓇᔨᐅᔪᓂ ᐅᑭᐅᖅᑕᖅᑐᒧᑦ ᒪᓐᑐᕆᐋᓪᒥ. ᒫᓐᓇ ᖃᖓᑕᓲᖅᑎᒃᑯᑦ ᐊᑐᕐᓂᐊᓕᖅᐳᑦ ᐊᖏᓂᖅᓴᐅᔪᓂ ᓱᒃᑲᔪᒥ ᐃᓄᖃᕈᓐᓇᖅᑐᒥ 120−ᓂ, ᐱᕕᒃᓴᖃᖅᐳᑦ ᓂᐅᕕᐊᒃᓴᖃᕐᓂᕐᒥ ᑎᑭᐅᒪᔪᒧᑦ 80−ᑲᓐᓂᕐᓂ ᐃᒃᓯᕙᐅᑕᒃᑲᓐᓂᕐᓂ ᐊᑐᓂ ᖃᖓᑕᓂᐅᔪᒥ.

“ᐃᓄᖃᙱᑦᑐᓂ ᐃᒃᓯᕙᐅᑕᖃᐅᙱᓪᓗᑕ, ᐃᒪᐃᓕᓚᐅᖅᐳᒍᑦ, ‘ᓂᐅᕕᐊᒃᓴᖃᕋᓱᓚᐅᖅᑕ ᖃᖓᑦᑕᐅᑎᒃᓴᓂ ᐊᒻᒪ ᒪᑐᐃᕐᓗᒍ ᐊᖅᑯᑕᐅᔪᒥ ᒪᓐᑐᕆᐋᓪᒥ?’” ᑖᓂ ᒑᓐᔫ ᐅᖃᓚᐅᖅᐳᖅ.

ᐅᓇ ᓄᑖᖑᔪᖅ ᐋᖅᑭᒃᑕᐅᓯᒪᓂᐅᔪᒥ ᑐᑭᖃᖅᐳᖅ ᐹᕙᓐᓛᓐᑯᑦ ᓱᓕ ᑳᓐᑐᕌᒃᑎᑦᑎᕗᑦ Chrono−ᒥ ᖃᖓᑕᑎᑦᑎᓂᕐᒥ ᓴᓇᔨᖏᓐᓂ, ᑭᓯᐊᓂ ᑕᐃᑲᓂᑦᑕᐃᓐᓇᖅ ᖃᖓᑕᓂᐅᔪᓂ, Chrono ᖄᒃᑲᓐᓂᐊᒍᑦ ᑮᓇᐅᔾᔭᒃᓴᔪᓐᓇᖅᐳᑦ ᓂᐅᕕᐊᒃᓴᖃᕐᓂᕐᒥ ᖃᖓᑦᑕᐅᑎᓂ ᐃᓄᓕᒫᓄᑦ.

ᐋᖅᑭᒃᓯᕗᖅ ᐊᖅᑯᑎᒋᔭᐅᔫᑉ ᒪᑭᒪᔾᔪᑎᒋᔪᓐᓇᖅᑕᖓᓂ ᐊᑑᑎᖃᙱᓐᓂᖅᓴᐅᓂᖓᓂ ᖃᔅᓯᓂ ᐃᓄᖕᓂ ᓂᐅᕕᕈᒪᔪᖃᓕᕐᓂᕈᓂ ᖃᖓᑦᑕᐅᑎᒥᒃ, ᐅᖃᓚᐅᖅᐳᖅ.

“ᐅᔭᕋᖕᓂᐊᕐᕕᒃ ᐱᓕᕆᔾᔪᔾᔭᐅᕗᑦ ᐊᒻᒪ ᑕᐃᒃᑯᓄᖓ ᖃᖓᑕᕙᒃᐳᒍᑦ, ᑕᐃᒫᒃ ᒪᑐᐃᖅᓯᔪᒪᓕᓚᐅᖅᐳᒍᑦ ᐃᒃᓯᕙᐅᑕᖏᓐᓂ, ᐊᒻᒪ ᐊᑭᑐᓗᐊᕌᓗᙱᑎᓪᓗᒍ ᐊᑭᖓᓂ, ᐊᔪᕐᓇᙱᑎᑦᑎᓗᓂ ᐊᒻᒪ ᐊᔪᕐᓇᙱᓪᓗᓂ ᐃᑭᒪᔪᓄᑦ,” ᑖᓂ ᒑᓐᔫ ᐅᖃᓚᐅᖅᐳᖅ.

Chrono ᐅᖃᐅᓯᖃᓚᐅᖅᑎᓪᓗᒍ ᓄᑖᖑᔪᒥ ᖃᖓᑦᑕᐅᑎᓂ, ᓱᓕᓂᕋᐃᓚᐅᖅᐳᑦ ᐱᒋᐊᖅᑐᒥ ᐊᑭᖓᓂ $699−ᒥ ᐊᑕᐅᓯᕐᒧᑦ−ᑐᕌᖓᔪᒥ ᖃᖓᑕᓂᐅᔪᒥ, ᐊᑭᖓᓂ ᖁᕝᕕᕆᐊᕐᓂᖃᕐᓇᓂ.

ᑕᐅᑐᒃᖢᒍ, ᑲᓇᐃᑎᐊᓐ ᓄᐊᑦᒥ ᐊᑕᐅᓯᕐᒧᑦ−ᑐᕌᖓᔪᒥ ᖃᖓᑕᓂᐅᔪᒥ ᐃᖃᓗᖕᓂᑦ ᒪᓐᑐᕆᐋᓪᒧᑦ-ᑐᕉᑑ ᓄᓇᕐᔪᐊᓕᒫᒧᑦ ᒥᑦᑕᕐᕕᖓᓄᑦ ᐋᒍᔅᑎᒥ ᐊᑭᖃᕈᓐᓇᖅᐳᖅ ᕿᑎᐊᓂ $899−ᒥ $1,994−ᒧᑦ, ᓄᖅᑲᕐᓂᖃᕐᓗᓂ ᑰᔾᔪᐊᕐᒧᑦ, ᐅᖃᐅᓯᐅᓪᓗᓂ ᑲᒻᐸᓂᒃᑯᑦ ᐃᑭᐊᖅᑭᕕᖓᓐᓂ.

ᖄᒃᑲᓐᓂᐊᒍᑦ, Chrono ᓱᓕᓂᕋᐃᕗᖅ ᑕᐃᒪᐃᖏᓐᓇᖅᑐᒥ ᐊᑭᓕᐅᑕᐅᔪᒥ $50−ᒥ ᒪᕐᕈᖓᓂ ᐃᑦᑎᕐᕕᒃᑲᓐᓂᕐᒥ, ᐅᑯᐊ ᑲᓇᐃᑎᐊᓐ ᓄᐊᑦ ᐊᖏᒡᓕᒋᐊᖅᑎᑦᑎᓚᐅᖅᑎᓪᓗᒋᑦ ᐃᑦᑎᕐᕕᖃᒃᑲᓐᓂᕐᓂᐅᔪᒥ ᐊᑭᖓᓂ $86.25−ᒧᑦ ᖃᖓᒃᑲᓐᓂᕐᓂᐅᔪᒥ ᑕᒪᑐᒪᓂ ᐊᕐᕌᒎᔪᒥ.

ᑖᓂ ᒑᓐᔫ ᓇᓗᓇᐃᖅᓯᓚᐅᖅᐳᖅ ᓂᐅᕕᐊᒃᓴᖃᕐᓂᑦ ᒫᓐᓇᒧᑦ ᑎᑭᖦᖢᒍ “ᓱᒃᑲᐃᓯᒪᕗᑦ,” ᐃᓚᒋᐊᖅᓯᓪᓗᓂ ᑐᓴᖅᓯᒪᓂᖓᓂ ᓂᐅᕕᖅᑎᐅᔪᑐᐃᓐᓇᕆᐊᓕᖕᓂ ᐅᖃᖅᑐᓂ ᑲᖐᓱᒃᐳᑦ ᐊᓯᐊᓂ ᖃᖓᑕᓲᖅᑎᐅᔪᓂ ᐊᓐᓂᑭᑕᐅᑎᖃᕐᓂᕐᒥ ᐅᑭᐅᖅᑕᖅᑐᒥ ᓂᐅᕕᐊᒃᓴᖃᕐᓂᐅᔪᒥ ᖃᖓᑕᓂᐅᔪᒥ ᐊᓯᖏᑦ ᐱᔪᓐᓇᖅᓯᒪᙱᑎᓪᓗᒋᑦ.

ᐊᒻᒪᓗᑦᑕᐅᖅ, ᐅᖃᓚᐅᖅᐳᖅ Chrono ᓂᐅᕕᐊᒃᓴᐅᑎᑦᑎᕐᔪᐊᖅᓯᒪᙱᓚᑦ ᐱᔨᑦᑎᕋᕐᓂᐅᔪᒥ ᓱᓕ ᐊᒻᒪᓗ ᓱᓕ ᐱᕈᖅᓴᐃᔭᕆᐊᖃᖅᐳᑦ ᖃᕋᓴᐅᔭᑎᒍᑦ ᓂᐅᕕᐊᒃᓴᖃᕐᓂᕐᒥ ᐱᓕᕆᕝᕕᖓᓂ ᖃᔅᓯᐊᕐᔪᖕᓂ ᑕᖅᑭᐅᔪᓂ.

ᑭᓯᐊᓂ, ᐅᖃᓚᐅᖅᐳᖅ, ᐅᒃᐱᕈᓱᖕᐳᖅ ᐱᐅᓂᖓᓂ ᐱᔨᑦᑎᕋᕐᓂᐅᔪᒥ, ᐅᓂᒃᑳᕆᓚᐅᖅᑕᖓᓂ “ᐱᕐᔪᐊᖑᔪᒧᑦ ᐃᓄᖕᒧᑦ ᐊᑐᕐᓂᖃᐅᑎᐅᓂᖓᓂ,” ᐊᔭᐅᕆᓂᐊᖅᐳᖅ ᐃᓄᓕᒫᓂ ᓂᐅᕕᖃᑕᐅᓂᖏᓐᓂ.

“10−ᓂ [ᐃᑭᒪᔪᖃᕈᓂ] ᐊᑐᓂ ᖃᖓᑕᓂᐅᔪᒥ, ᖁᕕᐊᓱᕐᔪᐊᕐᓂᐊᖅᐳᖓ,” ᐅᖃᓚᐅᖅᐳᖅ.

“ᐹᕙᓐᓛᓐ ᐊᑭᓖᕗᖅ ᖃᖓᑕᓂᐅᔪᒥ, ᑕᐃᒫᒃ ᒪᑭᒪᔾᔪᑕᐅᔪᓐᓴᖅᐳᖅ ᐃᒃᓯᕙᐅᑕᓂ ᓂᐅᕕᖅᑕᐅᔪᖃᙱᒃᑲᓗᐊᕈᓂ ᖃᖓᑕᓲᒥ.”

Chrono ᓱᓕ ᐅᑕᖅᑭᕗᑦ ᐱᓂᐊᕐᓂᖏᓐᓂ ᓄᑖᖑᔪᒥ 737-800−ᖓᓂ, ᑕᐃᒫᒃ ᓯᕗᓪᓕᖅᐸᐅᔪᓂ ᖃᖓᑕᓂᐅᔪᑦ ᐃᖃᓗᖕᓄᑦ ᓱᒃᑲᔪᒦᓐᓂᐊᖅᐳᑦ ᐊᑐᖅᑐᐊᖅᑕᐅᔪᒥ Sunwing−ᑯᓐᓂ.

ᖃᖓᑕᓲᒧᑦ ᐃᓱᒻᒥᖅᑐᐃᔨᖏᑦ ᓂᕆᐅᖕᓂᖃᖅᐳᑦ ᓯᕗᓂᒃᓴᒧᑦ ᐊᒻᒪ ᐊᐅᓚᑕᐅᓂᖏᓐᓂ Saint-Hubert ᒥᑦᑕᕐᕕᖓᓐᓂ, 30-ᒥᓂᑦᒥ ᐊᖁᓐᓂᐅᔪᒥ ᑲᓇᖕᓇᕐᒥ ᑕᐅᓄᖓ ᓄᓇᓕᖕᓄᑦ ᒪᓐᑐᕆᐋᓪᒧᑦ.

ᐅᖃᓚᐅᖅᐳᖅ Porter ᖃᖓᑕᓲᖅᑏᑦ ᓴᓇᕙᓪᓕᐊᕗᑦ ᓄᑖᖑᔪᒥ ᖃᖓᑕᓲᒃᑯᕕᖕᒥ ᓴᓂᓕᖓᓐᓂ, ᑐᓂᓯᑐᐃᓐᓇᕆᐊᖃᖅᑐᒥ ᐱᕕᒃᓴᖃᕐᓂᐅᔪᒥ ᑲᑎᙵᓂᖃᖅᑎᑦᑎᓂᕐᒥ ᐃᖃᓗᖕᓂ ᐊᓯᖏᓐᓄᑦ ᑐᕌᖅᑕᐅᓇᓱᐊᖅᑐᓄᑦ.