ᖃᐅᔨᒪᓐᓂᖀᒃ? ᓱᑲᑦᑐᒥᒃ ᓱᓕᔪᕐᑕᓕᖏᑦ ᔦᒥᓯ ᐯ ᓯᒥᑦᑐᐃᓂᕐᒧᑦ ᐱᓇᓱᐊᕐᑕᐅᒍᑎᕕᓂᖏᓐᓄᑦ

For an English version of this article, please see Did you Know? Fast facts about the James Bay hydroelectric project.

1. ᔦᒥᓯ ᐯ ᓯᒥᑦᑐᐃᓯᒪᓂᖓᑕ ᐱᓇᓱᐊᕐᑕᐅᒍᑎᖓ ᐊᖏᓂᖃᓪᓗᐊᓂᕋᕐᑕᐅᔪᖅ ᓂᐅ ᔪᐊᒃ ᓄᓇᑕᖓᑕ ᐊᖏᓂᖓᓂᒃ.
2. ᐃᓱᒪᒋᔭᐅᓯᒪᔪᖅ ᐊᖏᔪᒻᒪᕆᒻᒥᒃ-ᐱᓇᓱᐊᕐᑕᐅᓂᕆᓯᒪᔭᖓ ᐊᒻᒪᓗ ᐊᖏᓂᕐᐸᐅᖃᑕᐅᑦᓱᓂ ᓯᓚᕐᔪᐊᒥ ᐊᖏᓂᕐᐸᐅᔪᓄᑦ ᐃᑯᒪᓕᐅᕐᓃᑦ ᐱᓇᓱᐊᕐᑕᐅᒍᑎᖏᓐᓂᒃ, ᐊᑭᖃᓚᐅᔪᔪᖅ $20 ᐱᓕᐊᓂᒃ.
3. ᓯᕗᓪᓕᐹᖓᑕ ᐱᓇᓱᐊᕐᑕᐅᖄᕈᑎᕕᓂᖓ, ᓴᓇᔭᕕᓂᖅ 1971-ᒐᓚᒻᒥ, ᐊᑭᖓ ᒥᑦᓴᐅᓵᕐᓱᒍ ᐃᒣᓪᓗᐊᑐᕌᕐᑐᕕᓂᖅ $13.7 ᐱᓕᐊᓐ (ᓇᓪᓕᖁᐊᕆᓕᕐᑕᖏᑦ ᒥᑦᓴᐅᓵᕐᓱᒋᑦ ᐃᒻᒣᓪᓗᐊᑐᑦ $153.6 ᐱᓕᐊᓐ ᐅᓪᓗᒥ ᑖᓚᒋᔭᐅᓕᕐᑐᒧᑦ).
4. ᓴᓇᔭᐅᓂᕕᓂᖓ ᑕᑭᓂᓕᒃ 700-ᑭᓛᒥᑕᓂᒃ ᔦᒥᓯ ᐯ ᐊᕐᖁᑎᖓ, ᐁᔪᖅ ᐱᓇᓱᕝᕕᖓᓄᑦ, ᐱᒋᐊᕐᑕᐅᔪᕕᓂᖅ 1971-ᖑᑎᓪᓗᒍ ᐊᒻᒪᓗ ᐃᓚᐅᑎᓪᓗᒋᑦ ᓴᓇᔭᐅᓂᕕᓂᖏᑦ 13 ᐊᖏᔪᖑᐊᑦ ᐃᑳᕐᕖᑦ.
5. ᓯᕗᓪᓕᐹᖓᑕ ᓴᓇᔭᐅᑎᓪᓗᒍ ᐊᑯᓃᕐᓂᖃᓚᐅᔪᖅ 14-ᒐᓛᓂᒃ ᐊᕐᕌᒍᕐᓂᒃ ᓴᓇᔭᐅᓂᖓ. ᑕᑯᑦᓱᒋᒃ, ᐃᓪᓗᔪᐊᖅ ᓂᐅ ᔪᐊᒃᒥ (Empire State Building) ᓴᓇᔭᐅᔪᕕᓂᖅ ᐊᑕᐅᓯᕐᒥᒃ ᐊᕐᕌᒍᕐᒥᑦ 45-ᓂᒃ ᐅᓪᓗᓂ ᐃᓚᑦᓱᒍ.
6. ᑖᓐᓇ ᐊᕐᕌᒍᖅ ᓇᓗᓀᕐᓯᒥᔪᖅ 54-ᓂᒃ ᐊᕐᕌᒍᕐᓂᒃ ᓇᓪᓕᐅᓂᕐᓯᐅᓕᕐᓂᖓᓂᒃ ᔦᒥᓯ ᐯ ᐱᓇᓱᐊᕐᑕᐅᒍᑎᖓ. ᐱᒋᐊᕐᑎᑕᐅᒐᒥ, ᑕᒪᑦᓱᒪᐅᑉ ᐱᕙᓪᓕᐊᔭᐅᓂᖓ ᓇᓗᓀᕐᑕᐅᓚᐅᔪᔪᖅ ‘‘ᐱᓇᓱᐊᕐᑕᐅᔪᓕᒫᕕᓂᕐᓂᒃ ᐊᖏᓂᕐᐹᖅ.’’
7. 620 ᑭᓛᒥᑕᓂᒃ ᔦᒥᓯ ᐯ ᐊᕐᖁᑎᖓ, ᐊᑦᓯᔭᐅᒋᐊᑦᓯᐊᑐᕕᓂᖅ ᐱᓕ-ᑌᒪᓐ ᐊᕐᖁᑎᖓ 2020-ᖑᑎᓪᓗᒍ, ᓴᓇᔭᐅᔪᕕᓂᖅ 450-ᓂᒃ ᐅᓪᓗᓂᒃ.
8. ᔦᒥᓯ ᐯ ᐊᕐᖁᑎᖓ, ᑕᑭᓂᕐᐹᖑᖃᑕᐅᔪᖅ ᐊᕐᖁᑎᓕᒫᖏᓐᓂᒃ ᑲᓇᑕᒥ ᐱᒍᑦᔨᕕᖃᕋᓂᓗ 381 ᑭᓛᒥᑌᑦ ᐅᖓᑕᓄᒃ.
9. ᓈᑲᓴᑦᑎᓗᒋᑦ ᐊᕐᕌᒍᐃᑦ 25, ᑖᑦᓱᒪᐅᑉ ᐱᓇᓱᐊᕐᑕᐅᓂᖓ ᐊᖏᓂᕐᐸᐅᓚᐅᔪᔪᖅ ᓴᓇᔭᐅᔪᓕᒫᓂᒃ ᓯᓚᕐᔪᐊᒥ.
10. ᓚᑯᐊᓐ ᓴᓇᒪᓂᓕᒃ ᐊᒥᓱᐃᓕᖓᔪᒥᒃ ᑎᑭᐅᓯᓂᖃᕐᖁᑦ 800-ᓂᒃ ᑭᓛᒥᑕᓂᒃ ᐱᒋᐊᕐᓱᒍ ᓚᑯᐊᓐ-1 ᑲᓂᔅᐱᑲᐅ ᑕᓯᔭᖓᓄᑦ. ᐅᖓᓯᓐᓂᖓ ᑌᒫᑦᓭᓈᒐᓚᑐᐃᓐᓇᑐᖅ ᐱᒋᐊᕐᓱᒍ ᕚᖕᑰᕙᒥ ᔮᔅᐳ, ᐋᓪᐴᑕᒧᑦ.
11. ᓯᓚᕐᔪᐊᓕᒫᒥ ᐊᖏᓂᕐᐸᐅᓱᓂ ᓄᓇᐅᑉ ᐊᑖᒍᑦ ᓯᒥᑦᑐᐃᓂᕐᒥᒃ ᐃᑯᒪᓕᐅᕐᕕᐅᓱᓂ. ᓱᒃᑫᑐᒥᒃ ᑕᐅᓄᖓᕙᓪᓕᐊᕆᐊᖃᕋᔭᕐᑐᑎᑦ 137-ᒦᑕᓄᑦ ᓄᓇᐅᑉ ᐊᑖᖓᓄᑦ ᑕᑯᓂᐊᕋᔭᕈᕕᑦ ᐃᑯᒪᓕᐅᕈᑎᖓᓂᒃ ᑕᑯᓗᑎᓗ ᓲᖑᔪᐊᓗᐃᑦ ᑫᕕᑦᑐᐊᓗᐃᑦ. ᓈᓪᓕᖁᐊᒋᕋᔭᕐᑕᖏᑦ 35-ᓂᒃ ᓇᑎᓕᒃ ᐊᓪᓚᕕᐊᓗ ᓇᐸᔪᐊᓗᒃ.
12. ᓄᓇᐅᑉ ᐊᑖᖓᓂᒃ ᓯᒥᑦᑐᑕᐅᒪᔫᑉ ᐃᑯᒪᓕᐅᕐᕕᐅᑉ ᑕᑭᓂᓕᒃ 483-ᒦᑕᓂᒃ 22-ᒦᑕᓂᒃ ᓯᓕᓐᓂᖃᕐᓱᓂ. ᓈᒻᒪᕋᔭᖕᖑᐊᑐᑦ ᑕᓪᓕᒣᑦ ᐊᔪᑦᑕᕖᑦ.
13. ᕈᐱᐅ-ᐳᕌᓵ ᐃᑯᒪᓕᐅᕐᕕᖓ ᓲᖑᓂᕐᐸᐅᕗᖅ ᓯᒥᑦᑐᐃᔩᑦ-ᑯᐯᒃ ᐱᑐᑦᓯᒪᐅᑎᒍᑎᖏᓐᓂᒃ. 20 ᐳᓴᒧᑦ ᑎᑭᑲᓴᑦᑐᒥᒃ ᑯᐯᑦᑯᑦ ᐃᑯᒪᓕᐅᕈᑎᖏᓐᓂᒃ ᑕᒃᑲᓂ ᐃᑯᒪᓕᐅᕈᑎᐅᓲᖑᕗᑦ.
14. ᐃᑯᒪᓕᐊᖅ ᑎᑭᒍᓐᓇᑐᖅ ᐱᓇᓱᐊᕐᑕᐅᕕᒻᒥᓂᒃ ᐱᒋᐊᕐᓱᒍ ᕌᑎᓵᒥᑦ, ᑯᐯᒃ ᑎᑭᑦᓱᒍ ᒪᓐᑐᔨᐊᒧᑦ ᐃᒻᒣᓪᓗᐊᑐᒥᒃ ᓱᑲᓐᓂᓕᒻᒥᒃ 300,000 ᑭᓛᒥᑌᑦ/ᓴᑲᓐᒥ. ᓱᑲᓐᓂᕆᔭᖓᓂᒃ ᐃᑯᒪᐅᑉ!
15. ᐊᓂᐊᑦᓯᕕᖓ (ᐊᖏᕗᐊᓗᐃᑦ ᒪᔫᑎᖏᑦ ᓴᓇᒪᑦᓱᑎᑦ 10-ᓂᒃ ᒪᔪᕆᐊᕐᓂᓂᒃ) ᐅᓕᓗᐊᓕᕐᓂᖓ ᑯᕕᐅᒐᕐᑎᑕᐅᓲᖅ ᐃᒪᕆᓗᐊᓯᒻᒪᑦ ᐅᓕᓐᓂᑯᖓ ᐅᓕᓗᐊᖕᖏᓂᖓᓂ. ᐊᓪᓗᕆᐊᕐᓂᖏᑦ ᐳᕐᑐᓂᓕᒃ 10-ᒦᑕᓂᒃ 122-ᒦᑕᓂᒃ ᑕᑭᓂᖃᕐᓱᓂ, ᑕᒐ ᒪᕐᕉᓂᒃ ᐸᑦᑕᕕᓪᓗᐊᓂᒃ ᓈᒻᒪᒐᔭᕐᑐᐃᑦ ᐃᓕᒃᑯᑦ ᐊᓪᓗᕆᐊᕐᓂᖏᑦ.
16. ᓇᑎᖃᕐᓱᓂ ᑯᕕᕕᖓ ᐱᖓᓱᕕᓪᓗᐊᑐᒥᒃ ᐳᕐᑐᓂᓕᒃ ᓀᐁᑯᔭᐅᑉ ᑰᕌᓗᖓᓂᒃ.
17. ᐃᒪᐅᑉ ᓴᖑᑎᑕᐅᓯᒪᓂᖓ ᓚᑯᐊᓐ ᑰᖓᑕ ᐊᖏᓕᒋᐊᕐᑐᕕᓂᖅ ᑰᓐᓂᖓ 1,700-ᓂᒃ ᓯᒃᑭᑕᓂᒃ ᒦᑕᓂᒃ ᐊᑕᐅᓯᑲᓪᓚᒥᒃ ᓴᑲᓐᑎᒥᒃ ᑎᑭᓯᒪᓕᕐᓱᓂ 3,300 ᓯᒃᑭᑕᓂᒃ ᒦᑕᓂᒃ ᐊᑕᐅᓯᕐᒥᒃ ᓴᑲᓐᑎᒥᒃ. ᓇᓪᓕᖁᐊᓕᒃ ᕿᑎᕐᖃᖓᓂᒃ ᐳᕕᕐᑕᔫᖑᔮᓘᑉ ᖃᖓᑦᑕᔫᖑᑦᓱᓂ ᖄᖏᑲᑦᑕᓱᓂ ᑰᒻᒥ ᓲᕐᓗ ᐊᑕᐅᓯᖅ ᓴᑲᓐᑎ ᓈᒋᐊᑕᒫᑦ.
18. 4,800 ᐊᑦᓱᓈᑦ ᐃᑯᒪᓕᐅᕈᑏᑦ ᐋᕐᕿᓱᕐᑕᐅᓯᒪᔪᑦ ᐃᑯᒪᓕᐅᕈᑎᐅᓚᖓᑎᓪᓗᒋᑦ ᑯᐯᒃᒥ. ᐅᖓᓯᓐᓂᖓ ᐊᑦᔨᖃᓪᓗᐊᒐᓛᑦᑐᖅ ᐱᑦᓱᓂ ᕚᖕᑰᕙᒥ ᒪᓐᑐᔨᐊᒧᑦ.
19. ᔦᒥᓯ ᐯ ᐱᓇᓱᐊᕐᑕᐅᒍᑎᖓ ᓄᐃᑦᓯᒍᓐᓇᑐᖅ 83 ᑎᐊᕈᒍᐊᑦᓂᒃ (terawatt) ᑫᕙᓪᓚᒍᓯᕐᓂᒃ ᐃᑯᒪᓕᐅᕈᓐᓇᓂᕐᒥᒃ ᐊᕐᕌᒍᑕᒫᑦ – ᐃᑯᒪᓕᐊᖓ ᓄᓇᒥ ᑌᒣᓪᓗᐊᖃᕋᔭᕐᑐᖅ ᐱᐊᓪᔭᒻᒥᑦ (Belgium).
20. ᐊᖏᓂᕐᐸᐅᔪᖅ ᐃᑯᒪᓕᐅᕐᕕᐅᓱᓂ ᑕᕐᕋᖓᓃᕐᓯᒦᑦᑐᒥᒃ ᐊᒥᐊᔨᑲᒥ.
21. ᑲᕙᒫᐱᖓ ᔦᒥᓯ ᐯ ᓄᓇᑕᖓ ᐃᒣᓪᓗᐊᑐᒥᒃ ᐊᖏᓂᓕᒃ 350,000 ᓯᒃᑭᑌᑦ ᑭᓛᒥᑕᓂᒃ, ᐊᖏᓂᕐᐸᐅᒌᔭᕐᑐᖅ ᑲᕙᒫᐱᓕᒫᓂᒃ ᓯᓚᕐᔪᐊᒥ.
22. ᑲᓂᐊᐱᔅᑲᐅ ᑰᖓ ᑰᓲᖅ ᐱᑦᓱᓂ ᓚᑯᐊᓐ ᐃᒪᖃᕐᕕᖓᓂᒃ, ᐃᒪᖃᕐᑎᓯᑦᓱᓂ ᔦᒥᓯ ᐯ ᓯᒥᑦᑐᑕᐅᒪᓂᖓᓂᒃ ᐃᒪᕐᒥᒃ ᑰᑦᑐᒥᒃ, ᐅᖓᑖᓅᕐᑐᖅ 800 ᑭᓛᒥᑕᓄᑦ ᑎᑭᑦᓱᒍ ᐅᖓᕙᒧᑦ, ᑰᑦᔪᐊᑉ ᓴᓂᐊᓄᑦ.
23. ᐅᖓᑖᓅᕐᑐᒥᒃ 170,000 ᑭᓛᒥᑌᑦ ᐃᒪᕐᒥᒃ ᐱᑲᑦᑕᕈᓐᓇᓂᖓ ᐱᑐᑦᓯᒪᑦᓱᓂ ᓚᑯᐊᓐ ᐃᒪᖃᕐᕕᖓᑕ ᑰᖓᑕ ᓴᓇᔭᐅᒪᓂᖓᓄᑦ
24. ᓄᓇᕕᒻᒥᐅᑦ ᐱᓲᖑᖕᖏᑐᑦ ᐃᑯᒪᓕᐅᕐᑕᖏᓐᓂᒃ ᑯᐯᒃᑯᑦ ᑰᓐᓂ ᓯᒥᑦᑐᐃᔨᖏᓐᓄᑦ. ᐊᒥᓲᓂᕐᓭᑦ ᐃᑯᒪᓕᐅᕈᑎᖃᓲᑦ ᐆᕐᖂᓯᓴᐅᑏᑦ ᐅᕐᓱᓴᔭᖓᓂᒃ.
25. ᐱᓕ-ᑌᒪᓐ ᐊᕐᖁᑎᖓ (ᓯᕗᓪᓕᒥ ᑌᔭᐅᓚᐅᔪᖅ ᔦᒥᓯ ᐯ ᐊᕐᖁᑎᖓ) 620-ᑭᓛᒥᑕᓂᒃ ᓯᕕᑐᓂᓕᒃ ᐊᕐᖁᑎᒃ ᓴᓇᔭᐅᔪᕕᓂᖅ ᐃᓚᒋᔭᐅᑦᓱᓂ ᔦᒥᓯ ᐯ ᐱᓇᓱᐊᕐᑕᐅᒍᑎᖏᓐᓄᑦ. ᕿᑦᓯᑐᕐᓯᒪᑦᓱᓂ ᐊᐳᑏᔭᕐᑕᐅᓲᖅ ᐅᑭᐅᖑᓕᕐᒪᑦ.

— With files from Cedric Gallant ᐊᒃᓚᑕᐅᔪᑦ ᐃᓚᖏᑦ ᓯᐊᑦᕆᒃ ᑲᓛᓐ ᐊᒃᓚᖁᑎᖏᓐᓂᑦ ᐱᔭᐅᓯᒪᔪᑦᑖᒃᑯᐊ ᐅᓂᒃᑲᑕᐅᔪᑦ ᐃᓚᒋᔭᐅᕗᑦ ᓄᓇᑦᓯᐊᖅ ᑐᓴᕋᑦᓴᓂᐅᑎᖏᑕ ᐃᕐᖃᐅᒪᑦᓯᓂᖓᓄᑦ ᐊᕐᕌᒍᓂ 50-ᓂ ᐊᓂᒍᐃᓕᕐᓂᖓᓂᒃ ᐊᑎᓕᐅᕐᑕᐅᓂᖃᓚᐅᕐᓯᒪᑎᓪᓗᒋᓂᑦ ᔦᒥᓯ ᐯᑉ ᑯᐯᒃᓗ ᑕᕐᕋᖓᑕ ᐊᖏᖃᑎᒌᒎᑎᖏᑦ ᐊᕐᕌᒍᖅ 1975-ᖑᑎᓪᓗᒍ.