ᑲᑎᕕᖕᒥ ᐱᓕᕆᓂᐅᔪᖅ ᐊᐅᕆᕗᑦ ᐱᓕᕆᓂᐅᔪᓂ ᐃᓄᑦᑎᐊᕙᐅᓂᕐᒥ

ᑲᑎᕕᒃ ᓄᓇᓕᖕᓂ ᐃᒡᓗᓕᕆᔨᒃᑯᑦ ᐱᓕᕆᔨᐅᔪᑦ ᐱᒋᐊᖅᑎᑦᑎᓯᒪᕗᖅ ᓯᕗᓪᓕᖅᐹᖑᔪᓂ ᐱᓕᕆᓂᐅᔪᓂ ᐃᓄᑦᑎᐊᕙᐅᓂᕐᒥ ᓵᓚᖃᕋᓱᐊᕐᓂᐅᔪᒥ, ᐊᔭᐅᕆᔪᒥ ᐃᓄᖕᓂ ᐱᓕᕆᓂᖏᓐᓂ ᐱᐅᔫᑎᓂ ᐱᓕᕆᓂᐅᔪᓂ ᐊᓯᖏᓐᓄᑦ ᑐᕌᒐᒃᓴᖃᖅᖢᓂ ᐱᐅᓯᒋᐊᖅᑎᑦᑎᓂᕐᒥ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ, ᐆᒪᓂᕐᒧᑦ ᖃᓄᐃᓕᖓᓂᐅᔪᓂ ᐊᒻᒪ ᓄᓇᓕᖕᓂ ᑕᕐᓂᖃᕐᓂᐅᔪᒥ ᓄᓇᕕᖕᒥ.

ᓵᓚᖃᕋᓱᐊᕐᓂᐅᔪᖅ ᓄᑖᖑᓪᓗᓂ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᒋᐊᕈᑕᐅᓪᓗᓂ, ᐃᓚᒋᔭᐅᓪᓗᓂ ᐱᓕᕆᕝᕕᐅᑉ ᐱᕙᓪᓕᐊᓂᖅ ᐱᓕᕆᐊᖑᔪᒥ ᖁᕝᕙᖅᓴᐃᔪᒥ ᐃᓄᓕᒫᓄᑦ ᐃᒡᓗᖁᑎᖏᓐᓂ ᓴᓗᒪᑎᑕᐅᓂᖏᓐᓂ ᐊᒻᒪ ᐋᖅᑭᐅᒪᑎᑕᐅᓗᑎᒃ ᓄᖅᑲᖅᑎᑦᑎᓯᒪᐅᔮᕐᔪᒃᑎᓪᓗᒋᑦ ᐃᓵᕐᓂᐅᔪᒥ.

ᓄᓇᕕᖕᒥᐅᑦ ᐅᑭᐅᓕᑦ 14−ᓂ ᐅᖓᑖᓄᓪᓗ ᐅᖃᐅᓯᖃᕈᓐᓇᖅᐳᑦ ᐱᓕᕆᓂᐅᔪᓂ , ᐅᖃᓚᐅᖅᐳᖅ ᐅᖃᐅᓯᖃᕈᓐᓇᖅᐳᑦ ᐃᓄᑦᑎᐊᕙᐅᓂᕐᓂ ᖃᓄᐃᓕᐅᖅᐸᒃᑕᒥᓂ ᖃᕋᓴᐅᔭᑎᒍᑦ ᑕᑕᑎᕆᐊᓕᖕᒥ ᐱᓕᕆᕝᕕᐅᑉ ᐃᑭᐊᖅᑭᕕᖓᓐᓂ ᐊᒻᒪ ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᒥ, ᐱᕕᒃᓴᖃᕐᓗᑎᒃ ᐃᓕᓴᕆᔭᐅᓂᖏᓐᓂ ᐃᓄᓕᒫᓄᑦ ᐊᒻᒪ ᓈᓚᖃᕐ;ᑎᒃ ᓵᓚᒃᓴᐅᓯᐊᓂ, ᐅᖃᓚᐅᖅᐳᖅ ᐱᓕᕆᐊᖑᔪᒥ ᐊᐅᓚᑦᑎᔨᐅᔪᖅ ᓗᐊᕋ ᓚᐳᐊᐃᓐᑦ.

“ᐅᓇ ᓵᓚᖃᕋᓱᐊᕐᓂᐅᔪᖅ ᓇᓗᓇᐃᖅᓯᕗᖅ ᐱᒻᒪᕆᐅᓂᖓᓂ ᖃᓄᐃᙱᑦᑎᐊᕐᓂᐅᔪᒥ, ᐊᒻᒪ ᑕᐅᑐᒃᑕᑐᐊᖃᑲᐃᓐᓇᖅᐳᖅ ᐱᐅᔪᒥ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐅᔾᔨᕈᓱᖕᓂᐅᔪᒥ, ᐊᒻᒪᓗᑦᑕᐅᖅ, ᑲᑎᙵᓂᕐᒥ ᓄᓇᓕᐅᓗᓂ,” ᓚᐳᐊᐃᓐᑦ ᐅᖃᓚᐅᖅᐳᖅ.

“ᑕᐃᑲᓃᑦᑕᕆᐊᖃᖅᐳᖑᑦ ᐃᓄᖕᓄᑦ, ᐊᒻᒪ ᐱᓕᕆᓂᕐᒥ ᐃᓄᑦᑎᐊᕙᐅᓂᕐᒥ ᑭᓇᑐᐃᓐᓇᒧᑦ ᐅᕝᕙᓘᓐᓃᑦ ᐱᓕᕆᓂᑦᑎᐊᕙᐅᔪᓂ, ᐱᐅᔪᒻᒪᕆᐅᕗᖅ.”

ᑐᓂᓯᓂᐅᔪᓂ ᐱᓕᕆᓂᑦᑎᐊᕙᐅᔪᓂ ᐱᓕᕆᐊᖑᔪᓐᓇᖅᐳᑦ ᓄᕕᐱᕆᙳᕋᓱᐊᕐᓂᖓᓂ, ᓵᓚᖃᖅᑐᒥ ᐱᓕᕆᓂᐅᔪᒥ ᐃᓄᑦᑎᐊᕙᐅᓂᕐᓂ ᐅᖃᐅᓯᐅᓂᐊᖅᐳᖅ. ᓵᓚᖃᐅᓯᐊᒃᓴᒥ, ᓵᓚᒃᓴᖅᑐᖅ ᐅᑭᐅᒃᑯᑦ ᐊᐅᓪᓛᕐᓂᖃᕈᓐᓇᕐᓂᐊᖅᐳᖅ ᓄᓇᕕᖕᒥ ᑲᓇᑕᒥ ᒥᕐᙳᐃᖅᓯᕐᕕᖕᒧᑦ ᑕᓪᓕᒪᓂ ᐃᓚᖏᓐᓂ ᐱᖃᓐᓇᕆᔭᖏᓂᓪᓘᓐᓃᑦ.

ᐅᓄᕐᓂᖅᓴᐅᔪᓂ 12−ᓂ ᑭᖑᓪᓕᖅᐹᖑᖃᑕᐅᔪᓂ, ᐊᒻᒪ ᐃᓱᐊᓂ ᓵᓚᖃᖅᑎᐅᔪᖅ, ᐃᓱᒪᓕᐊᖑᓂᐊᖅᐳᖅ ᑲᑎᒪᔨᐅᔪᓂ ᓂᕈᐊᖅᑎᐅᔪᓂ ᐋᖅᑭᒃᓱᖅᓯᒪᔪᓂ ᐃᒡᓗᓕᕆᔨᒃᑯᓐᓂ ᐱᓕᕆᔨᐅᔪᓂ ᐊᒻᒪ ᓄᓇᕕᖕᒥ ᐊᕕᒃᑐᖅᓯᒪᓂᐅᔪᓄᑦ ᑲᑎᒪᔨᐅᔪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᔨᒃᑯᓐᓂ ᐃᖅᑲᓇᐃᔭᖅᑎᐅᔪᓂ.

ᓚᐳᐊᐃᓐᑦ ᐅᖃᓚᐅᖅᐳᖅ ᓂᕆᐅᒃᐳᖅ ᓵᓚᖃᕋᓱᐊᕐᓂᐅᔪᖅ ᑲᔪᖏᖅᓴᐃᓂᐊᕐᓂᖓᓂ ᐃᓄᖕᓂ ᓄᓇᕕᔨᒫᒥ —ᐃᒡᓗᓕᕆᔨᒃᑯᓐᓂ ᐱᓕᕆᔨᐅᔪᓄᑦ ᐃᒡᓗᖃᖅᑎᑐᐃᓐᓇᐅᙱᑦᑐᓂ — ᐱᓕᕆᓂᕐᒥ ᑐᑭᖃᑦᑎᐊᖅᑐᓂ ᐱᓕᕆᓂᐅᔪᓂ ᐃᓄᑦᑎᐊᕙᐅᓂᕐᓂ ᐊᒻᒪ ᐱᔨᑦᑎᕋᕐᓂᕐᒥ ᐱᖃᓐᓇᕆᔭᒥᓄᑦ, ᐃᓚᖏᓐᓄᑦ ᐊᒻᒪ ᐊᓯᖏᓐᓄᑦ ᓄᓇᓕᖏᓐᓂ.

ᑕᒪᐃᑎᒍᑦ, ᐅᖃᓚᐅᖅᐳᖅ ᓂᕆᐅᒃᐳᖅ ᑕᑯᑎᑦᑎᓂᐊᕐᓂᖓᓂ ᐊᕕᒃᑐᖅᓯᒪᓂᐅᑉ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐱᔭᕆᐊᓕᖏᓐᓂ, ᐊᒻᒪᓗ ᓱᕋᒃᓯᓗᓂ ᑲᙳᓇᕐᓂᐅᔪᒥ ᐃᓄᐃᑦ ᓵᙵᕕᖕᓂᖏᓐᓂ ᐃᑲᔪᖅᑕᐅᔪᒪᓗᑎᒃ ᐊᐱᕆᓂᕐᒧᑦ.

“ᐊᖏᓂᖅᓴᐅᕗᖅ ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᐅᔾᔨᕈᓱᖕᓂᐅᔪᒥ ᐊᒻᒪ ᐱᒻᒪᕆᐅᓂᖓᓂ ᐃᓴᒃᓯᒪᓂᕐᒧᑦ, ᐊᔭᐅᕆᔪᒪᔭᑦᑎᓐᓂ ᐃᓄᖕᓂ ᒪᑐᐃᖓᓂᖅᓴᐅᓂᖏᓐᓂ ᑕᒪᑐᒥᖓ,” ᓚᐳᐊᐃᓐᑦ ᐅᖃᓚᐅᖅᐳᖅ.