ᑭᐊᑦᓗ, ᓯᕗᓪᓕᖅᐹᖅ ᐃᓄᒃ ᒥᓂᔅᑕᓄᑦ ᐃᖅᑲᓇᐃᔭᖅᑐᓂᒃ ᐊᖓᔪᖅᑳᖅ ᒪᓕᒐᓕᕆᕕᒡᔪᐊᕐᒥᓐ ᐋᑐᕚᒥ

ᐃᖅᑲᓇᐃᔭᖅᑎᑦᑎᓂᕐᒧᑦ ᐊᖓᔪᖅᑳᖑᓗᓂ ᐅᑭᐅᕐᑕᖅᑐᓕᕆᓂᕐᒧᑦ ᒥᓂᔅᑕᐅᑉ ᑎᑎᕋᕐᕕᖓᓂᒃ, ᐃᓱᒪᔪᖅ ᖃᓄᐃᓕᐅᕐᓂᖓ ᐊᓯᖏᓐᓂᒃ ᓄᓇᖃᖅᑳᖅᑐᓂᒃ ᐱᓕᕆᐊᖃᕈᒪᔾᔪᑎᐅᖁᓪᓗᓂᐅᒃ

ᑳᑎ ᑭᐊᑦᓗ ᒪᓕᒐᓕᕆᕕᒡᔪᐊᕐᒦᓚᐅᕐᑐᖅ ᐋᑐᕚᒥ ᑲᓇᑕᒥ ᓱᓕᓂᕐᒧᑦ ᐊᒻᒪ ᐋᖅᑭᒋᐊᒃᑲᓐᓂᕐᓂᕐᒧᑦ ᐅᓪᓗᕐᒥ ᓯᑎᐱᕆ 30-ᐅᑎᓪᓗᒍ. ᑭᐊᑦᓗ ᐊᓈᓇᖓ, ᓲᓯ ᐃᑐᒃ, ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓯᒪᔪᖅ. (ᐊᔾᔨᓕᐅᕆᔨ ᔨᐊᕝ ᐱᐊᑦᓰᐃ)

By ᔨᐊᕝ ᐱᐊᑦᓰᐃ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

For English version, see Kettler first-ever Inuk ministerial chief of staff on Parliament Hill

ᐊᑯᓂᐊᓗᒃ ᐃᖅᑲᓇᐃᔮᖃᖅᖢᓂ ᐱᔨᑦᑎᕋᐅᑎᓕᕆᓂᕐᒥᒃ ᐊᒻᒪᓗ ᓄᓇᖃᖅᑳᖅᑐᑦ ᑲᑐᔾᔨᖃᑎᒌᖏᓐᓄᑦ ᑳᑎ ᐃᖅᑲᓇᐃᔮᖃᓕᕐᑐᖅ ᐃᓄᖕᒧᑦ ᐃᖅᑲᓇᐃᔮᕆᔭᐅᓚᐅᕐᓯᒪᙱᑦᑐᒥᒃ.

ᑕᖅᑭᐅᓵᖅᑐᒥᓐ ᑭᐊᑦᓗ ᓄᑖᒥ ᐱᓕᕆᐊᖓᓂ ᐱᒋᐊᓕᓚᐅᕐᓯᒪᖕᒪᓐ ᐊᖓᔪᖅᑳᖁᓪᓗᓂ ᐃᖅᑲᓇᐃᔭᖅᑎᓄᑦ ᐅᑭᐅᕐᑕᖅᑐᓕᕆᓂᕐᒧᑦ ᒥᓂᔅᑕᒧᑦ ᑖᓂᐅᓪ ᕚᓐᑐᓪ. ᐅᓇ 47-ᓂ ᐅᑭᐅᓕᒃ ᐃᓄᒃ ᐃᖅᑲᓇᐃᔮᖃᓕᖅᑐᖅ ᖁᑦᑎᖕᓂᖅᐹᖑᖃᑕᐅᔪᓂᒃ ᒐᕙᒪᑐᖃᒃᑯᓐᓄᑦ ᒥᓂᔅᑕᐅᑉ ᑎᑎᕋᕐᕕᖓᓂ ᐊᒻᒪᓗ ᐅᖃᖅᖢᓂ ᑕᒪᑐᒥᖓ ᐱᒃᑯᓕᑦᑎᐊᕐᓂᖓᓂᒃ.

“ᐃᓱᒪᔪᖓᓕ ᐅᓇ ᐅᓄᖅᑐᓄᑦ ᐃᓄᖕᓄᑦ ᐱᓕᕆᐊᕆᔭᐅᓯᒪᙱᓐᓂᖓᓂᒃ,” ᐅᖃᕐᑐᖅ ᐊᐱᖅᓱᖅᑕᐅᑎᓪᓗᒍ. “ᖁᔭᓕᑦᑎᐊᖅᑐᖓ ᑖᔅᓱᒥᖓ ᐃᖅᑲᓇᐃᔮᖃᕐᓂᓐᓂᒃ, ᐱᓗᐊᖅᑐᒥ ᑕᐅᑐᒃᖢᒋᑦ ᓯᕗᕚᒃᑲ.”

ᑭᐊᑦᓗ ᐱᓕᕆᐊᖃᕐᓂᖓ ᐊᔾᔨᖃᔮᙱᑦᑐᖅ. ᐃᓅᓚᐅᕐᓯᒪᔪᖅ ᐋᓐᐳᕋᐃᐅ, ᐋᓐᑎᐅᕆᐅᒥ, ᓄᓇᓕᒃ ᐋᑐᕚ ᐱᖓᖕᓇᖅᐸᓯᐊᓃᖢᓂ. ᐊᑖᑕᖓ, ᒫᓐᕗᕋᑦ ᑭᐊᑦᓗ. ᔫᒪᓂᒥᐅᑕᖅ ᐊᒻᒪ ᐊᓈᓇᖓ, ᓲᓯ ᐃᑐᒃ ᑲᖑᖅᓱᐊᓗᔾᔪᐊᖅ ᑯᐸᐃᒃᒥᐅᑕᐅᓪᓗᓂ ᓄᓇᕕᒻᒥ.

ᑭᐊᓪᓗ ᐃᓱᒪᔪᖅ ᑲᖏᖅᓱᐊᓗᔾᔪᐊᖅᒥᐅᑕᐅᔪᖅ ᐃᓚᖏᑦᑕ ᓄᓇᖓᓂ. ᓇᓗᓇᐃᖅᑕᐅᓯᒪᖃᑕᐅᔪᖅ ᐅᑯᑎᒎᓇᖅ ᔭᐃᒻᔅ ᐸᐃ ᐊᒻᒪ ᑯᐸᐃᒃ ᐅᐊᖕᓇᖓᓄᑦ ᐊᖏᕈᑎᓂᒃ ᐊᒻᒪᓗ ᖃᓂᒋᔭᖃᑦᑎᐊᖅᖢᓂ ᐃᑐᒃ ᐃᓚᒌᓂᒃ ᓄᓇᕕᒻᒦᑦᑐᓂᒃ.

ᐊᓂᒍᐃᓚᐅᕐᓯᒪᑎᓪᓗᒍ ᓴᓇᐅᒐᓕᕆᓂᕐᒥᒃ ᕗᐃᐊᔅᑐᓐ ᔫᓂᕘᓯᑎᒥ, ᓚᓐᑕᓐ ᐋᓐᑎᐅᕆᐅᒥ, ᑭᐊᓪᓗ ᐃᖅᑲᓇᐃᔮᖃᕐᓂᖓ ᓄᓇᖃᖅᑳᖅᑐᑦ ᑲᑐᔾᔨᖃᑎᒌᓂᒃ ᐱᒋᐊᓚᐅᕐᓯᒪᔪᖅ 2000-ᒥ ᐅᕙᓂ ᓄᓇᖃᖅᑳᖅᑐᑦ ᒪᒥᓴᕐᓂᕐᒧᑦ ᑐᙵᕕᒃᒥᑦ.

ᐊᕐᕌᒍᑦ 13-ᓂ ᑕᐃᑲᓃᓚᐅᖅᖢᓂ ᐃᖅᑲᓇᐃᔮᖃᓕᓚᐅᕐᓯᒪᔪᖅ ᐊᓪᓚᐃᑦ ᓄᓇᖃᖅᑳᖅᑐᑦ ᑲᑐᔾᔨᖃᑎᒌᓄᑦ (Assembly of First Nations) ᐊᒻᒪ ᑭᖑᓂᐊᒍᑦ ᐃᓄᐃᑦ ᑕᐱᕇᑦ ᑲᓇᑕᒥ.

ᑭᐊᑦᓗ ᓄᓇᖃᖅᑳᖅᑐᓄᑦ ᐱᔨᑦᑎᕋᐅᑎᓕᕆᔨᓂᒃ ᑲᓇᑕᒥ ᐱᒋᐊᓚᐅᕐᓯᒪᔪᖅ 2017-ᒥ, ᐱᓕᕆᐊᖃᖅᖢᓂ ᐊᖓᔪᖅᑳᖃᖅᖢᓂ ᐊᔾᔨᒌᙱᑦᑑᑎᓂᒃ ᒥᓂᔅᑕᓂᒃ. ᐅᓇ ᒫᒃ ᒪᓗ ᐱᓕᕆᐊᖓᓃᑎᑕᐅᔪᓐᓃᖅᑎᓪᓗᒍ ᓄᓇᖃᖅᑳᖅᒻᑐᓕᕆᔨᒃᑯᓐᓂ, ᑭᐊᑦᓗᒥ ᐊᖓᔪᖅᑳᒧᑦ ᐃᖅᑲᓇᐃᔭᖅᑐᓕᕆᔨᓄᑦ ᑐᒡᓕᕆᔭᐅᓕᓚᐅᕐᓯᒪᔪᖅ.

ᑖᔅᓱᒥᖓ ᐃᖅᑲᓇᐃᔮᖃᓚᐅᕐᑐᖅ ᐊᕐᕌᒍᒥ ᑭᓯᐊᓂ ᐊᖓᔪᖅᑳᙳᖅᑎᑕᐅᑎᓪᓗᒍ ᐃᖅᑲᓇᐃᔭᖅᑎᓄᑦ ᕚᑐᓪ ᑎᑎᕋᕐᕕᖓᓂ.

ᐃᓅᓯᓕᒫᐸᓗᐊᓂ ᖃᓪᓗᓈᓂ ᓄᓇᖃᕋᓗᐊᖅᖢᓂ ᐅᑭᐅᕐᑕᖅᑐᕐᒧᑦ ᐊᐅᓪᓚᖃᑦᑕᖅᓯᒪᔪᖅ ᐃᖅᑲᓇᐃᔮᖓᓄᑦ ᐊᒻᒪ ᐳᓛᑐᐃᓐᓇᖅᐸᒃᖢᓂ. ᖃᖓᑦᑎᐊᓵᕐᓕ ᐃᖃᓗᖕᓄᙵᐅᓚᐅᕐᑐᖅ ᑕᑯᔭᖅᑐᖅᖢᓂ ᐃᒃᓯᕋᕐᔪᐊᕌᐱᒃ ᕗᕌᓐᓯᔅᒥ ᔪᓚᐃᖑᑎᓪᓗᒍ.

“ᐊᕐᕌᒍᒐᓴᖕᓂ ᐅᑭᐅᕐᑕᖅᑐᕐᒧᐊᖃᑦᑕᖅᓯᒪᔪᖓ ᐱᓗᐊᖅᑐᒥ ᓄᓇᖃᖅᑳᖅᑐᑦ ᒪᒥᓴᖅᑐᓕᕆᓂᕐᒧᑦ ᑐᙵᕕᒃᑎᒍ,” ᐅᖃᕐᑐᖅ.

ᑭᐊᑦᓗ ᐅᖃᓚᐅᕐᑐᖅ ᐃᖅᑲᓇᐃᔮᖓᓄᑦ ᓇᒃᓴᕐᓂᕋᖅᖢᓂ ᖃᐅᔨᒪᓂᕐᒥ ᓄᓇᖃᖅᑳᖅᑐᓂᒃ. ᐊᕐᓈᓇᖓ ᐃᓕᓐᓂᐊᕆᐊᖅᑎᑕᐅᖃᑦᑕᓚᐅᕐᓯᒪᖕᒪᑦ.

ᐃᖅᑲᓇᐃᔮᖃᓕᖅᖢᓂ ᐱᓕᕆᓕᒪᓂᕐᓴᒃᑯᑦ, ᑭᐊᑦᓗ ᐃᓱᒪᔪᖅ ᓄᑲᖅᖠᕐᓂ ᑕᑯᖁᔨᓪᓗᓂ ᖁᕝᕙᓯᒃᑐᒥᒃ ᐱᓕᕆᐊᖃᕈᓐᓇᕐᓂᖏᓐᓂᒃᑕᐅᖅ ᒐᕙᒪᒃᑯᓐᓂ ᐊᒻᒪ ᖁᕝᕙᓯᒃᑐᒥ ᐃᖅᑲᓇᐃᔮᖃᕈᓐᓇᕐᓂᕐᒥᓂᒃ.

“ᐃᓱᒪᔪᖓᓕ ᓄᓇᖃᖅᑳᖅᑐᑦ ᐊᓯᖏᑦᑕᐅ ᑕᒪᑐᒥᖓ ᐱᓕᕆᔪᒥᒋᓇᔭᕆᐊᒃᓴᖏᓐᓂᒃ … ᒐᕙᒪᓕᕆᓂᕐᒥᒃ ᐱᓕᕆᐊᖃᓕᕐᓗᑎᒃ, ᒐᕙᒪᑐᖃᒃᑯᑐᐃᓐᓇᐅᙱᑦᑐᖅ ᑭᓯᐊᓂ ᐊᕕᒃᑐᖅᓯᒪᓂᒃᑯᖓᔪᓂᒃ ᐊᒻᒪ ᓄᓇᓕᒃᑎᒎᖓᔪᓂᒃ,” ᐅᖃᕐᑐᖅ.

“ᐅᖃᓪᓚᖃᑎᖃᕈᒪᔪᖃᖅᐸᑦ ᑕᐃᒪᓕ ᖁᕕᐊᓱᑦᑎᐊᕋᔭᕐᑐᖓ ᐅᖃᓪᓚᖃᑎᖃᕆᐊᒃᓴᖅ.”

Share This Story

(0) Comments