ᑭᒻᒥᕈᒻᒥ ᐋᓐᓂᐊᕕᒃ ᒪᑐᓚᐅᑲᒃᑐᖅ

For English version, see Kimmirut’s health centre closes temporarily

ᑭᒻᒥᕈᒻᒥ ᐋᓐᓂᐊᕕᒃ ᒪᑐᓚᐅᑲᒃᑐᖅ ᐋᓐᓂᐊᓯᐅᖅᑏᑦ ᓄᖃᖓᑎᑕᐅᓚᐅᑲᒃᑎᓪᓗᒋᑦ ᖃᓄᐃᑦᑐᖃᓚᐅᕐᑎᓪᓗᒍ ᓄᓇᓕᖕᓂ ᓈᒻᒪᙱᓕᐅᕈᑎᒋᔭᐅᔪᓂᒃ ᐊᐅᓚᑦᑎᓂᕐᒧᑦ, ᐅᖃᖅᑎᒋᔭᐅᔪᑦ ᐋᓐᓂᐊᖃᕐᓇᙱᑦᑐᓕᕆᔨᓄᑦ ᐅᖃᓚᐅᕐᑐᖅ.

ᖃᕋᓴᐅᔭᒃᑯᑦ ᑎᑎᕋᖅᑕᖓᒍᑦ, ᐅᖃᖅᑎᒋᔭᐅᔪᖅ ᑯᕆᔅ ᐸᒡᓕᐊ ᐅᖃᓚᐅᕐᑐᖅ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐅᖃᒃᑲᓐᓂᕈᓐᓇᓚᐅᙱᓐᓂᕋᖅᖢᓂᒋᑦ ᓴᐳᔾᔨᓯᒪᓇᓱᒃᖢᑎᒃ ᐃᓄᖕᓂᒃ ᐊᒻᒪ ᐋᓐᓂᐊᖃᖅᑕᐃᓕᓂᕐᒨᖓᔪᓂᒃ.

“ᐅᖃᕈᓐᓇᖅᑐᖓ ᖃᓄᐃᑦᑐᖃᓚᐅᕐᑎᓪᓗᒍ ᐃᖅᑲᓇᐃᔭᖅᑎᐅᔪᑦ ᓄᖃᖓᒋᐊᖃᕐᒪᑕ,” ᐸᒡᓕᐊ ᑎᑎᕋᖅᑐᖅ.

ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒪᑐᐃᕐᓂᐊᕋᓱᒋᔭᐅᔪᑦ ᑕᓪᓕᕐᒥᖅᒥᓐ. ᐋᓐᓂᐊᖅᑐᓂᒃ ᑲᒪᒋᔭᖃᖅᐸᒃᑐᑦ ᑕᕝᕙᓃᓐᓂᐊᖅᑐᑦ ᒪᑐᓯᒪᓂᖓᓂᒃ ᑐᐊᕕᕐᓇᖅᑐᓕᕆᕙᒡᓗᑎᒃ ᐃᓅᓯᕐᒧᓪᓘᓐᓃᑦ ᐅᓗᕆᐊᓇᖅᑐᓕᕆᓗᑎᒃ ᐊᒻᒪᓗ ᖃᕋᓴᐅᔭᒃᑯᑦ ᐃᑲᔪᖅᑕᐅᓐᓇᕐᓂᐊᖅᖢᓂ.

ᐅᖄᓚᔪᓐᓇᐃᓐᓇᕐᓂᐊᖅᑐᑦ ᐋᓐᓂᐊᕕᒃᒧᑦ ᑭᓯᐊᓂᓕ ᐊᓯᐊᓂᒃ ᐅᖃᖃᑎᖃᕋᔭᖅᑐᑦ ᐱᔨᑦᑎᕋᐅᑎᓕᕆᔪᓂᒃ ᐊᓯᖏᓐᓂᒡᓘᓐᓃᑦ ᓄᓇᓕᖕᓃᑦᑐᓂᒃ.

ᐃᑲᔪᖅᑎᓂᒃ ᐃᖅᑲᓇᐃᔭᖅᑎᓂᒃ ᐊᑐᐃᓐᓇᖅᑕᖃᕐᓂᐊᕐᑐᖅ ᒪᑯᓂᖓ ᐄᔭᒐᖅᑖᕆᐊᖃᖅᐸᒃᑐᓄᑦ ᐊᒻᒪ ᐊᐅᓪᓚᕆᐊᓕᖕᓄᑦ. ᐊᖏᕐᕋᕆᔭᐅᔪᓂᒃ ᑲᒪᒋᔭᖃᖃᑦᑕᕐᓂᖅ ᐊᒻᒪᓗ ᐋᓐᓂᐊᖃᖅᑕᐃᓕᓂᕐᒧᑦ ᖃᓄᐃᓕᐅᕈᑎᑦ ᐊᒻᒪ ᐳᕙᒡᓗᖕᓇᓕᕆᓂᖅ ᑲᔪᓯᑎᑕᐅᓯᒪᓂᐊᖅᑐᑦ.

ᓄᕙᒡᔪᐊᕐᓇᖅ-19-ᒧᑦ ᑲᐱᔭᐅᔪᒪᔪᑦ ᑲᐱᔭᐅᖃᑦᑕᕐᓂᐊᖅᑐᑦ ᐊᒻᒪ ᖃᐅᔨᓴᖅᑕᐅᔪᒪᔪᑦ.