ᖁᒡᓗᖅᑑᖅᒥ ᑐᒃᑐᒐᓱᖕᓇᖅ ᒪᑐᕗᖅ ᐅᐱᕐᖔᒧᑦ
ᐊᖑᓇᓱᒃᑏᑦ ᐅᑕᖅᑭᔭᕆᐊᖃᕐᓂᐊᖅᑐᑦ ᔪᓚᐃ 1-ᒥ ᑐᒃᑐᒐᓱᖕᓇᖅᓯᒃᐸᑦ
SONY DSC
For the English version of this story, please see Kugluktuk caribou hunt closes for the season.
ᖁᒡᓗᖅᑑᖅ ᑖᕕᓐ ᐊᒻᒪ ᔫᓂᐊᓐ ᑐᒃᑐᖏᑦ ᐱᔭᐅᑲᑕᒍᓐᓇᐃᓪᓕᔪᑦ ᔪᓚᐃ 1 ᑎᑭᓐᓇᓱᖕᓂᖓᓂᒃ, ᐅᖃᓚᐅᕐᑐᑦ ᐊᕙᑎᓕᕆᔨᒃᑯᑦ ᐊᐃᕆᓕ 18-ᖑᑎᓪᓗᒍ.
ᑐᒃᑐᑕᐅᔪᓐᓇᓚᐅᖅᑐᑦ 105 ᑎᑭᑕᐅᓚᐅᕐᒪᑦ 2023-24 ᑐᒃᑐᒐᓱᖕᓇᒥ ᐊᒻᒪᓗ ᑐᒃᑐᑲᑕᖁᔭᐅᔪᓐᓃᖅᖢᑎᒃ ᒫᓐᓇᒥ, ᐊᕙᑎᓕᕆᔨᒃᑯᑦ ᑕᐃᑐᓴᒐᒃᓴᑎᒍᑦ ᐅᖃᓚᐅᕐᑐᑦ.
ᐊᖑᓇᓱᒐᓱᒃᑏᑦ ᓱᓕ ᓂᕕᙵᐅᑎᖃᖅᑐᑦ ᐅᑎᖅᑎᑦᑎᖁᔭᐅᔪᑦ ᐋᒪᔪᕐᓂᐊᖅᑎᒃᑯᓐᓄᑦ ᐅᕝᕙᓘᓐᓃᑦ ᐊᖑᓇᓱᒃᑎᓄᑦ ᑲᑎᒪᔨᓄᑦ ᐊᑐᕈᓃᕐᓯᒪᓕᕐᓂᖏᓐᓄᑦ.
“ᓱᕋᐃᔪᑦ ᖃᐅᔨᓴᖅᑕᐅᖃᑦᑕᕐᓂᐊᖅᑐᑦ ᐊᒻᒪᓗ ᖃᓄᐃᓕᐅᖅᑕᐅᑐᐃᓐᓇᕆᐊᖃᖅᖢᑎᒃ” ᐅᕘᓇ ᐆᒪᔪᕐᓄᑦ ᒪᓕᒐᖅᑎᒍᑦ, ᐅᖃᕐᓯᒪᓚᐅᕐᒥᔪᖅ ᑐᓴᒐᒃᓴᓕᐊᕆᔭᐅᔪᖅ.
ᓄᓇᕗᒥᑦ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ (NWMB) ᐋᖅᑭᒃᓯᖃᑦᑕᕐᒪᑕ ᖃᔅᓯᓂ ᑐᒃᑐᒐᓱᒍᓐᓇᕐᓂᖏᓐᓂᒃ ᐅᑯᓂᖓ ᑖᕕᓐ ᐊᒻᒪ ᔫᓂᐊᓐ ᑐᒃᑐᓂᒃ ᑖᒃᑯᐊ ᐅᓄᕐᓯᕙᓪᓕᐊᓂᕐᓴᐅᖁᔭᐅᓪᓗᑎᒃ.
2016-ᒥ, ᐅᓗᕆᐊᓇᖅᑐᒦᑦᑐᓄᑦ ᓂᕐᔪᑎᓄᑦ ᑲᑎᒪᔩ ᑲᓇᑕᒥ ᐃᓚᓕᐅᔾᔨᓚᐅᖅᓯᒪᖕᒪᑕ ᐅᑯᓂᖓ ᑖᕕᓐ ᐊᒻᒪ ᔫᓂᐊᓐ ᑐᒃᑐᓂ ᐅᓗᕆᐊᓇᖅᑐᒦᑦᑐᓄᑦ ᐆᒪᔪᓄᑦ.
ᓯᕗᓪᓕᕐᒥ ᑐᒃᑐᑕᐅᔪᓐᓇᖅᑐᑦ 42-ᖑᑎᑕᐅᓚᐅᖅᑐᑦ ᑭᓯᐊᓂᓕ 105-ᒧᑦ ᑎᑭᒍᓐᓇᖅᓯᑎᑕᐅᓚᐅᕐᓯᒪᔪᑦ 2021-ᒥ.
1997-ᒥ, ᑐᒃᑐᐃᑦ ᐅᓄᕐᓂᖏ ᒫᓃᓐᓇᓱᒋᔭᐅᓚᐅᕐᓯᒪᔪᑦ 35,000 ᑐᖏᑦᑎᐊᖓᓂ ᑭᓯᐊᓂᓕ 2020 ᑎᑭᑎᓪᓗᒍ ᐅᓄᕈᓐᓃᖅᐹᓪᓕᖅᓯᒪᓚᐅᕐᑐᑦ ᒪᐅᖓ 3,800-ᓄᑦ, ᐅᑯᑎᒎᓇᖅ 2020-ᒥᑦ ᓄᓇᕗᒥᑦ ᐊᕙᑎᓕᕆᔨᒃᑯᑦ ᐅᓂᒃᑳᓕᐊᕕᓂᖏᓐᓂᒃ.
(0) Comments