ᑕᐃᒪᙵᓕᒫᖅ-ᐅᓄᓛᖑᔪᒥ ᓄᓇᕗᒻᒥ ᐱᙳᐊᖅᑎᐅᔪᑦ ᐋᖅᑭᒃᑕᐅᓯᒪᕗᑦ ᑲᓇᑕᒥ ᐊᐅᔭᒃᑯᑦ ᐱᙳᐊᕐᓂᐅᔪᓄᑦ

For the English version of this story, please see Largest ever Team Nunavut mobilizes for Canada Summer Games.

ᐊᑭᑦᑐᕋᐅᑎᓂᐅᔪᑦ ᐱᒋᐊᓚᐅᙱᑎᓪᓗᒋᑦ, ᓄᓇᕗᒻᒥ ᐱᙳᐊᖅᑏᑦ ᓱᕋᐃᑲᑕᒃᐳᑦ ᖁᑦᑎᓛᖑᔪᒥ ᑎᑭᐅᑎᔭᐅᔪᓐᓇᕐᓂᐅᔪᓂ 2025−ᒥ ᑲᓇᑕᒥ ᐊᐅᔭᒃᑯᑦ ᐱᙳᐊᕐᓂᐅᔪᓂ.

ᑕᒪᒃᑭᖅᖢᒍ, ᓄᓇᕗᑦ ᓇᒃᓯᐅᔾᔨᕗᑦ 72−ᓂ ᐱᙳᐊᖅᑎᓂ ᓵᓚᖃᕋᓱᐊᕐᓂᕐᒥ ᐹᔅᑭᑦᐹᓪᒥ, ᐹᓂᕐᒥ, ᐃᒡᓘᑉ ᐃᓗᐊᓂ ᕚᓕᐹᓪᒥ ᐊᒻᒪ ᓯᒡᔭᒥ ᕚᓕᐹᓪᒥ.

46−ᑲᓐᓂᕐᓂ ᓄᓇᕗᒻᒥ ᐱᙳᐊᖅᑎᓂᑦ ᐃᓚᒋᔭᐅᔪᓂ ᐃᓚᐅᖃᑕᐅᔪᓂ ᐊᔪᕆᖅᓱᐃᕙᒃᑐᓂ, ᐊᐅᓚᑦᑎᔨᓂ. ᒪᒃᑯᒃᑐᓂ ᑭᒡᒐᖅᑐᐃᔨᐅᔪᓂ ᐊᒻᒪ ᐱᙳᐊᕐᓂᐅᔪᒥ ᐃᖅᑲᓇᐃᔭᖅᑎᓂ, ᓄᓇᕗᒻᒥ ᐃᓚᐅᖃᑕᐅᔪᓂ ᐊᖏᓛᖑᕗᖅ ᒫᓐᓇᒧᑦ ᑎᑭᖦᖢᒍ ᑭᒡᒐᖅᑐᐃᓂᕐᒥ ᓄᓇᕗᒻᒥ ᐱᙳᐊᕐᓂᐅᔪᒥ, ᐱᓕᕆᐊᖑᔭᐅᔪᒃᓴᐅᑕᐅᔪᓂ ᓴᐃᓐᑦ ᔮᓐᔅ, ᓅᕙᓐᓛᓐᒥ ᐋᒍᔅᑎ 8−ᒥ 25−ᒧᑦ.

ᓄᓇᕗᒻᒥ ᐱᙳᐊᖅᑏᑦ ᐄᑮᓗᐊᒃ ᐊᕙᓚᒃ, ᖁᖅᓱᖅᑕᒥ, ᐹᕗᖅ ᓲᐱᓐ ᒐᑕᒥ, ᐋᓐᑎᐊᕆᐅᒥᐅᑕᖅ, ᑲᓇᑕᒥ ᐊᐅᔭᒃᑯᑦ ᐱᙳᐊᕐᓂᐅᔪᓂ ᐊᖑᑎᓄᑦ ᐹᓂᕐᒥ ᑭᖑᓪᓕᖅᐹᖅᓯᐅᑎᒃᓴᓄᑦ 2022−ᒥ ᐱᙳᐊᕐᓂᐅᔪᓂ ᐋᓐᑎᐊᕆᐅᒥ ᓇᐃᐋᒍᕋ ᐊᕕᒃᑐᖅᓯᒪᓂᖓᓂ. ᐊᕙᓚᒃ ᓵᓚᖃᓚᐅᖅᐳᖅ ᓄᓇᕘᑉ ᒎᓗᑐᐊᖑᔪᒥ ᐅᔭᒥᖕᒥ ᒫᓐᓇᒧᑦ ᑎᑭᖦᖢᒍ. (ᑕᓃ ᑲᕼᐃᐅᓪ ᐊᔾᔨᓕᐅᖅᑕᖓ, ᐊᓯᐊᒎᖅᑐᒥ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ)

“ᐱᙳᐊᕐᓂᓪᓚᕆᐅᓂᐊᖅᑐᓂ ᑎᑭᐅᑎᓕᖅᐳᒍᑦ ᒫᓐᓇ,” ᐅᖃᓚᐅᖅᐳᖅ ᔨᐊᕝ ᓰᑏᓐᓇᒃ, ᐱᙳᐊᖅᑐᓄᑦ ᐃᖅᑲᓇᐃᔭᖅᑎᓄᑦ ᐊᖓᔪᖅᑳᕆᔭᐅᔪᖅ ᓄᓇᕗᒻᒥ ᐱᙳᐊᖅᑎᓄᑦ . “ᐃᓱᒪᔪᓐᓇᙱᓚᖓ ᐱᐅᓂᖅᓴᐅᔪᒥ ᐊᕙᑎᐅᔪᒥ ᐃᓚᒋᔭᐅᖃᑕᐅᓂᕐᒥ.”

ᓄᓇᕗᒻᒥ ᐱᙳᐊᖅᑎᓄᑦ ᐊᖑᑎᓄᑦ ᐊᒻᒪ ᐊᕐᓇᓄᑦ ᓯᒡᔭᒥ ᕚᓕᐹᓪᒥ ᐱᙳᐊᖅᑏᑦ ᑲᒪᒋᔭᐅᓂᐊᖅᑐᒥ ᓄᓇᓕᐸᐅᔭᖓᓃᓕᕇᖅᐳᑦ ᐱᓕᒻᒪᒃᓴᓂᕐᒧᑦ. ᒪᕐᕉᖕᓂ ᐱᙳᐊᖅᑎᓂ ᐊᑐᓂ, ᐅᑯᐊ ᑲᑎᙵᓂᐅᔪᑦ ᐅᓄᙱᓛᖑᓪᓗᑎᒃ ᐱᙳᐊᖅᑎᓂ ᓵᓚᖃᕋᓱᐊᖅᑐ ᐱᙳᐊᕐᓂᐅᔪᓂ, ᑭᓯᐊᓂ ᐸᕐᓇᒃᓯᒪᕗᑦ ᐊᖏᔪᒥ ᐊᒃᑐᓂᖃᕐᓂᕐᒥ, ᐅᖃᓚᐅᖅᐳᖅ ᐊᖑᑎᓄᑦ ᐊᔪᕆᖅᓱᐃᕙᒃᑐᖅ ᕌᑉ ᑐᒪᐃᓐ.

“ᖁᕕᐊᕐᔪᐊᖅᐳᖓ ᐅᑯᓂᖓ ᑲᑎᙵᓂᐅᔪᓂ ᐱᙳᐊᖅᑎᓂ,” ᐅᖃᓚᐅᖅᐳᖅ ᑐᒪᐃᓐ ᒫᓐᓇ ᐱᖓᔪᖓᓐᓂ ᐊᕐᕌᒍᕆᔭᖓᓂ ᓄᓇᕗᒻᒥ ᐱᙳᐊᖅᑎᓄᑦ  ᐊᔪᕆᖅᓱᐃᕙᒃᑐᒥ.

“ᑕᐅᑐᒃᑕᑐᐊᖃᑲᐃᓐᓇᑦᑎᐊᖅᐳᑦ ᐊᒻᒪ ᐱᔪᒪᓂᖃᑦᑎᐊᖅᖢᑎᒃ ᐊᒻᒪ ᐃᖃᐃᓕᓴᖅᓯᒪᑦᑎᐊᖅᖢᑎᒃ ᐊᒻᒪ ᐸᕐᓇᒃᓯᒪᑦᑎᐊᖅᖢᑎᒃ.”

ᒫᓐᓇᐅᔪᒥ, ᓄᓇᕗᒻᒥ ᐊᖑᑎᓄᑦ ᐊᒻᒪ ᐊᕐᓇᓄᑦ ᐹᔅᑭᑦᐹᓪᒧᑦ ᐱᙳᐊᖅᑎᓂ ᐸᕐᓇᒃᓯᒪᕗᑦ ᓯᕗᓪᓕᖅᐹᑦᑎᐊᒥ ᓴᖅᑭᓐᓂᐅᔪᒥ ᐱᙳᐊᕐᓂᐅᔪᓂ. ᐱᙳᐊᕐᓂᖅ ᐃᓚᖃᖅᐳᖅ 30−ᓂ ᐃᓚᒋᔭᐅᔪᓂ ᓄᓇᕘᑉ ᐱᙳᐊᕐᓂᕐᒧᑦ ᐊᖏᓛᖑᔪᒥ ᑎᑭᐅᑎᓯᒪᓂᖏᓐᓂ-ᐋᖅᑭᒃᓯᓂᐅᔪᒥ ᐃᓚᐅᖃᑕᐅᔪᓂ, 12−ᓂ ᐱᙳᐊᖅᑎᓂ ᐊᑐᓂ ᐊᖑᑎᓂ ᐊᒻᒪ ᐊᕐᓇᓂ ᐱᙳᐊᖅᑎᐅᔪᓂ, ᐊᒻᒪᓗ ᐊᔪᕆᖅᓱᐃᕙᒃᑐᓂ ᐊᒻᒪ ᐊᐅᓚᑦᑎᔨᐅᔪᓂ.

ᓄᓇᕗᒻᒥ ᐱᙳᐊᖅᑎᓄᑦ ᐹᓂᕐᒥ ᐱᙳᐊᖅᑏᑦ ᐊᒥᓲᓛᖑᕗᑦ ᑲᑎᑦᑐᓂ ᒫᓐᓇᒧᑦ ᑎᑭᖦᖢᒍ ᑕᐃᔅᓱᒧᖓ ᐱᙳᐊᕐᓂᐅᔪᒧᑦ. 10−ᓂ ᐱᙳᐊᖅᑎᓂ ᐊᑐᓂ ᐊᕐᓇᓂ ᐊᒻᒪ ᐊᖑᑎᓂ ᐃᓚᐅᔪᓂ, ᐃᓚᐅᖃᑕᐅᔪᓂ ᑕᓪᓕᒪᓂ ᐊᔪᕆᖅᓱᐃᕙᒃᑐᓂ ᐊᒻᒪ ᐊᐅᓚᑦᑎᔨᐅᔪᓂ, ᐱᙳᐊᖅᑏᑦ ᒪᕐᕈᐃᓪᓗᐊᖅᑐᒥ ᐅᓄᕐᓂᖅᓴᐅᕗᑦ ᐹᓂᕐᒧᑦ ᐃᓚᐅᖃᑕᐅᓚᐅᖅᑐᓂ 2022−ᒥ ᑲᓇᑕᒥ ᐊᐅᔭᒃᑯᑦ ᐱᙳᐊᕐᓂᐅᔪᓂ ᐅᐸᓚᐅᖅᓯᒪᔪᓂ.

ᑕᐃᑲᓂ ᐹᓂᕐᒥ ᐱᙳᐊᖅᑎᓂ ᐱᓚᐅᖅᑐᒥ ᒎᓗᒥ ᐅᔭᒥᖕᒥ 2022−ᒥ ᐊᐅᔭᒃᑯᑦ ᐱᙳᐊᕐᓂᐅᔪᒥ ᐋᓐᑎᐊᕆᐅ ᓇᐃᐋᒍᕋ ᐊᕕᒃᑐᖅᓯᒪᓂᐅᔪᒥ, ᐄᑮᓗᐊᒃ ᐊᕙᓚᒃ ᐃᖃᓗᒃᑑᑦᑎᐊᕐᒥᐅᑕᖅ ᓵᓚᖃᓚᐅᖅᑎᓪᓗᒍ ᓯᕗᓪᓕᖅᐹᖑᓂᐅᔪᒥ ᐃᓂᐅᔪᒥ 52-ᑭᓗᒍᕌᒻ ᐅᖁᒪᐃᓐᓂᐅᔪᒥ ᓇᓗᓇᐃᖅᑕᐅᓯᒪᔪᓂ.

ᓄᓇᕗᑦ ᐱᓚᐅᖅᓯᒪᕗᖅ ᓯᕗᓪᓕᖅᐹᑦᑎᐊᖑᔪᒥ ᐅᔭᒥᖕᒥ ᔫᑑᒥ 2007−ᒥ ᐅᑭᐅᒃᑯᑦ ᐱᙳᐊᕐᓂᐅᔪᓂ ᐅᐊᐃᑦᕼᐅᐊᔅᒥ, ᓵᓚᖃᖅᖢᓂ ᐃᐅᔩᓐ ᑏᑐᕆᒃᒧᑦ ᐃᖃᓗᖕᒥᐅᑕᐅᓪᓗᓂ 100-ᑭᓗᒍᕌᒻ ᐅᖁᒪᐃᓐᓂᐅᔪᒥ ᓇᓗᓇᐃᖅᑕᐅᓯᒪᔪᓂ.

ᐱᓕᕆᐊᖑᕙᒃᖢᓂ ᐊᕐᕌᒍᑦ ᒪᕐᕉᒃ ᖄᖏᕌᖓᑕ ᐊᓯᔾᔨᖅᐸᒃᖢᓂ ᐅᑭᐅᒃᑯᑦ ᐊᒻᒪ ᐊᐅᔭᒃᑯᑦ ᐱᙳᐊᕐᓂᐅᔪᓂ, ᑲᓇᑕᒥ ᐱᙳᐊᕐᓃᑦ ᑭᒡᒐᖅᑐᐃᕗᖅ ᐊᖏᓛᖑᔪᒥ ᐱᙳᐊᖅᑎᕐᔪᐊᖑᙱᑦᑐᓂ ᖃᔅᓯᒐᓚᖕᓂ-ᐱᙳᐊᕐᓂᐅᔪᒥ ᖃᓄᐃᓐᓂᐅᔪᒥ ᑲᓇᑕᒥ, ᑕᑯᒃᓴᐅᑎᑦᑎᓪᓗᓂ ᐅᓄᕐᓂᖅᓴᐅᔪᓂ 5,000−ᓂ ᐱᙳᐊᖅᑎᓂ, ᐊᔪᕆᖅᓱᐃᕙᒃᑐᓂ ᐊᒻᒪ ᐊᐅᓚᑦᑎᔨᐅᔪᓂ.

ᓄᓇᕗᒻᒥ ᐱᙳᐊᖅᑏᑦ ᐃᓚᐅᖃᑕᐅᓕᓚᐅᖅᐳᑦ ᑲᓇᑕᒥ ᐱᙳᐊᕐᓂᐅᔪᓂ 2001−ᒥ, ᐊᕐᕌᒍᑦ ᒪᕐᕉᖕᓂ ᑭᖑᓂᐊᒍᑦ ᓄᓇᕗᑖᓚᐅᖅᑎᓪᓗᒋᑦ.

ᓵᓚᖃᕋᓱᐊᕐᓂᐅᔪᑦ ᐃᓚᖃᖅᑐᒥ ᓄᓇᕗᒻᒥ ᐱᙳᐊᖅᑎᓂ ᑕᑯᒃᓴᐅᑎᑕᐅᑲᐅᑎᒋᓲᖑᕗᑦ ᑕᓚᕖᓴᒃᑯᑦ, ᐅᖃᐅᓯᐅᓪᓗᓂ ᓄᓇᕗᒻᒥ ᐱᙳᐊᖅᑏᑦ  ᐃᑭᐊᖅᑭᕕᖓᓂ.

ᓄᓇᕕᒃ ᓇᒃᓯᐅᔾᔨᔾᔮᙱᓚᑦ ᓇᖕᒥᓂᖅ ᐱᙳᐊᖅᑎᒋᓂᐊᖅᑕᖏᓐᓂ ᐱᙳᐊᕐᓂᐅᔪᓄᑦ, ᐅᖃᓚᐅᖅᐳᖅ ᐋᓅᑦ ᕗᕌᓐᓯᐆᓂ, ᐋᔩᖃᑎᒌᖕᓂᕐᒧᑦ ᐊᒻᒪ ᓂᐅᕕᐊᒃᓴᖃᖅᑎᑦᑎᓇᓱᐊᕐᓂᕐᒥ ᐱᓕᕆᔨᐅᔪᖅ Athletisme Quebec−ᒥ.

“ᖃᐅᔨᒪᓂᑦᑎᓐᓂ, ᐱᙳᐊᖅᑎᐅᔪᒥ 14−ᓂ ᓄᓇᓕᐅᔪᓂ ᓄᓇᕕᒻᒥ ᒫᓐᓇᐅᔪᒥ ᐃᓚᒋᔭᐅᖃᑕᐅᔪᖃᙱᓚᖅ ᑯᐸᐃᖕᒥ ᐱᙳᐊᖅᑎᐅᔪᓂ 2025−ᒧᑦ ᑲᓇᑕᒥ ᐊᐅᔭᒃᑯᑦ ᐱᙳᐊᕐᓂᐅᔪᓂ,” ᐅᖃᓚᐅᖅᐳᖅ, ᐅᐃᕖᑎᑐᑦ ᐅᖃᓪᓚᒃᖢᓂ.

ᑑᒥᓂᒃ ᔩᓐ ᑎᑎᕋᕐᓂᑯᖏᓐᓂ