ᐊᖑᑎ ᐸᓯᔭᐅᔪᖅ ᐱᕋᔭᖕᓂᒃᑯᑦ ᓯᓚᐃᕐᕆᓂᕐᒥ ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ $2.2 ᒥᓕᐊᓐᓂ

For the English version of this story, please see Man accused of defrauding Qikiqtani Inuit Association of $2.2 million.

23-ᓂ-ᐅᑭᐅᓕᖕᒥ ᐸᓯᔭᐅᕗᖅ ᐱᕋᔭᖕᓂᒃᑯᑦ ᓯᓚᐃᕐᕆᓂᕐᒥ ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ $2.2 ᒥᓕᐊᓐᓂ ᖃᕋᓴᐅᔭᑎᒍᑦ ᐱᕋᔭᖕᓂᐅᔪᒥ.

ᓴᒃᕗᒪ ᐃᕈᑲᓗ ᑎᒍᔭᐅᓚᐅᖅᐳᖅ ᐅᐃᓂᐱᐊᒡᒥ ᐊᐃᑉᕆᓕ 22−ᒥ ᓄᓇᕗᒻᒥ ᑲᓇᑕᒥ ᐸᓖᓯᒃᑯᑦ ᖃᐅᔨᓴᖅᑕᐅᓂᐅᔪᒥ ᐃᑲᔪᖅᓯᖅᑕᐅᓪᓗᑎᒃ ᒫᓂᑑᐸᒥ ᑲᓇᑕᒥ ᐸᓖᓯᒃᑯᓐᓄᑦ ᐊᒻᒪ ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᓄᑦ ᐃᖅᑲᓇᐃᔭᖅᑎᖏᓐᓂ.

ᐃᕈᑲᓗ ᐃᖅᑲᖅᑐᒐᒃᓴᙳᓚᐅᖅᐳᖅ ᐱᕋᔭᖕᓂᒃᑯᑦ ᓯᓚᐃᕐᕆᓂᕐᒥ $5,000 ᐅᖓᑖᓂ. ᓱᓕ ᑎᒍᔭᐅᓯᒪᕗᖅ ᐊᒻᒪ ᓴᖅᑭᑦᑕᕆᐊᖃᕐᓂᐊᖅᐳᖅ ᐃᖃᓗᖕᓂ ᒪᐃ 27−ᖑᓕᖅᐸᑦ.

ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ ᐊᑐᐃᓐᓇᖃᖅᑎᑦᑎᓚᐅᖅᐳᖅ ᐃᓚᖏᓐᓂ ᐅᓂᒃᑳᕆᓂᐅᔪᓂ ᖃᓄᐃᓐᓂᐅᔪᒥ ᒪᐃ 23−ᒥ ᑐᓴᒐᒃᓴᓕᐊᖑᔪᒥ.

ᐅᖃᓚᐅᖅᐳᖅ ᐱᖓᔪᖓᓐᓂ-ᐱᓕᕆᖃᑕᐅᔪᒥ ᑲᑐᔾᔨᖃᑎᒌᖑᔪᒥ ᖃᕋᓴᐅᔭᒃᑯᑦ ᐱᕋᔭᒃᑕᐅᓚᐅᖅᐳᖅ ᐊᒻᒪ ᖃᕋᓴᐅᔭᑎᒍᑦ ᑎᑎᕋᕐᕕᐅᕙᒃᑐᖅ ᐊᑐᖅᑕᐅᓚᐅᖅᐳᖅ ᑐᓂᓯᓂᕐᒥ ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᓂᑦ ᐱᕋᔭᖕᓂᒃᑯᑦ ᓯᓚᐃᕐᕆᓂᕐᒥ ᑮᓇᐅᔭᒃᑯᕕᖕᒥ ᐅᓂᒃᑳᕆᓂᐅᔪᓂ.

ᐃᓄᐃᑦ ᖃᑐᔾᔨᖃᑎᒌᖑᔪᖅ ᑕᐃᒪᙵᓂ ᐅᑎᖅᑎᕆᓯᒪᕗᑦ $2.1 ᒥᓕᐊᓐᓂ ᐊᒻᒪ ᐱᓕᕆᕗᑦ ᐅᑎᖅᑎᕆᓂᕐᒥ ᐊᒥᐊᒃᑯᖓᓂ.

“ᐱᓕᕆᐊᒃᓴᐅᔪᓂ ᐊᓯᐅᔨᔾᔮᙱᓚᑦ ᑮᓇᐅᔭᖃᖅᑎᑕᐅᓂᐅᔪᓂ ᐱᔾᔪᑎᖃᖅᑐᒥ ᐱᔪᓐᓇᕐᓂᑦᑎᓐᓂ ᐅᑎᖅᑎᕆᓂᕐᒥ ᑮᓇᐅᔭᓂ ᐊᒻᒪ ᐱᓕᕆᕗᒍᑦ ᑕᒪᒃᑭᓂ ᒪᓕᒐᑎᒍᑦ ᐱᓕᕆᓂᐅᔪᓂ ᐊᑐᐃᓐᓇᐅᔪᓂ ᐅᑎᖅᑎᕆᓂᕐᒥ ᐊᒥᐊᒃᑯᔪᓂ ᑮᓇᐅᔭᓂᑦ,” ᑭᐊᕆᓐ ᕙᓚᕈᑎ, ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᒃᑯᑦ ᐱᓇᓱᐊᕈᑎᒃᓴᓕᕆᓂᕐᒧᑦ ᐋᔩᖃᑎᒌᖕᓂᕐᒧᑦ ᑐᑭᒧᐊᒃᑎᑦᑎᔨᖓ, ᐅᖃᓚᐅᖅᐳᖅ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ ᒪᐃ 23−ᒥ.

ᑐᑭᓯᓇᙱᓚᖅ ᓇᓕᐊᒃ ᑲᑐᔾᔨᖃᑎᒌᖑᔪᖅ ᖃᕋᓴᐅᔭᑎᒍᑦ ᑎᑎᕋᕐᕕᐅᓲᖅ ᐊᑐᖅᑕᐅᓚᐅᕐᓂᖓᓂ ᐱᕋᔭᖕᓂᒃᑯᑦ ᓯᓚᐃᕐᕆᓂᕐᒥ ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᓂᑦ ᐅᕝᕙᓘᓐᓃᑦ ᖃᓄᖅ ᖃᓄᐃᓐᓂᐅᔪᖅ ᐱᓕᕆᐊᖑᓚᐅᕐᓂᖓᓂ. ᓄᓇᕗᒻᒥ ᑲᓇᑕᒥ ᐸᓖᓯᒃᑯᑦ ᐅᖃᖅᑎᖓ Sgt. ᔪᐊᔾ ᕼᐊᓄᕆ ᑐᓂᓯᔪᒪᓚᐅᙱᓚᖅ ᑕᐃᒃᑯᓂᖓ ᐅᓂᒃᑳᕆᓂᐅᔪᓂ ᑕᐃᒃᑯᐊ ᑐᓴᒐᒃᓴᐃᑦ ᐊᑐᖅᑕᐅᓂᐊᕐᒪᑕ ᓇᓗᓇᐃᕈᑎᒃᓴᐅᓂᖏᓐᓂ ᐃᖅᑲᖅᑐᐃᕕᖕᒥ.

ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ ᑐᓂᓯᔾᔭᙱᓐᓂᕗᑦ ᐅᓂᒃᑳᕆᒃᑲᓐᓂᕐᓂᐅᔪᓂ ᐱᓕᕆᐊᖑᔪᖅ ᐃᖅᑲᖅᑐᐃᕕᖕᒦᓐᓂᖓᓂ, ᕙᓚᕈᑎ ᐅᖃᓚᐅᖅᐳᖅ.

ᐅᖃᓚᐅᖅᐳᖅ ᕿᑭᖅᑖᓂ ᐃᓄᐃᑦ ᑲᑐᔾᔨᖃᑎᒌᖑᔪᑦ ᓴᙱᔪᒥ ᖃᕋᓴᐅᔭᑎᒍᑦ ᐅᔾᔨᖅᓱᕐᓂᕐᒥ ᐊᑐᐊᒐᖃᖅᑎᓪᓗᒋᑦ, ᑲᑐᔾᔨᖃᑎᒌᖑᔪᑦ ᓇᓗᓇᐃᖅᓰᓐᓇᖅᐳᑦ “ᑕᒪᒃᑭᑦ ᐃᖅᑲᓇᐃᔭᖅᑎᐅᔪᑦ ᓄᑖᙳᕆᐊᖅᑎᑕᐅᓂᖏᓐᓂ ᖃᕋᓴᐅᔭᑎᒍᑦ ᐱᕋᔭᖕᓂᒃᑯᑦ ᓯᓚᐃᕐᕆᓂᕐᒥ ᐊᒻᒪᓗ ᓴᖑᕙᓪᓕᐊᖏᓐᓇᖅᑐᒥ ᐱᓕᕆᓂᐅᔪᓂ ᐱᕋᔭᒃᑐᓂ ᐱᕋᔭᖕᓂᒃᑯᑦ ᓯᓚᐃᕐᕆᓇᓱᐊᕐᓂᕐᒥ ᑲᑐᔾᔨᖃᑎᒌᖑᔪᓂ.”