ᑐᑭᓕᐅᕆᔨ ᐃᓚᓯᕗᖅ ᐃᓄᒃᑎᑐᑦ ᑎᑎᕋᖅᓯᒪᓂᐅᔪᒥ-ᐅᖃᓪᓚᖕᓂᕐᒧᑦ
ᐱᔨᑦᑎᕋᕐᓂᖅ ᐊᑐᐃᓐᓇᐅᕗᖅ ᐅᖃᓘᑎᕋᓛᓄᑦ, ᐃᑭᐊᖅᑭᕕᖕᒧᑦ ᐊᑐᖅᑕᐅᔪᒃᓴᓄᑦ; Microsoft ᐸᕐᓇᒃᐳᑦ ᓴᖅᑭᑎᑦᑎᓂᕐᒥ Office−ᒧᑦ ᓴᓇᓯᒪᔪᓄᑦ
ᐊᔾᔨᓕᐅᖅᑕᖓ)
For the English version of this story, please see Microsoft announces Inuktitut text-to-speech service.
ᐊᑐᖅᑎᐅᔪᓂ Microsoft ᑐᑭᓕᐅᕆᔨᒧᑦ ᐃᓄᒃᑎᑐᑦ ᑐᑭᓕᐅᕆᓂᕐᒥ ᐱᓕᕆᔾᔪᑎᖓᓂ ᓈᓚᒍᓐᓇᖅᓯᕗᑦ ᑎᑎᕋᖅᓯᒪᓂᐅᔪᒥ ᑐᑭᓕᐊᕆᔭᖏᓐᓂ.
Microsoft ᑲᓇᑕᒥ ᐊᒻᒪ ᓄᓇᕗᒻᒥ ᒐᕙᒪᒃᑯᑦ ᐅᖃᐅᓯᖃᓚᐅᖅᐳᑦ ᑎᓯᐱᕆ 5−ᒥ ᐃᓄᒃᑎᑐᒻᒥ ᑎᑎᕋᖅᓯᒪᓂᐅᔪᒥ-ᐅᖃᓪᓚᖕᓂᕐᒧᑦ ᐊᑐᐃᓐᓇᐅᓕᖅᐳᖅ Microsoft ᑐᑭᓕᐅᕆᔨᒃᑯᑦ.
“ᐅᖃᓗᖕᓂᑐᐃᓐᓇᕐᒥ ᐅᕝᕙᓘᓐᓃᑦ ᖃᕋᓴᐅᔭᒃᑯᑦ, ᑎᑎᕋᖅᓯᒪᓂᐅᔪᑦ ᐆᒻᒪᕈᓐᓇᖅᐳᑦ ᐃᓄᒃᑎᑐᑦ,” ᐅᖃᓚᐅᖅᐳᖅ ᑯᕆᔅ ᐱᐊᕆ, ᐊᖓᔪᖅᑳᖅ Microsoft ᑲᓇᑕᒥ, ᑕᑯᒃᓴᐅᑎᑕᐅᓂᐅᔪᒥ ᐃᖃᓗᖕᓂ ᐊᖅᓴᕐᓃᑦ ᑐᔪᕐᒥᕕᖓᓂ.
ᑕᑯᒃᓴᐅᓂᐅᔪᖅ ᓴᖅᑭᑉᐳᖅ ᐱᓕᕆᖃᑎᒌᖕᓂᐅᔪᒥ ᐅᑯᓇᓂ Microsoft ᐊᒻᒪ ᓄᓇᕗᒻᒥ ᒐᕙᒪᒃᑯᓐᓂ.
ᐱᕈᖅᓴᐃᕗᖅ ᓴᖅᑭᑎᑦᑎᓂᐅᔪᒥ ᐃᓄᒃᑎᑐᑦ ᑐᑭᓕᐊᖑᓂᐅᔪᓂ 2021−ᒥ, ᒪᓕᒃᑕᐅᓪᓗᓂ ᐃᓚᒋᐊᖅᓯᓂᐅᔪᒥ ᐃᓄᓐᓇᖅᑐᒻᒥ ᐊᒻᒪ ᖃᓕᐅᔭᖅᐸᐃᓂ ᐃᓅᔨᖓᔪᓂ 2022−ᒥ.
“ᐊᑎᕋ ᑕᖅᑭᐅᕗᖅ, ᐅᖃᓕᒫᕈᓐᓇᖅᐳᖓ ᑎᑎᕋᖅᓯᒪᔪᓂ,” ᐅᖃᓚᐅᖅᐳᖅ ᐊᑕᐅᓯᐅᔪᒥ ᓂᐱᐅᔪᓂ ᐊᑐᖅᑎᐅᔪᑦ ᓂᕈᐊᕈᓐᓇᖅᑕᖏᓐᓂ ᐃᓄᒃᑎᑐᑦ, ᑕᑯᒃᓴᐅᑎᑦᑎᓂᐅᔪᒥ.
ᑕᖅᑭᖅ ᖃᕋᓴᐅᔭᑎᒍᑦ ᖃᐅᔨᒪᓂᐅᕗᖅ-ᐊᐅᓚᑕᐅᔪᒥ ᐊᖑᒻᒧᑦ ᓂᐱᖓᓂ ᓂᕈᐊᒐᒃᓴᐅᔪᒥ. ᓯᖅᓂᖅ, ᐊᕐᓇᒧᑦ ᓂᐱᐅᔪᖅ ᐊᑐᐃᓐᓇᐅᒋᕗᖅ.
ᐊᒥᓱᓂ ᐃᓄᖕᓂ ᐱᓕᕆᐊᖃᓚᐅᖅᐳᑦ “ᐊᒃᓱᕈᕐᓇᖅᑐᒥ ᐊᒻᒪ ᐸᖅᑭᑦᑎᐊᕐᓂᐅᔪᒥ” ᐱᓕᕆᓂᐅᔪᒥ ᓴᓇᓂᕐᒧᑦ ᐆᒥᖓ ᐊᕿᑦᑐᑦ ᐱᓕᕆᔾᔪᑎᖓᓂ, ᐱᐊᕆ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ.
ᐱᓕᕆᓂᖅ ᐃᓚᖃᓚᐅᖅᐳᖅ ᕿᒥᕐᕈᓂᕐᒥ ᑕᐅᓴᓐ−ᖏᓐᓂ ᒐᕙᒪᒃᑯᑦ ᑎᑎᖅᑲᖁᑕᐅᔪᓂ, ᐃᖅᑲᓇᐃᔭᖅᑎᑦᑎᓪᓗᑎᒃ ᐃᓄᒃᑎᑐᒻᒥ ᐅᖃᖅᑎᐅᔪᓂ ᐃᒻᒥᓂᒃ ᓂᐱᓕᐅᕆᓪᓗᑎᒃ, ᐊᒻᒪ ᐱᓪᓗᑎᒃ ᐃᑲᕐᕋᒐᓴᓂ ᐃᓄᒃᑐᑦ ᓂᐱᓕᐅᕆᓯᒪᔪᓂ ᑲᓇᑕᒥ ᐸᐃᑉᐹᖁᑎᒥ ᑲᑐᔾᔨᖃᑎᒌᖑᔪᓂ ᐊᒻᒪ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᖅᑐᖅᑏᑦ, ᐃᓚᒋᔭᐅᓪᓗᑎᒃ ᐊᓯᖏᓐᓂ ᑲᑐᔾᔨᖃᑎᒌᖑᔪᓂ.
ᓯᕗᓪᓕᐅᔪᒥ ᑐᑭᓕᐊᖑᓂᐅᔪᒥ ᐱᓕᕆᔾᔪᑎ ᐱᐅᓪᓚᕆᒃᓯᒪᙱᓚᖅ. ᖃᔅᓯᒐᓚᖕᓂ ᑕᑯᒃᓴᐅᑎᑦᑎᔨᐅᔪᓂ ᐅᓂᒃᑳᕆᓚᐅᖅᐳᑦ ᖃᕋᓴᐅᔭᑎᒍᑦ ᖃᐅᔨᒪᓂᖅ ᑭᐳᒃᓰᓚᐅᖅᐳᑦ ᐅᖃᐅᓯᖃᕐᒥ ᓲᕐᓗ condo ᐊᒻᒪ condom, ᐊᒻᒪ prime rib ᐊᒻᒪ prime minister.
ᑭᓯᐊᓂ ᐱᓕᕆᔾᔪᑎ ᖃᐅᔨᒪᕙᓪᓕᐊᓕᖅᐳᖅ ᐊᑐᖅᑕᐅᓂᖅᓴᐅᑎᓪᓗᒍ, ᐱᐊᕆ ᐅᖃᓚᐅᖅᐳᖅ.
“ᐱᐅᓯᕙᓪᓕᐊᖏᓐᓇᕐᓂᐊᖅᐳᖅ ᐊᒻᒪ ᐋᖅᑭᑦᑎᐊᖅᓯᒪᒃᑲᓐᓂᐅᔭᕐᓗᓂ ᐅᓄᕐᓂᖅᓴᓂ ᑐᓴᒐᒃᓴᓂ ᑎᑭᐅᑎᔭᐅᒍᓂ ᐆᒃᑐᕋᐅᑎᐅᔪᒧᑦ,” ᐱᐊᕆ ᐅᖃᓚᐅᖅᐳᖅ.
ᒫᓐᓇᒧᑦ ᑎᑭᖦᖢᒍ, ᐱᐅᔪᓂ ᐅᖃᐅᓯᐅᓂᐅᑲᑕᒃᐳᑦ.
ᓕᐊ ᐊᔪᕈᐊᖅ ᒪᑲᐃ, ᑐᓂᓯᓚᐅᖅᑐᒥ ᓂᐱᖓᓂ ᐱᕙᓪᓕᐊᑎᑕᐅᓂᖓᓂ, ᑕᑯᒃᓴᐅᑎᑦᑎᕗᖅ ᐅᐸᒃᓯᒪᔪᓄᑦ ᖃᓄᖅ Microsoft ᑐᑭᓕᐅᕆᔨ ᓴᖑᑎᑦᑎᔪᓐᓇᕐᓂᖏᓐᓂ ᐅᖃᓪᓚᖕᓂᐅᔪᑦ ᐊᒻᒪ ᑎᑎᖅᑲᖁᑕᐅᔪᓂ ᖃᓪᓗᓈᑎᑐᑦ ᑎᑎᕋᖅᓯᒪᔪᓂ ᐃᓄᒃᑎᑐᑦ ᐅᖃᓪᓚᖕᓂᐅᔪᒧᑦ.
“ᕿᐊᓱᙳᓇᕆᕙᕋ, ᑭᓯᐊᓂ ᐱᐅᓂᐅᔪᒥ ᖁᕕᐊᕐᔪᐊᓐᓇᕆᒐᒃᑯᑦ ᐊᒻᒪ ᖁᕕᐊᓱᒃᖢᖓ,” ᐅᖃᓚᐅᖅᐳᖅ, ᐅᖃᓪᓚᖃᑎᖃᖅᖢᓂ ᓄᓇᑦᓯᐊᖅ ᑐᓴᒐᒃᓴᓕᕆᔨᓄᑦ.
“ᐃᓱᒪᓚᐅᖅᓯᒪᙱᓚᖓ ᑕᐃᒪᐃᑦᑐᒐᓚᖕᒥ ᓴᖅᑭᑦᑐᓐᓇᕐᓂᖓᓂ ᐆᒪᙵᑦ.”
ᐊᔪᕈᐊᖅ ᒪᑲᐃ ᐅᖃᓚᐅᖅᐳᖅ ᐸᕐᓇᖕᓂᖓᓂ ᐊᑐᓛᕐᓂᕐᒧᑦ Microsoft ᑐᑭᓕᐅᕆᔨᒥ ᐃᑲᔪᕐᓂᕐᒥ ᐅᐃᖓᓂ ᐃᓕᑦᑎᓂᖓᓂ ᐃᓄᒃᑎᑐᒻᒥ.
ᕇᐱᑲ ᕼᐊᐃᓐᓄ, ᓄᓇᕘᑉ ᒥᓂᔅᑕᐅᑉ ᑐᒡᓕᖓ ᐃᓕᓐᓂᐊᖅᑐᓕᕆᔨᒃᑯᓐᓂ, ᐅᖃᓪᓚᓚᐅᖅᐳᖅ ᐊᒥᓱᓂ ᐱᓕᕆᓂᐅᔪᓂ ᐃᓕᓴᐃᔨᐅᔪᑦ ᐊᒻᒪ ᐃᓕᓐᓂᐊᖅᑏᑦ ᐱᕚᓪᓕᕈᑎᖃᕐᓂᐊᕐᓂᖏᓐᓂ ᐱᖃᕐᓂᕐᒥ ᐃᓄᒃᑎᑐᒻᒥ ᑎᑎᕋᖅᓯᒪᓂᐅᔪᒥ-ᐅᖃᓪᓚᖕᓂᕐᒧᑦ.
ᓲᕐᓗ, ᓄᑖᖑᔪᒥ ᐃᓕᓴᐃᔨᒥ ᐃᓕᑦᑎᔪᓐᓇᖅᐳᖅ ᖃᓄᖅ ᐅᐱᒋᔭᖃᕈᓐᓴᕐᓂᕐᒥ ᐃᓕᓐᓂᐊᖅᑎᒥᒃ ᐃᓄᒃᑎᑐᑦ ᐱᓕᕆᑦᑎᐊᕐᓂᖏᓐᓄᑦ.
ᓕᐊ ᐊᔪᕈᐊᖅ ᒪᑲᐃ ᓴᖑᑎᑦᑎᕗᖅ ᖃᓪᓗᓈᑎᑐᑦ ᑎᑎᕋᖅᓯᒪᔪᓂ ᐃᓄᒃᑎᑐᑦ ᐅᖃᓪᓚᖕᓂᐅᔪᒧᑦ ᐳᕙᒡᓗᖕᓂᕐᒧᑦ ᓱᓕᓂᐅᔪᒥ ᐸᐃᑉᐹᖑᔪᒧᑦ. (ᔨᐊᕝ ᐱᓚᑦᑎᐊᐃ ᐊᔾᔨᓕᐅᖅᑕᖓ)
ᐃᓕᓐᓂᐊᖅᑎᓄᑦ, ᐊᑐᐃᓐᓇᖃᕈᓐᓇᖅᐳᑦ ᐃᓄᒃᑎᑐᑦ ᐅᖃᓕᒫᒐᕐᓂ ᐊᔾᔨᓕᐅᕆᑐᐃᓐᓇᕐᓗᑎᒃ ᖃᓪᓗᓈᑎᑐᑦ ᑎᑎᕋᖅᓯᒪᓂᐅᔪᓂ ᐊᒻᒪ ᑐᑭᓕᐅᕆᔨ ᓂᐱᖃᕐᓗᓂ ᐅᖃᓕᒫᕐᓂᖓᓄᑦ.
“ᐃᓄᐃᑦ ᐅᖃᓪᓚᖕᓂᖃᓚᐅᖅᐳᑦ ᒥᒃᖠᒋᐊᕐᓂᐅᔪᒥ ᐅᖃᐅᓯᕐᒥ ᐅᖃᖅᑎᐅᔪᓂ ᐱᕈᖅᓴᕙᓪᓕᐊᑎᓪᓗᖓ ᐊᒻᒪ ᐅᖃᐅᓯᕐᒥ ᔭᒐᐃᓂᐅᔪᒥ,” ᕼᐊᓐᓄ ᐅᖃᓚᐅᖅᐳᖅ.
“ᐊᓯᔾᔨᕐᓂᐅᔪᒥ, ᐅᖃᓪᓚᒃᐳᒍᑦ ᐸᐸᑦᑎᓂᕐᒥ ᐊᒻᒪ ᖁᕝᕙᖅᓴᐃᓂᕐᒥ ᑐᓂᔭᐅᔪᒥ ᓴᖕᒥᓂᖅ ᐃᓅᓯᕆᔭᑦᑎᓐᓂ.”
ᐱᐊᕆ ᓇᓗᓇᐃᖅᓯᓚᐅᖅᐳᖅ ᑎᑎᕋᖅᓯᒪᓂᐅᔪᒥ-ᐅᖃᓪᓚᖕᓂᕐᒧᑦ ᐱᓕᕆᔾᔪᑎ ᐃᓇᖏᖅᓯᓇᓱᐊᙱᓚᖅ ᐃᓄᖕᓂ ᐱᓕᕆᕙᒃᑐᓂ ᑐᑭᓕᐅᕆᔨᐅᓂᕐᒥ. ᐃᒪᓐᓇᖔᖅ, ᓂᕆᐅᒃᐳᖅ “ᐃᓚᒋᐊᖅᓯᔪᓐᓇᕐᓂᖓᓂ” ᐱᔪᓐᓇᕐᓂᖏᓐᓂ.
ᒫᓐᓇᐅᔪᒥ, ᑐᑭᓕᐅᕆᔨ ᐊᑐᐃᓐᓇᐅᕗᖅ ᖃᕋᓴᐅᔭᑎᒍᑦ ᐊᒻᒪᓗ ᐅᖃᓘᑎᕋᓛᒃᑯᑦ ᐱᓕᕆᔾᔪᑕᐅᔪᒧᑦ. Microsoft ᐸᕐᓇᒃᐳᖅ ᐃᓚᓯᓛᕐᓂᖓᓂ ᑎᑎᕋᖅᓯᒪᓂᐅᔪᒥ-ᐅᖃᓪᓚᖕᓂᕐᒧᑦ Word−ᒧᑦ ᐊᒻᒪ Outlook−ᒧᑦ.
ᐊᒻᒪᓗ ᐱᑕᖃᑐᐃᓐᓇᕆᐊᖃᖅᑐᖅ ᓯᕗᓂᒃᓴᒥ: ᐅᖃᐅᓯᕐᒥ-ᐅᖃᐅᓯᕐᒧᑦ ᑐᑭᓕᐅᕆᓂᐅᔪᒥ.
“ᐱᔪᓐᓇᕐᓂᐅᔪᒥ ᐱᓕᕆᓂᕐᒥ ᒫᓐᓇᓪᓚᕆᐅᔪᒥ ᑐᑭᓕᐅᕆᓂᐅᔪᒥ, ᐅᖃᓪᓚᒃᑕᒥ ᐅᖃᐅᓯᕐᒥ, ᐱᔪᓐᓇᑐᐃᓐᓇᕆᐊᖃᕐᓂᖓᓂ ᐃᓱᐊᓂ ᐱᙳᐊᕐᓂᐅᔪᒥ, ᑭᓯᐊᓂ ᐱᖠᕆᐊᒃᓴᐅᓂᐊᖅᐳᖅ ᓯᕗᓂᒃᓴᒧᑦ ᐄᓪᓚᕆᒃ,” ᐱᐊᕆ ᐅᖃᓚᐅᖅᐳᖅ.
(0) Comments