ᐃᓚᒍᑕᖅ ᐅᖄᓚᐅᑎᕋᓛᒃᑯᑦ ᐃᒪᕐᒧᑦ, ᑭᓈᓗᒻᒧᓪᓗ ᐆᑦᑑᑕᐅᓂᐊᖅᑐᖅ ᑰᔾᔪᐊᕐᒥ

For the English version of this story, please see New app for water, sewage collection being tested in Kuujjuaq.

ᓄᑖᖅ ᐅᖄᓚᐅᑎᕋᓛᓐᓄᑦ ᐃᓚᒍᑕ ᐱᐅᓯᕚᓪᓕᑎᑦᑎᒍᑕᐅᒐᓱᐊᖅᑐᖅ ᐃᒪᕐᒧᑦ ᑭᓈᓗᒻᒧᓪᓗ ᐃᑲᔪᖅᑕᐅᔪᒪᔪᓂᒃ ᒫᓐᓇ ᐆᑦᑑᑎᐅᓕᕐᒥᔪᖅ ᑰᔾᔪᐊᕐᒥ.

ᑲᑎᕕᒃᑯᑦ ᒐᕙᒪᒃᑯᖏᑦ ᐃᖅᑲᓇᐃᔭᖅᑎᖏᑦ ᐱᓕᕆᖃᑎᖃᖅᑐᑦ ᒪᓕᒐᓕᕆᓂᕐᒥᑦ ᑲᓇᑕᒥ, ᑲᓇᑕᒥ ᑮᓇᐅᔭᓕᐅᖅᑎᐅᒐᓱᐊᓐᖏᑦᑐᓂᒃ ᐊᑐᖅᑐᑦ ᐅᐊᔭᓕᕆᓂᕐᒨᖓᔪᓂᒃ ᐱᐅᓯᕚᓪᓕᖁᓪᓗᒋᑦ ᐱᔨᑦᑎᕋᐅᑏᑦ ᐃᓄᓐᓄᑦ, ᐋᖅᑭᓱᖅᑕᐅᓗᓂᓗ ᐊᑐᖅᑕᐅᔪᓐᓇᕐᓗᓂ.

ᐅᖄᓚᐅᑎᕋᓛᓐᓄᑦ ᐃᓚᒍᑕ, ᑕᐃᔭᖅ ᑭᐅᔨᒥᑦ, ᑲᒪᒋᔭᐅᓯᒪᓕᖅᑐᖅ ᐊᕐᕌᒍᓄᑦ ᐱᖓᓱᓄᑦ, ᐃᖅᑲᓇᐃᔭᖅᑐᓕᕆᔨᒃᑯᑦ ᐊᐅᓚᑦᑎᔨᖓ ᕼᐅᓯᓐ ᓴᐸᒐᑎ ᑲᑎᒪᔨᓄᑦ ᐅᓂᒃᑳᓚᐅᖅᓯᒪᔪᖅ ᓰᑏᑉᐱᕆᐅᑎᓪᓗᒍ 11−ᒥ.

ᑰᔾᔪᐊᕐᒥᐅᑦ ᐅᖄᓚᐅᑎᕋᓛᓐᓄᑦ ᐃᓚᒍᑕ ᖃᕋᓴᐅᔭᒃᑯᑦ ᓇᕿᑦᑕᕆᐊᓖᑦ ᐅᖄᓚᐅᑎᖓᓪᓗ ᑎᑎᕋᕐᓗᒍ ᐃᒻᒪᑦᑕᐅᔪᒪᔪᑦ ᒥᓪᓗᐊᖅᑕᐅᔪᒪᔪᓪᓗ ᐆᑦᑐᕋᐅᑎᐅᓂᖓᓐᓂ ᑕᒪᓐᓇ. ᐅᖄᓚᐅᑎᕋᓛᓐᓄᑦ ᐃᓚᒍᑕ ᑭᐅᔨᐅᓂᐊᖅᑐᖅ ᐊᖁᑎᓂᑦ ᖃᐅᔨᒃᑲᐃᖃᑦᑕᕐᓗᓂ.

ᐅᖄᓚᐅᑎᕋᓛᓐᓄᑦ ᐃᓚᒍᑕ ᖃᐅᔨᒪᓲᖅ ᓇᒦᓕᕐᒪᖔᑕ ᓄᓇᓯᐅᑏᑦ ᐱᔭᕇᖅᑎᓪᓗᒋᑦ ᑲᒪᑎᓪᓗᒋᓪᓗ ᐊᓪᓚᑦᑎᓄᑦ ᐅᔾᔨᓱᖅᑕᐅᔪᑦ, ᐅᖃᓚᐅᖅᑐᖅ ᐅᓃᐸ ᒪᐸᓴᓱ, ᓇᓗᓇᐃᒃᑯᑎᓂᒃ ᑲᑎᒪᔨᓂᑦ ᐊᖏᔪᖅᑳᖓᑕ ᓴᓇᓯᒪᔭᖓ.

ᒪᐸᓴᓱ ᐅᖃᓚᐅᖅᑐᖅ ᐅᖄᓚᐅᑎᕋᓛᓐᓄᑦ ᐃᓚᒍᑕ ᐋᖅᑭᓱᖅᑕᐅᓚᐅᖅᑐᑦ ᐱᖓᓱᓂᒃ ᐱᔾᔪᑎᖃᖅᑐᑎᑦ ᐅᑭᐅᖅᑕᖅᑑᑉ ᓄᓇᓕᖏᓐᓂ: ᖃᐅᔨᒪᖃᑦᑕᖏᒻᒪᑕ ᖃᖓᒃᑯᑦ ᐱᔨᑦᑎᖅᑕᐅᓂᐊᕐᒪᖔᑕ, ᐃᓛᓐᓂᒃᑯᑦ ᐅᖄᓚᒐᓗᐊᖅᑎᓪᓗᒋᑦ ᑭᐅᔭᐅᒍᓐᓇᖏᒻᒪᑕ; ᐊᖁᑎᓪᓗ ᐱᔭᔅᓴᓕᐊᓘᕙᑦᑐᑎᑦ; ᐊᒻᒪᓗ ᓯᕗᓕᖅᑎᖏᑦ ᑐᑭᓯᒋᐊᕈᑎᖃᑦᑎᐊᕈᓐᓇᖏᒻᒪ ᐱᐅᓯᕚᓪᓕᑎᑦᑎᑲᓐᓂᕋᓱᐊᖅᑎᓪᓗᒋᑦ ᐱᔨᑦᑎᕐᓂᐊᖅᑎᓪᓗᒋᑦ.

“ᑕᒪᓐᓇ ᐅᐊᔭᓕᕆᓂᕐᒨᖓᔪᖅ,” ᐅᖃᖅᑎᓂ.

“ᑐᑭᓯᓇᖅᑐᖅ ᓄᓇᓖᑦ ᑕᐃᒪᐃᑦᑐᒃᑰᖃᑦᑕᕐᓂᖏᓐᓂ ᐋᖅᑮᓇᓱᐊᖅᑐᑦ ᒪᑐᒥᖓ ᐱᔨᑦᑎᖃᑦᑕᖅᑐᑦ ᐊᒻᒪᓗ ᐱᔨᑦᑎᖅᑕᐅᕙᑦᑐᑦ ᖃᐅᑕᒫᑦ.”

ᐅᖄᓚᐅᑎᕋᓛᓐᓄᑦ ᐃᓚᒍᑕ, ᖃᓪᓗᓈᑎᑑᖅᑐᖅ, ᐊᐃᕖᑎᑐᑦ ᐃᓄᑦᑎᑐᓪᓗ, ᐆᑦᑐᕋᐅᑕᐅᖏᓐᓇᕐᓂᖅᑐᖅ ᑕᒪᓐᓇ ᑰᔾᔪᐊᒥ, ᒪᐸᓴᓱ ᐅᖃᓚᐅᖅᑐᖅ.

ᓴᐸᒐᑎ ᐅᖃᓚᐅᖅᑐᖅ ᐱᓕᕆᔩᑦ ᖃᕋᓴᐅᔭᒧᑦ ᑕᓱᖅᓯᒪᓐᖏᒃᑲᓗᐊᕐᓗᓂ ᐆᑦᑐᕋᕈᒪᒻᒥᔪᑦ ᓇᒦᓕᕐᓂᖏᓐᓂᓪᓗ ᖃᐅᔨᒪᔭᐅᓗᑎᒃ ᐊᖅᑯᑎᖏᓐᓂᓪᓗ ᖃᐅᔨᒪᓂᐊᕐᖓᑕ.

ᐅᖃᖅᑐᓂᓗ ᐆᑦᑐᕋᐅᑎ ᑰᔾᔪᐊᒥ ᐊᕐᕌᒎᑉ ᓄᓐᖑᐊᓂ ᐃᓱᓕᖁᔭᖓ ᖃᖓᓗᑭᐊᖅ, ᐅᖄᓚᐅᑎᖃᓛᒃᑯᑦ ᐃᓚᒍᑕᖅ ᓄᓇᕕᒻᒥ ᓄᓇᓕᓐᓂᑦ ᐊᑐᖅᑕᐅᖁᒐᔭᖅᑕᖓ.