ᓄᑖᖑᔪᖅ ᐃᓄᐃᑦ ᓄᓇᖓᓐᓂ ᐊᑐᐊᒐᖅ ᐅᖃᐅᔾᔨᓂᕐᒥ ᒐᕙᒪᑐᖃᒃᑯᓐᓂ ᐃᓱᒪᓕᐅᕆᓂᐅᔪᓂ

For an English version of this article, please see New directive integrates Inuit Nunangat Policy into federal decision-making.

ᒐᕙᒪᑐᖃᒃᑯᑦ ᐱᓕᕆᕝᕕᐅᔪᑦ ᐱᕙᓪᓕᐊᑎᑦᑎᔭᕆᐊᖃᖅᐳᑦ ᐊᑐᐊᒐᓂ ᐊᒻᒪ ᑐᓂᓯᓗᑎᒃ ᐱᓕᕆᐊᖑᔪᓂ ᐱᓕᕆᓂᐅᔪᒥ ᒪᓕᒃᑐᒥ ᐃᓄᐃᑦ ᓄᓇᖓᓐᓂ ᐊᑐᐊᒐᖓᓂ, ᐅᖃᐅᓯᐅᔪᒥ ᑎᓕᐅᕈᑕᐅᔪᒥ ᐅᖃᐅᓯᐅᔪᒥ ᕕᕗᐊᕆ 6−ᒥ

ᑭᖕᒧᑦ−ᓄᓇᖃᖅᑳᖅᓯᒪᔪᓄᑦ ᐱᓕᕆᓂᕐᒧᑦ ᒥᓂᔅᑕᖓᓂ ᒋᐊᕆ ᐊᓇᓐᑕᓴᖓᕆᕐᒧᑦ.

“ᐊᓯᔾᔩᓲᖑᕗᖅ ᐋᖅᑭᒃᓱᖅᓯᒪᓂᖓᓂ ᖃᓄᖅ ᒐᕙᒪᑐᖃᒃᑯᑦ ᐊᐅᓚᑦᑎᕙᖕᓂᖏᓐᓂ, ᐊᒻᒪ ᑲᒪᒋᔭᖃᖅᑎᑦᑎᕗᖅ ᒐᕙᒪᑐᖃᒃᑯᑦ ᐱᓕᕆᕝᕕᐅᔪᓄᑦ ᐊᒻᒪ ᐱᒡᒍᔾᔨᔨᓂᑦ ᓇᓗᓇᐃᖅᓯᓂᕐᒥ ᐃᓄᐃᑦ ᐃᓱᒪᒋᔭᖏᓐᓂ ᑕᒪᒃᑭᖅᑐᒥ ᐃᓚᓕᐅᔾᔭᐅᓂᖏᓐᓂ ᐃᓱᒪᓕᐅᕆᓂᑦᑎᓐᓂ,” ᐊᓇᓐᑕᓴᖓᕆ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ.

“ᒥᓂᔅᑕᐃᑦ ᑲᑎᒪᔨᖏᓐᓂ ᑎᓕᐅᕈᑕᐅᔪᑦ ᐱᑕᖃᒐᔪᙱᕕᒡᔪᐊᖅᐳᑦ, ᐊᒻᒪ ᐅᓇ ᐅᖃᐅᓯᐅᔪᒥ ᑎᓕᐅᕈᑕᐅᔪᖅ … ᓇᓗᓇᐃᖅᓯᓪᓚᕆᒃᐳᖅ … ᐃᓄᐃᑦ ᓄᓇᖓᓐᓂ ᐊᑐᐊᒐᖅ ᕿᑎᐊᓃᓐᓂᖓᓂ ᐃᓱᒪᓕᐅᕆᓂᐅᔪᒥ ᐱᔾᔪᑎᖃᖅᑐᒥ ᒐᕙᒪᑐᖃᒃᑯᓐᓂᑦ.”

ᐊᓇᓐᑕᓴᖓᕆ ᐅᖃᐅᓯᒃᓴᓕᐅᓚᐅᖅᐳᖅ ᐳᓚᕋᖅᑎᓪᓗᒍ ᐱᓇᓱᐊᕈᓯᐅᓚᐅᖅᑐᒥ ᐃᖃᓗᖕᓄᑦ, ᐅᖃᓪᓚᒃᖢᓂ ᓴᓂᓕᐊᓂ ᓄᓇᕗᒻᒥ ᑐᙵᕕᒃᑯᑦ ᐊᖓᔪᖅᑳᖓᓂ ᔨᐊᕋᒥ ᑑᙶᓗᖕᒥ ᐊᒻᒪ ᐃᓄᐃᑦ ᑕᐱᕇᑦ ᑲᓇᑕᒥ ᐊᖓᔪᖅᑳᖓᓂ ᓇᑖᓐ ᐆᐱᑦᒥ.

ᑎᓕᐅᕈᑕᐅᔪᖅ ᐊᓯᐊᖑᓪᓗᓂ ᓯᕗᒻᒧᑦ ᐱᓱᖕᓂᐅᕗᖅ ᐊᑐᓕᖅᑎᑕᐅᓂᖓᓂ ᐃᓄᐃᑦ ᓄᓇᖓᓐᓂ ᐊᑐᐊᒐᖓᓂ, ᐊᓇᓐᑕᓴᖓᕆ ᐅᖃᓚᐅᖅᐳᖅ.

ᐅᖃᐅᓯᐅᓪᓗᓂ 2022−ᒥ ᐆᐱᑦᒧᑦ ᐊᒻᒪ ᑲᓇᑕᒥ ᐊᖓᔪᖅᑳᕐᔪᐊᖑᔪᒥ ᔭᔅᑎᓐ ᑐᕉᑑᒧᑦ, ᐊᑐᐊᒐᕐᒥ ᐋᖅᑭᒃᓱᖅᓯᒪᓂᐅᔪᖅ ᑎᓕᐅᕆᕗᖅ ᒐᕙᒪᑐᖃᒃᑯᓐᓂᑦ ᖃᓄᒻ ᓴᓇᓂᕐᒥ ᐊᑐᐊᒐᓂᑦ, ᐱᓕᕆᐊᖑᔪᓂᑦ ᐊᒻᒪ ᐱᔨᑦᑎᕋᕐᓂᐅᔪᓂ ᐊᒃᑐᐃᕙᒃᑐᓂ ᐃᓄᖕᓂ.

ᐅᖃᐅᓯᒃᓴᓕᐅᓚᐅᖅᑎᓪᓗᒋᑦ, ᑕᒪᒃᑭᐅᒪᔪᒥ ᒥᓂᔅᑕᐃᑦ ᑲᑎᒪᔨᖏᑦᑕ ᑎᓕᐅᕈᑎᖓ ᑎᑎᕋᖅᑕᐅᓚᐅᖅᐳᖅ ᑭᖕᒧᑦ−ᓄᓇᖃᖅᑳᖅᓯᒪᔪᓄᑦ ᐱᓕᕆᓂᕐᒧᑦ ᐊᒻᒪ ᐅᑭᐅᖅᑕᖅᑐᒥ ᐱᓕᕆᓂᐅᔪᒥ ᐃᑭᐊᖅᑭᕕᖓᓐᓂ.

ᐃᓚᖏᑦ ᐱᒻᒪᕆᐅᔪᑦ ᐋᖅᑭᒃᑕᐅᓯᒪᔪᑦ ᑎᑎᕋᖅᓯᒪᓂᖏᑎᒍᑦ ᒐᕙᒪᑐᖃᒃᑯᑦ “ᐱᓕᕆᕝᕕᖏᑦ ᐊᒻᒪ ᐱᒡᒍᔾᔨᔨᑦ ᐊᑐᕐᓂᐊᖅᐳᑦ ᐃᓄᐃᑦ ᓄᓇᖓᓐᓂ ᑐᕌᒐᕆᔭᐅᔪᒥ ᑕᒪᒃᑭᓄᑦ ᐊᑐᐊᒐᕐᓄᑦ ᐊᒻᒪ ᐱᓕᕆᐊᖑᔪᓂ ᑐᒃᓯᕋᐅᑎᓂ.” ᑐᕌᒐᒃᓴᕆᔭᐅᔪᖅ ᓇᓗᓇᐃᖅᓯᓂᕐᒥ ᓈᒻᒪᒃᑐᒥ ᐃᓄᖕᓄᑦ ᐊᒻᒪ ᑲᑐᔾᔨᖃᑎᒌᖕᓂᐅᔪᒥ ᐃᓱᒪᓕᐅᕆᓂᕐᓂ.

ᐊᓯᖓᓐᓂ ᐅᖃᖅᑐᖃᖅᐳᖅ “ᒥᓂᔅᑕᐃᑦ ᑲᑎᒪᔨᖏᓐᓂ ᒥᓂᔅᑕᖏᑦ “ᖃᔅᓯᒐᓚᖕᓂ ᑲᒪᒋᔭᐅᔭᕆᐊᖃᕐᓂᐅᔪᒥ ᐃᓱᒪᓕᐅᕆᓂᕐᒥ ᐃᓄᐃᑦ ᓄᓇᖓᓐᓂ ᑐᕌᒐᕆᔭᐅᔪᒥ ᐊᑐᖅᑕᐅᓯᒪᖕᒪᖔᑦ ᑐᒃᓯᕋᐅᑎᓂ ᐊᒃᑐᐃᕙᒃᑐᓂ ᐃᓄᖕᓂ ᑐᕌᖓᔪᒥ ᐅᕝᕙᓘᓐᓃᑦ ᑐᕌᖓᓂᐅᙱᑦᑐᒥ.”

ᑎᓕᐅᕈᑕᐅᔪᖅ ᐃᓚᖃᕆᕗᖅ ᐱᓕᕆᓂᐅᔪᓂ ᐱᔾᔪᑎᖃᖅᑐᒥ ᓇᐅᑦᑎᖅᓱᕐᓂᕐᒥ ᐊᒻᒪ ᐅᓂᒃᑳᕆᓂᕐᒥ ᐃᖏᕐᕋᕙᓪᓕᐊᓂᖓᓂ, ᐊᒻᒪᓗᑦᑕᐅᖅ ᓇᓗᓇᐃᖅᓯᓂᕐᒥ ᐃᓄᐃᑦ ᓄᓇᖓᓐᓂ ᐃᓚᒋᔭᐅᓂᖓᓂ ᑮᓇᐅᔭᖃᖅᑎᑦᑎᓂᐅᔪᓂ ᐃᓱᒪᒃᓴᖅᓯᐅᕆᔭᐅᓂᖏᓐᓂ.

“ᐊᔪᕆᖅᓱᐃᓂᕐᒥ ᓇᓗᓇᐃᒃᑯᑕᐅᕗᖅ, ᐱᒧ,ᒍᕕᑦ, ᐱᐅᓂᖅᓴᓄᑦ ᐊᑐᐊᒐᓕᐅᕐᓂᕐᒥ ᐊᒻᒪ ᐋᖅᑭᒃᓱᖅᓯᒪᓂᐅᓪᓗᓂ ᐃᓚᐅᑎᑦᑎᔪᒥ ᐱᔪᓐᓇᕐᓂᕆᔭᑦᑎᓐᓂ ᐊᒻᒪ ᐱᔪᒪᔭᑦᑎᓐᓂ ,” ᐆᐱᑦ ᐅᖃᓚᐅᖅᐳᖅ ᐊᐱᖅᓱᖅᑕᐅᓂᐅᔪᒥ, ᑐᙵᓱᒃᑎᑦᑎᓪᓗᓂ ᑎᓕᐅᕈᑕᐅᔪᒥᒃ.

“ᓂᕆᐅᒃᐳᒍᑦ ᐅᓇ ᐊᑐᐊᒐᖅ ᐃᓯᖅᑎᑦᑎᓂᖓᓂ ᐊᑑᑎᖃᕐᓂᖅᓴᐅᔪᒥ ᐃᓄᓕᒫᓄᑦ ᐱᔨᑦᑎᕋᕐᓂᐅᔪᒥ ᐅᓇᐅᑎᓪᓗᒍ ᐃᓚᐅᑎᑦᑎᓂᐅᔪᒥ ᐃᓄᖕᓂ.”

ᓄᓇᕗᒻᒥ ᑲᓇᑕᐅᑉ ᒪᓕᒐᓕᐅᖅᑎᖏᓐᓂ ᐃᓚᒋᔭᐅᔪᖅ ᓗᐊᕆ ᐃᓪᓚᐅᑦ ᐅᖃᓚᐅᖅᐳᖅ New Democratic Party ᑐᙵᓱᒃᑎᑦᑎᕗᖅ ᑭᖑᓪᓕᖅᐹᖑᔪᒥ ᐱᕙᓪᓕᐊᑎᑕᐅᓂᖓᓂ. ᑭᓯᐊᓂ ᑎᑎᕋᖅᓯᒪᔪᒥ ᐅᖃᐅᓯᒃᓴᓕᐊᖑᔪᒥ, ᐃᓚᓕᐅᔾᔨᓚᐅᖅᐳᖅ ᐃᓚᖏᓐᓂ ᐊᑭᕋᖅᑐᕐᓂᐅᔪᒥ.

“ᐃᓄᐃᑦ ᓄᓇᒦᓯᒪᕗᑦ ᐊᑯᓂᒻᒪᕆᐊᓗᒃ ᐊᒻᒪ ᐃᓚᓕᐅᔾᔭᐅᕆᐊᖃᖅᐳᑦ ᐃᓱᒪᓕᐅᕆᓂᐅᔪᒥ,” ᐅᖃᓚᐅᖅᐳᖅ.

“ᐊᕐᕌᒍᓄᑦ 9−ᓄᑦ, ᓕᐳᕈᒃᑯᑦ ᓱᓕᓂᕋᖅᖢᑎᒃ ᐅᖃᖅᓯᒪᕗᑦ ᐃᓄᖕᓄᑦ ᐃᓅᓯᖅ ᐊᔪᕐᓇᖅᓯᕙᓪᓕᐊᑐᐃᓐᓇᖅᑎᓪᓗᒍ.”

ᐆᐱᑦ ᐅᖃᓚᐅᖅᐳᖅ ᐃᓄᐃᑦ ᑕᐱᕇᑦ ᑲᓇᑕᒥ — ᑲᓇᑕᒥ ᑲᑐᔾᔨᖃᑎᒌᖑᔪᒥ ᐃᓄᖕᓄᑦ ᑲᓇᑕᒥ — ᐊᒻᒪ ᐊᓯᖏᓐᓂ ᐃᓄᐃᑦ ᑲᑐᔾᔨᖃᑎᒌᖑᔪᓂ “ᓴᙱᒃᑎᒐᓱᐊᖅᐳᑦ ᐊᓯᔾᔨᕐᓂᐅᓂᐊᖅᑐᒧᑦ.”

ᑕᖅᑭᐅᓛᖅᑐᒥ, ᓕᐳᕈᒃᑯᑦ ᐸᕐᓇᒃᓯᒪᕗᑦ ᓂᕈᐊᖅᓯᓂᕐᒥ ᓄᑖᖑᔪᒥ ᓯᕗᓕᐅᖅᑎᒃᓴᒥ ᐃᓚᖏᖅᓯᓂᕐᒥ ᑐᕉᑑᒥ ᑲᓇᑕᒥ ᐊᖓᔪᖅᑳᕐᔪᐊᖑᓂᖓᓂ. ᒐᕙᒪᑐᖃᒃᑯᑦ ᓂᕈᐊᕐᓂᐅᔪᒥ ᐱᓕᕆᐊᖑᔭᕆᐊᖃᖅᐳᖅ ᐅᒃᑐᐱᕆ 20−ᖑᓚᐅᙱᓐᓂᖓᓂ ᑕᒪᑐᒪᓂ ᐊᕐᕌᒎᔪᒥ, ᑭᓯᐊᓂ ᕿᓚᒻᒥᐅᓂᖅᓴᐅᔪᓐᓇᖅᐳᖅ.

“ᐱᓕᕆᐊᒃᓴᑦᑎᓐᓂ ᐱᓕᕆᓯᒪᕗᒍᑦ ᐱᓕᕆᓇᓱᐊᕐᓂᕐᒧᑦ ᐱᐅᓛᖑᔪᒥ ᐱᔪᓐᓇᖅᑕᑦᑎᓐᓂ ᐃᓅᓪᓗᑕ ᐱᔾᔪᑎᖃᖅᑐᒥ ᑭᖕᒧᑦ,” ᐆᐱᑦ ᐅᖃᓚᐅᖅᐳᖅ.

“ᑕᑯᙱᓚᒍᑦ ᖃᓄᐃᑦᑑᓂᖓᓂ ᒐᕙᒪᐅᔪᒥ, ᓕᐳᕉᒍᑎᒃ ᐅᕝᕙᓘᓐᓃᑦ ᑲᓐᓲᕕᑎᕝ ᐅᕝᕙᓘᓐᓃᑦ NDP. ᑕᑯᕗᒍᑦ ᑭᒡᒐᖅᑐᐃᔨᐅᔪᓂ ᑭᖕᒧᑦ ᐊᒻᒪ ᐅᕙᒍᑦ, ᑕᐅᑐᒃᑕᑦᑎᓐᓂ, ᐃᖏᕐᕋᓕᖅᓯᒪᕗᒍᑦ ᐃᓄᐃᑦ ᑲᑎᙵᓪᓗᑎᒃ ᓇᖕᒥᓂᖅ−ᐃᓱᒪᓕᐅᕆᓂᕐᒧᑦ.”