ᓄᑖᖅ ᑲᒻᒪᓂ ᐸᕐᓇᒍᒪᔪᖅ ᓱᒃᑲᓂᖅᓴᒥ ᐃᑭᐊᖅᑭᕕᖃᕈᑎᒃᓴᒥᒃ ᓄᓇᕗᒥᑦ

For English version, see New company plans for faster internet in Nunavut

ᐃᓄᖕᓄᑦ ᓇᖕᒥᓂᕆᔭᐅᔪᖅ ᑲᒻᐸᓂ ᖃᐅᔨᔭᐅᑎᓚᐅᕐᑐᑦ ᓄᓇᕗᒧᑦ ᐱᓇᓱᐊᕈᓯᐅᓚᐅᕐᑐᒥᓐ.

“ᖁᕕᐊᓱᒻᒪᕆᒃᑐᒍᑦ ᐅᓇ ᖃᓄᐃᓕᐅᕈᑎᒃᓴᖅ ᐱᓕᕆᖃᑎᒌᖕᓂᖅ ᓄᓇᕗᒥᑦ ᐃᑲᔪᕐᓂᐊᕐᓂᖓᓂᒃ,” ᐅᖃᕐᑐᖅ ᕼᐃᐅᕆ ᕕᓕᐅᕋᑎ, ᐊᖓᔪᖅᑳᒻ ᐊᒻᒪ ᐊᐅᓚᑦᑎᔨ ᕿᑭᖅᑖᓗᒃ ᑯᐊᐳᕇᓴᓐᑯᓐᓂᒃ.

ᐃᓄᒃᓂᐊᑦ ᑐᓴᐅᒪᔾᔪᑎᓕᕆᔨᒃᑯᑦ (InukNet Communications Inc.) ᐃᑭᐊᖅᑭᕕᖃᖅᑎᑦᑎᓂᕐᒥᒃ ᐱᔨᑦᑎᕋᐅᑎᐅᔪᖅ ᑐᕌᒐᖃᕋᓱᒃᖢᓂ ᑐᓴᐅᒪᔾᔪᑎᓕᕆᓂᕐᒥᒃ ᐱᓕᕆᔨᒻᒪᕆᐅᔪᒪᓂᕐᒥᒃ ᐅᑭᐅᕐᑕᖅᑐᕐᒥ.

ᑐᕌᒐᖓᓕ ᐊᑐᕈᒪᓪᓗᑎᒃ ᐊᑦᑎᓈᕐᓯᒪᔪᒥᒃ ᖁᒻᒧᒃᑎᑕᐅᓯᒪᔪᒥᒃ ᐊᑐᕐᓗᑎᒃ ᓱᒃᑲᒥᕐᓴᒥᒃ ᐊᒻᒪ ᐊᑐᕈᓐᓇᑦᑎᐊᕈᓐᓇᖅᑐᒥ ᐃᑭᐊᖅᑭᕕᖃᖅᑎᑦᑎᓂᕐᒥᒃ ᓇᖕᒥᓂᖅ ᐱᓕᕆᐊᓄᑦ ᐊᒻᒪᓗ ᑲᑐᔾᔨᖃᑎᒌᓄᑦ ᓄᓇᕗᒥᑦ 25ᓂ ᓄᓇᓕᖕᓃᑦᑐᓂᒃ.

ᐅᓇ ᑲᒻᐸᓂ ᐋᖅᑭᒃᑕᐅᓯᒪᔪᖅ ᐹᓐᐋᑎᒃ ᑐᓴᐅᒪᔾᔪᑎᓕᕆᔨᓄᑦ, ᑖᒃᑯᐊᓗ ᓇᖕᒥᓂᕆᔭᐅᓪᓗᑎᒃ ᕿᑭᖅᑖᓗᒃ ᑯᐊᐳᕇᓴᓐᑯᓐᓄᑦ ᐊᒻᒪᓗ ᒑᓚᒃᓯ ᐳᕌᑦᐹᓐ ᑐᓴᐅᒪᔾᔪᑎᓕᕆᔨᓄᑦ (Galaxy Broadband Communications).

“ᐅᓇᓕ ᐅᕙᑦᑎᓐᓄᑦ ᑲᑎᑎᑕᐅᔾᔪᑎᑦᑎᐊᕙᒃ,” ᐅᖃᕐᑐᖅ ᕆᒃ ᕼᐋᔾᑭᓐᓴᓐ, ᐊᖓᔪᖅᑳᖅ ᐊᒻᒪ ᐊᐅᓚᑦᑎᔨ ᒑᓚᒃᓯ ᐳᕌᑦᐹᓐᑯᓐᓄᑦ.

ᕕᓕᐅᕋᑎ ᐅᖃᒃᑲᓐᓂᓚᐅᕐᑐᖅ ᐅᓇ ᓄᕗᔭᓂᙶᕐᓯᒪᓗᓂ ᐃᑭᐊᖅᑭᕕᒃᒥ ᐱᔨᑦᑎᕋᐅᑎᐅᓂᐊᕐᓗᓂ, ᐱᔨᑦᑎᕋᐅᑎ ᑲᑎᕐᓱᐃᕝᕕᖃᕐᑐᖅ ᐃᑭᐊᖅᑭᕕᒃᓄᑦ ᓴᖅᑭᑎᑦᑎᔾᔪᑎᓄᑦ ᖃᕋᓴᐅᔭᐅᒧᑦ ᐊᐅᓚᑦᑎᔾᔪᑎᐅᙱᑦᑐᓄᑦ.

ᐃᓄᒃᓂᐊᑦ ᐃᓱᒪᔪᑦ ᐊᑐᐃᓐᓇᐅᓕᕐᓂᐊᕈᒪᓪᓗᑎᒃ ᓯᑎᐱᕆ 30ᒥ ᑕᒪᐃᓐᓂᓕᒫᖅ 25ᓂ ᓄᓇᓕᖕᓂ, ᕼᐋᔾᑭᓐᓴᓐ ᐅᖃᕐᑐᖅ.

ᑕᒡ ᕼᐋᕕ, ᐊᖓᔪᖅᑳᑉ ᑐᒡᓕᖓ ᐱᓕᕆᐊᓂ ᐱᕙᓪᓕᐊᔪᓕᕆᓂᕐᒧᑦ ᐊᒻᒪ ᓂᐅᕐᕈᑎᖃᕋᓱᖕᓂᕐᒧᑦ ᒑᓚᒃᓯ ᐳᕌᐹᓐᑯᓐᓂ, ᐅᖃᓚᐅᕐᑐᖅ ᐃᓄᒃᓂᐊᑦ ᐸᕐᓇᐅᑎᓂᒃ ᕿᒥᕐᕈᐊᕐᓂᕋᖅᖢᓂᒋ ᓴᙱᑎᒋᓂᖃᕐᓂᐊᖅᑐᓂᒃ 50 ᒥᒐᐸᐃᑦᔅᓂᒃ 1 ᓴᑲᓐ ᓴᖅᑭᑎᑕᐅᓂᖓᒍᑦ ᐊᒻᒪᓗ 10 ᒥᒐᐸᐃᑦᔅ 1 ᓴᑲᓐ ᓴᖅᑭᑎᑕᐅᓂᖓᒍᑦ ᓱᒃᑲᑎᒋᓂᖓᓂᒃ, ᑕᐃᒪᓕ ᑖᓐᓇ ᒐᕙᒪᑐᖃᒃᑯᓐᓄᑦ ᓇᓗᓇᐃᖅᑕᐅᓯᒪᔾᔪᑎ ᓱᒃᑲᑎᒋᔭᕆᐊᖃᕐᓂᖓ ᐃᑭᐊᖅᑭᕕᖃᕈᑎ.

ᐊᓯᖓᑦᑕᐅᖅ ᐸᕐᓇᐅᑎ ᑖᒃᑯᓄᖓ ᑲᒻᐸᓂᓄᑦ ᕿᒥᕐᕈᐊᖅᑕᐅᔪᖅ ᐅᓇ ᐊᑐᖅᑕᐅᔪᓐᓇᕐᒥᔪᖅ ᑲᑎᕐᖓᔪᑦ 100 ᒥᒐᐸᐃᑦᔅ ᐊᑐᖅᑕᐅᓂᖓᒍ ᐃᒪᓐᓇ 20 ᒥᒐᐸᐃᑦᔅ ᓴᖅᑭᑦᑐᒃᓴᓂᒃ ᐃᓕᓯᔭᕌᖓᑕ.

ᑖᔅᓱᒪᓕ ᐱᒋᐊᓕᓵᕐᓂᕐᒧᑦ ᐊᑭᖃᕐᓂᐊᖅᑐᑦ $890 ᑕᖅᑭᒧᑦ, ᕼᐋᕕ ᐅᖃᓚᐅᕐᑐᖅ.

ᐱᔾᔪᑎᒋᔭᐅᔪᕐᓕ ᐃᓄᒃᓂᐊᑦ ᓇᖕᒥᓂᖅ ᐱᓕᕆᐊᓄᑦ ᒪᓂᓴᐅᑎᖃᑲᑕᖕᓂᖓ ᒪᑯᓄᖓᐅᙱᑦᑐᖅ ᐊᖏᕐᕋᕆᔭᐅᔪᓂᒃ ᐅᓇ ᖁᒻᒧᒃᑎᑕᐅᓯᒪᔪᖅ ᑐᙵᕕᐅᙱᓐᓂᖓᓂᒃ ᓱᒃᑲᔪᒥᒃ ᐃᑭᐊᖅᑭᕕᒃᑰᕈᑎᓄᑦ ᐊᒻᒪᓗ ᐊᑐᒻᒪᕆᖕᓂᐊᕐᒪᖔᑦ ᐊᑭᓕᒐᕐᓂᓕᕐᓗᓂ ᓇᓗᓇᖅᖢᓂ.

“ᓱᓕ ᐱᑕᖃᓪᓚᕆᙱᒻᒪᑦ,” ᕼᐋᑭᓐᓴᓐ ᐅᖃᕐᑐᖅ.

ᑖᒃᑯᐊ ᑲᒻᐸᓂᐅᔪᑦ ᐊᑐᕐᒪᑕ ᐊᑦᑎᓂᕐᓴᒦᑦᑐᒥ ᓄᓇᒧ ᖃᓂᓐᓂᕐᓴᒥ ᖁᒻᒧᒃᑎᑕᐅᓯᒪᔪᒥᒃ ᓲᖃᐃᒻᒪ ᕕᓕᐅᕋᑎ ᐅᖃᕐᑐᖅ, ᓄᓇᕗᑦ ᕿᓂᕆᐊᖃᕐᒪᑕ ᐋᖅᑭᒍᑎᐅᔪᓐᓇᖅᑐᓂᒃ ᐊᑐᐃᓐᓇᐅᔪᓂᒃ ᓱᒃᑲᓂᕐᓴᒥᒃ ᐃᑭᐊᖅᑭᕕᒃᑰᕈᑎᓂᒃ, ᐅᑕᕿᑐᐃᓐᓇᙱᓪᓗᑎᒃ ᕙᐃᐳ-ᐋᑉᑐᒃᑯᑦ ᐃᑭᐊᖅᑭᕕᒃᓴᓂᒃ.

“ᑐᓴᖃᑦᑕᕐᓯᒪᒐᑦᑕ ᕙᐃᐳ-ᐋᑉᑎ ᐃᑭᐊᖅᑭᕕᒃᑰᕈᑎ ᑭᓱᓕᒫᓄᑦ ᓈᒻᒪᓛᖑᓂᖏᓐᓂᒃ,” ᐅᖃᕐᑐᖅ.

“ᐅᖃᕈᓐᓇᖅᑐᒥ ᕙᐃᐳ-ᐋᑉᑎᒃᓯ ᐱᖃᙱᓐᓂᑦᑎᓐᓂᒃ. ᑕᒫᓂᓗ ᑕᑯᔾᔮᓯᑰᙱᖢᑎᒍᑦ ᐊᕐᕌᒍᓂ ᑕᓪᓕᒪᓂᒃ ᓱᓕ. ᐃᒻᒪᖄᓪᓘᓐᓃᑦ ᐊᕐᕌᒍᓂᒃ ᖁᓕᓂᒃ.”

ᐅᓇᓕ ᐱᒻᒪᕆᐅᓛᖅ ᐊᑐᕐᓗᓂ ᓄᓇᒧᑦ ᖃᓂᑦᑐᒥᒃ ᖁᒻᒧᒃᑎᑕᐅᓯᒪᔪᓂᒃ ᑐᙵᕕᒋᓂᐊᕐᓗᒋᑦ ᓱᒃᑲᓂᕐᓴᒥ ᐃᑭᐊᖅᑭᕕᒃᑰᕈᑎᓂᒃ ᐊᒻᒪᓗ “ᐅᖓᑖᓅᖓᓐᓂᕐᓗᑕ.”