ᓄᑖᖑᔪᒥ ᓴᖅᑭᑕᐅᓵᖅᑐᒥ ᖃᖓᑕᓲᖅᑎ ᐃᒡᓗᓕᖕᒥᐅᓂ ᐅᐱᒍᓱᒃᑎᑦᑎᕗᖅ

For English version, see Newly minted pilot makes Igloolik proud

ᐊᖑᒻᒥ ᐃᒡᓗᓕᖕᒥᐅᑕᒥᒃ ᑕᑯᓚᐅᖅᐳᖅ ᐱᓕᕆᔪᒪᐃᓐᓇᐅᔭᕐᓂᖓᓂ ᓱᓕᓕᕐᓂᖓᓂ ᑕᖅᑭᐅᓚᐅᖅᑐᒥ ᐃᓱᓕᑦᑎᒐᒥ ᖃᖓᑕᓂᕐᒧᑦ ᐃᓕᓐᓂᐊᕐᓂᐅᔪᒥ.

“ᓱᓕ ᐅᒃᐱᕆᙱᑕᕋ,” ᓄᔭᓕᐊ ᐃᔨᕋᖅ ᐅᖃᓚᐅᖅᐳᖅ ᑎᑭᐅᑎᓯᒪᓂᖓᓐᓂ.

ᐃᔨᕋᖅ ᖁᕕᐊᓱᒍᑎᖃᓚᐅᖅᐳᖅ ᐃᓱᓕᑦᑎᓂᖓᓂ ᓄᓕᐊᒥᓂᑦ ᐊᒻᒪ ᐊᓈᓇᖓᓂ ᑲᖏᖅᖠᓂᕐᒥ ᓯᑎᐱᕆ 25−ᖑᑎᓪᓗᒍ.

ᓄᔭᓕᐊ ᐃᔨᕋᖅ ᖁᖓᔮᕐᔪᐊᖅᐳᖅ “ᐊᓯᐊᒎᖅᑐᒥ
ᐅᓪᓗᖓᓂ” ᓇᒃᓴᕈᓐᓇᓚᐅᖅᐸᖓ ᓄᓕᐊᖓ ᐸᓛᓐᑏᓇ ᐃᖃᖅᓴᖅ ᖃᖓᑕᓂᐅᔪᒥ
ᓯᕗᓪᓕᖅᐹᖑᔪᒥ. (Exchange International Corp. ᐊᔾᔨᖁᑎᖓ)

“[ᐊᓈᓇᒐ] ᖁᕕᐊᓱᓚᐅᖅᐳᖅ. ᐅᖃᐅᑎᓚᐅᖅᐸᕋ ᕿᐊᖁᙱᖦᖢᒍ ᕿᐊᔾᔮᙱᓐᓇᒪ,” ᐅᖃᓚᐅᖅᐳᖅ.

ᐃᔨᕋᖅ ᐃᓱᓕᑦᑎᓚᐅᖅᐳᖅ ᐃᓚᒋᔭᐅᓪᓗᓂ ᐊᑎᒃ ᒪᐃᓴᓐ ᓄᓇᖃᖅᑳᖅᓯᒪᔪᓄᑦ ᐊᖅᑯᑎᖓᓂ ᐱᓕᕆᐊᖑᔪᒥ, ᑮᓴᐅᔭᖃᖅᑎᑕᐅᓪᓗᓂ Exchange Income Corp−ᑯᓐᓂ., ᐊᐅᓚᑦᑎᔪᓂ ᐅᑭᐅᖅᑕᖅᑐᒥ ᖃᖓᑕᓲᓂᑦ ᓲᕐᓗ ᑲᓇᐃᑎᐊᓐ ᓄᐊᑦ, ᑭᕙᓪᓕᖅ ᖃᖓᑕᓲᖏᓐᓂ ᐊᒻᒪ ᑳᓪᒻ ᐃᐊᕐ. ᒫᓐᓇ ᖃᖓᑕᓲᖅᑎᒧᑦ ᓚᐃᓴᓐᓯᖃᓕᕋᒥ, ᐃᖅᑲᓇᐃᔮᖅᑖᓚᐅᖅᐳᖅ ᑭᕙᓪᓕᖅ ᖃᖓᑕᓲᖏᓐᓂ.

ᐱᓕᒻᒪᒃᓴᓂᖅ ᐱᒋᐊᕐᓂᐊᖅᐳᖅ ᑲᖏᖅᖠᓂᕐᒥ, ᑭᓯᐊᓂ ᑲᔪᓯᓂᐊᖅᐳᖅ ᒪᖕᑕᓐ, N.B.−ᒥ, ᐃᓕᓐᓂᐊᖅᑏᑦ ᐱᔭᕇᖅᓯᑎᓪᓗᒋᑦ ᐃᓕᓐᓂᐊᕐᓂᖓᓐᓂ. ᐃᔨᕋᐅᑉ ᐱᓕᕆᓂᖓᓂ, ᖃᓪᓗᓈᑦ ᓄᓇᖓᓐᓄᑦ ᐸᕐᓇᒃᓯᒪᓕᕋᒥ, ᓇᒃᓴᕈᓐᓇᓚᐅᖅᐸᖓ ᓄᓕᐊᖓᓂ. ᐃᔨᕋᐅᑉ ᐃᓕᓐᓂᐊᕈᑎᖓ ᐊᑭᓕᐅᑎᖏᑦ ᐊᑭᓕᖅᑕᐅᓚᐅᖅᐳᑦ, ᐊᒻᒪᓗᑦᑕᐅᖅ ᐃᒡᓗᕈᓯᖓᓂ ᐊᒻᒪ ᑐᔪᕐᒥᓂᕐᒥ ᐃᒻᒥᓄᑦ ᓄᓕᐊᖓᓄᓪᓗ.

ᖃᖓᑕᓲᖅᑎ ᐱᓕᒻᒪᒃᓴᓂᖓ ᐃᒻᒥᒃᑰᖓᕗᖅ ᐊᒻᒪ ᓱᒃᑲᓂᖃᖅᖢᓂ ᐊᔾᔨᒋᙱᑕᖓᓂ ᒪᓕᒃᑐᒥ ᐃᓕᓐᓂᐊᖅᑎᒧᑦ ᐱᔭᕆᐊᖃᕐᓂᐅᔪᓄᑦ. ᐃᓕᓐᓂᐊᖅᑎ ᕿᓚᒻᒥᐅᑎᒋᔪᒥ ᐊᑕᐅᓯᕐᒥ ᐊᕐᕌᒍᒥ ᐅᕝᕙᓘᓐᓃᑦ, ᐊᕐᕌᒍᓄᑦ ᑕᓪᓕᒪᓄᑦ ᐱᔭᕇᖅᓯᓂᕐᒧᑦ ᐱᓕᕆᐊᖑᔪᒥ, ᐅᖃᓚᐅᖅᐳᖅ ᑕᐃᕕᑦ ᐅᐊᐃᑦ, ᐃᓱᒻᒥᖅᑐᐃᔨᓂ ᐊᖓᔪᖅᑳᑉ−ᑐᖏᓕᖓᓂ ᖃᖓᑕᓂᕐᒧᑦ Exchange Income Corp−ᑯᓐᓂ.

ᐅᐊᐃᑦ ᐃᓚᐅᖃᑕᐅᓚᐅᖅᐳᖅ ᐃᔨᕋᐅᑉ ᐃᓱᓕᑦᑎᓂᖓᓂ ᖁᕕᐊᓱᒍᑕᐅᔪᒥ ᑲᖏᖅᖠᓂᕐᒥ, ᑕᐃᓪᓗᓂᐅᒃ “ᐱᓕᕆᓂᑦᑎᐊᕙᐅᓂᖓᓂ.”

“ᓱᓕᑦᑎᐊᖅᑐᒥ ᐅᐱᒍᓱᖕᓂᐅᔪᒥ ᓴᖅᑭᔮᓚᐅᖅᑐᒥ [ᐃᓚᖏᓐᓂ]. ᐊᒻᒪ ᑕᐃᒪᓐᓇᓪᓗᐊᑦᑎᐊᖅ, ᐋᖅᑭᒃᓱᐃᕗᖅ ᐃᖏᕐᕋᓂᐅᔪᒥ ᐊᒻᒪ ᒫᓐᓇ ᐱᔭᕇᖅᓯᒪᓕᖅᐳᖅ ᐊᖏᔪᒻᒪᕆᐊᓗᖕᒥ ᑎᑎᕋᖅᓯᒪᓂᐅᔪᒥ,” ᐅᖃᓚᐅᖅᐳᖅ.

“ᖃᐅᔨᒪᓚᐅᙱᓚᖓ ᐃᓄᐃᑦ ᑕᐃᒪᓐᓈᓗᒃ ᖁᖓᑦᑐᓐᓇᓚᐅᕐᓂᖏᓐᓂ.”

ᐃᔨᕋᖅ ᐱᒋᐊᓚᐅᖅᐳᖅ ᐃᖏᕐᕋᓂᖓᓂ ᐱᓂᖓᓂ ᖃᖓᑕᓲᖅᑎᐅᑉ ᓚᐃᓴᓐᓯᖓᓂ ᐊᕐᕌᒎᐸᓗᒃᑐᒥ ᖄᖏᖅᓯᒪᓕᖅᑐᒥ ᐊᒻᒪ ᐱᔭᕇᓚᐅᖅᐳᖅ ᐱᓕᕆᐊᖑᔪᒥ “ᓱᒃᑲᔪᒻᒪᕆᐊᓗᖕᒥ ᐃᖏᕐᕋᓂᐅᔪᒥ,” ᐅᖃᓚᐅᖅᐳᖅ ᓖᓴ ᒪᒃᒐᐃᕗᕆ, ᐊᐅᓚᑦᑎᔨ Exchange Income Corp. ᐱᓕᕆᐊᖑᔪᓂᑦ.

ᐱᓕᒻᒪᒃᓴᒃᑲᓐᓂᒐᓛᖕᓂᐊᖅᐳᖅ ᐃᓱᒪᓕᐅᕆᓂᕐᒥ ᓇᓕᐊᖕᓂ ᖃᖓᑕᓲᒥᒃ ᖃᖓᑕᓂᐊᕐᓂᖓᓂ— ᐅᓯᑲᑦᑕᐅᒻᒥ ᐅᕝᕙᓘᓐᓃᑦ ᑐᐊᕕᕐᓇᖅᑐᒥ ᐋᓐᓂᐊᕕᓕᐊᖅᑐᓄᑦ ᖃᖓᑕᓲᒥᒃ —ᑭᕙᓪᓕᖅ ᖃᖓᑕᓲᖏᓐᓂ.

ᒫᓐᓇᐅᔪᒥ, ᐃᔨᕋᖅ ᐅᖃᓚᐅᖅᐳᖅ, ᐱᔪᒪᓂᖃᕐᓂᖓᓂ ᖃᖓᑕᓂᕐᒥ ᑐᐊᕕᕐᓇᖅᑐᒥ ᐋᓐᓂᐊᕕᓕᐊᖅᑐᓄᑦ ᐃᒡᓗᓕᖕᒥᙶᖅᑐᓂ  … ᐊᒻᒪ ᐊᓕᐊᓇᐃᒋᔭᖃᕐᓂᕐᒥ ᐱᓕᕆᑦᑎᐊᕈᓐᓴᖅᓯᒪᔭᖓᓐᓂ ᑎᑭᐅᑎᓯᒪᓂᖓᓂ.

“ᑭᒃᑯᓕᒫᑦ ᐅᕙᓐᓄᑦ ᖁᕕᐊᓱᒍᔾᔨᑦᑎᐊᓚᐅᖅᐳᑦ. ᐃᓄᐃᑦ [ᐃᒡᓗᓕᖕᒥ] ᓱᓕ ᐅᐱᒍᓱᖕᓂᖃᖅᐳᖅ,” ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᐃᓕᓐᓂᐊᕐᕖᑦ ᐊᐱᕆᓯᒪᕗᑦ ᐅᖃᓪᓚᖃᑎᖃᕐᓂᕐᒥ ᐃᓕᓐᓂᐊᖅᑎᖏᓐᓄᑦ.