ᐅᑭᐅᖅᑕᖅᑐᒥ ᐱᓕᕆᓂᕐᒧᑦ ᒥᓂᔅᑕᖓ ᓂᐱᖃᙱᓚᖅ ᐹᕙᓐᓛᓐᑯᑦ ᒥᒃᓵᓄᑦ ᐅᑭᐅᖅᑕᖅᑐᒥ ᐳᓚᕋᕐᓂᐅᔪᒥ

For English version, see Northern Affairs minister mum on Baffinland during northern tour

ᒐᕙᒪᑐᖃᒃᑯᑦ ᐅᑭᐅᖅᑕᖅᑐᒥ ᐱᓕᕆᓂᕐᒧᑦ ᒥᓂᔅᑕᖓ ᑖᓂᐅᓪ ᕚᓐᑎᐅᓪ ᐅᖃᓚᐅᖅᐳᖅ ᐅᖃᓪᓚᓗᐊᔾᔮᙱᓐᓂᖓᓂ ᐹᕙᓐᓛᓐᑯᓐᓂ ᓴᕕᕋᔭᒃᓴᒥ ᐅᔭᕋᖕᓂᐊᕐᕕᖓᓂ ᑎᒥᖁᑎᖓᑦᑕ ᐅᒥᐊᕐᔪᐊᒃᑰᖅᑎᑦᑎᓂᕐᒥ ᐊᖏᒡᓕᒋᐊᖅᑕᐅᓂᖓᓂ ᑐᒃᓯᕋᕈᑕᐅᔪᒥ ᑭᓯᐊᓂ ᐅᖃᓪᓚᖕᓂᖃᓚᐅᖅᑎᓪᓗᒋᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂ ᐊᒻᒪ ᐹᕙᓐᓛᓐᑯᓐᓂ ᐃᓱᓕᑉᐸᑦ.

“ᐱᓕᕆᓂᖃᕐᔪᐊᖅᐳᖅ ᖄᖏᖅᓯᒪᓕᖅᑐᓂ ᑕᖅᑭᓂ ᒪᕐᕉᖕᓂ ᐊᒻᒪ ᑕᐃᓐᓇ ᐱᓕᕆᓂᐅᕗᖅ ᑲᔪᓰᓐᓇᖅᐳᖅ.” ᕚᓐᑎᐅᓪ ᐅᖃᓚᐅᖅᐳᖅ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓪᓕ ᐱᓕᕆᓂᐅᔪᒥ ᐃᓱᒪᒃᓴᖅᓯᐅᕆᓂᕐᒥ ᐱᔪᓐᓇᖅᑎᑦᑎᓂᕐᒥ ᐹᕙᓐᓛᓐᑯᓐᓂ ᐊᖏᒡᓕᒋᐊᖅᓯᓂᕐᒥ ᐊᖏᓂᖓᓂ ᓴᕕᕋᔭᒃᓴᒥ ᑲᒻᐸᓂᐅᔪᒥ ᐅᒥᐊᕐᔪᐊᒃᑰᖅᑎᑕᐅᔪᓐᓇᕐᓂᖓᓂ ᓄᓘᔭᕐᓂ ᐅᔭᕋᖕᓂᐊᕐᕕᖓᓂ 6 ᒥᓕᐊᓐ ᑕᓐᓄᑦ ᐊᕐᕌᒍᑕᒫᒥ 4.2−ᒥ.

ᑲᒻᐸᓂᐅᔪᖅ ᐅᒥᐊᕐᔪᐊᒃᑰᖅᑎᑦᑎᖃᑦᑕᖅᐳᑦ 6 ᒥᓕᐊᓐ ᑕᓐᓂ ᐊᕐᕌᒍᑕᒫᒥ ᑕᐃᒪᙵᓂ 2018−ᒥ, ᐅᕘᓇ ᕿᓚᒻᒥᐅᔪᒥ ᐱᔪᓐᓇᐅᑎᒥᒃ ᐃᓕᓯᒪᔪᒥ ᑐᒃᓯᕋᖅᑕᖓᓂ ᓄᓘᔭᕐᓂ ᐅᔭᕋᖕᓂᐊᕐᕕᖕᒥ ᐊᖏᒡᓕᒋᐊᖅᑎᑕᐅᓂᖓᓂ ᐃᓱᒪᒃᓴᖅᓯᐅᕆᔭᐅᑎᓪᓗᒍ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ. ᑕᐃᓐᓇ ᐱᔪᓐᓇᐅᑎ ᐃᓱᓕᓚᐅᖅᐳᖅ ᐊᕐᕌᓂᐅᓚᐅᖅᑐᒥ ᐃᓱᐊᓂ.

ᔪᓚᐃ ᓄᙳᐊᓂ, ᐹᕙᓐᓛᓐᑯᑦ ᑐᓂᓯᓚᐅᖅᐳᑦ ᐊᓂᑦᑎᓂᐅᔪᒥ ᐅᖃᐅᔾᔨᓂᐅᔪᓂ ᐅᓄᕐᓂᖅᓴᐅᔪᓄᑦ 1,100 ᐃᖅᑲᓇᐃᔭᖅᑎᐅᔪᓄᑦ, ᑭᓯᐊᓂ ᓄᖅᑲᖅᑎᑕᐅᔪᓐᓇᖅᐳᖅ ᓴᖑᓂᖓᓂ 6 ᒥᓕᐊᓐ ᑕᓐᓄᑦ ᐊᖏᖅᑕᐅᒃᐸᑦ, ᐹᕙᓐᓛᓐᑯᓐᓂ ᐅᖃᖅᑎᐅᔪᖅ ᐲᑕ ᐋᒃᒪᓐ ᓯᕗᓂᐊᓂ ᐅᖃᓚᐅᖅᐳᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ.

ᐊᖏᒡᓕᒋᐊᖅᑐᒥ ᐅᒥᐊᕐᔪᐊᒃᑰᖅᑎᑦᑎᓂᐅᔪᒥ ᑭᒡᓕᖃᖅᑎᑕᐅᙱᒃᑯᑎᒃ, ᐅᔭᕋᖕᓂᐊᕐᕕᒃ ᑲᒻᐸᓂ ᐱᓕᕆᐊᒃᓴᖃᕈᓐᓃᕐᓂᐊᖅᐳᑦ ᐃᖅᑲᓇᐃᔭᖅᑎᖏᓐᓄᑦ ᐊᒻᒪ ᓴᒃᑯᑕᐅᔭᕆᐊᖃᕐᓂᐊᖅᐳᑦ, ᑲᒻᐸᓂ ᐅᖃᖅᓯᒪᕗᑦ.

ᐹᕙᓐᓛᓐᑯᑦ ᑲᑎᓴᖃᑎᖃᐃᓐᓇᖅᐳᑦ ᐃᓄᖕᓂ, ᓄᓇᓕᖕᓂ ᐊᒻᒪ ᕼᐋᒻᓚᐅᔪᓂ ᑐᓵᓂᕐᒧᑦ ᐃᓱᒫᓘᑎᒋᔭᖏᓐᓂ 6 ᒥᓕᐊᓐ−ᑕᓐᓂ ᐱᔪᓐᓇᐅᑎᖓᓂ, ᐋᒃᒪᓐ ᐅᖃᓚᐅᖅᐳᖅ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ ᐋᒍᔅᑎ 10−ᒥ.

“ᓂᕆᐅᖕᓂᕆᕙᕗᑦ ᓱᒃᑲᕆᐊᖅᑎᑕᐅᔪᒥ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓄᑦ ᐱᓕᕆᓂᐅᔪᒥ, ᒥᓂᔅᑕ ᐅᑭᐅᖅᑕᖅᑐᒥ ᐱᓕᕆᓂᐅᔪᒥ ᐊᔭᐅᕆᓯᒪᓂᖓᓂ ᐊᒻᒪ ᐊᐱᕆᓯᒪᓂᖓᓐᓂ ᐱᔭᕇᖅᑕᐅᓂᖓᓂ ᐋᒍᔅᑎ 26−ᒥ, ᐱᑎᑦᑎᓂᐊᕐᓂᖓᓂ ᑕᒪᒃᑭᓄᑦ ᐱᕚᓪᓕᕈᑕᐅᔪᒥ ᐊᖏᕈᑎᒥ ᐊᒻᒪ ᓄᖅᑲᖅᑎᑦᑎᔪᓐᓇᕐᓂᐊᕐᓂᖓᓂ ᐃᖅᑲᓇᐃᔭᖅᑎᓂ ᐊᓂᑕᐅᓂᖏᓐᓂ,” ᐋᒃᒪᓐ ᐅᖃᓚᐅᖅᐳᖅ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᑭᐅᔪᓐᓇᓚᐅᙱᓚᑦ ᓯᕗᓂᐊᓂ ᐆᒪ ᑎᑎᕋᖅᑕᐅᓂᖓᓂ.

ᕚᓐᑎᐅᓪ ᑭᐅᓂᖓ ᐹᕙᓐᓛᓐᑯᓐᓄᑦ ᑎᑭᓚᐅᖅᐳᖅ ᐳᓚᕋᖅᑎᓪᓗᒍ ᐃᖃᓗᒃᑑᑦᑎᐊᕐᒥ ᐅᖃᐅᓯᖃᕆᐊᖅᑐᖅᑎᓪᓗᒍ ᒐᕙᒪᑐᖃᒃᑯᑦ ᑐᓂᓯᓂᐊᕐᓂᖏᓐᓂ $1.2 ᒥᓕᐊᓐᓂ ᐊᕐᕌᒍᓄᑦ ᐱᖓᓱᓄᑦ ᐱᑕᖃᑐᐃᓐᓇᕆᐊᖃᕐᓂᖓᓂ ᓄᓇᐅᑉ ᐃᓗᐊᓂ ᐆᓇᕐᓂᖓᓂ ᐆᒻᒪᖅᑯᑎᖃᕐᓂᖓᓂ ᓄᓇᕗᒻᒥ.

ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ ᐱᔾᔪᑎᕐᔪᐊᖑᕗᖅ ᐆᒪᙵ ᑮᓇᐅᔭᖃᖅᑎᑕᐅᓂᐅᔪᒥ, ᐅᑭᐅᖅᑕᖅᑐᖅ ᐅᖅᑰᓯᕙᓪᓕᐊᓂᖓᓂ ᐱᖓᓱᐃᓪᓗᐊᖅᑐᒥ ᓱᒃᑲᓂᖅᓴᐅᔪᒥ ᖃᓪᓗᓈᑦ ᓄᓇᖓᓐᓂ, ᕚᓐᑎᐅᓪ ᐅᖃᓚᐅᖅᐳᖅ.

“ᑕᒪᒃᑭᑦ ᐅᑭᐅᖅᑕᖅᑐᒥ ᓄᓇᐅᔪᑦ ᐆᒻᒪᖅᑯᑎᖃᖅᑎᑕᐅᕗᑦ ᐅᖅᓱᐊᓗᑐᐃᓐᓇᕐᒧᑦ ᐊᒻᒪ ᕿᓂᖅᐳᒍᑦ ᐊᓯᐊᒎᕈᑎᒃᓴᓂ,” ᕚᓐᑎᐅᓪ ᐅᖃᓚᐅᖅᐳᖅ.

“ᓄᓇᐅᑉ ᐃᓗᐊᓂ ᐆᓇᕐᓂᖓᓂ ᐱᑕᖃᑐᐃᓐᓇᕆᐊᖃᖅᐳᖅ.”

ᐱᓕᕆᐊᒃᓴᖅ ᕿᓂᕐᓂᐊᖅᐳᑦ ᐱᔪᓐᓇᕐᓂᕆᓇᔭᖅᑕᖓᓂ ᓄᓇᐅᑉ ᐃᓗᐊᓂ ᐆᓇᕐᓂᖓᓂ ᐊᒻᒪ ᐃᒋᑕᐅᔪᓄᑦ ᐆᒻᒪᖅᑯᑎᓄᑦ ᑐᖅᑯᖅᑕᐅᓂᖓᓂ ᖃᒪᓂᑦᑐᐊᕐᒥ.

ᓄᓇᐅᑉ ᐃᓗᐊᓂ ᐆᓇᕐᓂᖓᓂ ᐆᒻᒪᖅᑯᑎᖓ ᐅᕙᙶᖅᐳᖅ ᓄᓇᔪᐊᕐᔪᐊᑉ ᖄᖓᑕ ᐊᑖᓂ.

ᖄᖓᑕ−ᐊᑖᓂ ᐱᑕᖃᑐᐃᓐᓇᕆᐊᖃᕐᓂᖓᓂ ᐃᖃᓗᒃᑑᑦᑎᐊᕐᒥ ᐊᒻᒪ ᖃᐅᓱᐃᑦᑐᕐᒥ ᖃᐅᔨᓴᖅᑕᐅᓂᐊᕆᕗᑦ, ᒐᕙᒪᑐᖃᒃᑯᑦ ᑐᓴᒐᒃᓴᓕᐊᖓ ᐅᖃᖅᓯᒪᓚᐅᖅᐳᖅ.

ᐅᑭᐅᖅᑕᖅᑐᒥ ᐅᖅᑰᓯᕙᓪᓕᐊᕌᓂᖕᓂᖓᓂ ᓱᒃᑲᓂᖅᓴᐅᔪᒥ ᐊᒥᐊᒃᑯᖓᓂ ᓄᓇᕐᔪᐊᓕᒫᒥ, ᐱᔾᔪᑕᐅᔪᖅ ᑮᓇᐅᔭᖃᖅᑎᑕᐅᓂᕐᒥ ᓯᕗᓪᓕᖅᐸᐅᔪᒥ ᖃᐅᔨᓴᖅᑕᐅᓂᖓᓂ ᐱᔾᔪᑎᖃᖅᐳᖅ ᑐᓂᓯᕙᖕᒪᑦ ᐱᐅᔪᒥ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ, ᕚᓐᑎᐅᓪ ᐅᖃᓚᐅᖅᐳᖅ.

“ᓇᓗᓇᐃᖅᓯᔪᒪᑦᑎᐊᖅᐳᒍᑦ [ᐆᒻᒪᖅᑯᑎᓄᑦ ᓇᑭᙶᕐᓂᖓᓂ] ᒪᑭᒪᔾᔪᑕᐅᔪᓐᓇᕐᓂᖓᓂ, ᐊᑐᑦᑎᐊᕈᓐᓇᕐᓂᖓᓂ, ᐊᒻᒪᓗ ᐱᓕᕆᓂᖓᓂ ᐱᓕᕆᔭᕆᐊᖃᖅᑕᒥᓂ,” ᐃᓚᒋᐊᖅᓯᓚᐅᖅᐳᖅ.

“ᑖᓐᓇ ᐱᒋᐊᖅᐳᖅ ᐱᐅᔪᒥ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ.”

ᓄᓇᓕᖕᓂ ᐃᖅᑲᓇᐃᔮᒃᓴᓂ ᑐᓂᔭᐅᓂᐊᖅᐳᖅ ᖃᐅᔨᓴᕐᓂᐅᔪᒧᑦ, ᕚᓐᑎᐅᓪ ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᖃᐅᔨᒪᙱᓐᓂᖓᓂ ᖃᒡᓯᓪᓚᕆᖕᓂ ᐃᖅᑲᓇᐃᔮᒃᓴᓂ ᑭᓯᐊᓂ ᑐᓴᒐᒃᓴᐃᑦ ᕿᓚᒻᒥᐅᔪᒥ ᓴᖅᑭᓐᓂᐊᖅᐳᖅ.

ᒐᕙᒪᑐᖃᒃᑯᑦ ᐱᓕᕆᖃᑎᖃᕐᓂᐊᖅᐳᑦ ᖁᓪᓕᖅ ᐆᒻᒪᖅᑯᑎᓕᕆᔨᒃᑯᓐᓂ ᑎᒥᖁᑕᐅᔪᒥ ᐊᑐᓕᖅᑎᑦᑎᓂᕐᒥ ᐱᓕᕆᐊᒃᓴᐅᔪᒥ.