ᐅᑭᐅᕐᑕᖅᑐᕐᒥᐅᑕᖅ ᐹᐱ ᕿᑐᕐᖓᐅᔭᖅ ᓴᖅᑭᑎᑕᐅᕗᖅ ᐃᖃᓗᖕᓂ ᓴᓇᐅᒐᕐᓂ ᓂᐅᕕᐊᒃᓴᖃᖅᑐᓂᒃ

ᓴᓇᐅᒐᓕᐅᕐᐸᒃᑑᑦ ᒫᒍᕆᑦ ᓚᐅᕋᓐᔅ, ᓴᐅᒥᐊᓂ, ᐊᒻᒪ ᑐᖅᑳᓯ ᓄᕿᙵᖅ ᓴᖅᑭᔮᖅᑎᑦᑎᔫᒃ ᓄᕿᙵᐅᑉ ᓴᓇᔭᖓᓂ ᐋᓐᓄᕌᒃᓴᓂ ᐃᓄᒃ ᐹᐱ ᕿᑐᕐᖓᐅᔭᕐᒧᑦ ᑎᓯᐱᕆ 6-ᖑᑎᓪᓗᒍ ᐃᓄᒃᓱᒃ ᐃᓕᓐᓂᐊᕐᕕᐊᓗᒃᒥ ᓴᓇᐅᒐᕐᓂ ᓂᐅᕕᐊᒃᓴᖃᖅᖢᑎᒃ ᑎᓯᐱᕆ 6-ᒥ. ᐊᓐᓄᕌᒃᓴᓕᐊᖑᓯᒪᔪᑦ ᐃᓚᖃᕐᑐᑦ ᐅᕕᓂᕈᕐᒥ ᐅᖃᕐᓯᒪᔪᖃᖅᖢᓂ ᓱᕈᓯᓕᒫᑦ ᐱᒻᒪᕆᐅᔪᑦ. (ᐊᔾᔨᓕᐅᕆᔨ ᑎᐅᕋᓐ ᓕᐊᑦᔅ)

For English version, see Northern Barbie makes her debut at Iqaluit craft sale

ᒧᒥᕐᑎᙳᐊᖅ ᐹᐱ, ᐊᕐᓇᖒᕐᔪᑎᓕᒃ ᐊᒻᒪ ᓯᓚᐃᓐᓇᕐᒦᙳᐊᕐᑐᖅ ᐹᐱ ᐃᓚᒋᔭᐅᔪᑦ ᑲᑎᒐᒃᓴᓂ ᕿᑐᕐᖓᐅᔭᓂ ᐅᑯᓇᙵ ᓴᓇᔭᐅᓯᒪᓪᓗᑎᒃ ᒪᑎᐊᓪ (Mattel) ᑕᒪᑐᒪᓂ ᖁᕕᐊᓱᖕᓇᐅᓂᖓᓂ.

ᓇᓕᐊᒃ ᐊᔾᔨᖃᙱᑦᑐᖅ ᐅᑭᐅᕐᑕᖅᑐᕐᒥᐅᑕᖅ ᐹᐱᒥ (ᐃᓚᒋᔭᐅᙱᑦᑐᖅ ᒪᑎᐊᓪᑯᓐᓄᑦ), ᓴᖅᑭᔮᓚᐅᖅᖢᓂᓗ ᑎᓯᐱᕆ 6-ᒥ ᐃᓄᒃᓱᒃ ᐃᓕᓐᓂᐊᕐᕕᐊᓗᒃᒥ ᓴᓇᐅᒐᕐᓂ ᓂᐅᕕᐊᒃᓴᖃᖅᑐᓂᒃ.

“ᓴᓇᔭᐅᓯᒪᓵᑦᑎᐊᕐᑐᑦ,” ᐅᖃᕐᑐᖅ ᒫᒍᕆᑦ ᓚᐅᕋᓐᔅ, ᐃᑲᔪᖃᑕᐅᓚᐅᕐᑐᖅ ᐃᓄᒃᓱᒃ ᐃᓕᓐᓂᐊᕐᕕᐊᓗᒃᒥᑦ ᑎᑎᕋᐅᔭᒐᕐᓂᕐᒧᑦ ᐃᓕᓴᐃᔨᒥ ᑐᖅᑳᓯ ᓄᕿᙵᖅ ᒥᕐᓱᖃᑕᐅᓪᓗᓂ ᖁᓕᐅᔪᓂ ᐃᓄᒃᓯᐅᑎᓂ ᐊᓐᓄᕌᖃᐅᕐᑐᓂ ᓂᐅᕕᐊᒃᓴᖃᓚᐅᙱᑎᓪᓗᒋᑦ.

ᕿᑐᕐᖓᐅᔭᖅ ᓴᐸᖓᖃᕐᑐᒥ ᐆᕆᓐᔾ ᐅᕕᓂᕈᕐᓯᒪᔪᖅ ᑎᑎᖃᖃᖅᖢᓂ “ᑕᒪᕐᒥ ᓱᕈᓰᑦ ᐱᒻᒪᕆᐅᔪᑦ” ᐃᓄᒃᑎᑐᑦ ᑎᑎᕋᕐᓯᒪᓪᓗᓂ.

ᐊᑐᕐᒥᔪᖅ ᐅᑲᓕᐅᑉ ᐊᒥᖓᓂ ᓯᓂᖃᖅᑎᒥ ᐊᒪᐅᑎᒥ, ᕿᓰᖕᓂ ᑲᒥᒃᓯᒪᓪᓗᓂ, ᓯᓚᐹᓕᐅᕐᓯᒪᓪᓗᓂ ᐊᒻᒪ ᑲᑭᓐᓂᖃᖅᖢᓂ ᐅᕝᕙᓘᓐᓃᑦ ᑐᓂᖃᖅᖢᓂ.

ᓚᐅᕋᓐᔅ ᐊᒻᒪ ᓄᖅᑭᙵᖅ ᓂᐅᕕᐊᒃᓴᖃᓚᐅᕐᑐᑦ ᕿᑐᕐᖓᐅᔭᕐᓂ ᐊᑐᓂ ᐊᑭᖃᖅᖢᑎᒃ $40.00-ᓂ ᐊᔾᔨᐸᓗᖓ ᕿᑐᕐᖓᐅᔭᐅᑉ ᐊᑭᖓ ᓂᐅᕕᕐᕕᖕᒦᑦᑑᑉ ᐃᖃᓗᖕᓂ.

ᐊᐅᔭᑦᑐᑦ ᕿᑐᕐᖓᐅᔭᐃᑦ ᐅᑭᐅᕐᑕᖅᑐᕐᒥᐅᑕᓂ ᐊᓐᓄᕌᓕᐅᕐᓯᒪᔪᑦ ᐃᓚᒋᔭᐅᓚᐅᕐᑐᑦ ᒪᑎᐊᓪ (Mattel) ᐹᐱ ᕿᑐᕐᖓᐅᔭᓄᑦ ᓴᖅᑭᑕᐅᓚᐅᕐᓯᒪᔪᑦ ᐊᕐᕌᒍ ᖁᓕᑦ ᓯᕗᓂᐊᓂ.

“ᖃᓄᐃᖅᑰᔨᙱᑦᑎᐊᕐᑐᑦ ᓴᓪᓘᓗᐊᖅᑰᔨᓇᑎᒡᓗ,” ᓚᐅᕋᓐᔅ ᐅᖃᕐᑐᖅ, ᐃᓱᒪᒋᓪᓗᓂᒋᑦ ᕿᑐᕐᖓᐅᔭᐅᑉ ᓴᓇᔭᐅᓯᒪᓂᖏᑦ ᐅᑉᐸᔾᔭᕆᙳᐊᖅᖢᑎᒡᓗ.

ᐅᑯᐊ ᕿᑐᕐᖓᐅᔭᐃᑦ ᐃᓯᒐᖏᑦ ᐋᖅᑭᒃᑕᐅᓯᒪᔪᑦ ᑲᒥᒃᓯᒪᔪᓐᓇᕐᓯᓯᒪᓪᓗᑎᒃ, ᐋᖅᑭᒃᓯᒪᕙᒌᙱᖢᑎᒃ ᓴᓇᓯᒪᔪᓄᑦ ᐃᓯᒐᐅᔭᙳᐊᕆᔭᐅᕙᒃᑐᓄᑦ.

ᑕᒪᕐᒥ ᕿᑐᕐᖓᐅᔭᐃᑦ ᓂᐅᕕᕐᑕᐅᓚᐅᕐᑐᑦ, ᑖᒃᑯᐊ ᐅᖃᓚᐅᕐᑑᒃ.

ᓄᕿᙵᖅ ᐃᓕᓐᓂᐊᕐᑎᑕᖏᓐᓂ ᐊᕐᕌᓂ ᕿᑐᕐᖓᐅᔭᕐᓂ ᐊᓐᓄᕌᓕᐅᕐᑎᑦᑎᑲᑕᓕᓚᐅᕐᑐᖅ, ᓯᕗᓪᓕᖅᐹᒥ ᐃᓕᓴᐃᓪᓗᓂ ᑕᕝᕙᓂ ᐃᓕᓐᓂᐊᕐᕕᐊᓗᒃᒥ.

ᐃᓕᓐᓂᐊᕐᑎᐅᓚᐅᕐᒥᔪᖅ ᐊᕐᕌᒎᖕᓂ ᒪᕐᕉᖕᓂ ᓯᕗᓂᐊᓂ, ᐃᓕᓐᓂᐊᕆᐅᖅᖢᓂ ᒥᕐᓱᕆᐅᕐᓴᓂᕐᒥ ᓯᕗᓪᓕᖅᐹᒥ ᓄᓇᕗᒥᑦ ᐃᓕᓴᐃᔨᐅᓂᕐᒧᑦ ᐃᓕᓐᓂᐊᖅᑐᓂ ᓄᓇᕗᑦ ᓯᓚᑦᑐᖅᓴᕐᕕᒃᒥᑦ.

ᓯᕗᓂᐊᒍᑦ ᑭᓗᐊᖅᑕᐃᓕᔾᔪᑎᓕᐅᕈᓐᓇᓚᐅᖅᖢᓂ ᒫᓐᓇ ᓄᕿᙵᖅ ᐃᓕᓐᓂᐊᖅᑎᑕᐅᓚᐅᕐᓯᒪᔪᖅ ᒥᕐᓱᕆᐅᓴᖅᑎᑕᐅᓪᓗᓂ ᐊᒪᐅᑎᙳᐊᓂ ᐊᖏᓂᕐᓴᓄᑦ ᕿᑐᕐᖓᐅᔭᕐᓄᑦ ᐆᒧᖓ ᐃᖃᓗᖕᓂ ᐃᓕᓴᐃᔨᐅᓚᐅᕐᓯᒪᔪᒧᑦ ᐋᓂ ᑕᒻᓯᓴᓐᒧᑦ.

ᓄᕿᙵᖅ ᑕᒻᓯᓴᓐ ᐆᒃᑐᕐᓯᒪᔭᖓ ᒥᒃᖠᕚᓪᓕᖅᖢᓂᐅᒃ ᐅᓄᕐᓯᓕᕈᑎᑎᒍᑦ ᒪᑯᓂᖓ ᖁᓕᑦᑕᐅᔭᙳᐊᓂ ᓴᓇᔪᓐᓇᕐᓂᐊᕐᒪᑦ ᐹᐱ ᕿᑐᕐᖓᐅᔭᓄᑦ ᓈᒻᒪᖕᓂᕐᓴᓂᒃ.

ᒪᑎᐊᓪᑯᑦ (Mattel) ᓴᓇᐅᒐᖏᓐᓂ ᐃᓄᙳᐊᓂ ᐹᐱᓂ ᓴᖅᑭᑎᑦᑎᓚᐅᕐᓯᒪᔪᑦ 2005-ᒥ.

ᐹᐱ ᕿᑐᕐᖓᐅᔭᕐᒧᑦ ᐊᒪᐅᑏᑦ ᓴᖅᑭᔮᖅᑎᑕᐅᓚᐅᕐᑐᑦ ᑎᓯᐱᕆ 6-ᒥ ᐃᓄᒃᓱᒃ ᐃᓕᓐᓂᐊᕐᕕᐊᓗᒃᒥ ᓴᓇᐅᒐᕐᓂ ᓂᐅᕕᐊᒃᓴᖃᑲᑕᒃᑎᓪᓗᒋᑦ. (ᐊᔾᔨᙳᐊᖅ ᐅᕙᙵᑦ ᑐᖅᑳᓯ ᓄᕿᙵᖅ)

ᓂᐅᕐᕈᑎᐅᓪᓗᑎ ᑲᓇᑕᒥ ᐅᓇ ᖁᕐᓱᖅᑕᓂ ᓄᔭᓕᒃ ᕿᑐᕐᖓᐅᔭᖅ ᐊᑐᖅᖢᓂ ᐊᕐᓇᙴᔾᔪᑎᐊᓗᖕᒥ ᓄᐃᓚᖃᖅᖢᓂ.

“ᐊᓐᓄᕌᙳᐊᖏᑦ ᐱᐅᓗᐊᓚᐅᙱᑦᑐᑦ ᐊᒻᒪ ᕿᕋᑕᖄᑎᒋᓪᓗᑎᒃ,” ᓚᐅᕋᓐᔅ ᐅᖃᕐᑐᖅ.

ᒫᓐᓇᓗ ᑖᒃᑯᐊ ᕿᑐᕐᖓᐅᔭᐃᑦ ᑲᑎᕐᓱᒐᒃᓴ ᓂᐅᕕᐊᒃᓴᐅᕙᒃᑐᑦ eBay-ᒥ ᐊᑭᖃᖅᖢᑎᒃ $280-ᓗ $600-ᓗ ᐊᑯᓐᓂᖓᓂ.

ᐅᑭᐅᕐᑕᖅᑐᕐᒥᐅᑕᖅ ᐹᐱᐅᑉ ᐊᓐᓄᕌᖏ ᓴᓇᔭᐅᓯᒪᓪᓚᕆᒃᑐᑦ ᐋᖅᑭᒃᑕᐅᓯᒪᓇᓱᑦᑎᐊᖅᖢᑎᒃ, ᓄᕿᙵᖅ ᐅᖃᕐᑐᖅ, ᑕᐃᒪᓕ ᐱᑕᖃᒃᑲᓐᓂᔾᔮᕈᓐᓃᖅᑐᖅ ᖁᕕᐊᓱᒡᕕᐅᑉ ᑐᖔᓂ.

ᑭᓯᐊᓂᓕ, ᓄᑖᓂ ᐊᓐᓄᕌᙳᐊᓂ ᐆᒧᖓ ᓱᕈᓰᑦ ᑕᒪᕐᒥ ᐱᒻᒪᕆᐅᔪᑦ ᐹᐱᒧ, ᐊᒻᒪ ᐆᒧᖓ ᓄᑖ” “ᐊᖑᓇᓱᒃᑎ ᑭᐊᓐ,” ᐋᓐᓄᕌᓕᐅᕐᑕᐅᓯᒪᓂᐊᕐᑐᑦ ᐊᓈᓇᐅᑉ ᐅᓪᓗᖓ ᑎᑭᓚᐅᕐᑎᓐᓇᒍ, ᐅᖃᕐᑐᖅ.