ᐅᑭᐅᖅᑕᖅᑐᒥ ᐱᓕᕆᕝᕕᒃ ᐱᕗᖅ $27 ᒥᓕᐊᓪ−ᑲᓴᖕᓂ ᓱᒃᑲᒃᑎᒋᐊᖅᓯᓂᕐᒥ ᓄᓇᕘᑉ ᖃᕋᓴᐅᔭᒃᑰᕈᑎᖓᓂ

For the English version of this story, please see Northern firm gets nearly $27M to speed up Nunavut’s internet.

ᐅᑭᐅᖅᑕᖅᑐᒥ ᖃᕋᓴᐅᔭᒃᑰᖅᑎᑦᑎᓂᕐᒥ ᐊᒻᒪ ᐆᒻᒪᖅᑯᑎᓄᑦ ᑲᒻᐸᓂᐅᔪᖅ SSi ᑲᓇᑕ ᐱᓕᐊᖅᐳᑦ ᖃᓂᒋᔭᖓᓕ to $27 ᒥᓕᐊᓐᓂ ᑮᓇᐃᔭᖃᖅᑎᑕᐅᓂᐅᔪᒥ ᐱᐅᓯᒋᐊᖅᑎᑦᑎᓂᕐᒧᑦ ᖁᑦᑎᒃᑐᒥ−ᓱᒃᑲᓂᐅᔪᒥ ᖃᕋᓴᐅᔭᒃᑰᖅᑎᑦᑎᓂᕐᒥ  ᓄᓇᕘᑉ 25−ᖑᔪᓄᑦ ᓄᓇᓕᐅᔪᓄᑦ.

ᑲᓇᑕᒥ ᓈᓚᐅᑎᓕᕆᔩᑦ−ᑕᓚᕖᓴᓕᕆᔨᓪᓗ, ᐊᐅᓚᑦᑎᕙᒃᑐᓂ ᑕᑯᓐᓇᒐᒃᓴᓕᕆᓂᐅᔪᒥ ᐊᒻᒪ ᑐᓴᐅᒪᑎᑦᑎᔾᔪᑏᑦ, ᐅᖃᐅᓯᖃᓚᐅᖅᐳᑦ ᑎᓯᐱᕆ 20−ᒥ ᑐᓂᓯᓂᐊᕐᓂᖏᓐᓂ ᑲᒻᐸᓂᒥ ᑎᑭᐅᒪᔪᒥ $26,843,533−ᓂ ᐊᕐᕌᒍᓄᑦ ᑕᓪᓕᒪᓄᑦ ᐱᓕᕆᓂᐅᔪᒧᑦ.

SSi ᑲᓇᑕ ᐊᖓᔪᖅᑳᖑᓪᓗᓂ ᑲᒻᐸᓂᐅᕗᖅ ᓄᓇᕗᒻᒥ ᑐᓴᐅᒪᑎᑦᑎᔾᔪᑎᓂᑦ ᑲᒻᐸᓂᐅᔪᒥ ᐊᒻᒪ ᖃᕋᓴᐅᔭᒃᑰᖅᑎᑦᑎᓂᕐᒥ ᑐᓂᓯᔨᐅᓪᓗᑎᒃ ᕿᓂᒃᑯᓐᓂ.

ᑮᓇᐅᔭᖃᖅᑎᑕᐅᓂᐅᔪᖅ ᓂᕆᐅᒋᔭᐅᕗᖅ ᐱᔪᓐᓇᖅᑎᑦᑎᓂᕐᒥ ᓄᓇᕗᒻᒥᐅᓂ ᐊᑐᐃᓐᓇᖃᕐᓂᖏᓐᓂ ᓴᖅᑭᑎᑦᑎᓕᐅᔪᒥ ᓱᒃᑲᓂᐅᔪᒥ 50 megabits ᐊᑐᓂ ᓴᑲᓐᒥ, ᐊᒻᒪ 10 megabits ᐊᑐᓂ ᓴᑲᓐᒥ ᓅᑎᕆᓂᕐᒥ ᖃᕋᓴᐅᔭᒥ ᖃᕋᓴᐅᔭᒧᑦ, ᒥᑭᓛᖑᔪᒥ ᐊᑐᒐᒃᓴᐃᑦ ᐋᖅᑭᒃᑕᐅᓯᒪᓂᖏᓐᓂ ᖁᑦᑎᒃᑐᒥ−ᓱᒃᑲᓂᐅᔪᒥ ᖃᕋᓴᐅᔭᒃᑰᖅᑎᑦᑎᓂᕐᒥ , ᑲᓇᑕᒥ ᓈᓚᐅᑎᓕᕆᔩᑦ−ᑕᓚᕖᓴᓕᕆᔨᓪᓗ ᐅᖃᓇᐅᖅᐳᑦ ᐅᖃᐅᓯᒃᓴᓕᐊᖓᓐᓂ.

SSi ᐱᓕᕆᖃᑎᖃᓚᐅᖅᐳᖅ Starlink−ᑯᓐᓂ ᑐᓂᓯᓂᕐᒥ ᓱᒃᑲᓂᖅᓴᐅᔪᒥ ᖃᕋᓴᐅᔭᒃᑰᖅᑎᑦᑎᓂᕐᒥ  ᐱᔨᑦᑎᕋᕐᓂᖓᓂ, SSi−ᑯᑦ ᐱᕙᓪᓕᐊᑎᑦᑎᓂᕐᒧᑦ ᐊᖓᔪᖅᑳᕆᔭᐅᔪᖅ ᑏᓐ ᐳᕌᒃᑐᕐ ᐅᖃᐅᔾᔨᓚᐅᖅᐳᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ.

ᓯᑎᐱᕆᒥ, SSi ᐱᔭᕇᖅᓯᓚᐅᖅᐳᑦ ᐃᓕᓯᓂᕐᒥ Starlink ᑐᖅᑲᖅᑕᕐᕕᓂ ᐊᑐᓂ ᓄᓇᓕᐅᔪᒥ ᑕᐃᒪᓐᓇ Starlink ᖃᖓᑦᑕᖅᑎᑕᐅᓯᒪᓂᐅᔪᑦ ᑐᙵᕕᒋᔭᐅᕗᖅ SSi−ᑯᑦ ᖃᕋᓴᐅᔭᒃᑰᖅᑎᑦᑎᓂᕐᒥ  ᑲᑎᙵᓂᕆᔭᖓᓂ.

ᑕᐃᔅᓱᒥᖓ ᐱᕙᓪᓕᐊᑎᑕᐅᓂᐅᔪᒥ, SSi ᒫᓐᓇᐅᔪᒥ ᐊᑐᐃᓐᓇᖃᖅᑎᑦᑎᕗᖅ ᐊᔾᔨᒌᙱᕈᓘᔭᖅᑐᓂ ᐊᑭᐅᔪᓂ ᐸᕐᓇᐅᑎᓂᑦ.

ᐊᑦᑎᖕᓂᖅᓴᐅᔪᒥ ᐃᓱᐊᓂ, ᕿᓂᒃᑯᑦ ᑐᓂᓯᕙᒃᐳᑦ ᒪᕐᕉᖕᓂ gigabytes−ᓂ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ  512 kilobits ᐊᑐᓂ ᓴᑲᓐᒥ ᓴᖅᑭᑎᑦᑎᓂᐅᔪᒥ ᓱᒃᑲᓂᐅᔪᒥ $20−ᒥ ᑕᖅᑭᑕᒫᒥ. ᖁᑦᑎᖕᓂᖅᓴᐅᔪᒥ ᐃᓱᐊᓂ, Taki Pro ᐊᑐᐃᓐᓇᖃᖅᑎᑦᑎᕗᖅ 100 gigabytes−ᓂ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ  ᓅᑎᕆᓂᐅᔪᒥ ᖃᕋᓴᐅᔭᒥ ᖃᕋᓴᐅᔭᒧᑦ ᑕᓪᓕᒪᓂ megabits ᐊᑐᓂ ᓴᑲᓐᒥ $120−ᒥ ᑕᖅᑭᑕᒫᒥ.

ᐳᕌᒃᑐᕐ ᐅᖃᓚᐅᖅᐳᖅ ᒐᕙᒪᑐᖃᒃᑯᓐᓂ ᑮᓇᐅᔭᖃᖅᑎᑕᐅᓂᐅᔪᒥ SSi−ᑯᑦ ᐊᑐᕈᓐᓇᕐᓂᐊᖅᐳᑦ ᐱᓕᕆᖃᑎᒋᓂᖏᓐᓂ Starlink−ᑯᓐᓂ ᖁᕝᕙᕆᐊᖅᑎᑦᑎᓂᕐᒥ ᓂᐅᕕᖅᐸᒃᑐᓂ ᓱᒃᑲᓂᐅᔪᒥ 50 megabits ᐊᑐᓂ ᓴᑲᓐᒥ ᓴᖅᑭᑎᑦᑎᓂᐅᔪᓂ ᐊᒻᒪ 10 megabits ᐊᑐᓂ ᓴᑲᓐᒥ ᓅᑎᕆᓂᐅᔪᒥ ᖃᕋᓴᐅᔭᒥ ᖃᕋᓴᐅᔭᒧᑦ ᐊᑭᑐᓗᐊᙱᑦᑐᒥ ᐊᑭᐅᔪᒥ.

ᐅᖃᓚᐅᖅᐳᖅ ᐅᖃᐅᓯᖃᕈᓐᓇᙱᓚᖅ ᒫᓐᓇᐅᔪᒥ ᑭᓲᓂᐊᕐᓂᖏᓐᓂ ᓄᑖᖑᔪᓂ ᐊᑭᐅᔪᓂ SSi−ᑯᑦ ᓱᓕ ᐅᖃᓪᓚᖃᑎᖃᕐᒪᑕ ᑲᓇᑕᒥ ᓈᓚᐅᑎᓕᕆᔩᑦ−ᑕᓚᕖᓴᓕᕆᔨᓪᓗ ᐊᑭᐅᔪᓂ ᐸᕐᓇᐅᑎᓂᑦ.

ᑭᓯᐊᓂ, ᐅᖃᓚᐅᖅᐳᖅ ᑐᙵᕕᐅᔪᒥ ᐊᑭᑕᖃᕐᓂᐊᖅᐳᖅ ᐊᒻᒪ ᓂᐅᕕᖅᐸᒃᑐᑦ ᐃᓚᓯᔪᓐᓇᕐᓂᐊᖅᐳᑦ ᖁᑦᑎᖕᓂᖅᓴᐅᔪᒥ-ᑭᒡᓕᐅᔪᒥ ᐱᔨᑦᑎᕋᕐᓂᐅᔪᒥ ᑕᐃᑲᙵᑦ. ᓂᐅᕕᖅᐸᒃᑐᑦ ᓂᐅᕕᒃᑲᓐᓂᕈᓐᓇᕐᓂᐊᖅᐳᑦ ᐅᓄᕐᓂᖅᓴᐅᔪᓂ ᑎᑎᕋᖅᓯᒪᔪᓂ ᖃᐅᔨᓴᖅᑕᐅᓂᑯᓂ  ᐊᑐᓂ gigabyte ᑐᙵᕕᓕᖕᒥ.

“ᐃᓱᐊᓂ ᐅᖃᕋᓱᖕᓂᐅᔪᒥ ᐅᓇ ᐊᑭᑐᓗᐊᔾᔮᙱᓚᖅ ᑐᙵᕕᐅᓪᓗᓂ ᑲᑎᙵᓂᐅᔪᒥ,” ᐳᕌᒃᑐᕐ ᐅᖃᓚᐅᖅᐳᖅ.

SSi ᒪᐃᒧᑦ ᐱᔭᕇᕆᐊᖃᕐᓂᐊᖅᐳᑦ ᐊᖏᖃᑎᒌᒍᑎᖓᓐᓂ ᑲᓇᑕᒥ ᓈᓚᐅᑎᓕᕆᔩᑦ−ᑕᓚᕖᓴᓕᕆᔨᓪᓗ ᐊᑐᓕᖅᑎᑦᑎᓚᐅᙱᓐᓂᖏᓐᓂ ᖃᕋᓴᐅᔭᒃᑰᖅᑎᑦᑎᓂᕐᒥ ᐊᒻᒪ ᐅᖃᓘᑎᕋᓛᓄᑦ ᐱᔨᑦᑎᕋᕐᓂᐅᔪᒥ ᐊᑭᐅᔪᓂ ᐸᕐᓇᐅᑎᓂᑦ, ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ “ᑕᐃᒪᓐᓇ ᐊᑯᓂᐅᑎᒋᔪᒥ ᐱᔭᕇᖅᓯᓇᓱᐊᕐᓂᕐᒥ ᑐᕌᒐᖃᙱᓚᒍᑦ ᐆᒥᖓᓗᒃᑖᖅ.”

“ᐸᕐᓇᒃᓯᒪᕗᒍᑦ ᐃᖏᕐᕋᓯᓂᕐᒥ,” ᐳᕌᒃᑐᕐ ᐅᖃᓚᐅᖅᐳᖅ.

ᓇᓗᓇᐃᖅᓯᓚᐅᖅᐳᖅ ᐱᔭᕆᐊᖃᕐᓂᐅᔪᒥ ᑐᓂᓯᓂᕐᒥ ᐱᐅᔪᒥ ᖃᕋᓴᐅᔭᒃᑰᖅᑎᑦᑎᓂᕐᒥ ᐱᔨᑦᑎᕋᕐᓂᐅᔪᒥ ᓄᓇᕗᒻᒥᐅᓄᑦ ᐊᑭᐅᔪᒥ ᑕᒪᒃᑭᒐᓚᖕᓂ ᐊᑐᐃᓐᓇᕆᔭᐅᔪᓐᓇᖅᑐᒥ.

“ᐃᓄᓕᒫᑦ ᐊᑭᓖᔪᓐᓇᙱᓚᑦ … $200−ᒥ ᑕᖅᑭᑕᒫᒥ ᖃᕋᓴᐅᔭᒃᑰᖅᑎᑦᑎᓂᕐᒥ ,” ᐅᖃᓚᐅᖅᐳᖅ.

ᐅᓇ ᑮᓇᐅᔭᖃᖅᑎᑕᐅᓂᐅᔪᒥ ᑯᑦᑎᒃᑐᒥ-ᓱᒃᑲᓂᐅᔪᒥ ᖃᕋᓴᐅᔭᒃᑰᖅᑎᑦᑎᓂᕐᒥ ᐱᐅᓯᒋᐊᖅᑎᑦᑎᓂᐊᖅᐳᖅ ᐊᑐᐃᓐᓇᖃᕐᓂᕐᒥ ᐋᓐᓂᐊᖃᕐᓇᙱᓐᓂᓕᕆᓂᕐᒧᑦ ᐸᖅᑭᓂᐅᔪᒥ ᐊᒻᒪ ᐃᓕᓐᓂᐊᕐᓂᐅᔪᒥ, ᐊᒻᒪᓗᑦᑕᐅᖅ ᐃᑲᔪᕐᓗᓂ ᐸᐸᑦᑏᓐᓇᕐᓂᕐᒥ ᐃᓄᒃᑎᑐᒻᒥ, ᐅᖃᐅᓯᐅᓪᓗᓂ ᑲᓇᑕᒥ ᓈᓚᐅᑎᓕᕆᔩᑦ−ᑕᓚᕖᓴᓕᕆᔨᓪᓗ.

“ᐅᓇ ᐱᓕᕆᐊᒃᓴᐅᔪᖅ ᓯᕗᓪᓕᖅᐸᐅᓪᓗᓂ ᐊᖏᓪᓗᓂ ᑎᑭᐅᑎᓯᒪᓂᐅᓂᐊᖅᐳᖅ ᐃᑲᔪᖅᓱᐃᓂᕐᒥ ᐱᐅᓯᒋᐊᖅᑐᒥ ᑐᓴᐅᒪᑎᑦᑎᔾᔪᑎᓂᑦ ᐱᔨᑦᑎᕋᕐᓂᐅᔪᒥ ᓄᓇᕗᒻᒥ,” ᑲᓇᑕᒥ ᓈᓚᐅᑎᓕᕆᔩᑦ−ᑕᓚᕖᓴᓕᕆᔨᓪᓗ ᐅᖃᖅᑎᐅᔪᖅ ᓖ ᑳᒧᕆᓐ ᐅᖃᐅᔾᔨᓚᐅᖅᐳᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ.