ᔭᔅᑎᓐ ᒫᑦᓯᑦ, ᐊᖓᔪᖅᑳᖑᔪᖅ ᓄᓇᕗᒻᒥ ᐃᓕᓴᐃᔨᓄᑦ ᑲᑐᔾᔨᖃᑎᒌᖑᔪᓂ, ᐅᖃᖅᐳᖅ ᑲᒪᙱᓚᖅ ᐅᓄᕐᓂᐅᔪᓂ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐅᓂᒃᑳᕆᔭᐅᔪᓂ ᑭᓪᓕᓯᓂᐊᕐᓂᐅᔪᒥ ᔫᓂᐊᓐᒥ ᐃᓚᒋᔭᐅᔪᓄᑦ. (ᑐᓴᒐᒃᓴᓕᕆᔨᒃᑯᑦ ᐊᔾᔨᖁᑎᖓ)
ᐃᓕᓴᐃᔩᑦ ᐊᑐᖅᐳᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐃᖅᑲᓇᐃᔭᕐᕕᖓᓂ, ᑭᓪᓕᓯᓂᐊᕐᓂᖅ ᐅᖃᖅᑑᔮᖅᐳᖅ
ᐱᖓᓱᓂ-ᑎᓴᒪᐅᔪᓂ ᑭᐅᔨᐅᔪᓂ ᓄᓇᕗᒻᒥ ᐃᓕᓴᐃᔨᓄᑦ ᔫᓂᐊᓐ−ᖓᓂ ᖃᐅᔨᓴᖅᑕᐅᓂᐅᔪᒥ ᑭᓪᓕᓯᓂᐊᕐᓂᐅᔪᒥ ᐅᖃᖅᐳᑦ ᐊᑐᖅᓯᒪᓂᖏᓐᓂ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐃᓕᓐᓂᐊᕐᕕᖕᒥ ᐊᕐᕌᒎᓚᐅᖅᑐᒥ
For English version, see Nunavut teachers continue to encounter violence at school, union survey suggests
87 ᐳᓴᓐᑎᒥ ᓄᓇᕗᒻᒥ ᐃᓕᓴᐃᔨᓂᑦ ᑭᐅᓚᐅᖅᑐᓂ ᔫᓂᐊᓐᒥ ᑭᓪᓕᓯᓂᐊᕐᓂᐅᔪᒥ ᑕᑯᓯᒪᓂᖏᓐᓂ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐃᓕᓐᓂᐊᕐᕕᖕᒥ ᐊᒻᒪ 76 ᐳᓴᓐᑎᒥ ᐱᓕᕆᐊᖃᖅᓯᒪᕗᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐅᕝᕙᓘᓐᓃᑦ ᐊᑐᖅᓯᒪᓪᓗᑎᒃ ᓇᖕᒥᓂᖅ ᑕᒪᑐᒪᓂ ᖄᖏᖅᓯᒪᔪᒥ ᐃᓕᓐᓂᐊᕐᓂᕐᒥ ᐊᕐᕌᒍᖓᓂ, ᓄᓇᕗᒻᒥ ᐃᓕᓴᐃᔨᓄᑦ ᑲᑐᔾᔨᖃᑎᒌᖏᑦ ᐅᖃᖅᑑᔮᖅᐳᑦ.
“ᑲᒪᓪᓚᕆᙱᓚᖓ” ᖃᓄᐃᓕᖓᓂᐅᔪᓂ ᐊᔪᕐᓇᕋᓗᐊᖅᑎᓪᓗᒍ ᑕᑯᓂᕐᒧᑦ, ᑲᑐᔾᔨᖃᑎᒌᖏᑦᑕ ᐊᖓᔪᖅᑲᖓ ᔭᔅᑎᓐ ᒫᑦᓯᑦ ᐅᖃᓚᐅᖅᐳᖅ ᔫᓂ 13−ᒥ.
ᒪᐃ 10−ᒥ ᒪᐃ 24−ᒧᑦ, ᔫᓂᐊᓐ ᑭᓪᓕᓯᓂᐊᕆᓚᐅᖅᐳᑦ 886−ᖑᔪᓂ ᐃᓚᒋᔭᐅᔪᓂ, ᐃᓚᖃᖅᑐᒥ ᐃᓕᓴᐃᔨᓂᑦ, ᐃᓕᓴᐃᔨᓄᑦ ᐊᖓᔪᖅᑳᖑᔪᓂ, ᐃᓕᓴᐃᔨᓄᑦ ᐊᖓᔪᖅᑳᖑᔪᓂ ᑐᒡᓕᖏᓐᓂ ᐊᒻᒪ ᐃᓕᓴᐃᔨᓄᑦ ᐃᑲᔪᖅᑎᐅᔪᓂ, , ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᖃᓄᐃᓐᓂᐅᔪᓂ ᓄᓇᕗᒻᒥ ᐃᓕᓐᓂᐊᕐᕕᓂᑦ ᒫᓐᓇᐅᔪᒥ ᐃᓕᓐᓂᐊᕐᓂᕐᒥ ᐊᕐᕌᒍᖓᓂ. 31 ᐳᓴᓐᑎᒥ ᑭᐅᓚᐅᖅᐳᑦ, ᐅᖃᓚᐅᖅᐳᖅ ᒫᑦᓯᑦ.
ᓄᓇᕘᑉ ᐃᓕᓐᓂᐊᖅᑐᓕᕆᔨᒃᑯᖏᑦ ᓇᖕᒥᓂᖅ ᐅᓂᒃᑳᓕᐅᕐᓂᕐᒥ ᐱᓕᕆᔾᔪᓯᖃᖅᐳᑦ, ᐊᑐᓕᖅᑎᑕᐅᓚᐅᖅᑐᒥ ᑕᖅᑭᑦ 18−ᖑᓕᖅᑐᒥ ᑲᑐᔾᔨᖃᑎᒌᒃᖢᑎᒃ ᐃᓕᓴᐃᔩᑦ’ ᔫᓂᐊᓐ−ᖓᓂ.
ᑭᓯᐊᓂ, ᒫᑦᓯᑦ ᓯᕗᓂᐊᓂ ᐅᖃᐅᔾᔨᓚᐅᖅᐳᖅ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓂ ᐅᒃᐱᕈᓱᖕᓂᖓᓂ ᐱᔨᕆᔾᔪᓯᐅᔪᖅ ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᓂᐅᔪᓂ ᑭᒡᒐᖅᑐᐃᙱᓗᐊᕐᓂᖓᓂ ᐱᑕᖃᕐᓂᖓᓂ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐃᓕᓐᓂᐊᕐᕕᖕᓂ.
ᐃᓕᓐᓂᐊᖅᑐᓕᕆᔨᒃᑯᑦ’s ᖃᐅᔨᓴᖅᑕᐅᓂᑯᓂ ᑎᑎᕋᖅᓯᒪᓂᐅᔪᓂ — ᐱᒋᐊᖅᑐᒥ ᐅᒃᑐᐱᕆ 2022−ᒥ ᐅᓂᒃᑳᕆᓂᐅᔪᒥ ᐱᓕᕆᔾᔪᓯᖓ ᖃᕋᓴᐅᔭᒃᑰᓕᓚᐅᕐᓂᖓᓂ ᒫᔾᔨ 31, 2024−ᒧᑦ — ᓇᓗᓇᐃᖅᓯᕗᖅ 137−ᓂ ᖃᓄᐃᓐᓂᐅᔪᓂ ᐃᓕᓐᓂᐊᖅᑎᒥᒃ-ᐃᓕᓴᐃᔨᒧᑦ ᐱᑦᑎᐊᙱᓐᓂᐅᔪᒥ ᐅᕝᕙᓘᓐᓃᑦ ᐋᓐᓂᖅᓯᕆᓂᐅᔪᒥ.
ᑐᓴᒐᒃᓴᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᐅᓂᒃᑳᕆᓂᐅᔪᒥ ᐱᔨᕆᔾᔪᓯᖓᓐᓂ ᓇᓗᓇᐃᖅᓯᓂᖃᙱᓚᖅ ᖃᓄᐃᓐᓂᐅᔪᓂ ᐅᓂᒃᑳᕆᔭᐅᓂᐅᔪᓂ ᐊᒻᒪ ᖃᓄᐃᓐᓂᐅᔪᓂ ᐊᑐᖅᑕᐅᔪᓂ, ᐃᓕᓴᐃᔩᑦ ᑭᓪᓕᓯᓂᐊᕐᓂᐅᔪᒥ ᑕᐃᒪᐃᑎᓪᓗᒍ.
ᐃᓕᓐᓂᐊᖅᑐᓕᕆᔨᒃᑯᑦ ᐅᓂᒃᑳᕆᓂᐅᔪᒥ ᐱᓕᕆᔾᔪᓯᖓᓐᓂ, ᐊᑕᐅᓯᐅᔪᒥ ᖃᓄᐃᓐᓂᐅᔪᒥ ᐅᓂᒃᑳᕆᔭᐅᔪᓐᓇᕆᕗᖅ ᐊᑕᐅᓯᐊᖑᙱᑦᑐᒥ.
ᔫᓂᐊᓐᑯᑦ ᐅᓂᒃᑳᓕᐊᖓ ᓇᓂᓯᓚᐅᖅᐳᖅ 38 ᐳᓴᓐᑎᒥ ᐃᓕᓴᐃᔨᐅᔪᓂ ᐱᓕᕆᐊᖃᓪᓚᕆᒃᑐᓂ ᑭᐅᓚᐅᖅᑐᓂ ᑭᓪᓕᓯᓂᐊᕐᓂᐅᔪᒥ ᐊᑐᖅᓯᒪᕗᑦ ᑎᒥᒧᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ.
“50 ᐳᓴᓐᑎᒥ ᑭᐅᔨᐅᔪᓂ ᐅᖃᓚᐅᖅᐳᖅ ᐊᑐᖅᓯᒪᓂᖏᓐᓂ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᕿᓯᐊᓂ ᐅᓂᒃᑳᕆᓯᒪᙱᓚᖓᑦ,” ᒫᑦᓯᑦ ᐅᖃᓚᐅᖅᐳᖅ.
ᔫᓂᐊᓐ ᐅᓂᒃᑳᓕᐊᖓ ᐊᑐᐃᓐᓇᖃᖅᑎᑦᑎᓚᐅᖅᐳᖅ ᐊᔾᔨᒌᙱᑦᑐᓂ ᐱᔾᔪᑕᐅᔪᓂ ᖃᓄᐃᒻᒪᑦ ᖃᓄᐃᓐᓂᐅᔪᑦ ᐅᓂᒃᑳᕆᔭᐅᓗᐊᙱᓐᓂᖏᓐᓂ.
ᐊᑕᐅᓯᐅᔪᖅ ᑕᐃᒪᐃᑐᐃᓐᓇᕆᐊᖃᕐᓂᖓᓂ “ᐃᒃᐱᒍᓱᖕᓂᐅᔪᒥ ᑭᐅᔭᐅᓚᐅᕐᓂᖓᓂ ᐃᓕᓴᐃᔨᓄᑦ ᐊᖓᔪᖅᑳᖓᓂ, ᐅᕝᕙᓘᓐᓃᑦ ᐃᒃᐱᒍᓱᖕᓂᐅᔪᒥ ᐃᑲᔪᖅᓱᐃᓂᖃᕋᔭᙱᓐᓂᖓᓂ. ᓇᑉᐸᓪᓗᐊᖓᑕ ᐅᓄᕐᓂᖅᓴᐅᔪᒥ ᐃᓕᓴᐃᔨᓂᑦ ᑭᐅᓚᐅᖅᑐᓂ ᑭᓪᓕᓯᓂᐊᕐᓂᐅᔪᒥ ᐅᖃᓚᐅᖅᐳᑦ ᐃᒃᐱᒍᓱᖕᓂᖏᓐᓂ ᐃᑲᔪᖅᓯᖅᑕᐅᙱᓐᓂᖏᓐᓂ ᐱᓕᕆᐊᖃᖅᑎᓪᓗᒋᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᖃᓄᐃᓐᓂᐅᔪᓂ ᐃᓕᓐᓂᐊᕐᕕᖕᒥ,” ᐅᓂᒃᑳᓕᐊᖅ ᐅᖃᓚᐅᖅᐳᖅ.
ᐊᑕᐅᓯᕐᒥ ᐃᓚᒋᔭᐅᔪᒥ ᐅᖃᓚᐅᖅᐳᖅ: “ᐅᓂᒃᑳᕆᓯᒪᕙᕋ ᑕᐃᔅᓱᒪᓂᒃᑲᓐᓂᖅ ᐊᒻᒪ ᖃᓄᐃᓕᐅᕐᓂᖃᓚᐅᙱᒻᒪᑦ. ᓄᖅᑲᖅᓯᒪᕗᖓ ᐅᓂᒃᑳᕆᓂᕐᒥ ᑐᑭᓯᓇᕐᒪᑦ ᐃᓄᑑᓂᓐᓂ ᐅᓇᐅᑎᓪᓗᒍ ᐊᑦᑕᓇᔾᔭᐃᖅᓯᒪᓂᓐᓂ ᐊᒻᒪ ᐃᓕᓐᓂᐊᖅᑎᓐᓂ ᐊᑦᑕᓇᔾᔭᐃᖅᓯᒪᑎᑦᑎᓂᕐᒥ.”
ᐅᓂᒃᑳᓕᐊᖅ ᐅᖃᐅᓯᖃᓚᐅᖅᐳᑦ ᖃᔅᓯᒐᓚᖕᓂ ᐃᓕᓴᐃᔨᓪᓚᕆᐅᔪᓂ ᐅᖃᖅᑕᖏᓐᓂ, ᑭᓯᐊᓂ ᐅᖃᖅᓯᒪᙱᓚᖅ ᐊᑎᖏᓐᓂ .
ᔫᓂᐊᓐᑯᑦ ᑭᓪᓕᓯᓂᐊᕐᓂᐅᓂᖓ ᓯᓕᒃᑐᒥ ᐃᓱᒪᒋᔭᖃᕐᓂᖃᖅᐳᖅ ᑭᓱᓂ ᐋᖅᑭᒃᓯᓂᐅᔪᒥ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ.
ᐃᓚᖃᕈᓐᓇᖅᐳᖅ ᐅᖃᐅᓯᒃᑯᑦ ᐱᑦᑎᐊᙱᓐᓂᐅᔪᒥ, ᐊᔾᔨᒌᙱᑎᑦᑎᓂᕐᒥ ᐅᕝᕙᓘᓐᓃᑦ ᐸᒡᕕᓵᕆᓂᕐᒥ, ᑕᐃᒫᒃ ᓇᓂᓯᓂᕐᒥ 76 ᐳᓴᓐᑎᒥ ᑭᐅᔨᐅᔪᓂ ᔫᓂᐊᓐᑯᑦ ᑭᓪᓕᓯᓂᐊᕐᓂᐅᔪᒥ ᐊᑐᖅᓯᒪᓂᖏᓐᓂ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᑐᑭᖃᓪᓚᕆᙱᓚᖅ ᑎᒥᒧᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂᑐᐊᖅ.
ᑭᓯᐊᓂ, ᑭᓪᓕᓯᓂᐊᕐᓂᐅᔪᒥ ᐅᓂᒃᑳᓕᐊᖅ ᐊᕕᒃᑐᐃᓯᒪᓂᖃᖅᐳᖅ ᐊᖏᓂᖅᓴᐅᔪᒥ ᐊᕕᒃᑐᖅᓯᒪᓂᐅᔪᒥ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐊᕕᒃᑐᖅᓯᒪᒃᑲᓐᓂᕐᓂᐅᔪᓂ ᓲᕐᓗ ᐃᓕᓐᓂᐊᖅᑎᒥ-ᐃᓕᓴᐃᔨᒧᑦ ᑎᒥᒧᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐊᑐᖅᑕᐅᓂᑯᓂ, 38 ᐳᓴᓐᑎᒥ; ᐅᕝᕙᓘᓐᓃᒃ ᐃᓕᓐᓂᐊᖅᑎᒥ−ᐃᓕᓐᓂᐊᖅᑎᒧᑦ ᑎᒥᒧᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐊᑐᖅᑕᐅᔪᓂ 50 ᐳᓴᓐᑎᑲᓴᖕᒥ.
ᐃᓕᓐᓂᐊᖅᑐᓕᕆᔨᒃᑯᑦ ᐱᓚᐅᖅᐳᑦ ᔫᓂᐊᓐᑯᑦ ᐅᓂᒃᑳᓕᐊᖓᓂ ᐊᒻᒪ ᕿᒥᕐᕈᔭᐅᕗᖅ, ᐅᖃᓚᐅᖅᐳᖅ ᒫᑎᐅ ᐃᓚᓯᐅᕕᒃᔅ, ᑐᑭᒧᐊᒃᑎᑦᑎᔨ ᐱᓕᕆᖃᑕᐅᔪᓂ ᐃᓚᐅᑎᑦᑎᓂᐅᔪᒥ, ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᔫᓂ 14−ᒥ.
“2023-24 ᑭᓪᓕᓯᓂᐊᕐᓃᑦ ᖃᕋᓴᐅᔭᑎᒍᑦ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐊᒻᒪ ᐸᒡᕕᓵᕆᓂᕐᒥ ᐅᓂᒃᑳᕆᓂᕐᒥ ᐱᓕᕆᔾᔪᓯᐅᔪᒥ ᐊᑐᐃᓐᓇᐅᓂᐊᖅᐳᖅ ᔪᓚᐃᒥ,” ᐃᓚᓯᐅᕕᒃᔅ ᐅᖃᓚᐅᖅᐳᖅ.
ᒫᑦᓯᑦ ᐅᖃᓚᐅᖅᐳᖅ ᐸᓯᒃᖠᙱᓐᓂᖓᓂ ᐃᓕᓐᓂᐊᖅᑐᓕᕆᔨᒃᑯᓐᓂ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐃᓚᒋᐊᖅᓯᓪᓗᓂ ᐊᑲᐅᙱᓕᐅᕈᑕᐅᔪᖅ ᐊᔾᔨᐅᙱᑦᑑᙱᓐᓂᖓᓂ ᓄᓇᕗᒻᒥ.
ᐃᓚᓯᐅᕕᒃᔅ ᐊᖏᖃᑎᖃᓚᐅᖅᐳᖅ ᐅᖃᖅᖢᓂ “ᑐᓴᖅᐸᓪᓕᐊᕗᒍᑦ [ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᐃᓕᓐᓂᐊᕐᕕᓂ] ᑲᓇᑕᓕᒫᒥ, ᐱᓕᕆᕙᓪᓕᐊᑎᓪᓗᑕ ᑭᐅᓂᕐᒥ ᐱᕕᒃᓴᖃᕆᕗᖅ ᓇᓗᓇᐃᖅᓯᓂᕐᒥ ᐱᐅᓛᖑᔪᓂ ᐊᑐᖅᑕᐅᕙᒃᑐᓂ ᐊᓯᖏᓐᓂ ᐱᔪᓐᓇᕐᓂᖃᕐᓂᐅᔪᓂ.”
ᐊᒃᓱᕈᕐᓂᐅᔪᓂ ᒥᒃᖠᒋᐊᖅᑎᑦᑎᓂᕐᒥ ᐃᖅᓯᓇᖅᑐᓂ ᐱᑲᒻᒪᕐᔪᐊᔭᑦᑐᓂ ᑲᔪᓰᓐᓇᖅᐳᑦ ᑭᓯᐊᓂ “ᐱᔭᒃᓴᖃᒃᑲᓐᓂᖅᐳᑦ,”ᐅᖃᓚᐅᖅᐳᖅ.
“ᐱᕈᖅᓴᐃᓂᖃᕆᐊᖅᐳᒍᑦ ᒫᓐᓇᐅᔪᒥ ᐊᒃᓱᕈᕐᓂᑦᑎᓐᓂ ᐊᒻᒪ ᑲᑐᔾᔨᖃᑎᒌᒡᓗᑕ” ᐊᖏᓂᖅᓴᐅᔪᒧᑦ ᓄᓇᓕᖕᓂ ᑐᓂᓯᓂᕐᒥ ᐊᑦᑕᓇᙱᑦᑐᒥ ᐃᓕᓐᓂᐊᕐᕕᐅᔪᒥ ᐊᕙᑎᐅᔪᒥ.
ᒫᑦᓯᑦ ᓇᓗᓇᐃᖅᓯᓚᐅᖅᐳᖅ ᐱᓕᕆᓂᖅ ᑲᔪᓰᓐᓇᕐᓂᖓᓂ, ᐃᓚᖃᖅᑐᒥ ᐱᓕᒻᒪᒃᓴᓂᐅᔪᒥ ᐃᓕᓴᐃᔨᓂᑦ ᐃᓕᓴᐃᔩᑦ ᒥᒃᖠᒋᐊᖅᑎᑦᑎᓂᕐᒥ ᐃᖅᓯᓇᖅᑐᓂ ᐱᑲᒻᒪᕐᔪᐊᕐᓂᐅᑐᐃᓐᓇᕆᐊᓕᖕᓂ.
“ᐸᓯᒃᖠᒋᑐᐃᓐᓇᕆᐊᖃᙱᓚᑎᑦ, ᑲᑎᖃᑎᒌᒋᐊᖃᖅᐳᒍᑦ ᐊᒻᒪ ᐃᓱᒪᑦᓴᖅᓯᐅᕆᓗᑕ ᐋᖅᑭᒍᑎᒃᓴᒥ. ᐃᓕᓐᓂᐊᖅᑐᓕᕆᔨᒃᑯᑦ ᐋᖅᑭᒃᓯᔪᓐᓇᙱᓚᑦ ᐊᑲᐅᙱᓕᐅᕈᑕᐅᔪᒥ ᐃᒻᒥᓂᑐᐊᖅ,” ᐅᖃᓚᐅᖅᐳᖅ.
The students today taught in schools raises concern how Education and Credits is used in classes known as sociopath by few Teachers across remote communities. The actual Academic programs that actually should be taught in Classes:
A. English Grammar & Inuktitut
B. Mathematics
C. Science
D. Social Studies
E. Physic’s (gym classes Education)
F. Industrial Tech
These are basic’s that should actually be taught in classes, and certainly NOT full-time scale Aulajaaqtut program that is not relevant to students Education in classes! if students cannot learn these basics in classes this perhaps is part of the issues with certain individual Teachers!🎓