ᓄᓇᕕᖕᒥ ᐸᓖᓯᒃᑯᑦ ᐊᖓᔪᖅᑳᖓ ᐅᖃᓪᓚᒃᐳᖅ ᖁᑭᖅᓯᓂᖃᓚᐅᖅᑎᓪᓗᒍ

For the English version of this story, please see Nunavik police chief stresses healing, rebuilding trust in wake of Salluit shooting.

ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᖏᑦ ᐊᖓᔪᖅᑳᖓ ᔮᓐ−ᐱᐊᕆ ᓚᕉᔅ ᐅᖃᓚᐅᖅᐳᖅ ᓄᕕᐱᕆ 27−ᒥ “ᐊᒃᑐᖅᑕᐅᓯᒪᕐᔪᐊᖅᐳᖅ” ᑐᖁᓂᐅᔪᒥ ᐸᓖᓯᒃᑯᓐᓂ ᖁᑭᖅᓯᓂᐅᔪᒥ ᑕᖅᑭᐅᓚᐅᖅᑐᒥ ᐊᒻᒪ ᐊᓯᔾᔨᕐᓂᐅᔪᓂ ᐱᓕᕆᓯᒫᓂᒃᐳᑦ ᐱᓕᕆᓂᐅᔪᒥ ᐸᓖᓯᒃᑯᑦ ᑭᐅᓂᐊᕐᓂᖏᓐᓂ ᓯᕗᓂᒃᓴᒥ ᐹᖅᓯᓂᐅᔪᓂ.

ᓚᕉᔅ ᓯᕗᓪᓕᖅᐸᐅᔪᒥ ᐃᓄᓕᒫᓄᑦ ᐅᖃᐅᓯᒃᓴᓕᐊᕆᔭᖓᓂ ᑕᐃᒪᙵᓂ ᐅᓪᓛᕐᔪᐊᒃᑯᑦ ᐹᖅᓯᓂᐅᔪᒥ ᐃᓚᖃᖅᑐᒥ ᐸᓖᓯᒃᑯᓐᓂ ᐊᒻᒪ ᒪᕐᕉᖕᓂ ᓄᓇᖃᖅᑎᐅᔪᓂ ᓴᓪᓗᓂ ᓄᕕᐱᕆ 4−ᒥ ᕿᒪᐃᓚᐅᖅᑐᒥ ᔫᓴᐊ ᐸᐱᒐᑐᖕᒥ ᑐᖁᓪᓗᓂ ᐊᒻᒪ ᒪᕐᕈᓕᐊᖑᖃᑎᖓ, ᒑᓂᑦ ᐸᐱᒐᑐᒃ, ᐋᓐᓂᕐᔪᐊᖅᖢᓂ.

ᐃᑲᕐᕌᕐᔪᖕᓂ ᖁᑭᖅᓯᔪᖃᓚᐅᖅᑎᓪᓗᒍ, ᓂᙵᐅᒪᔪᓂ ᓄᓇᖃᖅᑎᐅᔪᓂ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᓚᐅᖅᐳᑦ ᓯᓚᑖᓂ ᓴᓪᓗᐃᑦ ᐸᓖᓯᒃᑯᓐᓂ ᑎᑎᕋᕐᕕᖓᓂ, ᐊᒻᒪ ᐊᓯᐊᓂ ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᓂᐅᔪᒥ ᖃᐅᑎᓪᓗᒍ ᑰᔾᔪᐊᕐᒥ ᐃᓚᖏᑦ ᐃᓄᐃᑦ ᑎᒍᒥᐊᖅᖢᑎᒃ ᓇᓗᓇᐃᒃᑯᑕᓂ ᐅᖃᖅᓯᒪᔪᒥ #ᒪᓕᒐᓕᕆᓂᕐᒥ ᔮᓱᐊᒧᑦ ᐊᒻᒪ #ᒪᓕᒐᓕᕆᓂᕐᒥ ᒪᕐᕈᓕᐊᓄᑦ.

Aᐊᓯᐊᓂnother ᓈᒻᒪᒃᓴᙱᓐᓂᕐᒥᓂᒃ ᑕᑯᒃᓴᐅᑎᑦᑎᓂᐅᔪᒥ ᐱᓱᖕᓂᐅᔪᒥ ᐸᕐᓇᒃᑕᐅᓯᒪᓚᐅᖅᐳᖅ ᓄᕕᐱᕆ 30−ᒥ ᒪᓐᑐᕆᐋᓪᒥ Westmount ᓴᓂᓕᖓᓂ.

“ᓇᖏᖅᐳᖓ ᐃᓕᔅᓯᓐᓄᑦ ᐅᓪᓗᒥ, ᐊᒃᑐᖅᑕᐅᕐᔪᐊᖅᓯᒪᓪᓗᖓ ᒫᓐᓇᓕᓇᐅᔪᒥ ᐱᓂᕐᓗᒡᔪᐊᕐᓂᐅᔪᒥ ᓴᔪᒃᑎᑦᑎᓯᒪᔪᒥ ᓄᓇᓕᐅᔪᒥ,” ᓚᕉᔅ ᐅᖃᓚᐅᖅᐳᖅ ᐱᓇᓱᐊᕈᓯᐅᓚᐅᖅᑐᒥ ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᓐᓂ ᑲᑎᒪᔨᓄᑦ ᑲᑎᒪᓂᐅᔪᒥ, ᐱᓕᕆᐊᖑᔪᒥ ᑰᔾᔪᐊᕐᒥ.

“ᐊᑕᐅᓯᕐᒥ ᑐᖁᓵᓕᓗᐊᕐᓂᐅᔪᒥ ᐊᑕᐅᓯᐅᓪᓗᓂ ᐅᓄᓗᐊᖅᐳᖅ, ᐊᒻᒪ ᐅᓪᓗᒥ ᐊᒡᔭᖅᓯᕗᒍᑦ ᐅᖁᒪᐃᓐᓂᖓᓂ ᐆᒥᖓ ᔭᒐᐃᓂᐅᔪᒥ ᑲᑎᙵᓪᓗᑕ.”

ᓯᕗᓂᐊᓂ ᓚᕉᔅ ᐅᖃᓪᓚᖕᓂᖓᓂ ᓄᕕᐱᕆ 27−ᒥ, ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᓐᓂ ᑲᑎᒪᔨᖏᑦ ᑲᑎᒪᓚᐅᖅᐳᑦ ᐅᐸᒃᑕᐅᓯᒪᔭᕆᐊᖃᕐᓇᑎᒃ ᐃᑲᕐᕋᓄᑦ ᒪᕐᕉᖕᓄᑦ ᐅᖃᐅᓯᖃᖅᖢᑎᒃ ᖁᑭᖅᑕᐅᓂᐅᔪᒥ ᐊᒻᒪ ᑭᖑᓂᖓᒍᑦ ᐊᖓᔪᖅᑳᖑᔪᒥ ᐊᒻᒪ ᐃᑲᔪᖅᑎᖏᓐᓂ.

ᓴᓪᓗᓂ ᑲᑎᒪᔨᐅᔪᓄᑦ ᑭᒡᒐᖅᑐᐃᔨᐅᔪᖅ ᐊᔭᐅᕆᕗᖅ ᐃᓄᓕᒫᓂ “ᐃᖅᑲᖅᑐᐃᕙᒌᖁᔨᙱᖦᖢᓂ ᖃᓄᐃᓕᖓᓂᐊᕐᓂᖓᓂ” ᓯᕗᓂᐊᓂ ᖃᐅᔨᓴᕐᓂᐅᔪᑦ ᖃᐅᔨᓴᖅᑐᓂ ᓄᕕᐱᕆ 4−ᒥ ᖃᓄᐃᓐᓂᐅᔪᒥ ᐱᔭᕇᓚᐅᙱᓐᓂᖓᓂ. (ᓴᑐᕆᒃ ᒐᓛᓐᑦ ᐊᔾᔨᖁᑎᖓ)

ᐃᓄᓕᒫᓄᑦ ᑲᑎᒪᓂᖅ ᑲᔪᓯᑎᓪᓗᒍ, ᓚᕉᔅ ᓇᓗᓇᐃᖅᓯᓚᐅᖅᐳᖅ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ ᐊᒻᒪ ᓄᓇᕕᖕᒥ ᐸᓖᓯᒃᑯᑦ ᐊᖏᖅᓯᒪᕗᑦ ᐃᓚᐅᖃᑕᐅᓂᖏᓐᓂ ᓄᓇᓕᖕᓂ, ᓈᓚᖕᓂᕐᒥ, ᐊᒻᒪ ᐃᓚᐅᖃᑕᐅᓂᕐᒥ ᒪᒥᓴᕐᓂᕐᒥ ᐱᓕᕆᓂᐅᔪᒥ ᓄᓇᕕᖕᒥᐅᓄᑦ.

“ᒪᒥᓴᕐᓂᖅ ᐊᑯᓂᐅᓲᖑᕗᖅ, ᐊᒻᒪ ᓴᓇᒃᑲᓐᓂᕐᓂᕐᒥ ᐅᒃᐱᕈᓱᖕᓂᖃᕐᓂᕐᒥ ᐊᑯᓂᐅᓂᖅᓴᒻᒪᕆᐅᓪᓗᓂ,” ᐅᖃᓚᐅᖅᐳᖅ.

“ᐊᖏᖅᓯᒪᕗᖓ ᓇᓗᓇᐃᖅᓯᓂᕐᒥ ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᖏᑦ ᐱᓕᕆᓂᖏᓐᓂ ᖃᓄᑐᐃᓐᓇᖅ ᐃᑲᔪᖅᓱᐃᓂᕐᒥ ᐆᒥᖓ ᓄᓇᓕᐅᔪᒥ ᑕᑯᒃᓴᐅᓂᖃᑦᑎᐊᕐᓗᓂ, ᓵᑕᐅᔪᒃᓴᐅᓂᐅᔪᓂ ᐊᒻᒪ ᐸᖅᑭᓂᕐᒥ.”

ᓚᕉᔅ ᐅᖃᓚᐅᖅᐳᖅ ᒪᕐᕉᖕᓂ ᑲᔪᓯᔪᓂ ᖃᐅᔨᓴᖅᑕᐅᓂᖃᖅᐳᖅ ᐱᔾᔪᑎᖃᖅᑐᒥ ᖁᑭᖅᓯᓂᐅᔪᒥ ᖃᓄᐃᓐᓂᐅᔪᒥ — ᐊᑕᐅᓯᐅᔪᒥ Bureau des enquêtes indépendantes, ᑯᐸᐃᖕᒥ ᐃᒻᒥᒃᑰᖅᑐᓂ ᐸᓖᓯᒃᑯᓐᓂ ᓇᐅᑦᑎᖅᓱᖅᑎᐅᔪᓂ ᐱᒡᒍᔾᔨᔨᓂ, ᐊᒻᒪ Sureté du Québec.

ᐅᖃᓚᐅᖅᐳᖅ ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᖏᑦ ᐊᑐᓕᖅᑎᑦᑎᓂᐊᖅᐳᑦ ᑕᒪᒃᑭᓂ ᐊᑐᓕᖁᔭᐅᔪᓂ ᐅᓂᒃᑳᓕᐊᑦ ᑐᓂᔭᐅᑐᐊᖅᐸᑕ.

“ᑐᑭᓯᐅᒪᕗᖓ ᐃᓄᐃᑦ ᐅᖃᖅᓯᒪᓂᖏᓐᓂ ᓴᙱᔪᓂ ᐅᖃᐅᓯᒃᓴᒥᓂ ᖃᓄᐃᓕᖓᓂᐅᔪᒥ ᐸᓖᓯᓕᕆᓂᕐᒥ ᓄᓇᕕᖕᒥ. ᑐᓴᖅᑕᒃᑲ,” ᓚᕉᔅ ᐅᖃᓚᐅᖅᐳᖅ. “ᓈᒻᒪᙱᔾᔪᑎᒃᓴᓂ, ᐱᓕᕆᓂᖃᑦᑎᐊᖅᑎᓪᓗᒍ, ᐱᕕᒃᓴᖃᕐᓂᐅᕗᖅ ᐱᕈᖅᓴᓂᕐᒧᑦ.”

ᐅᖃᓚᐅᖅᐳᖅ ᐱᓕᕆᓂᐅᔪᓂ ᐱᓕᕆᐊᖑᐊᓂᒃᐳᖅ ᒫᓐᓇᒨᖓᓕᖅᑎᑦᑎᓂᕐᒥ ᐊᒻᒪ ᐱᐅᓯᒋᐊᖅᑎᑦᑎᓂᕐᒥ ᐱᔨᑦᑎᕋᕐᓂᐅᔪᒥ, ᐃᓚᖃᖅᑐᒥ ᐃᓕᖅᑯᓯᒧᑦ ᐱᔪᓐᓇᕐᓂᐅᔪᒥ ᐱᓕᒻᒪᒃᓴᓂᐅᔪᒥ, ᐃᓕᓐᓂᐊᕐᓂᕐᒥ ᐅᓗᕆᐊᓇᙱᑎᑦᑎᒃᑲᓐᓂᕐᓂᐅᔪᒥ ᐹᖅᓯᓂᐅᔪᓂ, ᐊᒻᒪ ᓴᖅᑭᑎᑦᑎᓂᕐᒥ ᐱᓕᕆᖃᑎᒌᖕᓂᐅᔪᓂ ᐃᓄᓕᕆᔨᓂᑦ.

ᑲᖏᖅᓱᐊᓗᔾᔪᐊᕐᒥ ᑲᑎᒪᔨᓄᑦ ᑭᒡᒐᖅᑐᐃᔨ ᒫᒋ ᐃᒧᓪᓗᒃ, ᑕᓕᖅᐱᖕᒥ, ᐱᓕᕆᓕᒪᓂᖅᓴᐅᔪᓂ ᐸᓖᓯᓂ ᐊᒻᒪ ᐅᓄᕐᓂᖅᓴᐅᔪᓂ ᐃᓄᖕᓂ ᐃᓚᒋᔭᐅᔪᓂ ᓄᓇᕕᐅᑉ ᐸᓖᓯᒃᑯᓐᓂ ᐱᔨᑦᑎᕋᕐᓂᐅᔪᒥ. (ᓴᑐᕆᒃ ᒐᓛᓐᑦ ᐊᔾᔨᖁᑎᖓ)

“ᒪᑐᐃᖓᔪᒥ ᐅᖃᓪᓚᖕᓂᖃᕆᐊᖃᕐᓂᐊᖅᐳᑦ, ᑕᒪᒃᑭᓄᑦ ᐃᒃᐱᒍᓱᑦᑎᐊᕐᓂᖃᖅᑐᒥ ᐊᒻᒪ ᐊᑕᐅᑦᑎᒥᒃ ᑕᐅᑐᙳᐊᕐᓂᐅᔪᒥ ᓅᑉᐸᓪᓕᐊᓂᕐᒧᑦ ᐆᒪᙵᑦ ᐱᓂᕐᓗᒡᔪᐊᕐᓂᐅᔪᒥ,” ᓚᕉᔅ ᐅᖃᓚᐅᖅᐳᖅ.

ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᓐᓂ ᐃᒃᓯᕙᐅᑕᖓ ᕼᐃᐅᓪᑕ ᔅᓅᐹᓪ ᐅᖃᓪᓚᓚᐅᖅᐳᖅ ᐃᓄᒃᑎᑐᑦ “ᐱᐅᓂᖅᓴᐅᔪᒥ, ᖃᐅᒪᓂᖅᓴᐅᔪᒥ ᓯᕗᓂᒃᓴᖃᕈᒪᒍᑦᑕ, ᐱᓕᕆᖃᑎᖃᕈᒪᓇᔭᖅᐳᖓ ᓄᓇᓕᖕᓂ.”

ᐅᖃᓚᐅᖅᐳᖅ ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᓐᓂ, ᒪᑭᕝᕕᒃ ᑎᒥᖁᑕᐅᔪᑦ ᐊᒻᒪ ᓄᓇᕕᖕᒥ ᒪᐃᔭᐅᔪᑦ ᓴᖅᑭᑎᑦᑎᓂᐊᖅᐳᑦ ᑲᑎᒪᔨᕋᓛᖑᔪᓂ ᐱᓕᕆᐊᒃᓴᖃᖅᑐᒥ ᑭᐅᓂᕐᒥ ᐃᓄᓕᒫᓄᑦ ᐊᑦᑕᓇᔾᔭᐃᖅᓯᓯᒪᓂᕐᒥ ᐊᒻᒪ ᕿᒥᕐᕈᓗᑎᒃ “ᑕᒪᒃᑭᐅᒪᔪᒥ ᐊᖏᓂᖓᓂ ᐸᓖᓯᓕᕆᓂᕐᒥ ᐱᔨᑦᑎᕋᕐᓂᐅᔪᒥ.”

“ᐊᔭᐅᕆᕙᔅᓯ, ᐅᕙᑦᑐᑦ, ᐊᔭᐅᕇᓐᓇᕐᓂᕐᒥ, ᑭᓯᐊᓂ ᐃᖅᑲᖅᑐᖅᐸᒌᖅᓯᙱᓪᓗᓯ ᖃᓄᐃᓕᖓᓂᐊᕐᓂᖓᓂ,” ᓴᓪᓗᓂ ᑲᑎᒪᔨᓄᑦ ᑭᒡᒐᖅᑐᐃᔨᐅᔪᒥ ᓯᑏᕙᓐ ᒍᕌᓱᕐ ᐅᖃᓚᐅᖅᐳᖅ ᑕᐃᑲᓂ ᑲᑎᒪᓂᐅᔪᒥ. “ᖃᐅᔨᒪᙱᓚᒍᑦ ᐅᓇ ᓇᒧᙵᐅᓂᐊᕐᓂᖓᓂ.”

“ᐱᒻᒪᕆᐅᕗᖅ ᐱᓕᕆᓗᑕ ᓱᓕᓂᐅᔪᓂ,” ᒍᕌᓱᕐ ᐃᓚᒋᐊᖅᓯᓚᐅᖅᐳᖅ. “ᖃᐅᔨᒪᕗᖓ ᓂᙵᐅᒪᓂᑦᑎᓐᓂ, ᐊᒻᒪ ᐃᓱᒪᕗᖓ ᓂᙵᐅᒪᓂᖅ ᐱᐅᓂᖓᓂ ᐃᓕᓯᓂᐊᕈᓂ ᐊᖅᑯᒻᒧᑦ ᐋᖅᑭᒃᓯᓂᕐᒥ ᐊᑲᐅᙱᓕᐅᕈᑕᐅᔪᒥ.”

ᑲᖏᖅᓱᐊᓗᔾᔪᐊᖅ ᑭᒡᒐᖅᑐᐃᔨᐅᔪᖅ ᒫᒋ ᐃᒧᓪᓗᒃ ᐅᖃᓚᐅᖅᐳᖅ ᐃᓄᒃᑎᑐᑦ ᑕᕝᕙᑐᖅ ᐅᓄᕐᓂᖅᓴᓂ ᐃᓄᖕᓂ ᐸᓖᓯᑕᖃᕐᓕ, ᐊᒻᒪ ᓇᓗᓇᐃᖅᓯᓚᐅᖅᐳᖅ ᐸᓖᓯᓕᕆᓂᕐᒥ ᐊᔪᕐᓇᖅᑐᐊᓘᓪᓗᓂ ᐃᖅᑲᓇᐃᔮᖑᕗᖅ.

“ᓯᕗᒻᒧᑦ ᐊᓪᓗᕆᐊᖃᕐᓂᐊᖅᐳᒍᑦ, ᐱᓂᕐᒥ ᑲᒪᒋᔭᕆᐊᖃᕐᓂᐅᔪᒥ ᐸᓖᓯᓕᕆᓂᕐᒥ ᐱᔨᑦᑎᕋᕐᓂᕐᓄᑦ,” ᐅᖃᓚᐅᖅᐳᖅ, ᑎᒃᑯᐊᕆᓪᓗᓂ ᐊᓪᓚᓄᖅ ᓄᓇᓕᐅᔪᓄᑦ ᐊᓯᖏᓐᓂ ᐊᕕᒃᑐᖅᓯᒪᓂᐅᔪᓂ ᓇᖕᒥᓂᖅ ᓄᓇᓕᖕᓂ ᓄᓇᖃᖅᑳᖅᓯᒪᔪᓂ ᐸᓖᓯᒃᑯᓐᓂ ᐱᔨᑦᑎᕋᖅᑎᖃᖅᑐᓂ.

ᐃᒧᓪᓗᒃ ᐅᔾᔨᕆᓚᐅᖅᐳᖅ ᐊᒥᓱᓂ ᐸᓖᓯᐅᔪᓂ ᐃᖅᑲᓇᐃᔭᖅᑎᑕᐅᔪᓂ ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᖏᓐᓂᑦ ᒪᒃᑯᒃᑑᕗᑦ ᐊᒻᒪ “ᖃᐅᔨᒪᙱᑦᑎᐊᖅᐳᑦ ᑭᓴᐅᓂᑦᑎᓐᓂ ᐃᓅᓪᓗᑕ, ᐊᒻᒪ ᐊᑐᓕᖅᑎᑦᑎᕗᑦ ᖃᓪᓗᓈᑦ ᓄᓇᖓᓐᓂ ᐸᓖᓯᓕᕆᓂᐅᔪᒥ ᓄᖅᑲᖅᑎᑦᑎᓂᐅᔪᓂ ᐊᒻᒪ ᑕᒫᓂ ᐊᑐᖅᑕᐅᑎᑕᐅᖃᑦᑕᖅᐳᑦ.”