ᓄᓇᕕᖕᒥ ᐊᕐᓇᓄᑦ ᑐᖁᓂᖏᓐᓂ ᐱᒋᐊᖅᑎᑦᑎᕗᖅ ᐃᓕᓯᓂᕐᒥ ᐃᓄᒃᑎᑐᑦ ᐊᖅᑯᒻᒥ ᓇᓗᓇᐃᒃᑯᑕᓂ

ᒪᓕᒃᑐᒥ ᒪᕐᕉᔪᓂ ᐃᓅᔪᓐᓃᕐᓂᐅᔪᓂ ᒪᕐᕉᖕᓂ ᓄᓇᕕᖕᒥ ᐊᕐᓇᓂ ᒪᓐᑐᕆᐋᓪ−ᐃᓂᖓᓂ ᐊᖅᑯᑎᑯᑖᖏᓐᓂ ᐊᕐᕌᓂᐅᓚᐅᖅᑐᒥ, ᐃᓄᒃᑎᑐᑦ−ᐅᖃᐅᓯᕐᒥ ᐊᖅᑯᑎᐅᑉ ᓴᓂᐊᓂ ᓇᓗᓇᐃᒃᑯᑕᓂ ᐃᓕᔭᐅᓯᒪᔪᖃᓕᖅᐳᖅ ᓂᕆᐅᖕᓂᕐᒥ ᐃᓄᐃᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓛᖅᑎᐅᔪᓂ ᐊᑦᑕᓇᖅᑐᒦᙱᓐᓂᖅᓴᐅᔪᓐᓇᕐᓂᖓᓂ ᖃᓂᒋᔭᖓᓂ ᑐᔪᕐᒥᕕᖓᓂ.

ᐋᒍᔅᑎ 2022−ᒥ, ᒪᕐᕉᖕᓂ ᐊᕐᓇᓂ ᓄᓇᕕᖕᒥ ᐊᐳᖅᑕᐅᓚᐅᖅᐳᑦ ᐊᓯᐊᒎᖅᑐᓂ ᖃᓄᐃᓐᓂᐅᔪᓂ ᐃᖏᕐᕋᐃᓐᓇᖅᐸᒃᑐᓂ ᐊᖅᑯᑎᑯᑖᓂ ᑐᐊᕚᓪ, ᑯᐸᐃᖕᒥ, ᖃᓂᒋᔭᖓᓂ ᒪᓐᑐᕆᐋᓪ−ᑐᕉᑑ ᓄᓇᕐᔪᐊᒥ ᒥᑦᑕᕐᕕᖓᓂ.

ᒥᐊᕆ−ᔭᐃᓐ ᑐᓗᒐᖅ ᐳᔭᖕᓂᖅᑑᕐᒥᐅᑕᖅ, ᐊᒻᒪ ᓇᓕ ᓂᕕᐊᖅᓯ ᐅᒥᐅᔭᕐᒥᐅᑕᖅ, ᑕᒪᒃᑭᑦ ᐋᓐᓂᐊᕕᓕᐊᖅᑐᓄᑦ ᐊᐅᓪᓛᖅᑎᐅᓚᐅᖅᐳᑦ ᑐᔪᕐᒥᓪᓗᑎᒃ ᐅᓪᓕᕕᖕᒥ, ᐋᓐᓂᐊᕕᓕᐊᖅᑐᓄᑦ ᑐᔪᕐᒥᕕᐅᔪᒥ ᓄᓇᕕᖕᒥ.

ᓄᑖᖑᔪᑦ ᐃᓄᒃᑎᑐᑦ ᓇᓗᓇᐃᒃᑯᑕᖏᑦ, ᐅᐃᕖᑎᑑᕐᒥᔪᑦ ᐊᒻᒪ ᖃᓪᓗᓈᑎᑐᑦ, ᐃᓕᔭᐅᓯᒪᕗᑦ ᐃᓂᐅᔪᒥ ᑕᐅᕙᓂ ᐅᓪᓕᕕᖕᒥ ᐊᒻᒪᓗᑦᑕᐅᖅ ᐃᓚᖏᓐᓂ ᐊᖏᔪᓂ ᐃᖏᕐᕋᓂᕐᒧᑦ ᐊᒻᒪ ᓂᐅᕕᕐᕕᒐᓚᖕᓂ ᐅᐸᒃᑕᐅᕙᒃᑐᓂ ᐃᓂᐅᔪᒥ, ᐅᖃᐅᓯᐅᓪᓗᓂ ᓄᓇᓕᐸᐅᔭᕐᒥ ᑐᐊᕚᓪ ᑐᓴᒐᒃᓴᓕᐊᖑᒧᒥ ᐱᓇᓱᐊᕈᓯᐅᓚᐅᖅᑐᒥ.

“ᐊᖏᖅᓯᒪᓂᓕᐅᓚᐅᖅᐳᖓ ᑐᑭᒧᐊᒃᑎᑦᑎᔨᑦᑎᓐᓂ ᓇᓂᓯᓇᓱᐊᕐᓂᕐᒥ ᑐᓂᓯᓂᕐᒥ ᐊᑦᑕᓇᙱᑦᑐᒥ ᐊᒻᒪ ᐅᐸᒃᑕᐅᑦᑕᐃᓕᒪᓂᐅᔪᒥ ᐃᓂᐅᔪᒥ ᑕᐅᕙᓂ ᑐᔪᕐᒥᔪᓂ ᐅᓪᓕᕕᖕᒥ ᐃᒡᓗᖁᑎᖓᓐᓂ ᐃᖏᕐᕋᓂᕐᒧᑦ ᑕᐃᑯᖓ ᐊᒻᒪ ᐅᑎᒧᑦ ᐅᕙᙵᑦ ᐅᓪᓕᕕᖕᒥ, ᑐᐊᕚᓪ EXO-STM ᖃᖓᑕᓲᖃᕐᕕᖓᓂ, ᐊᒻᒪᓗ ᓂᐅᕕᕐᕕᒐᓚᖕᓂ ᐅᐸᒃᑕᐅᕙᒃᑐᓂ ᑐᐊᕚᓪ ᐊᖅᑯᑎᖓᓐᓂ,” ᑐᐊᕚᓪ ᒪᐃᔭᖓ ᒫᒃ ᑐᐊᕋᑦ ᐅᖃᓚᐅᖅᐳᖅ ᑐᓴᒐᒃᓴᓕᐊᖓᓐᓂ.

“ᑕᐃᒪᐃᓚᐅᖅᐳᒍᑦ ᓄᓇᓕᖕᓂ ᑭᒡᓕᐅᔪᒥ ᓇᓗᓇᐃᖅᓯᓂᕐᒧᑦ ᐊᑦᑕᓇᔾᔭᐃᖅᓯᓯᒪᓂᕐᒥ ᑕᒪᒃᑭᓂ ᐃᓚᒋᔭᐅᔪᓂ ᓄᓇᓕᑦᑎᓐᓂ ᐊᒻᒪᓗ ᓄᖅᑲᖅᑎᑦᑎᓂᕐᒥ ᑐᖁᑎᑦᑎᓂᐅᔪᓂ ᐱᕐᕈᓗᐊᕿᓂᐅᔪᓂ ᑕᐃᒃᑯᓇᑎᑐᑦ ᐃᓅᔪᓐᓃᖅᑎᑦᑎᓚᐅᖅᑐᓂ ᒥᐊᕆ−ᔭᐃᓐ ᐊᒻᒪ ᓇᓕᒥ.”

ᐊᕐᓇᐃᑦ ᑐᖁᓂᖃᓚᐅᖅᐳᑦ ᐅᓪᓗᕐᒥ ᒥᑭᓐᓂᖅᓴᐅᔪᒥ ᑭᓯᐊᓂ ᑲᑎᙵᓂᖃᙱᖦᖢᑎᒃ, ᑯᐸᐃᖕᒥ ᐊᕕᒃᑐᖅᓯᒪᓂᐅᔪᒥ ᐸᓖᓯᒃᑯᑦ ᐅᖃᓚᐅᖅᐳᑦ.

ᐸᓖᓯᒃᑯᑦ ᐃᓱᒪᓕᐅᕆᓚᐅᖅᐳᑦ ᑐᖁᓂᐅᔪᑦ ᐱᕐᕈᓗᐊᕿᓂᐅᓂᖏᓐᓂ ᐊᒻᒪ ᐊᖁᑎᓂ ᐃᖅᑲᖅᑐᒐᒃᓴᙳᖅᑐᖃᓚᐅᙱᓚᖅ. ᑐᖁᖓᔪᓕᕆᔨᒥ ᖃᐅᔨᓴᖅᑕᐅᓂᖓᓂ ᐱᒋᐊᖅᑎᑕᐅᓚᐅᖅᐳᖅ ᑭᖑᓂᑦᑎᐊᖓᓂ.

ᐊᕐᕌᓂ, ᓄᓇᕕᖕᒥ ᐊᕕᒃᑐᖅᓯᒪᓂᐅᔪᒥ ᑲᑎᒪᔨᐅᔪᓂ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᔨᒃᑯᓐᓂ ᐅᖃᖅᑎᐅᔪᒥ ᐅᖃᓚᐅᖅᐳᖅ 6−ᓗᐊᓂ ᐊᖅᑯᒻᒥ-ᐱᔾᔪᑎᓕᖕᓂ ᖃᓄᐃᓐᓂᖃᖅᓯᒪᕗᖅ ᑕᐅᕙᓂ ᐃᓂᐅᔪᒥ ᐅᓪᓕᕕᖕᒥ ᑕᐃᒪᙵᓂ ᑐᔪᕐᒥᕕᒃ ᒪᑐᐃᓚᐅᕐᓂᖓᓂ 2016−ᒥ.

ᑐᐊᕚᓪ ᐸᕐᓇᒃᑭᕗᑦ ᑐᓂᐅᖅᑲᐃᓂᐊᕐᓂᖓᓂ ᖃᐅᒪᕙᒃᑐᓂ ᐅᓐᓄᐊᒃᑯᑦ ᓇᖕᒪᒐᖕᓂ ᐊᓯᐊᒍᑦ ᐱᓕᕆᔾᔪᑕᐅᒃᑲᓐᓂᕐᓗᓂ ᓇᓗᓇᐃᖅᓯᓂᕐᒧᑦ ᐱᓱᒃᑐᑦ ᐊᑦᑕᓇᔾᔭᐃᖅᓯᓯᒪᓂᖏᓐᓂ ᐅᓐᓄᐊᒃᑯᑦ.

“ᐅᕙᑦᑎᓐᓄᑦ, ᐱᒻᒪᕆᐅᕗᖅ ᐊᓪᓚᕝᕕᓕᕆᔨᐅᓪᓗᑕ ᐊᒻᒪ ᑐᙵᕕᖃᖅᑐᒥ ᐱᔪᒪᔭᐅᓂᐅᔪᓂ ᓄᓇᓕᖕᓂ ᑲᑎᒪᔨᖏᓐᓂ, ᐱᓕᕆᓂᑦᑎᓐᓂ ᐱᔭᕆᐊᓕᖕᓂ ᖃᓄᐃᓕᐅᕈᑕᐅᔪᓂ ᓇᓗᓇᐃᖅᓯᓂᕐᒥ ᑕᐃᒪᐃᑦᑐᓂ ᐱᓂᕐᓗᒡᔪᐊᕐᓂᐅᔪᓂ ᑕᐃᒪᐃᒃᑲᓐᓂᔾᔮᙱᓐᓂᖓᓂ,” ᐅᖃᓚᐅᖅᐳᖅ ᒫᒃ ᕉᓘ, ᓄᓇᓕᐸᐅᔭᐅᑉ ᑐᑭᒧᐊᒃᑎᑦᑎᔨᖓ.

“ᐅᐱᒍᓱᒃᐳᖓ ᐊᔾᔨᒌᙱᑦᑐᓂ ᓄᓇᓕᐸᐅᔭᖅ ᑐᐊᕚᓪᒥ ᑲᑎᙵᓂᐅᔪᓂ ᖃᓂᑦᑐᒥ ᐱᓕᕆᖃᑎᖃᕐᓂᖏᓐᓂ ᓴᓂᓕᐊᓂ ᓄᓇᓕᖕᓂ ᐱᓕᕆᖃᑎᒋᔭᑦᑎᓐᓂ ᐃᓕᓯᓂᕐᒧᑦ ᐱᓕᕆᓂᐅᔪᓂ ᓴᐳᔾᔨᔪᓐᓇᑐᐃᓐᓇᕆᐊᓕᖕᒥ ᐃᓅᓯᐅᔪᓂ.”