‘ᐅᓇ ᐃᓅᓯᕐᒧᑦ ᐅᕝᕙᓘᓐᓃᑦ ᑐᖁᓂᕐᒧᑦ’: ᓄᓇᕕᒃᒥ ᓯᕗᓕᐅᕐᑎᑦ ᐱᖏᖕᓇᖅᑐᓕᕆᓂᕐᒥᒃ ᐱᐅᓯᕚᓪᓕᕈᑎᒃᓴᖅᓯᐅᕐᑐᑦ

ᐃᓚᐅᔪᑦ ᓄᓇᕕᒃᒥ ᓄᓇᓕᖕᓂᙶᖅᑐᓂᒃ ᑲᑎᓚᐅᕐᑐᑦ ᒪᓐᑐᕆᐊᒥᓐ, ᐅᖃᐅᓯᖃᕆᐊᖅᑐᖅᖢᑎᒃ ᖃᓄᐃᓕᐅᕈᑎᐅᔭᕆᐊᖃᖅᐸᒃᑐᓂᒃ ᐊᒻᒪ ᖃᓄᖅ ᐱᐅᓯᕚᓪᓕᕈᓐᓇᕐᒪᖔᑕ

ᐃᓄᒃᔪᐊᒃᒥ ᐱᙱᖕᓇᖅᑐᓕᕆᓂᕐᒥᒃ ᐱᓕᕆᐊᖃᖅᑐᑦ ᓴᖅᑭᔮᖅᑐᑦ ᐅᕙᓂ 2019ᒥ ᐊᔾᔨᓕᐅᒐᕐᒥᓐ. ᑭᒡᒐᖅᑐᐃᔪᑦ ᓄᓇᕕᒃᒥ ᓄᓇᓕᖕᓂ ᓄᑖᓂ ᐱᙱᖕᓇᖅᑐᓕᕆᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᐅᖃᐅᓯᖃᑲᑕᖕᓂᐊᖅᑐᑦ ᒪᓐᑐᕆᐊᒥᑦ ᑕᒪᑐᒪᓂ ᑕᖅᑭᒥᓐ. (ᐊᔾᔨᙳᐊᖁᑎᖓ ᔮᓂ ᑲᓱᓪᓗᐊᒃ)

By ᔨᐊᕝ ᐱᐊᑦᓯᐄ
ᓄᓇᓕᖕᓂ ᑐᓴᒐᒃᓴᓕᐅᕐᑎᐅᓂᕐᒧᑦ ᐱᓕᕆᐊᒃᓴᓄᑦ ᑐᓴᒐᒃᓴᓕᐅᕐᑎ

ᓯᕗᓕᐅᕐᑎᑦ ᓄᓇᕕᒃ 14 ᓄᓇᓕᖏᓐᓂᒃ ᐅᖃᐅᓯᖃᕐᓂᐊᖅᑐᑦ ᖃᓄᖅ ᐱᐅᓂᖅᐹᒃᑯᑦ ᐱᓕᕆᔾᔪᓯᕐᓂᒃ ᐊᒻᒪᓗ ᐱᖏᖕᓇᖅᑐᓕᕆᓂᕐᒧᑦ ᖃᓄᐃᓕᐅᕈᑎᒃᓴᓂᒃ ᑕᒫᓂ ᐅᓪᓗᓂᒃ ᐱᖓᓱᓂᒃ ᑲᑎᒪᑎᓪᓗᒋ ᒪᓐᑐᕆᐊᒥ ᑕᒪᑐᒪᓂ ᑕᖅᑭᒥᓐ.

ᒍᕆᒡ ᓕᒑᑦ, ᑲᑎᕕᒃ ᓄᓇᓕᓕᒫᑦ ᒐᕙᒪᒃᑯᑦ ᑐᑭᒧᐊᖅᑎᖓᑦ ᓇᐅᑦᑎᕐᓱᕈᑎᓄᑦ ᑐᓴᖅᑎᑦᑎᓚᐅᕐᑐᑦ ᑲᑎᒪᓂᕐᔪᐊᕐᒥᓐ ᐱᓇᓱᐊᕈᓯᐅᓚᐅᕐᑐᒥᒃ ᐊᕕᒃᑐᖅᓯᒪᓂᒃᑯᑦ ᑲᑎᒪᑎᓪᓗᒋᑦ ᑰᔾᔪᐊᖅᒥᓐ. ᑲᑎᒪᓂᒃᓴᖅ ᐱᒋᐊᕐᓂᐊᖅᑐᖅ ᑎᓯᐱᕆ 11ᒥ 13ᒧ.

“ᐱᔾᔪᑎᖃᖅᑐᖅ ᖃᓄᐃᓕᐅᕈᑎᐅᓯᒪᔪᕕᓂᕐᓂᒃ ᐃᓱᒪᓂᕐᒥᒃ, ᐅᖃᐅᓯᖃᑲᑕᖕᓂᕐᒥᒃ ᖃᓄᖅ ᐱᐅᓂᖅᐹᓂᒃ ᐱᓕᕆᐊᖃᕈᓐᓇᕐᓂᖏᓐᓂᒃ ᐊᒻᒪᓗ ᐊᒃᓱᕈᕈᑎᐅᕙᒃᑐᓂᒃ ᒫᓐᓇ ᓵᙵᔭᐅᔪᓂᒃ ᐊᒻᒪᓗ ᐋᖅᑭᒃᓯᓇᓱᒡᓗᑎᒃ ᐱᓕᕆᐊᑎᒍᑦ ᖃᓄᐃᓕᐅᕋᓱᖕᒪᖔᑕ,” ᓕᓐᒑᑦ ᐅᖃᓚᐅᕐᑐᖅ.

“ᐅᓇ ᖃᓄᐃᓕᐅᕈᓘᔭᕐᓇᖅᑐᖅ ᐱᓕᕆᐊᒃᓴᖅ, ᑕᒪᐃᓐᓄᓪᓗ ᐱᒻᒪᕆᐊᓗᒋᔭᐅᓪᓗᓂ; ᐅᓇ ᐃᓅᓯᕐᒧᑦ ᐅᕝᕙᓘᓐᓃᑦ ᑐᖁᓂᕐᒨᖓᖕᒪᑦ ᐃᓚᖏᓐᓄᑦ ᓄᓇᖃᑎᑦᑎᓐᓄᑦ.”

ᓕᓐᒑᑦ ᐅᖃᓚᐅᕐᑐᖅ ᑕᒪᒃᑯᐊ ᐱᖏᖕᓇᖅᑐᓕᕆᓂᕐᒧᑦ ᐊᑐᐊᒐᐃᑦ ᐊᔾᔨᒌᙱᑦᑑᑎᐅᖕᒪᑕ ᓄᓇᓕᖕᓂᑦ. ᓱᕐᓗ, ᐃᓚᖏᑦ ᓄᓇᓖᑦ ᑲᓇᑕᒥ ᐅᓇᑕᖅᑐᒃᓴᙳᐊᓂᒃ ᐸᓖᓯᓂᒡᓘᓐᓃᑦ ᖃᐅᔨᑎᑦᑎᓇᔭᕐᑐᑦ, ᐊᒻᒪᓗ ᐊᓯᖏᑦ ᓄᓇᓕᖕᓂ ᐋᖅᑭᒃᓱᐃᓗᑎᒃ ᐱᖏᖕᓇᖅᑐᖃᖅᐸᑦ ᖃᓄᐃᓕᐅᕈᑎᐅᓇᔭᕐᑐᓂᒃ.

ᓄᓇᕕᒃᒥ ᐊᑕᐅᓯᑦᑕᐃᓐᓇᕐᒥᒃ ᐊᒻᒪ ᑲᑐᔾᔨᓂᒃᑯᑦ ᐱᖏᖕᓇᖅᑐᓕᕆᓂᕐᒧᑦ ᐱᑕᖃᙱᒻᒪᑦ, ᓂᓐᒑᑦ ᐅᖃᕐᑐᖅ.

“ᑕᒪᓐᓇ ᐃᓱᒪᓕᐅᕈᑎᓪᓚᕆᐅᒪᐅᕐᓯᒪᙱᒻᒪᑦ ᐊᖏᖃᑎᒌᒍᑎᐅᓗᓂᓘᓐᓃᑦ ᐃᓚᖏᓐᓄᑦ ᓄᓇᓕᖕᓂ ᒐᕙᒪᐅᔪᓄᑦ ᐅᕝᕙᓘᓐᓃᑦ ᐃᓱᒪᒋᔭᐅᓂᒃᑯᑦ,” ᓕᓐᒑ ᐅᖃᕐᑐᖅ.

“ᖃᐅᔨᒪᙱᑦᑐᖓ ᐊᔪᕐᓇᙱᑦᑕᕆᐊᒃᓴᖓᓂᒃ ᐊᖏᖃᑎᒌᒍᑎᐅᓇᔭᕐᑐᒥᒃ ᑕᒪᐃᓐᓄᑦ ᑕᒪᓐᓇ ᐱᑐᐃᓐᓇᐅᙱᓗᐊᖅᑎᓪᓗᒍ ᐊᒻᒪ ᐃᓱᒪᒋᔭᐅᓂᖓ ᐊᔾᔨᒌᙱᓗᐊᖅᑎᓪᓗᒍ.”

ᑕᒪᑐᒧᖓ ᐊᖏᖃᑎᒌᒃᑎᑦᑎᓇᓱᒡᓗᓂ ᓕᓐᒑᑦ ᐅᖃᓚᐅᕐᑐᖅ ᑖᒃᑯᐊ ᐊᓯᖔᖏᓐᓂᒃ ᐅᖃᓪᓚᒋᐊᖅᑐᖅᑐᖃᖃᑦᑕᕐᓂᐊᖅᑐᖅ. ᐅᑯᓇᙶᖅᑐᓂᒃ, ᐱᕐᕈᓗᐊᕿᑎᑦᑎᑦᑕᐃᓕᓂᕐᒧᑦ ᑭᒡᒐᖅᑐᐃᔨᓂᒃ ᒐᕙᒪᑐᖃᒃᑯᓐᓂᙶᖅᑐᓂᒃ ᐊᒻᒪᓗ ᐳᕌᕕᓐᓯᐅᔪᑦ ᒐᕙᒪᖏᓐᓂᒃ ᐊᒻᒪᓗ ᑭᒡᒐᖅᑐᐃᔨᑕᖃᕐᓗᓂ ᑲᓇᑕᒥ ᐅᓇᑕᖅᑐᒃᓴᓂᒃ, ᑯᐸᐃᒃᒥ ᐸᓖᓯᒃᑯᓐᓂᒃ ᐊᒻᒪᓗ ᑲᓇᑕᐅᑉ ᓯᒡᔭᖏᓐᓂᒃ ᓴᐳᓐᓂᐊᖅᑎᒃᑯᓐᓂᒃ.

ᓕᓐᒑᑦ ᐅᖃᓚᐅᕐᑐᖅ ᐃᓱᒪᓂᕋᖅᖢᓂ ᑕᒪᕐᒥᒃ ᐃᓚᐅᔪᑦ ᐱᕕᖃᕐᓂᐊᕐᓂᖏᓐᓂᒃ ᖃᓄᐃᓕᐅᕈᑎᐅᔪᓂᒃ ᓄᓇᖏᓐᓂᒃ ᐅᖃᐅᓯᖃᕈᓐᓇᕐᓗᑎᒃ ᐊᒻᒪᓗ ᖃᓄᖅ ᐱᓕᕆᐊᖃᕈᓐᓇᕐᓂᖏᓐᓂᒃ.

“ᒫᓐᓇ ᑕᒪᑐᒥᖓ ᐃᓱᒪᒋᔭᖃᕆᐊᖃᕋᑦᑕ ᐊᒻᒪ ᐅᖃᕈᓐᓇᕐᓗᑕ, ‘ᖃᓄᐃᓕᐅᕐᓂᑦᑎᓐᓂᒃ ᐊᒻᒪ ᖃᓄᖅ ᐱᐅᓯᕚᓪᓕᕈᓐᓇᖅᐸᑦ?” ᓕᓐᒑᑦ ᐅᖃᕐᑐᖅ.

“ᐅᖃᕈᓐᓇᙱᑦᑐᖓ ᖃᓄᐃᓕᐅᕐᓂᐊᕐᒪᖔᑕ ᑭᓯᐊᓂᓕ ᓂᕆᐅᒻᒪᕆᒃᑐᖓ ᐅᖃᐅᓯᐅᑲᑕᖕᓂᐊᖅᑐᓂᒃ. ᐊᔪᙱᑦᑎᐊᖅᑐᓂᒃ ᐃᓄᖕᓂ ᐃᓚᐅᔪᖃᐅᕐᓂᐊᕐᒪᑕ ᑕᕝᕙᓂ.”

Share This Story

(0) Comments