ᓄᓇᕗᒻᒥ ᐊᓈᓇᐅᔪᒥ ᐱᕗᖅ ᐃᓅᓯᓕᒫᒥ ᐃᖅᑲᖅᑐᖅᑕᐅᓂᖓᓂ 2016−ᒥ ‘ᐊᑭᒋᐊᕐᓂᕐᒧᑦ’ ᑐᖂᑦᑎᓂᐅᔪᒥ ᓱᕈᓯᕐᒥ
ᐊᕐᓇᖅ ᐱᕗᖅ ᒪᕐᕉᖕᓂ ᖄᒃᑲᓐᓂᐊᒍᑦ ᐊᕐᕌᒍᓂ−10-ᓂ ᐃᖅᑲᖅᑐᖅᑕᐅᓂᐅᔪᒥ ᐃᓄᐊᖅᓯᓇᓱᐊᕐᓂᐅᔪᒥ ᐊᓯᖏᓐᓂ ᒪᕐᕉᖕᓂ ᕿᑐᕐᙵᖏᓐᓂ
ᓄᓇᕗᒻᒥ ᐊᕐᓇᒥᒃ ᐃᖅᑲᖅᑐᖅᑕᐅᓚᐅᖅᐳᖅ ᑎᓯᐱᕆ 13−ᒥ ᐊᓄᓪᓚᒃᓯᕐᓂᕐᒥ ᐃᓅᓯᓕᒫᖓᓐᓂ ᐱᕕᒃᓴᖃᙱᓪᓗᓂ ᐊᓂᓵᓕᓂᐅᔪᒥ ᐊᓄᓪᓚᒃᓰᕕᖕᒥ ᒪᓕᒋᐊᓕᖃᐅᖅᖢᓂ ᐊᕐᕌᒍᓄᑦ 15−ᓄᑦ, ᐅᕙᙶᖅᑐᒥ ᐃᓄᐊᖅᓯᓂᐅᔪᒥ ᐊᑕᐅᓯᐅᔪᒥ ᕿᑐᕐᙵᖏᓐᓂ. (ᑐᓴᒐᒃᓴᓕᕆᔨᒃᑯᑦ ᐊᔾᔨᖁᑎᖓ)
For English version, see Nunavut mother gets life sentence for 2016 ‘revenge’ killing of child
ᓄᓇᕗᒻᒥ ᐃᖅᑲᖅᑐᐃᔨᐅᔪᒥ ᐅᓂᒃᑳᕆᓚᐅᖅᐳᖅ ᐊᕐᓇᐅᑉ ᖃᓄᐃᓕᐅᕐᓂᖓᓂ “ᐊᑭᒋᐊᕐᓂᕐᒧᑦ ᕿᑐᕐᙵᒥᓂᒃ ᐃᓄᐊᖅᓯᓂᐅᔪᒥ” ᑐᓂᔭᐅᓚᐅᖅᑎᓪᓗᒍ ᐃᓅᓯᓕᒫᖓᓐᓂ ᐊᓄᓪᓚᒃᓯᖅᑕᐅᓂᕐᒥ ᑐᖂᑦᑎᓂᐅᔪᒥ ᓱᕈᓯᕐᒥ.
ᐊᕐᓇᖅ ᐃᖅᑲᖅᑐᖅᑕᐅᓚᐅᖅᐳᖅ ᐊᕐᕌᓂ ᐸᕐᓇᐅᑎᒋᓯᒪᓇᒍ ᓯᕗᕌᒍᑦ ᐃᓄᐊᖅᓯᓂᕐᒥ of ᐅᑭᐅᓕᖕᒥ-6-ᓂ ᐸᓂᖓᓂ ᐊᒻᒪ ᐃᓄᐊᖅᓯᓇᓱᐊᕐᓂᐅᔪᒥ ᒪᕐᕉᖕᓂ ᐃᕐᓂᖏᓐᓂ — ᐅᑭᐅᓕᖕᒥ-ᑎᓴᒪᓂ ᐊᖑᒻᒥ ᐊᒻᒪ ᑕᖅᑭᓂ−ᑎᓴᒪᓂ-ᐅᑭᐅᓕᖕᒥ ᐊᖑᒻᒥ.
ᐊᕐᓇᐅᑉ ᐊᑎᖓ, ᐊᒻᒪᓗᑦᑕᐅᖅ ᐊᑎᖏᓐᓂ ᕿᑐᕐᙱᖓᑕ ᐊᒻᒪ ᐊᑖᑕᒋᔭᐅᔪᒥ, ᒪᓕᖕᓂᖃᖅᐳᑦ ᐃᖅᑲᖅᑐᐃᕕᖕᒥ-ᑎᓕᔭᐅᔪᒥᓴᖅᑭᑎᑕᐅᓂᖓᓂ ᓄᖅᑲᖅᑎᑦᑎᓯᒪᔪᒥ.
ᐃᖅᑲᖅᑐᐃᕕᖕᒥ ᑎᓯᐱᕆ 13−ᒥ, ᐃᖅᑲᖅᑐᐃᔨ ᓲᓴᓐ ᓵᕈᔅᕘᑦ ᐅᓂᒃᑳᕆᓚᐅᖅᐳᖅ ᐅᓇᑕᒐᔪᖕᓂᐅᔪᒥ ᐊᐃᑉᐸᕇᖕᓂᐅᔪᒥ ᐊᕐᓇᒧᑦ ᐊᒻᒪ ᐊᐃᑉᐸᖓᓂ, ᐊᑖᑕᒋᔭᐅᔪᖅ ᓱᕈᓯᕐᓂ.
ᐊᕐᓇᖅ ᐆᒪᔪᒪᔪᓐᓃᓚᐅᖅᐳᖅ ᐊᒻᒪ ᕿᑐᕐᙵᖏᑦ ᐊᑖᑕᒥᓃᖁᓚᐅᙱᒻᒥᒋᕙᖏᑦ, ᐃᖅᑲᖅᑐᐃᔨ ᐅᖃᓚᐅᖅᐳᖅ.
ᒪᐃ 12, 2016−ᒥ, ᐊᕐᓇᖅ ᑲᐱᓯᓚᐅᖅᐳᖅ ᕿᑐᕐᙵᒥᓂᒃ ᐊᓱᐊᓛᒃ ᐃᒻᒥᓃᕋᓱᓚᐅᖅᐳᖅ ᐅᖃᓗᓚᐅᖅᑳᕋᓂ ᑲᓇᑕᒥ ᐸᓖᓯᒃᑯᓐᓂ.
“ᐅᔾᔨᕆᒐᒥ ᐃᒻᒥᓃᕈᓐᓇᙱᓐᓂᖓᓂ … ᐅᖃᓗᓚᐅᖅᐳᖅ ᐃᑲᔪᖅᑕᐅᔪᒪᓪᓗᓂ,” ᓵᕈᔅᕘᑦ ᐅᖃᓚᐅᖅᐳᖅ.
ᐃᒻᒥᓂᒃ ᐊᒻᒪ ᕿᑐᕐᙵᖏᑦ ᑐᐊᕕᕐᓇᖅᑐᒥ ᖃᖓᑕᓲᒃᑯᑦ ᐊᐅᓪᓚᖅᑎᑕᐅᓚᐅᖅᐳᑦ ᐅᐃᓂᐱᐊᒡᒧᑦ.
ᐊᕐᓇᖅ ᑎᒍᔭᐅᓚᐅᖅᐳᖅ ᕿᓚᒻᒥᐅᔪᒥ ᐊᓂᑎᑕᐅᒐᒥ ᐋᓐᓂᐊᕕᖕᒥ ᐊᒻᒪ ᑎᒍᔭᐅᓯᒪᕗᖅ ᑕᐃᒪᙵᓂ.
ᐊᕐᓇᖅ ᑐᓵᔭᐅᔪᓐᓇᓚᐅᖅᐳᖅ ᐅᖃᐱᓗᖕᓂᐅᔪᒥ ᐃᖅᑲᖅᑐᐃᑎᓪᓗᒋᑦ ᓵᕈᔅᕘᑦ ᐅᖃᓕᒫᖅᑎᓪᓗᒍ ᓱᓕᓂᐅᔪᓂ ᖃᓄᐃᓐᓂᐅᔪᒥ.
ᐃᓱᒪᒋᓇᒍ ᐊᕐᓇᐅᑉ ᖃᓄᐃᓕᐅᕐᓂᖓᓐᓂ, ᓵᕈᔅᕘᑦ ᐅᓂᒃᑳᕆᒪᐅᖅᐳᖅ ᐃᓅᓪᓗᓂ “ᐱᐅᒋᔭᐅᑦᑎᐊᕐᓂᖓᓂ” ᓄᓇᓕᖓᓐᓂ ᑐᖂᑦᑎᓚᐅᖅᑳᕋᓂ.
ᐊᕐᓇᖅ ᐱᐅᒋᔭᐅᒋᕗᖅ ᐃᖅᑲᓇᐃᔭᖅᑎᓂ ᓄᓇᕗᒻᒥ ᐊᕐᓇᓄᑦ ᐃᑲᔪᖅᑕᐅᕕᖕᒥ ᐃᖃᓗᖕᓂ ᑎᒍᔭᐅᓯᒪᓂᖓᓂ, ᓵᕈᔅᕘᑦ ᐅᖃᓚᐅᖅᐳᖅ.
ᐃᖅᑲᖅᑐᐃᔨ ᐅᔾᔨᕆᓚᐅᖅᐳᖅ ᐃᖅᑲᓇᐃᔭᖅᑎᐅᔪᓂ ᐃᑲᔪᖅᑕᐅᕕᖕᒥ ᐃᓚᒋᔭᐅᖃᑕᐅᓚᐅᕐᓂᖏᓐᓂ ᖁᓖᑦ ᐅᖓᑖᓂ ᖁᙱᐊᕆᐊᖅᑐᖅᓯᒪᔪᓂ ᐃᓄᖃᕐᕕᐅᔪᒥ ᐃᖅᑲᖅᑐᐃᕕᖕᒥ.
ᑲᓇᑕᒥ, ᐸᕐᓇᐅᑎᒋᓯᒪᓇᒍ ᓯᕗᕌᒍᑦ ᐃᓄᐊᖅᓯᓂᕐᒥ ᐸᓯᔭᐅᓂᐅᔪᓂ ᐃᓚᖃᖅᐳᖅ ᐃᕐᙲᓐᓇᑲᐅᑎᒋᒥ ᑎᒍᔭᐅᓯᒪᓂᐅᔪᒥᐊᓄᓪᓚᒃᓯᕐᓗᓂ ᐃᓅᓯᓕᒫᖓᓐᓂ ᐱᕕᒃᓴᖃᙱᓪᓗᓂ ᐊᓂᓵᓕᓂᐅᔪᒥ ᐊᓄᓪᓚᒃᓰᕕᖕᒥ ᒪᓕᒋᐊᓕᖃᐅᖅᖢᓂ ᐊᕐᕌᒍᓂ 10−ᓂ25−ᓄᑦ.
ᐅᕙᓂ ᐱᓕᕆᐊᖑᔪᒥ, ᓵᕈᔅᕘᑦ ᐋᖅᑭᒃᓯᓚᐅᖅᐳᖅ ᐊᓂᓵᓕᓂᐅᔪᒥ ᐊᓄᓪᓚᒃᓰᕕᖕᒥ ᒪᓕᒋᐊᓕᖃᐅᖅᖢᓂ ᐱᔪᓐᓇᙱᓐᓂᖓᓂ ᐱᓕᕆᓂᐅᔪᒥ ᐊᕐᕌᒍᓄᑦ 15−ᓄᑦ, ᐱᒋᐊᖅᑐᒥ ᐅᓪᓗᖓᓂ 2016−ᒥ ᑎᒍᔭᐅᓂᖓᓂ.
ᓵᕈᔅᕘᑦ ᐅᖃᓚᐅᖅᐳᖅ ᐃᓱᒪᓕᐊᖑᔪᒥ ᑐᓂᓯᓂᕐᒥ ᐊᓂᓵᓕᓂᐅᔪᒥ ᐊᓄᓪᓚᒃᓰᕕᖕᒥ ᒪᓕᒋᐊᓕᖃᐅᖅᖢᓂ ᐋᒃᑲᓘᓐᓃᑦ ᐃᓱᒪᖅᓲᑕᐅᓂᐊᖅᐳᖅ ᐊᓂᓵᓕᓂᐅᔪᒥ ᐊᓄᓪᓚᒃᓰᕕᖕᒥ ᒪᓕᒋᐊᓕᖃᐅᖅᖢᓂ ᑲᑎᒪᔨᐅᔪᓂ ᑲᓇᑕᒥ.
ᐊᕐᓇᖅ ᑐᓂᔭᐅᓚᐅᕆᕗᖅ ᒪᕐᕉᖕᓂ ᐊᕐᕌᒍᓄᑦ−10-ᓂ ᐊᓄᓪᓚᒃᓯᕐᓂᐅᔪᓂ ᑐᖂᑦᑎᓇᓱᐊᕐᓂᖓᓂ ᐸᓯᔭᐅᓂᐅᔪᓂ,ᒪᓕᖃᑦᑕᐅᑎᔪᓂ ᐃᓄᐊᖅᓯᓂᐅᔪᒥ ᐊᓄᓪᓚᒃᓯᕐᓂᐅᔪᒥ.
ᓵᕈᔅᕘᑦ ᐅᖃᓚᐅᖅᐳᖅ ᐃᒃᐱᒍᓱᓚᐅᖅᐳᖅ ᐊᕐᓇᖅ ᐅᒡᒍᐊᕐᓂᖓᓂ ᖃᓄᐃᓕᐅᕐᓂᖏᓐᓂ, ᐊᒻᒪ ᐱᓕᕆᑦᑎᐊᖁᕙᖓ ᐸᕐᓇᒃᑎᓪᓗᒍ ᐊᓄᓪᓚᒃᓯᕐᓂᕐᒥ ᐃᓅᓯᓕᒫᖓᓐᓂ ᐊᓄᓪᓚᒃᓯᖅᑕᐅᓂᕐᒥ ᐊᕐᓇᓄᑦ ᐊᓄᓪᓚᒃᓰᕕᖕᒥ ᖃᓪᓗᓈᑦ ᓄᓇᖓᓐᓂ.
“ᐃᓕᖕᓂᑦ ᐱᓕᕇᓐᓇᕋᓱᐊᕆᑦ,” ᓵᕈᔅᕘᑦ ᐅᖃᓚᐅᖅᐳᖅ.
ᐊᕐᓇᖅ ᕿᐊᓚᐅᖅᐳᖅ ᐃᖅᑲᖅᑐᐃᕕᒃ ᒪᑐᔭᐅᑎᓪᓗᒍ. ᐊᓱᐃᓛᒃ, ᖁᓕᑦᑕᐅᔭᖓ ᐊᑎᓪᓗᓂᐅᒃ ᐊᒻᒪ ᐅᑎᕈᔾᔭᐅᓚᐅᖅᐳᖅ ᐃᖅᑲᖅᑐᐃᕕᖕᒥ ᐊᓄᓪᓚᒃᓰᕕᖓᓐᓄᑦ.
(0) Comments