ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐸᕐᓇᐅᑎᖓ ᑕᐅᑐᒃᑕᑐᐊᖃᑲᐃᓐᓇᖅᐳᖅ ᒪᒃᑯᒃᑐᓂ

For English version, see Nunavut suicide prevention plan focuses on supporting young people

ᓄᑖᖑᔪᒥ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐸᕐᓇᐅᑎᒥᒃ ᓄᓇᕗᒻᒧᑦ ᑕᐅᑐᒃᑕᑐᐊᖃᑲᐃᓐᓇᖅᐳᖅ ᐃᑲᔪᖅᓱᐃᓂᕐᒥ ᐊᒻᒪ ᑲᔪᖏᖅᓴᐃᓂᕐᒥ ᒪᒃᑯᒃᑐᓂ, ᐊᒻᒪ ᐃᓚᖃᖅᐳᖅ ᐊᑎᓕᐅᕆᓯᒪᔪᒥ ᐊᖏᖅᓯᒪᓂᐅᔪᒥ ᓄᓇᕗᒻᒥ ᒐᕙᒪᒃᑯᓐᓂ ᐊᒻᒪ ᐊᓯᖏᓐᓂ ᑲᑐᔾᔨᖃᑎᒌᖑᔪᓂ.

ᓯᕗᓕᖅᑎ P.J. ᐊᕿᐊᕈᖅ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕ ᔮᓐ ᒪᐃᓐ ᐊᒻᒪ ᓯᕗᓕᐅᖅᑎᐅᔪᓂ ᓄᓇᕗᒻᒥ ᑐᙵᕕᒃᑯᑦ, ᓄᓇᕗᒻᒥ ᑲᓇᑕᒥ ᐸᓖᓯᒃᑯᓐᓂ ᐊᒻᒪ ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᑦ ᐊᑎᓕᐅᕆᓚᐅᖅᐳᑦ ᐃᓅᓯᕗᑦ ᐊᓐᓂᕐᓇᖅᑐᑦ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᒃ 2024-2029 — ᐊᕐᕌᒍᓄᑦ-ᑕᓪᓕᒪᓄᑦ ᐸᕐᓴᐅᑎᒥᒃ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᓄᓇᕗᒻᒥ.

ᒪᐃᓐ ᑐᓂᓯᓚᐅᖅᐳᖅ 48-ᓂ ᒪᒃᐱᒐᓕᖕᒥ ᑎᑎᖅᑲᖁᑕᐅᔪᒥ, ᓇᓗᓇᐃᖅᓯᔪᒥ 25−ᓂ “ᖃᓄᐃᓕᐅᕈᑎᒃᓴᓂ ᐱᖁᑎᓂ,” ᐅᒃᑐᐱᕆ 30−ᒥ ᒪᓕᒐᓕᐅᕐᕕᖕᒥ.

ᐃᓚᖏᑦ ᒪᒃᑯᒃᑐᓄᑦ-ᑕᐅᑐᒃᑕᑐᐊᖃᑲᐃᓐᓇᖅᑐᒥ ᐱᖁᑎᓂ ᐃᓚᖃᖅᐳᖅ ᐱᕙᓪᓕᐊᑎᑦᑎᓂᕐᒥ ᓄᓇᕗᒻᒧᑦ−ᑐᕌᖓᔪᒧᑦ ᐸᕐᓇᒍᑎᓂ ᓄᖅᑲᖅᑎᑦᑎᓂᕐᒥ ᐋᓐᓂᖅᓯᕆᓂᐅᔪᒥ ᐊᒻᒪ ᖃᓄᖓᓴᕐᓂᕐᒧᑦ, ᖁᕝᕙᖅᓴᐃᓂᕐᒥ ᐃᓄᐃᑦ ᐃᓕᖅᑯᓯᖓᓐᓂ ᐊᒻᒪ ᖃᓄᐃᙱᑦᑎᐊᕐᓂᐅᔪᒥ ᐃᓕᓐᓂᐊᕐᕕᓂᑦ, ᐊᖏᒡᓕᒋᐊᖅᑎᑦᑎᓂᕐᒥ ᒪᒃᑯᒃᑐᓂ ᐃᓚᐅᖃᑕᐅᓂᖏᓐᓂ ᓯᕗᓕᐅᖅᑎᐅᔪᓂ ᑭᐳᖏᓐᓂ, ᐊᒻᒪ ᐱᕙᓪᓕᐊᑎᑦᑎᓂᕐᒥ ᐊᑦᑕᓇᙱᑦᑐᓂ ᐃᓂᐅᔪᓂ ᒪᒃᑯᒃᑐᓄᑦ ᑕᒪᒃᑭᓂ ᓄᓇᓕᖕᓂ.

ᐊᓯᖏᓐᓂ ᐸᕐᓇᒍᑎᓂ ᑎᑎᕋᖅᓯᒪᔪᓂ ᐃᓚᖃᖅᐳᖅ ᐊᖏᒡᓕᒋᐊᖅᓯᓂᕐᒥ ᐃᓄᐃᑦ ᐃᖅᑲᓇᐃᔮᖃᕐᓂᖏᓐᓂ ᐱᓕᒻᒪᒃᓴᓂᒃᑯᑦ ᐊᒻᒪ ᐃᖅᑲᓇᐃᔮᕆᔪᒪᔭᖏᓐᓂ ᐃᑲᔪᖅᓱᐃᓂᕐᒥ, ᓴᙱᒃᑎᒋᐊᖅᓯᓂᕐᒥ ᐃᑲᔪᖅᑕᐅᓂᕐᒧᑦ ᐅᖃᓗᒡᕕᒃᓴᓂ ᐱᔨᑦᑎᕋᕐᓂᐅᔪᓂ, ᐊᒻᒪ ᐊᖏᒡᓕᒋᐊᖅᓯᓂᕐᒥ ᐸᓂᖅᓴᕐᓂᕐᒧᑦ ᐱᔨᑦᑎᕋᕐᓂᐅᔪᓄᑦ ᐋᖓᔮᕐᓇᖅᑐᓄᑦ ᐊᑐᕐᓂᕐᒧᑦ.

“ᐸᕐᓇᒃᑕᐅᑦᑎᐊᖅᓯᒪᕕᒡᔪᐊᖅᐳᖅ ᐊᒻᒪ ᐃᓱᒪᒋᔭᐅᑦᑎᐊᖅᓯᒪᓪᓗᓂ ᐸᕐᓇᐅᑎᐅᕗᖅ, ᐊᒻᒪ ᑕᐃᒫᒃ ᖁᕕᐊᑉᐳᖓ ᐊᒻᒪ ᓂᕆᐅᖕᓂᖃᖅᐳᖓ,” ᒪᐃᓐ ᐅᖃᓚᐅᖅᐳᖅ, ᐅᖃᓪᓚᒃᖢᓂ ᑐᓴᒐᒃᓴᓕᕆᔨᓄᑦ.

ᐅᖁᐊᓯᐅᓪᓗᓂ ᑐᓴᒐᒃᓴᓂ ᑎᑎᕋᖅᑕᐅᔪᓂ ᒪᐃᓐᒧᑦ ᒪᓕᒐᓕᐅᕐᕕᖕᒥ ᐱᓇᓱᐊᕈᓯᐅᓚᐅᖅᑐᒥ, ᕿᑎᐊᓂ 2010−ᒥ ᐊᒻᒪ ᓯᕗᓪᓕᖅᐸᐅᔪᓂ ᐱᖓᓱᓂ ᑕᖅᑭᓂᑦ 2024−ᒧᑦ, 451−ᓂ ᐃᒻᒥᓃᕐᓂᖃᖅᐳᖅ ᐃᓚᖃᖅᑐᒥ ᐃᓄᖕᓂ ᓄᓇᖃᖅᑐᓂ ᓄᓇᕗᒻᒥ.

ᑕᐃᑲᓂᑦᑕᐃᓐᓇᖅ ᐱᓕᕆᓂᐅᔪᒥ, 7−ᓂ ᐃᒻᒥᓃᖅᑐᖃᓚᐅᖅᐳᖅ ᐃᓚᖃᖅᑐᒥ ᖃᓪᓗᓈᓂ.

ᓄᑖᖑᔪᖅ ᐸᕐᓇᐅᑎ ᑎᑎᕋᖅᑕᐅᓚᐅᖅᐳᖅ ᐅᖃᖃᑎᖃᖅᖢᑎᒃ ᒪᒃᑯᒃᑐᓂ, ᐃᓄᑐᖃᕐᓂ, ᐃᓱᒪᒧᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖃᐅᔨᒪᔨᕐᔪᐊᖑᔪᓂ ᐊᒻᒪ ᓄᓇᕘᑉ ᐃᓄᐃᑦ ᑲᑐᔾᔨᖃᑎᒌᖑᔪᓂ, ᒪᐃᓐ ᐅᖃᓚᐅᖅᐳᖅ, ᐊᒻᒪ ᐱᕈᖅᓴᕙᓪᓕᐊᕗᖅ ᐊᑲᐅᙱᓕᐅᕈᑕᐅᔪᓂ ᑭᐅᔭᐅᔪᓂ ᓯᕗᓂᐊᓂ ᐃᒻᓃᕐᓂᕐᒧᑦ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᓂᑦ.

ᐊᕿᐊᕈᖅ ᐅᖃᓚᐅᖅᐳᖅ 2021−ᒥ ᐃᓕᓐᓂᐊᖅᑎᑦᑎᔨᓂ ᓈᒻᒪᒃᓴᙱᓐᓂᕐᒥᓂ ᑕᑯᒃᓴᐅᑎᑦᑎᓚᐅᖅᐳᖅ ᐃᖃᓗᖕᓂ ᐊᔭᐅᕆᓚᐅᖅᐳᖅ ᓴᖅᑭᑎᑕᐅᓂᖓᓂ ᓄᑖᖑᔪᒥ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ ᐸᕐᓇᐅᑎᒥᒃ.

“ᖃᓄᐃᓕᐅᕐᓂᖃᕈᒪᓚᐅᖅᐳᑦ ᐃᒻᒥᓃᖅᑕᐃᓕᒪᑎᑦᑎᓂᕐᒧᑦ,” ᐊᕿᐊᕈᖅ ᐅᖃᓚᐅᖅᐳᖅ ᒪᓕᒐᓕᐅᕐᕕᖕᒥ.

“ᓂᕆᐅᖕᓂᖃᕈᒪᓚᐅᖅᐳᑦ.”

ᐊᐃᑉᐸᖓᓂ ᐅᖃᐅᓯᐅᓂᐅᔪᒥ ᓄᑖᖑᔪᒥ ᐸᕐᓇᐅᑎᒥᒃ ᓵᑕᐅᔪᒃᓴᐅᑕᐅᓂᐅᔪᒥ.

ᐊᑐᓂ ᖃᓄᐃᓕᐅᕈᑎᒃᓴᓂ ᐱᖁᑎᓂ ᓇᓗᓇᐃᖅᓯᕗᖅ ᓇᓕᐊᖕᓂ ᒐᕙᒪᒃᑯᓐᓂ ᐱᓕᕆᕝᕕᐅᔪᒥ ᐅᕝᕙᓘᓐᓃᑦ ᑲᑐᔾᔨᖃᑎᒌᖑᔪᒥ ᑲᒪᒋᔭᖃᕐᓂᐊᕐᓂᖓᓂ ᐊᑐᓕᖅᑎᑕᐅᓂᖓᓂ.

“ᐅᓇ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᖓ ᐅᖃᓪᓚᓚᕆᒃᐳᖅ ᐱᒻᒪᕆᐅᓂᖓᓂ ᓵᑕᐅᔪᒃᓴᐅᑕᐅᔪᒥ ᐅᕘᓇ ᓈᒻᒪᒃᑐᒃᑯᑦ ᖃᐅᔨᓴᐃᓂᐅᔪᒥ ᐱᓕᕆᔾᔪᓯᐅᔪᓂ, ᐊᒻᒪ ᐅᓂᒃᑳᕆᓂᕐᒥ ᐊᒻᒪ ᓇᐅᑦᑎᖅᓱᕐᓂᕐᒥ ᓇᓗᓇᐃᖅᓯᓂᕐᒧᑦ ᐅᓇ ᖃᓄᐃᓕᐅᕐᓂᕐᒧᑦ ᐸᕐᓇᐅᑎᖓ ᐱᓕᕆᓂᖓᓂ ᑐᕌᒐᕆᔭᖓᓂ ᐱᓕᕆᓂᕐᒧᑦ,” ᐅᖃᓚᐅᖅᐳᖅ ᐆᐳᓪ ᒪᑭᓂᔅ, ᐊᖓᔪᖅᑳᖑᔪᖅ ᑲᑎᒪᔨᐅᔪᓂ ᐃᓴᒃᓯᒪᒋᑦ ᐃᓅᓯᕐᒥ ᑲᑐᔾᔨᖃᑎᒌᖏᓐᓂᑦ.

“ᓂᕆᐅᖕᓂᖅᐳᑦ ᑕᑯᓂᕐᒥ ᐅᓄᕐᓂᐅᔪᓂ ᑐᖁᓂᐅᔪᓂ ᒥᒃᖠᒋᐊᕐᓂᖓᓂ, ᑭᓯᐊᓂᑦᑕᐅᖅ ᖁᕝᕙᖅᓴᐃᓂᕐᒥ ᓄᓇᓕᖕᓂ ᓴᙱᓂᕆᔭᖏᓐᓂ, ᑕᑯᓂᕐᒥ ᐊᖏᒡᓕᒋᐊᖅᑐᒥ ᑲᑐᔾᔨᖃᑎᒌᖕᓂᐅᔪᒥ, ᑕᑯᓪᓚᕆᖕᓂᕐᒥ ᐃᓄᖕᓂ ᐱᓕᕆᖃᑎᒌᖕᓂᖏᓐᓂ, ᐋᔩᖃᑎᒌᖕᓂᖅᓴᐅᔪᒥ ᐊᑑᑎᖃᑦᑎᐊᖅᑐᒥ ᐅᓇᐅᑎᓪᓗᒍ ᖃᓄᐃᙱᑦᑎᐊᕐᓂᕐᒧᑦ ᐊᑲᐅᙱᓕᐅᕈᑕᐅᔪᓄᑦ.”

ᐅᑯᐊ ᐃᑲᔪᕈᑎᒃᓴᐅᕗᑦ ᐃᓄᖕᓄᑦ ᖁᐊᖅᓵᕐᓇᖅᑐᒦᑦᑐᓄᑦ ᐅᖃᖃᑎᖃᕆᐊᓕᖕᓂ ᑭᓇᑐᐃᓐᓇᒧᑦ:

ᑲᒪᑦᓯᐊᖅᑐᑦ ᐃᑲᔪᖅᑕᐅᓂᕐᒧᑦ ᐅᖃᓗᒡᕕᒃᓴᖅ ᓄᓇᕗᒻᒥ−ᑐᕌᖓᓪᓗᓂ ᐊᒻᒪ ᐊᑐᐃᓐᓇᖃᖅᐳᖅ ᐱᔨᑦᑎᕋᕐᓂᐅᔪᒥ ᐃᓄᒃᑎᑐᑦ. ᐅᖃᓘᑎᖓ: 979-3333 ᐃᖃᓗᖕᓂ ᓄᓇᖃᖅᑎᐅᔪᓄᑦ ᐊᒻᒪ 1-800-265-3333 ᐊᓯᖏᓐᓄᑦ ᓄᓇᕗᒻᒥᐅᓄᑦ.

ᐊᓪᓚᓄᑦ ᐊᒻᒪ ᐃᓄᖕᓄᑦ ᓂᕆᐅᖕᓂᐅᔪᒥ ᖃᓄᐃᙱᑦᑎᐊᕐᓂᕐᒧᑦ ᐃᑲᔪᖅᑕᐅᔪᒪᓂᕐᒧᑦ ᐅᖃᓗᒡᕕᒃᓴᖅ: 1-855-242-3310 ᐅᕝᕙᓘᓐᓃᑦ ᑎᑎᕋᕐᓗᓂ ᐅᖃᖃᑎᖃᕐᓗᓂ ᖃᕋᓴᐅᔭᑎᒍᑦ ᐅᕙᓂ hopeforwellness.ca.

ᒪᒥᓴᕐᓂᕐᒥ ᐅᖃᓪᓚᖕᓂᒃᑯᑦ ᐱᓕᕆᐊᖑᔪᒥ ᐊᑐᐃᓐᓇᖃᖅᑎᑦᑎᕗᖅ ᖃᕋᓴᐅᔭᑎᒍᑦ ᐊᑯᓂᐅᔪᒥ ᐃᓅᓯᓕᕆᓂᕐᒥ ᐱᔨᑦᑎᕋᕐᓂᐅᔪᓂ ᐃᓄᖕᓄᑦ ᓄᓇᕗᓕᒫᒥ: ᐅᐸᒡᓗᒍ ᓄᓇᓕᖕᓂ ᐋᓐᓂᐊᕕᖕᓄᑦ ᖃᐅᔨᒋᐊᒃᑲᓐᓂᕐᓂᕐᒧᑦ, ᐅᕝᕙᓘᓐᓃᑦ ᖃᕋᓴᐅᔭᑎᒍᑦ ᑎᑎᕋᕐᓗᑎᑦ healing@gov.nu.ca, ᐅᕝᕙᓘᓐᓃᑦ ᐅᖃᓗᒡᓗᑎᑦ ᐊᑭᖃᙱᑦᑐᒧᑦ ᐅᕗᖓ 1-888-648-0070 ᐅᕝᕙᓘᓐᓃᑦ 867-975-5367.

ᐅᖃᓪᓚᖕᓂ ᐃᒻᒥᓃᕐᓂᕐᒧᑦ ᑲᓇᑕᒥ ᐊᑐᐃᓐᓇᐅᕗᖅ 24-7 ᑭᓇᑐᐃᓐᓇᒧᑦ ᐃᒃᐱᒍᓱᒃᑐᒥ ᐃᓱᒪᓂᐅᔪᓂ ᐃᒻᒥᓃᕐᓂᕐᒧᑦ. ᐅᖃᓗᓘᑎᑦ 1-833-456-4566 (24-7) ᐅᕝᕙᓘᓐᓃᑦ ᑎᑎᕋᕐᓗᑎᑦ  45645 (4 ᐅᓐᓄᓴᒃᑯᑦ ᖁᓛᓄᑦ ᐅᓐᓄᒃᑯᑦ ᑲᓇᖕᓇᒥ ᓯᕿᙳᔭᖓᓂ).