ᖃᓱᓴᕐᕕᖕᒥ ᓇᖕᒥᓂᓕᒃ ᓇᖕᒥᓂᖓᓂ ᐊᐅᓚᑏᓐᓇᕋᓱᐊᖅᐹ ᐃᑭᑦᑐᖃᓚᐅᖅᑎᓪᓗᒍ

For the English version of this story, please see Iqaluit business owner looks to keep spa running after fire.

“ᐅᑎᕐᓂᐊᕐᒥᔪᒍᑦ,” ᐱᔪᒪᓂᖃᑦᑎᐊᖅᑐᒥ ᐸᐃᓴᓐᔅ ᓯᐸᓐᑕ ᐅᖃᓚᐅᖅᐳᖅ ᐅᓪᓗᕐᒥ ᐊᑕᐅᓯᕐᒥ ᑭᖑᓂᐊᒍᑦ ᐃᑭᑦᑐᒥ ᓱᔪᐃᓚᐅᖅᑎᓪᓗᒍ ᐃᖃᓗᖕᓂ ᐃᒡᓗᕐᔪᐊᒥ ᐃᒡᓗᖃᖅᑎᑦᑎᔪᒥ ᓄᓇᕗᒻᒥ ᖃᓄᐃᙱᑦᑎᐊᕐᓂᕐᒧᑦ ᖃᓱᓴᕐᕕᖕᒥ ᓇᖕᒥᓂᖃᖃᑕᐅᔪᒥ.

“ᐅᖃᐅᓯᕐᒥ ᐅᓂᒃᑳᒐᒃᓴᐅᙱᓚᖅ,” ᐅᖃᓚᐅᖅᐳᖅ ᐊᓯᐅᔨᓕᐅᔪᒥ. ᐊᓕᐊᓇᐃᙱᑦᑐᒻᒪᕆᐊᓗᒃ ᐃᒃᐱᒍᓱᖕᓂᐅᔪᒥ. ᑕᐃᒪᐃᑦᑐᒥᒃ ᓂᕆᐅᓇᙱᑦᑎᐊᖅᑐᖅ.”

ᖃᑦᑎᕆᔩᑦ ᐅᐸᓚᐅᖅᐳᑦ ᐃᑭᑦᑐᒧᑦ ᒫᔾᔨ 11−ᒥ ᐊᒻᒪ ᑕᐃᑲᓃᖏᓐᓇᓚᐅᖅᐳᑦ ᐅᓐᓄᓴᖓᓄᑦ.

ᐃᒡᓗᕐᔪᐊᖅ ᐱᓚᐅᖅᐳᖅ ᐊᖏᐸᓗᒃᑐᒥ ᐳᔪᕐᒥ ᐊᒻᒪ ᐃᒪᕐᒧᑦ ᓱᕋᑦᑎᓂᐅᔪᒥ ᐊᒻᒪᓗ ᖃᐅᔨᓴᖅᑕᐅᓚᐅᖅᑎᓪᓗᒍ ᐃᓱᒪᒋᔭᐅᓚᐅᖅᐳᖅ ᓴᓇᓯᒪᓂᖓ ᐅᓗᕆᐊᓇᕈᑕᐅᓂᖓᓂ, ᐅᖃᐅᓯᐅᓪᓗᓂ ᓄᓇᓕᐸᐅᔭᒥ ᐃᖃᓗᖕᓂ ᐅᖃᖅᑎᐅᔪᒥ ᐊᓕᒃᓯ ᑳᒧᕆᓐ.

ᐋᓐᓂᖅᑐᒥ ᐅᓂᒃᑲᐅᔪᖃᓚᐅᙱᓚᖅ, ᐅᖃᓚᐅᖅᐳᖅ, ᐃᓚᒋᐊᖅᓯᓪᓗᓂ ᐱᔾᔪᑕᐅᔪᒥ ᓱᓕ ᐃᓱᒪᓕᐊᖑᔪᖃᓚᐅᙱᓚᖅ ᐃᑭᑦᑐᒧᑦ ᓂᐅᕕᕐᕕᖃᕐᓂᐅᔪᒥ ᓇᖕᒥᓂᕆᔭᐅᔪᒥ.

ᓯᐸᓐᑕ ᐅᖃᓚᐅᖅᐳᖅ ᕿᓂᕐᓂᖓᓂ ᐊᓯᐊᓂ ᐃᒡᓗᕐᔪᐊᒥ ᐃᖃᓗᖕᓂ ᖃᓱᓴᕐᕕᒃ ᐊᐅᓚᐃᓐᓇᕈᓐᓇᕐᓂᐊᕐᒪᑦ.

ᐱᔨᑦᑎᕋᕐᓂᐅᔪᒥ ᑐᓂᓯᕙᖕᓂᖓᓂ, ᓲᕐᓗ ᖃᓱᓴᓂᕐᒧᑦ ᐱᔭᐅᔭᕆᐊᖃᖅᐳᑦ ᐊᒻᒪ ᐃᓱᒫᓗᒃᐳᖅ ᐃᖅᑲᓇᐃᔭᖅᑎᖏᓐᓄᑦ ᐊᑐᖅᐸᒃᑐᒥ ᖃᓱᓴᕐᕕᖕᒥ ᑮᓇᐅᔭᓕᐅᕐᓂᖏᓐᓄᑦ.

“ᐹᑦᑎᓐᓂ ᒪᑐᓯᓂᕐᒥ ᓂᕈᐊᒐᒃᓴᐅᙱᓚᖅ,” ᓯᐸᓐᑕ ᐅᖃᓚᐅᖅᐳᖅ.

ᐃᖃᓗᖕᓂ ᖃᑦᑎᕆᔩᑦ ᑭᐅᕗᑦ ᐃᑭᑦᑐᒧᑦ ᒫᔾᔨ 11−ᒥ ᐃᖃᓗᖕᓂ. ᐃᑭᑦᑐᖅ ᖁᑦᑎᖕᓂᖅᓴᒥ ᓇᑎᖓᓂᐅᓚᐅᖅᐳᖅ ᐃᒡᓗᕐᔪᐊᒥ ᐃᒡᓗᖃᖅᑎᑦᑎᔪᒥ ᓄᓇᕗᒻᒥ ᖃᓄᐃᙱᑦᑎᐊᕐᓂᕐᒧᑦ ᖃᓱᓴᕐᕕᖕᒥ. (ᔨᐊᕝ ᐱᓚᑦᑎᐊᐃ ᐊᔾᔨᓕᐅᖅᑕᖓ)

ᕿᓂᖅᑎᓪᓗᒍ ᓇᖕᒥᓂᖓᓂ ᐅᑎᖅᑎᑕᐅᓂᖓᓂ, ᐃᑲᔪᖅᓱᐃᓂᖃᖅᓯᒪᕗᖅ ᓄᓇᓕᖕᓂ.

ᓄᓇᕗᒻᒥ ᕿᕐᓂᖅᑕᓄᑦ ᓇᖕᒥᓂᕆᔭᐅᔪᓂ ᑲᑐᔾᔨᖃᑎᒌᖑᔪᒥ ᓯᐸᓐᑕ ᐊᖓᔪᖅᑳᑉ-ᑐᒡᓕᕆᔭᐅᓪᓗᓂ ᑎᑎᕋᓚᐅᖅᐳᖅ ᐃᓅᖃᑎᒌᖑᔪᓄᑦ ᓯᐊᒻᒪᖅᑎᑦᑎᓂᐅᔪᒥ ᕿᓂᖅᖢᓂ ᑮᓇᐅᔭᓂ ᐃᑲᔪᖅᓱᐃᓂᐅᔪᒥ ᐃᑲᔪᕐᓂᕐᒧᑦ ᓇᓂᓯᓂᖓᓂ ᐃᓂᒃᓴᐅᔪᒥ ᖃᓱᓴᕐᕕᖕᒧᑦ ᐊᒻᒪ ᐱᓂᕐᒧᑦ ᓄᑖᓂ ᐱᓕᕆᔾᔪᑎᓂ.

ᐋᑉᑑᓪ-ᕋᕼᐃᒻ ᑕᐃᐊᑲᐃᑦ, ᑲᑐᔾᔨᖃᑎᒌᖑᔪᑦ ᑮᓇᐅᔭᓕᕆᔨᖓ ᐊᒻᒪ ᑎᑎᕋᖅᑎ, ᐅᖃᓚᐅᖅᐳᖅ ᓇᓪᓕᐅᒃᑯᒫᑦ ᐃᑲᔪᓲᖑᕗᑦ ᐊᑭᐅᔪᓂ ᐃᑭᑦᑐᒧᑦ ᑕᒪᒃᑭᓕᒫᓂ ᐊᑭᓖᕙᙱᓚᑦ ᐊᓯᐅᔨᔭᐅᔪᓄᑦ.

ᑕᐃᐊᑲᑦ ᐅᖃᓚᐅᖅᐳᖅ ᑕᐃᒪᐃᑦᑐᒥᒃ ᑮᓇᐅᔭᓂ ᐱᕈᖅᓴᐃᓇᓱᐊᕐᓂᐅᔪᒥ ᐊᒻᒪ ᐅᔾᔨᕈᓱᖕᓂᐅᔪᒥ ᐊᑕᐅᓯᐅᕗᖅ ᐱᓕᕆᓂᐅᔪᒥ ᑲᑐᔾᔨᖃᑎᒌᖑᔪᒥ ᐃᑲᔪᖅᓱᐃᓂᐅᔪᓐᓇᖅᐳᖅ ᕿᕐᓂᖅᑕᓂ−ᓇᖕᒥᓂᕆᔭᐅᔪᓂ ᓇᖕᒥᓂᕐᓂ ᓄᓇᕗᒻᒥ.

“ᐅᓇ ᓯᕗᓪᓕᖅᐸᐅᓇᓂ ᓄᓇᓕᕗᑦ ᓵᙵᓯᒪᓂᖓᓂ ᐃᑭᑦᑐᒥ ᐊᒻᒪ ᑕᖅᑭᒃᑲᓐᓂᓲᖑᕗᒍᑦ ᓴᙱᓂᖅᓴᐅᓪᓗᑕ,” ᐅᖃᓚᐅᖅᐳᖅ.

“ᑕᑯᐃᓐᓇᐅᔭᖅᐳᒍᑦ ᖃᓄᖅ ᓄᓇᓕᐅᔪᖅ ᑲᑎᖃᑎᒌᒃᐸᖕᓂᖓᓂ.”

ᓯᐸᓐᑕ, ᓇᓂᓯᔨᐅᖃᑕᐅᓪᓗᓂ ᓄᑖᖑᔪᒥ ᒪᑐᐃᓵᖅᑐᒥ ᓂᐊᖁᙴᒥ ᑐᐊᕕᕐᓇᖅᑐᒥ ᓂᕿᑖᕐᕕᖕᒥ, ᐅᖃᓚᐅᖅᐳᖅ ᓇᖕᒥᓂᕆᔭᖓ ᐱᑲᑕᒃᐳᖅ ᐊᒥᓱᓂ ᐃᑲᔪᖅᓱᐃᔪᓂ ᐅᖃᐅᑎᒃᓴᓕᐊᖑᔪᓂ ᓄᓇᓕᖕᓂ.

“ᑲᒪᓇᖅᐳᖅ,”ᐅᖃᓚᐅᖅᐳᖅ. “ᐃᑲᔪᖅᓱᐃᓂᐅᔪᖅ ᐅᐊᑲᓪᓚᖔ ᑲᒪᓇᖅᐳᖅ.”