ᐊᑕᐅᓯᖅ ᑐᖁᕗᖅ ᐃᓄᒃᔪᐊᕐᒥ ᐅᓂᒃᑳᕆᔭᐅᔪᒥ ᐸᓖᓯᒃᑯᓐᓂᑦ ᖁᑭᖅᓯᓂᐅᔪᒥ

For the English version of this story, please see One person dead after reported police shooting in Inukjuak.

ᐸᓖᓯᒃᑯᑦ ᖁᑭᖅᓯᓪᓗᑎᒃ ᐊᒻᒪ ᑐᖂᑦᑎᓚᐅᖅᐳᑦ ᐊᑕᐅᓯᕐᒥ ᐃᓄᖕᒥ ᐃᓄᒃᔪᐊᕐᒥ ᔪᓚᐃ 17−ᒥ, ᓇᓗᓇᐃᖅᓯᔪᒥ ᐱᖓᔪᖓᓐᓂ ᑐᖂᑦᑎᓂᐅᔪᒥ ᐸᓖᓯᒃᑯᓐᓄᑦ ᖁᑭᖅᓯᓂᐅᔪᒥ ᓄᓇᕕᖕᒥ ᑕᖅᑭᓂ 8−ᓂ.

ᖃᓄᐃᓐᓂᖃᓚᐅᖅᐳᖅ ᐸᓖᓯᓂ ᓄᓇᕕᖕᒥ ᐸᓖᓯᒃᑯᓐᓂ ᐱᔨᑦᑎᕋᖅᑎᑦ ᑭᐅᑎᓪᓗᒋᑦ 911 ᐅᖃᓗᖕᓂᐅᔪᒥ 10:19 ᐅᓐᓄᒃᑯᑦ, ᐅᓂᒃᑳᕆᔪᒥ ᐃᓄᖕᒥ ᐱᓯᒪᔭᐅᓂᖓᓂ ᐱᓯᒪᔭᐅᔪᒪᓇᓂ, ᑐᓴᒐᒃᓴᓕᐊᒥ Bureau des Enquêtes Indépendantes−ᑯᓐᓂ, ᑯᐸᐃᖕᒥ ᐸᓖᓯᒃᑯᑦ ᓇᐅᑦᑎᖅᓱᖅᑎᖓᑦ, ᐅᖃᓚᐅᖅᐳᖅ.

ᐸᓖᓯᒃᑯᑦ ᑎᑭᐅᑎᓚᐅᖅᐳᑦ 10:25 ᐅᓐᓄᒃᑯᑦ ᐊᒻᒪ ᐅᖃᖃᑎᖃᓚᐅᖅᐳᑦ ᐃᓄᖕᒥ ᑲᖐᒋᔭᐅᔪᒥ ᐅᐸᒃᓯᓂᖓᓂ ᐸᓖᓯᒃᑯᓐᓂᑦ “ᓴᕕᓕᖕᒥ ᐋᓐᓂᕈᑕᐅᔪᓐᓇᖅᑐᒥ.”

ᐸᓖᓯᒃᑯᑦ ᑲᖐᒋᔭᐅᓪᓗᑎᒃ ᖁᑭᕆᐊᓚᐅᖅᐳᑦ ᐃᓄᖕᒧᑦ, ᐋᓐᓂᓚᐅᖅᑐᒥ ᐸᓖᓯᒃᑯᓐᓄᑦ ᖁᑭᖅᓴᕐᓂᐅᔪᒥ, ᑐᓴᒐᒃᓴᓕᐊᖅ ᐅᖃᓚᐅᖅᐳᖅ.

“ᓯᕗᓪᓕᓂ ᐅᐸᒃᑐᓂ ᐃᓅᓕᓴᐃᓇᓱᓚᐅᖅᐳᑦ ᐃᓄᖕᒧᑦ ᐸᓖᓯᒃᑯᓐᓂᑦ ᖃᓄᐃᓐᓂᐅᔪᒥ ᑭᓯᐊᓂ ᓯᕗᓪᓕᐅᔪᓂ ᑭᐅᔨᐅᔪᓂ ᑎᑭᒻᒪᑕ.”

ᐃᓄᒃ ᐋᓐᓂᐊᕕᓕᐊᕈᑎᔭᐅᓚᐅᖅᐳᖅ ᐊᒻᒪ ᐅᖃᐅᓯᐅᓪᓗᓂ ᑐᖁᓂᖓᓂ.

ᑐᓴᒐᒃᓴᓕᐊᖅ ᐅᖃᓚᐅᙱᓚᖅ ᐅᑭᐅᖓᓂ ᐅᕝᕙᓘᓐᓃᑦ ᐊᖑᑕᐅᓂᖓᓂ ᐊᕐᓇᐅᓂᖓᓂᓪᓘᓐᓃᑦ ᖁᑭᖅᑕᐅᓚᐅᖅᑐᒥ. ᓇᓗᓇᐃᖅᓯᓚᐅᙱᓚᖅ ᐸᓖᓯᒃᑯᓐᓂᑦ ᐅᕝᕙᓘᓐᓃᑦ ᐅᖃᕐᓇᑎᒃ ᖃᔅᓯᐅᓚᐅᕐᓂᖏᓐᓂ.

ᐸᓖᓯᒃᑯᓐᓄᑦ ᓇᐅᑦᑎᖅᓱᖅᑎᖏᑦ ᐅᖃᐅᔾᔭᐅᓚᐅᖅᐳᑦ ᖁᑭᖅᓯᓂᐅᔪᒥ 11:30 ᐅᓐᓄᒃᑯᑦ ᐊᒻᒪ ᐱᒋᐊᖅᑎᑦᑎᓚᐅᖅᐳᑦ ᐃᒻᒥᒃᑰᖅᑐᒥ ᖃᐅᔨᓴᖅᑕᐅᓂᐅᔪᒥ ᖃᓄᐃᓐᓂᐅᔪᒧᑦ, ᖃᐅᔨᓴᖅᑎᓄᑦ ᐅᖃᖅᑎᐅᔪᖅ ᔨᐊᕋᒥ ᑯᒻᑐᐊ ᐅᖃᓚᐅᖅᐳᖅ ᐅᖃᐅᓯᒃᓴᓕᐊᖑᔪᒥ.

ᖃᐅᔨᓴᖅᑏᑦ ᑎᑭᑦᑐᒃᓴᐅᑕᐅᓚᐅᖅᐳᑦ ᐃᓄᒃᔪᐊᕐᒧᑦ ᔪᓚᐃ 18−ᒥ, ᑯᒻᑐᐊ ᐅᖃᓚᐅᖅᐳᖅ.

ᐃᓄᒃᔪᐊᕐᒥ ᒪᐃᔭᖓ ᐹᐱ ᐃᐳ ᐅᖃᓚᐅᖅᐳᖅ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᐅᑕᖅᑭᓂᖓᓂ ᑕᒪᒃᑭᐅᒪᔪᒥ ᓄᑖᙳᕆᐊᖅᑎᑕᐅᓂᐅᔪᒥ ᖃᐅᔨᓴᖅᑎᓂ ᑐᓂᓯᓚᐅᙱᓐᓂᖓᓂ ᑐᓴᒐᒃᓴᓕᐊᒥ.

ᐅᖃᓚᐅᖅᐳᖅ ᓂᕆᐅᒃᐳᖅ ᓄᓇᕕᖕᒥ ᐸᓖᓯᒃᑯᑦ ᐱᓕᕆᖃᑎᖃᕈᓐᓇᕐᓂᐊᕐᓂᖏᓐᓂ ᓄᓇᓕᖕᓂ ᓇᓂᓯᓂᕐᒥ ᐋᖅᑭᒍᑎᒃᓴᓂ ᓄᖅᑲᖅᑎᑦᑎᓂᐊᖅᑐᒥ ᐱᓕᕆᓚᐅᙱᓐᓂᖏᓐᓂ ᑐᖁᓐᓇᖅᑐᒥ ᐊᒃᓱᕈᕐᓂᐅᔪᒥ.

ᒪᕐᕉᖕᓂ ᐊᓯᖏᓐᓂ ᑐᖂᑦᑎᔪᒥ ᖁᑭᖅᓯᓂᖃᖅᐳᖅ ᐸᓖᓯᒃᑯᓐᓂᑦ ᓄᓇᕕᖕᒥ ᖄᖏᖅᓯᒪᓕᖅᑐᓂ ᑕᖅᑭᓂ 8−ᓂ. ᐸᓖᓯᒃᑯᑦ ᑲᖏᖅᓱᐊᓗᔾᔪᐊᕐᒥ ᖁᑭᖅᓯᓚᐅᖅᐳᑦ ᐊᒻᒪ ᑐᖂᑦᑎᓪᓗᑎᒃ ᒫᒃ R. ᐋᓇᓈᖕᒥ ᒪᐃᒥ. ᐊᒻᒪ ᓄᕈᐱᕆᐅᓚᐅᖅᑐᒥ, ᓴᓗᓂᑦ, ᐸᓖᓯᒃᑯᑦ ᖁᑭᖅᓯᓚᐅᖅᐳᑦ ᐊᒻᒪ ᑐᖂᑦᑎᓪᓗᑎᒃ ᔮᓱᐊ ᐸᐱᒐᑐᖕᒥ ᐊᒻᒪ ᐋᓐᓂᖅᓯᕐᔪᐊᓚᐅᖅᐳᑦ ᒪᕐᕈᓕᐊᖑᖃᑎᖓᓂ ᐊᓂᖓᓂ ᒑᓂᑦᒥ.

ᒫᓐᓇᓕᓴᐅᔪᒥ ᐊᐱᖅᓱᖅᑕᐅᓂᐅᔪᒥ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ, ᑎᑭᑉᐸᓪᓕᐊᔪᓂ ᖃᐅᔨᓴᖅᑎᓂ ᐊᖓᔪᖅᑳᖓ ᐳᕆᔾᔨᑦ ᐱᓴᑉ ᐅᖃᓚᐅᖅᐳᖅ ᐱᐅᓯᒋᐊᖅᑎᑦᑎᔪᒪᓂᖓᓂ ᖃᓄᖅ ᑲᑐᔾᔨᖃᑎᒌᖓᑦ ᐱᓕᕆᕙᖕᓂᖏᓐᓂ ᖃᐅᔨᓴᖅᑕᐅᓂᐅᔪᓂ ᓄᓇᕕᖕᒥ ᑲᑐᔾᔨᖃᑎᒌᒡᓗᑎᒃ ᓄᓇᓕᖕᓂ ᐊᒻᒪ ᖄᖏᐅᑎᓂᕐᒥ ᐃᓕᖅᑯᓯᒥ ᐊᒻᒪ ᐅᖃᐅᓯᕐᒥ ᐊᒡᕕᐊᕈᑕᐅᔪᓂ.