ᓂᐱᖃᕈᓐᓇᐅᑎ ᐅᓐᓄᖓ ᑐᓴᕐᓈᖅᑎᑦᑎᑲᑕᖕᓇᕐᑐᖅ, ᑎᑎᕋᐅᔭᕐᓇᖅᖢᓂᓗ ᑰᔾᔪᐊᖅ ᐃᓕᓐᓂᐊᕐᕕᒃᒥ

For English version, see Open mic night brings music art and connection to Kuujjuaq high school

ᓇᒡᒐᔾᔭᒥ ᐅᓐᓅᓕᕐᒪᑦ ᐅᒃᑑᐱᕆᒥ ᐅᕙᓂ ᔮᓂᒻᒪᕆᒃ ᐃᓕᓐᓂᐊᕐᕕᐊᓗᒃᒥ ᑰᔾᔪᐊᖅᒥ ᐊᒻᒪᓗ ᑎᑎᕋᐅᔭᒐᕐᕕᒃ ᓂᐱᖃᕈᓘᔭᕐᑐᖅ ᑐᓴᕐᓈᖅᑕᐅᔪᓂᒃ ᐊᒻᒪ ᓴᓇᔭᐅᕙᓪᓕᐊᔪᓂᒃ.

ᖁᕝᕙᓯᖕᓂᕐᓴᒥ ᐃᓕᓐᓂᐊᖅᑐᑦ ᐊᒻᒪ ᐃᓐᓇᐃᑦ ᐅᐸᒍᑎᕗᑦ ᐃᙱᑲᑕᒋᐊᖅᑐᖅᖢᑎᒃ, ᑐᓵᔭᖅᑐᖅᖢᑎᒃ ᐊᒻᒪ ᑎᑎᕋᐅᔭᒐᑲᑕᒋᐊᖅᖢᑎᒃ.

ᓴᐃᕋ ᕋᓱᓪ, ᐃᓕᓐᓂᐊᖅᑎᑦᑎᕙᒃᑐᑦ ᑎᑕᐅᓯᕆᓂᕐᒥ ᐃᓕᓐᓂᐊᖅᑐᓂᒃ ᒍᕇᑦ 4-ᒥ ᒍᕇᑦ 6-ᒧ, ᐱᒋᐊᖅᑎᑦᑎᓚᐅᕐᐳᖅ ᓂᐱᖃᕈᓐᓇᐅᑎ ᐊᒻᒪ ᑎᑎᕋᐅᔭᒐᕐᓂᕐᒥ ᐱᓕᕆᐊᒥ ᓯᑎᐱᕆᐅᑎᓪᓗᒍ, ᖃᐅᔨᐊᓪᓚᓚᐅᖅᖢᓂ ᑐᓴᕐᓈᓂᖅᑕᖃᓚᐅᙱᓐᓂᖓᓂ ᖁᕙᓯᖕᓂᕐᓴᓂ ᐃᓕᓐᓂᐊᖅᑐᓂᒃ.

“ᖃᓄᐃᓕᐅᕐᕕᐅᔪᖅ ᐱᐅᒋᑦᑎᐊᕐᑕᕋ ᐊᒻᒪᑐᙵᓇᖅᖢᑎᒃ ᐊᒻᒪᓗ ᐅᓗᕆᐊᓇᙱᖢᓂ,” ᕋᓱᓪ ᐅᖃᕐᑐᖅ ᐊᐱᕐᓱᖅᑕᐅᑎᓪᓗᒍ. “ᒫᓐᓇᓕ ᓱᕈᓯᕐᓂ ᐱᓕᕆᔪᒪᔪᖃᕐᓂᕐᓴᐅᓕᕐᑐᖅ. ᐃᑲᔪᒻᒪᕆᒃᑐᖅ.”

ᐊᑭᐊᓂ ᑐᓴᕐᓈᕈᑎᓕᕆᓐᓇᐅᑉ, ᐊᓯᐊᓂ ᐃᓂᓕᐅᕐᓯᒪᖕᒥᔪᑦ ᑕᕐᓴᖃᐅᑦᑎᐊᖅᖢᓂ, ᑎᑎᕋᐅᔭᕐᕕᖃᖅᖢᑎ ᐊᒥᐊᕆᕝᕕᒃᓴᓂᒃ ᐊᒻᒪ ᐊᒥᐊᕆᔾᔪᑎᓂ ᓴᓇᔪᖃᕈᒪᔪᖃᑐᐊᕐᐸᑦ.

ᕋᓱᓪ ᐅᖃᓚᐅᕐᑐᖅ ᑕᐃᒪᐃᓕᐅᕈᒪᓂᖓᓂ ᑎᑎᕋᐅᔭᒐᕐᓂᕐᒥ ᐃᓕᓴᐅᔨᒧᑦ ᒧᓃᒃ ᓯᑖᓐᑕᓐ, ᑖᓐᓇ ᒪᑐᐃᕈᒪᓚᐅᕐᒥᔭᖓ ᑎᑎᕋᐅᔭᒐᕐᕕᒃᑕᐅᖅ.

ᓗᐃᔅ ᐅᓈᓕᒃ, 16-ᓂ ᐊᕐᕌᒍᓕᒃ ᐃᓕᓐᓂᐊᖅᑐᖅ, ᐃᖏᓚᐅᕐᒥᔪᖅ ᓂᐱᖃᐅᑎᒃᑯᑦ. ᓂᕿᑦᑕᐅᑎᑯᓪᓗ ᓇᕿᑦᑕᖅᖢᓂ ᐅᒃᑑᐱᕆ 6-ᒥ ᐊᒻᒪ ᐅᖃᓕᒫᖅᖢᓂ ᑎᑎᕋᖅᑕᐅᓯᒪᔪᓂᒃ ᐆᒧᖓ ᓵᔅ ᐳᑲᐅᔅᑭ.

“ᐊᑕᐅᓯᕐᓕ ᐅᔾᔨᕆᓗᐊᕐᓂᐊᖅᑕᐃ ᑕᕝᕗᙵᖃᑦᑕᕈᕕᑦ ᐱᓇᓱᐊᕈᓯᖅ ᓄᑖᙳᕌᖓ ᑕᑯᓇᔭᕐᑐᑎᑦ ᐊᔪᕈᓐᓃᖅᓴᖅᐸᓪᓕᐊᔪᓂᒃ,” ᐅᓈᓕᒃ ᐅᖃᕐᑐᖅ.

“ᐊᒃᓱᕈᕈᓘᔭᕐᓇᕐᒪᑦ ᐃᖏᕐᑎᑦᑎᐊᕙᐅᓇᓱᒃᖢᓂᒃ.”

ᐅᓈᓕᒃ ᐅᖃᓚᐅᕐᑐᖅ ᓇᕿᑦᑕᐅᑎᓂ ᑎᑎᑲᑕᖃᑦᑕᓕᕐᓂᖓᓂ ᐊᕐᕌᒎᓕᕐᑐᓂᒃ ᑕᓪᓕᒪᓂ ᐊᒻᒪ ᐅᓇ ᓂᐱᖃᕈᓐᓇᐅᑎ ᐃᑲᔪᕐᓯᒪᔪᖅ ᐊᔪᕈᓐᓃᕐᓴᕈᑎᒋᕙᒃᖢᓂᐅᒃ.

“ᐅᕗᙵᕐᖢᓂ ᐃᓂᖃᑦᑎᐊᕐᓇᖅᑐᐊᓗ ᐃᓕᖕᓂ ᓴᕿᑎᑦᑎᔪᓐᓇᕐᒪᑦ ᖃᓄᐃᑦᑐᒪᔭᒃᑯᑦ,” ᐅᖃᕐᑐᖅ.

ᐃᓚᐅᔪᑦ ᐊᒻᒪ ᑕᒧᓗᒐᒃᓴᖃᖅᑎᑕᐅᖃᑦᑕᕐᑐᑦ, ᖁᔭᓐᓇᒦᑦ ᖁᕝᕙᓯᖕᓂᕐᓴᓂ ᐃᓕᓐᓂᐊᖅᑎ ᓄᑲᔭ ᒍᐊᑕᓐ ᓵᓐᑐᔅ

ᓵᓐᑐᔅ ᐃᖅᑲᓇᐃᔭᖅᑎᑕᐅᔪᖅ ᐆᑦᑎᖃᑦᑕᕐᓂᕐᒥ ᓂᐱᖃᐅᑎᑲᑕᖕᓇᖅᑎᓪᓗᒍ ᐆᒧᖓ ᒥᐅᕆᐅᓪ ᑲᐴᓚ, ᑐᑭᒧᐊᖅᑎᑦᑎᔨ ᐅᕙᓂ ᐃᑉᐱᒍᓱᒋᐅᕐᓴᕕᒃᒥ, ᓄᓇᓕᖕᓂ ᑲᑐᔾᔨᖃᑎᒌᑦ ᑲᒪᒋᔭᐅᓗᑎᒃ ᐃᒡᓗᖃᖅᑎᑦᑎᕙᒃᑐᑦ ᐃᓱᒪᖏᑦᑎᒍᑦ ᐋᓐᓂᐊᖃᓗᐊᖅᑐᓂᒃ ᐊᒻᒪ ᐋᓐᓂᐊᖃᓕᔭᑦᑐᓂᒃ.

ᑖᒃᑯᐊ ᑲᑐᔾᔨᖃᑎᒌᑦ ᐃᑲᔫᑎᒃᓴᖅᑖᖅᐸᒃᑐᑦ ᓄᓇᕕᒃᒥ ᓄᓇᓕᓕᒫᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᐊᒻᒪ ᐃᓄᓕᕆᔨᒃᑯᓐᓂ ᐃᑲᔪᕋᓱᒍᑎᐅᓪᓗᓂ ᓂᕿᖃᕈᓐᓇᑦᑎᐊᙱᓐᓂᕐᒥ, ᑖᒃᑯᐊᓗ ᓂᕿᓕᐅᕐᓯᒪᔪᓂ ᐃᓅᓯᑦᑎᐊᕆᖕᓇᖅᑐᓂᒃ ᑐᓂᐅᖃᐃᕙᒃᖢᓂ ᓄᓇᓕᖕᓂ.

“ᑐᓴᕋᒪ ᓄᑲᔭᐅᑉ ᒥᒃᓵᓂ, ᑖᓐᓇᓗ ᐆᑎᒃᑲᑕᒍᓐᓇᖅᖢᓂ ᖁᕕᐊᒋᑐᐃᓐᓇᖅᖢᓂᐅᒃ, ᑕᐃᒪᓕ ᓈᒻᒪᑐᐃᓐᓇᓕᓚᐅᕐᑐᖅ ᑖᔅᓱᒧᖓ,” ᑲᐴᓚ ᐅᖃᓚᐅᕐᑐᖅ ᐊᐱᕐᓱᖅᑕᐅᑎᓪᓗᒍ.

“ᐃᓱᒪᓚᐅᕐᕋᒪ ᐅᓇ ᐃᖅᑲᓇᐃᔭᕐᕕᐅᔪᓐᓇᕐᓂᖓᓂᒃ ᓄᓇᓕᖕᓂ ᐃᓅᓱᒃᑐᒧᑦ ᐊᒻᒪᓗ ᐊᔪᙱᓐᓂᕐᒥᓂ ᐊᑐᕐᓗᓂ ᐅᕘᓇ ᓂᐱᖃᐅᑎᓕᕆᓐᓇᒥ.”

ᓵᓐᑐᔅ ᐅᖃᓚᐅᕐᑐᖅ ᐆᑦᑎᖃᑕᕐᓯᒪᓕᕐᓂᖓᓂ ᐃᓅᓱᒃᑑᓂᖓᓂ.

“ᑕᐅᑐᓚᐅᕐᓯᒪᒐᒃᐳ ᐊᖓᔪᒐ ᓴᓇᔪᖅ ᐳᕋᐅᓂᔅ ᐆᑦᑎᑐᐃᓐᓇᕆᐊᓕᖕᒥ ᐊᒻᒪ ᐱᐅᒋᑦᑎᐊᓚᐅᕋᒃᑯ,” ᐅᖃᕐᑐᖅ.

“ᑭᖑᓂᐊᒍᑦ ᑕᐅᑐᖃᑦᑕᓕᓚᐅᕋᒪ ᐊᕐᓇᒥ ᔫᑑᑉᑯᑦ ᐅᕙᓐᓂᓪᓗ ᐃᑲᔪᕐᒪᕆᓚᐅᖅᖢᓂ ᐊᔪᙱᒻᒥᔪᖓᑦᑕᐅᖅ.”

ᓵᓐᑐᔅ ᐆᑦᑎᔭᒥᓂ ᑕᐅᕐᓰᖃᑎᖃᖃᑦᑕᕐᓯᒪᔪᖅ ᕋᓱᔾᒥ, ᑎᑕᐅᑎᓕᕆᓂᕐᒥ ᐃᓕᓴᐃᔨᒥ, ᑕᐃᒪᙵ ᓄᕙᒡᔪᐊᕐᓇᖅ-19 ᐱᑕᖃᓕᖅᑎᓪᓗᒍ 2020-ᒥ.

“ᖁᕕᐊᒋᒻᒪᒍ ᐆᑦᑎᑲᑕᒋᐊᒃᓴᖅ. ᑕᐃᒪᓕ ᑕᐅᓰᖃᑎᖃᖃᑦᑕᓕᓚᐅᕐᑐᒍ ᐆᑕᕕᓂᑦᑎᓐᓂ ᐊᒻᒪ ᖁᕕᐊᓇᖅᖢᓂ ᓄᕙᒡᔪᐊᕐᓇᖅᑕᖃᖅᑎᓪᓗᒍ, ᕋᓱᓪ ᐅᖃᕐᑐᖅ, ᐅᖃᒃᑲᓐᓂᖅᖢᓂ ᐱᐊᓂᒃᓯᒪᔪᐃᑦ “ᐊᒃᓱᐊᓗᒃ ᒪᒪᕐᑐᐃᑦ.”

ᐅᓇ ᓂᐱᖃᐅᑎᖃᕐᓇᐅᑎᓪᓗᒍ, ᓵᓐᑐᔅ ᐅᖃᓚᐅᕐᑐᖅ ᐃᓚᐅᑦᑎᐊᕐᓇᕆᓂᕋᖅᖢᓂᐅᒃ.

“ᖁᕕᐊᒋᒐᒃᑯ ᐅᐸᖃᑦᑕᖅᖢᓂ ᓴᐃᓕᔭᖅᑐᖅᖢᖓ. ᐃᓱᒪᒋᕙᒃᖢᒋᓪᓗ ᐊᔪᙱᔾᔪᑎᒋᔭᐅᔪᑦ ᐃᓛᓐᓂ ᐳᐃᒍᖅᓯᒪᔭᒃᑯ ᐅᕙᓐᓂᑐᐊᖅ ᐃᓱᒪᒋᓗᐊᒧᑦ,” ᐅᖃᕐᑐᖅ.

ᑲᐴᓚ ᐱᐅᒃᓴᑦᑎᐊᓚᐅᕐᒥᔪᖅ ᖃᓄᐃᓕᐅᕈᑎᒋᔭᐅᔪᒥᒃ ᓲᖃᐃᒻᒪ ᐱᔨᑦᑎᕋᖅᐸᒃᑕᖏ ᐃᓅᖃᑎᖃᕈᓐᓇᕐᓯᕙᒃᑐᑦ.

“ᐱᔨᑦᑎᕋᖃᑦᑕᖅᑕᕗᑦ ᐃᓄᐃᑦ ᐃᓱᒪᖏᑦᑎᒍᑦ ᐋᓐᓂᐊᖃᖅᑐᑦ ᐊᒻᒪᓗ ᐊᔪᓚᐅᖅᐸᒃᖢᑎᒃ ᓄᓇᓕᖕᓂ ᐃᓚᐅᖃᑕᐅᑦᑎᐊᕆᐊᒃᓴᖅ,” ᐅᖃᕐᑐᖅ.

“ᐃᓱᒪᒃᑯᑦ ᐋᓐᓂᐊᖃᖅᑕᐃᓕᓂ ᖃᓄᐃᓕᐅᕈᒪᓕᕐᓂᖃᑦᑎᐊᙱᖢᓂ ᐊᒻᒪᑦᑕᐅᖅ ᑕᒪᑐᒧᖓ ᐃᓱᒪᒋᔭᐅᕌᓂᒃᓯᒪᔪ.”

ᐅᖃᓚᐅᕐᑐᖅ ᐱᔨᑦᑎᕋᖅᑕᖏᑦᑕ ᐃᓚᖏᑦ ᐅᐸᒍᑎᖃᑦᑕᕐᓂᖏᓐᓂᒃ ᓂᐱᖃᕈᓐᓇᐅᑎᓕᕆᓐᓇᓂ ᐱᓇᓱᐊᕈᓯ ᑕᒫᓐ ᑕᐃᒪᙵᑦ ᐱᒋᐊᓚᐅᕐᓯᒪᑎᓪᓗᒍ.

“ᐱᐅᒻᒪᕆᒐᓱᒋᒐᒃᑯ ᐅᓇ ᐱᓕᕆᓂᑦᑎᐊᕙᐅᓂᖓᓂ ᓲᖃᐃᒻᒪ ᐱᔨᑦᑎᕋᖅᐸᒃᑕᕗᑦ ᐃᓚᐅᑎᑕᐅᕙᖕᒪᑕ. ᖃᓄᐃᑦᑕᕆᐊᒃᓴᖏᓐᓂᒃ ᐃᓱᒪᒋᔭᐅᕙᙱᖢᑎᒃ ᑕᐃᑯᙵᕌᖓᑕ,” ᑲᐴᓚ ᐅᖃᕐᑐᖅ.

ᓂᐱᖃᕈᓐᓇᐅᑎᓕᕆᓂᖅ ᒪᑐᐃᖓᕙᒃᑐᖅ ᓇᒡᒐᔾᔭᐅᑕᒫᓐ 6:30-ᒥ 8:00-ᒧ ᐅᓐᓄᒃᑯᑦ.