ᐋᑐᕚ ᒪᒥᐊᑉᐳᖅ ᓄᓇᕕᒃ ᐃᓄᖏᓐᓄᑦ ᕿᒻᒦᔭᖅᑕᐅᓚᐅᕐᓂᖏᓐᓄᑦ

For the English version of this story, please see Ottawa apologies for dog slaughter, gives Makivvik $45M.

ᒐᕙᒪᑐᖃᒃᑯᑦ ᑐᓂᓯᓂᐊᖅᑐᑦ ᒪᑭᕝᕕᒃ ᑯᐊᐳᕇᓴᓐᑯᓐᓂᑦ $45 ᒥᓕᐊᓐᓂᒃ ᐃᓚᒋᓪᓗᓂᐅᒃ ᒪᒥᐊᓐᓂᕐᒧᑦ ᑕᐃᔭᐅᔪᒥᒃ “ᐋᖅᑭᒋᐊᖅᑕᐅᓯᒪᖏᑦᑐᖅ ᑐᖁᑦᑎᓂᖅ” ᕿᒻᒥᓂᒃ ᓄᓇᕕᒻᒥ 1950-ᖏᓐᓂ ᐊᒻᒪᓗ 1960-ᖏᓐᓂ.

ᑯᐃᑉ ᑭᒡᒐᖅᑐᖅᑎᖏᑦ−ᓄᓇᖃᖅᑳᖅᓯᒪᔪᓕᕆᓂᕐᒧᑦ ᒥᓂᔅᑕ ᒋᐅᕆ ᐊᓇᓵᖓᕈ ᑲᖏᖅᓱᔪᐊᕐᒦᓚᐅᖅᑐᖅ ᓄᕕᐱᕆ 23−ᖑᑎᓪᓗᒍ ᒪᒥᐊᖦᖢᓂ ᑭᒡᒐᖅᑐᕐᖢᓂᒋᑦ ᒐᕙᒪᑐᖃᒃᑯᑦ.

“ᐅᓪᓗᒥ, ᑲᓇᑕᐅᑉ ᒐᕙᒪᒃᑯᖏᑦ ᐊᖏᓚᐅᖅᐳᑦ ᑲᒪᒋᔭᒃᓴᒥᓂᒃ ᐱᓕᕆᐊᕆᔭᒥᓄᑦ ᐱᐅᙱᑦᑐᒥᒃ ᐱᓂᕐᓗᒃᑐᖃᖅᑎᓪᓗᒍ ᐅᖃᐅᓯᖃᖅᖢᑎᒡᓗ ᐅᒡᒍᐊᓪᓚᕆᖕᓂᕐᒥᒃ ᒪᒥᐊᓪᓚᕆᖕᓂᕐᒥᒡᓗ ᐋᓐᓂᖅᑎᑦᑎᔪᖃᓚᐅᕐᓂᖓᓄᑦ ᕿᒻᒦᑦ ᑐᖁᕋᖅᑕᐅᓚᐅᕐᓂᖓᓄᑦ ᓄᓇᕕᒃᒥ,” ᐊᓇᓐᑕᖓᕆ ᐅᖃᖅᖢᓂ ᒐᕙᒪᒃᑯᑦ ᑐᓴᒐᒃᓴᖁᑎᖏᓐᓂᒃ ᓴᖅᑭᑎᑕᐅᔪᒥᒃ ᒪᒥᐊᕝᕕᐅᕌᓪᓚᓚᐅᖅᑎᓪᓗᒍ ᑲᖏᖅᓱᐊᖅ ᓄᓇᓕᖕᓂ ᑲᑎᑦᑕᕐᕕᖕᒥ.

1,000 ᐅᖓᑖᓂ ᕿᒻᒥᓂᒃ ᖁᑭᖅᑕᐅᔪᖃᓚᐅᖅᑐᖅ ᐃᖅᑲᓇᐃᔭᖅᑎᓄᑦ Hudson’s Bay Co.-ᑯᓐᓄᑦ, ᐊᒻᒪᓗ ᐊᓯᖏᑦ ᐱᔪᓐᓇᐅᑎᓖᑦ ᕿᑎᐊᓂ 1950-ᖏᓐᓂ ᐊᒻᒪᓗ 1960-ᖏᓐᓂ, ᒪᓕᑦᑐᒋᑦ ᐃᓄᐃᑦ ᑕᐱᕇᑦ ᑲᓇᑕᒥ, ᑲᓇᑕᒥ ᑲᑐᔾᔨᖃᑎᒌᑦ ᑭᒡᒐᖅᑐᐃᔪᑦ ᐃᓄᓐᓂᒃ ᑲᓇᑕᒥ.

ᕿᒻᒦᔭᖅᑕᐅᓚᐅᖅᑐᑦ ᓂᕿᖃᕈᓐᓃᕈᑕᐅᓚᐅᖅᐳᑦ ᐊᒻᒪ ᒪᑭᒪᒐᓱᐊᓂᕐᒧᑦ ᐊᔪᖅᓴᕈᑕᐅᓪᓗᑎᒃ ᐊᒻᒪ ᐊᓯᐅᔨᓪᓗᑎᒃ ᐃᓕᖅᑯᓯᑐᖃᖅᑎᓐᓂᑦ ᐃᓄᓐᓄᑦ ᓄᓇᕕᒻᒥ, ᒐᕙᒪᒃᑯᑦ ᐱᕙᓪᓕᐊᔪᒃᑰᖅᑎᑦᑎᓚᐅᖅᐳᑦ.

“ᕿᒧᒃᓰᑦ ᐃᓚᒋᔭᐅᒻᒪᕆᓚᐅᖅᐳᑦ ᐱᐅᓯᕆᕙᓚᐅᖅᑕᑦᑎᓐᓄᑦ ᐊᒻᒪ ᖃᐅᑕᒫᑦ ᐃᓅᓯᑦᑎᓐᓄᑦ. ᕿᒻᒦᑦ ᐱᓕᕆᐊᑦᑎᓐᓂᑐᐊᖑᓚᐅᙱᑦᑐᑦ ᑭᓯᐊᓂ ᐃᓚᑦᑎᓐᓄᑦ ᐃᓚᒋᔭᐅᑐᐃᓐᓇᓚᐅᙱᑦᑐᑦ,” ᒪᑭᕝᕕᒃ ᐊᖓᔪᖅᑳᑉ ᑐᒡᓕᐊ ᐋᑕᒥ ᑎᓖᓱ ᐊᓚᑯ ᐅᖃᓚᐅᖅᓯᒪᔪᖅ ᖁᕕᐊᓲᑎᖃᖅᑎᓪᓗᒋᑦ.

ᐊᒻᒪ ᓱᓕ ᒪᒥᐊᓐᓂᐅᑉ, ᒐᕙᒪᒃᑯᑦ ᑮᓇᐅᔭᖃᖅᑎᑦᑎᓂᐊᖅᑐᑦ ᒪᑭᕝᕕᒻᒧᑦ ᐃᑲᔪᕈᑕᐅᓂᐊᖅᑐᓂᒃ ᐱᓕᕆᐊᓄᑦ ᓴᖅᑭᔮᖅᑎᑦᑎᒃᑲᓐᓂᕈᑕᐅᓂᐊᖅᑐᓂᒃ ᒪᒥᓴᕐᓂᕐᒥᒃ ᐊᒻᒪ ᐃᓕᖅᑯᓯᑐᖃᕐᒥᒃ ᐆᒻᒪᖅᑎᑦᑎᒃᑲᓐᓂᕋᓱᐊᕐᓂᕐᒥᒃ, ᓴᖅᑭᑕᐅᓚᐅᖅᑐᖅ ᐅᖃᖅᑐᓂ.

ᒪᑭᕝᕕᒃ ᐊᖓᔪᖅᑳᖓ ᐱᑕ ᐋᑕᒥ ᐅᖃᓚᐅᖅᑐᖅ ᐃᓄᐃᑦ ᐃᖅᑲᓇᐃᔭᖅᓯᒪᔪᑦ “ᑕᖃᔪᐃᑦᑑᓪᓗᑎᒃ ᑕᒪᑐᒧᖓ ᐃᓕᓴᕆᔭᐅᓂᕐᒧᑦ ᒪᒥᐊᓐᓂᕐᒧᓪᓗ” ᐊᕐᕌᒍᒐᓴᖕᓄᑦ.

“ᑲᒪᒋᔪᓐᓇᙱᖦᖢᑎᒍᑦ ᐋᓐᓂᐊᕐᓂᕆᔭᕗᑦ ᐊᓯᐅᔨᔭᐅᔪᓪᓗ ᑕᐃᒪᐃᑎᑕᐅᔪᓄᑦ ᑕᒪᒃᑯᓄᖓ ᐱᓕᕆᐊᖑᔪᓄᑦ, ᑖᒃᑯᐊ ᑮᓇᐅᔭᖁᑎᒋᔭᐅᔪᑦ ᐅᓪᓗᒥ ᐅᖃᐅᓯᐅᖅᑲᐅᕗᑦ ᐊᓪᓗᕆᐊᕈᑕᐅᕗᖅ ᒪᒥᓴᕐᓂᕐᒧᑦ ᓄᓇᓕᑦᑎᓐᓄᑦ,” ᑕᐃᒪᓐᓇ ᐋᑕᒥ ᐅᖃᖅᖢᓂ, ᑖᓐᓇ ᐊᐅᓚᑦᑎᓪᓗᓂ ᑲᑐᔾᔨᖃᑎᒌᒥᒃ ᑲᒪᒋᔭᒃᓴᖃᖅᖢᓂ ᓴᐳᔾᔨᓯᒪᓂᐊᕐᓗᓂ ᐱᔪᓐᓇᐅᑎᒋᔭᐅᔪᓂᒃ ᐃᓱᒪᒋᔭᐅᓯᒪᔪᓂᒡᓗ 13,000−ᓄᑦ ᐃᓄᖕᓄᑦ ᓄᓇᕕᖕᒥ.

ᑕᐃᓪᓗᓂᐅᒃ ᒐᕙᒪᑐᖃᒃᑯᑦ ᑮᓇᐅᔭᖃᖅᑎᑦᑎᓂᖓ “ᐊᓪᓗᕆᐊᕐᓂᖅ ᒪᒥᓴᕐᓂᕐᒧᑦ” ᓄᓇᕕᒃ ᓄᓇᓕᖏᓐᓄᑦ, ᐃᓚᓯᓗᓂ ᐅᖃᐅᓯᖃᕐᓂᐊᖅᑐᖅ “ᐊᒃᓱᕈᕐᓇᖅᑐᒃᑰᕐᔪᐊᖅᓯᒪᔪᑦ ᑭᖑᓂᑦᑎᓐᓂ” ᖃᐅᔨᒪᒋᐊᕐᓗᓂᓗ ᒐᕙᒪᑐᖃᒃᑯᑦ ᐱᓕᕆᖃᑎᖃᕐᓗᑎᒃ ᒪᒥᓴᕐᓂᕐᒥ ᐱᕙᓪᓕᐊᓂᖓᓂ − ᑭᓱᑭᐊᖅ ᒪᑭᕝᕕᒃ ᑲᔪᓯᔭᕆᐊᖃᖅᓯᒪᔪᖅ ᓇᖕᒥᓂᖅ ᐊᑯᓂᐅᓗᐊᖅᑐᖅ.