ᐸᖕᓂᕐᑑᒥ ᐊᖑᓇᓱᒃᑏᑦ ᐅᒥᐊᖅᑐᑲᑕᓕᕐᐳᑦ ᕿᓚᓗᒐᕐᓇᖅᓯᑎᓪᓗᒍ

ᐃᓚᒌᑦ ᐊᐅᓪᓚᑲᑕᓚᐅᖅᑐᑦ ᐱᓇᓱᐊᕈᓯᐅᑉ ᓄᙳᐊᓂ ᕿᓚᓗᒐᕐᓂ ᑕᑯᔪᖃᓚᐅᖅᑎᓪᓗᒍ ᐃᒫᓂ

ᐸᖕᓂᕐᑑᒥ ᐃᓚᒌᑦ ᐅᑕᕿᑯᑖᓚᐅᖅᖢᑎᒃ ᕿᓚᓗᒐᕋᓱᒋᐊᓕᓚᐅᖅᐳᑦ ᓈᑦᑏᖑᔭᓛᕐᓂᐊᖑᓚᐅᖅᑐᒥᑦ, ᐅᓄᕐᑐᑦ ᐅᑎᖅᖢᑎᒃ ᓈᑦᑏᖑᔭᒥ ᕿᓚᓗᒐᖅᓯᒪᓪᓗᑎᒃ. 14-ᓂ ᐊᕐᕌᒍᓕ ᔫᓴᕝ ᕿᓚᕙᒃ ᐅᓂᐊᕐᑐᖅ ᕿᓚᓗᒐᐅᑉ ᐃᓚᖓᓂ ᐅᒥᐊᖓᓂᒃ. (ᐊᔾᔨᓕᐅᕆᔨ ᒥᓚᓂ ᐅᕆᑦᓵᑦ)

By ᒥᓚᓂ ᐅᕆᑦᓵᑦ

For an English version of this story, see Pangnirtung hunters take to the water for beluga season

ᐸᖕᓂᕐᑑᖅ — ᓯᑯᖃᕈᓐᓃᖅᑎᓪᓗᒍ ᐊᒻᒪᓗ ᕿᓚᓗᒐᕐᓂᒃ ᑕᑯᑲᑕᒃᑐᑦ ᓈᓚᐅᑎᒃᑯᑦ ᑐᓴᖅᓴᐅᑲᑕᒃᖢᑎᒃ, ᐃᓚᒌᖑᔪᑦ ᐊᐅᓪᓚᖅᑳᑎᒋᕗᑦ ᐊᑯᓂᕈᓗᒃ ᐅᑕᕿᓚᐅᖅᑎᓪᓗᒋ ᕿᓚᓗᒐᕋᓱᖕᓇᒥᑦ ᐱᓇᓱᐊᕈᓯᐅᓚᐅᖅᑐᒥᓐ.

ᓈᑦᑏᖑᔭᓛᕐᓂᐊᖅ ᑎᑭᓚᐅᖅᑎᓪᓗᒍ, ᐃᓚᒌᖑᔪᑦ ᐅᖅᓱᐊᓗᒃᑖᕋᓱᒃᑐᑦ ᐅᑕᕿᑲᑕᒋᐊᖃᓚᐅᖅᑐᑦ ᐊᒻᒪᓗ ᑕᖁᐊᒃᓴᖏᑦ ᐅᒥᐊᖏᓐᓄᑦ ᐅᓯᓕᖅᓱᖅᖢᓂᔾᔪᒃ ᐊᐅᓚᓚᐅᙱᓐᓂᖏᓐᓂᒃ ᑕᒪᓐᓇ ᓯᒡᔭ ᑭᓱᖃᕈᓐᓃᑲᓴᒃᖢᓂ.

ᐅᓄᖅᑐᑦ ᐅᑎᓚᐅᖅᑐᑦ ᓈᑦᑏᖑᔭᒥᑦ ᐅᓪᓗᒃᑯᑦ, ᐅᓯᓕᖅᓱᐃᓪᓗᑎᒃ ᓇᑦᑎᖅᑕᖏᓐᓂᒃ, ᒫᒃᑖᓂᒃ ᐊᒻᒪᓗ ᑐᒃᑐᓂᒃ ᐅᒥᐊᖏᓐᓂᒃ.

14-ᓂ ᐊᕐᕌᒍᓕᒃ ᔫᓴᕝ ᕿᓚᕙᒃ ᐱᖃᓐᓇᖓᓗᑦ ᑐᕙᓐ ᑐᕚᓪ ᕿᓚᓗᒐᓚᐅᖅᑑᑦ ᐊᒻᒪ ᑐᒃᑐᖢᑎᒃ ᐃᒫᓃᑎᓪᓗᒋᑦ, ᐅᖃᖅᑐᖅ ᑕᐃᕕᑦ ᓇᑲᓱᒃ, ᔫᓴᕝ ᐊᑖᑕᖓ.

ᐸᖕᓂᕐᑑᒥ ᑐᕙᓐ ᑐᕚᓪ ᐅᕙᓂ ᓴᖅᑭᔮᖅᑐᖅ ᕿᓚᓗᒐᓚᐅᖅᑕᖓᑐ ᓴᓂᑦᑎᐊᖓᓂ ᐱᓇᓱᐊᕈᓯᐅᑉ ᓄᙳᐊᓂᑦ. (ᐊᔾᔨᙳᐊᖅ ᐅᕙᙵᑦ ᑕᐃᕕᑦ ᓇᑲᓱᒃ)

ᐅᓇ ᓯᕗᓪᓕᖅᐹᖑᓚᐅᕐᑐᖅ ᐱᓇᓱᐊᕈᓯᐅᑉ ᓄᙳᐊᓂᒃ ᐃᓚᒌᑦ ᐅᒥᐊᖅᑐᕆᐊᖅᑐᖅᖢᑎ ᑕᒪᑐᒪᓂ ᐊᐅᔭᕐᒥ.

ᐊᓯᖏᓪᓕ ᐱᓇᓱᐊᕈᓯᖅ ᐃᓱᓕᓚᐅᙱᓐᓂᖓᓂᒃ ᐊᐅᓪᓚᓚᐅᖅᓯᒪᓪᓗᑎᒃ.

ᓄᓇᓕᖕᓂᒃ ᕿᓚᓗᒐᖅᑕᐅᔪᓐᓇᖅᑐᑦ ᓄᑖᙳᕆᐊᖅᑕᐅᕙᒃᑎᓪᓗᒋᑦ ᐄᐳᕈᒥᑦ — 41-ᓂ ᐸᖕᓂᖅᑑᒥ ᐱᔪᓐᓇᖅᖢᑎᒃ, ᐊᐅᔭᒃᑯᑦ ᕿᓚᓗᒐᕋᓱᖕᓇᖅ ᒪᑐᐃᓪᓚᕆᖃᑦᑕᖅᑐᖅ ᔪᓚᐃ 1-ᒥ, ᐅᖃᖅᑐᖅ ᓄᐊ ᒨᓯᓯ.

ᒨᓯᓯ ᐃᓚᖏᓪᓗ ᐅᒥᐊᖅᑐᑲᑕᓚᐅᖅᑐᑦ ᐅᓪᓗᓂ ᑕᓪᓕᒪᓂᒃ, ᔫᓂ 27-ᒥᑦ ᑎᑭᖢᒍ ᔪᓚᐃ 2, ᒫᓂ 390 ᑭᓛᒥᑕᓂ ᐃᖏᕐᕋᑲᑕᓪᓗᐊᖅᖢᑎᒃ ᑖᓐᓇ ᐅᒥᐊᖅ 6-ᓂ ᐃᓄᖃᖅᖢᓂ.

ᔫᓂ 28 ᐅᓪᓛᖓᓂ, ᐊᖑᓇᓱᒃᑐᒥᑦ ᐸᖕᓂᖅᑑᒧ ᓈᓚᐅᑎᒃᑯᑦ ᐅᖃᖅᑐᖃᓚᐅᖅᓯᒪᖕᒪᑦ ᕿᓚᓗᒐᕐᓂᒃ ᑕᑯᓂᕋᖅᑐᒥᑦ ᐊᒻᒪᓗ ᐊᓯᖏᓐᓂ ᐊᖑᓇᓱᒃᑎᓄᑦ ᐅᐸᒃᑕᐅᓕᖅᖢᓂ.

ᑖᓐᓇ ᓈᓚᐅᑎᒃᑯᑦ ᑐᓴᖅᑕᐅᑎᓪᓗᒍ ᐊᖑᓇᓱᒃᐸᒃᑐᑦ ᖃᓄᐃᓕᐅᖅᑕᖏᓐᓂᒃ ᓄᖅᑲᖅᖢᑎᒃ ᐅᕝᕙᓘᓐᓃᑦ ᐃᖅᑲᓇᐃᔭᕈᓐᓃᓚᐅᑲᒃᖢᑎᒃ ᕿᓚᓗᒐᕋᓱᖕᓂᐊᕐᒪᑕ, ᒨᓯᓯ ᐅᖃᖅᑐᖅ.

“ᕿᓚᓗᒐᖅᑕᐅᔪᓐᓇᖅᑐᑦ ᓄᖑᓚᐅᙱᓐᓂᖓᓂᒃ ᑭᓇᑐᐃᓐᓇ ᒫᓐᓇ ᕿᓚᓗᒐᕈᒪᖕᒪᑦ,” ᐅᖃᖅᑐᖅ.

ᐸᖕᓂᕐᑑᑉ ᑐᓚᒃᑕᖅᕕᖏᑦ ᑭᓱᖃᑦᑎᐊᓚᐅᙱᑦᑐᑦ ᐱᓇᓱᐊᕈᓯᐅᓚᐅᖅᑑᑉ ᓄᙳᐊᓂ ᕿᓚᓗᒐᕐᓇᖅᓯᑎᓪᓗᒍ. (ᐊᔾᔨᓕᐅᕆᔨ ᒥᓚᓂ ᐅᕆᑦᓵᑦ)

“ᐅᖃᕈᓐᓇᙱᑦᑐᖓᓘᓐᓃᑦ ᖃᔅᓯᐅᖕᒪᖔᑦ ᐅᒥᐊᑦ, ᐅᓄᓗᐊᖅᑐᐊᓘᖕᒪᑕ.”

ᐃᕐᓂᖓ ᕿᓚᓗᒐᓚᐅᕐᑐᖅ ᐊᒻᒪᓗ ᑖᔅᓱᒥᖓ ᐃᓚᒌᑦ ᓂᕿᖃᕈᓐᓇᕐᓂᐊᓕᖅᖢᑎᒃ ᐊᕐᕌᒍᒥ, ᒨᓯᓯ ᐅᖃᖅᑐᖅ.

ᕿᓚᓗᒐᕋᓱᖃᑦᑕᕐᓂᐊᖅᑐᑦ ᑭᓯᐊᓂ ᐱᔭᐅᔪᓐᓇᖅᑐᑦ ᑎᑭᑕᐅᒃᐸᑦ ᐊᒻᒪᓗ ᐱᓇᓱᐊᕈᓯᐅᑉ ᓄᙳᐊᓂᒃ ᒨᓯᓯ ᐊᒻᒪ ᐊᓯᖏ ᐊᖑᓇᓱᒃᑏᑦ ᐊᐃᕝᕙᒐᓱᒋᐊᕐᓂᐊᖅᖢᑎᒃ, ᒨᓯᓯ ᐅᖃᕐᒥᔪᖅ.

Share This Story

(0) Comments