ᐸᖕᓂᕐᑑ ᒪᐃᔭᖓ ᓄᖅᑲᖅᐳᖅ ᐊᕐᕌᒎᖕᓂ ᒪᕐᕉᖕᓂ ᒪᐃᔭᐅᓪᓗᓂ
ᓕᓐ ᒪᐃᒃ, ᓂᕈᐊᕐᑕᐅᓚᐅᕐᓯᒪᔪᖅ 2023-ᒥ, ᓄᖅᑲᖅᐳᖅ ᕼᐋᒻᒪᓚᒃᑯᑦ ᕿᒥᕐᕈᐊᓕᖅᖢᑎᒃ ᖃᓄᖅ ᒪᐃᔭᐅᑉ ᐃᓂᖓ ᐃᓄᒃᑖᕋᔭᕆᐊᒃᓴᖓᓂ
ᐸᖕᓂᕐᑑ ᒪᐃᔭᖓ ᓕᓐ ᒪᐃᒃ ᐊᕐᕌᒎᖕᓂ ᒪᕐᕉᖕᓂ ᐃᓚᓪᓗᒍ ᓄᖅᑲᓕᕐᐳᖅ ᒪᐃᔭᐅᓂᕐᒥ. ᕼᐋᒻᒪᓚᒃᑯᑦ ᖃᓄᐃᓕᐅᕐᓂᐊᓕᕐᓂᖏᓐᓂ ᕿᒥᕐᕈᐊᓕᕐᑐᑦ ᕼᐋᒻᒪᓚᒃᑯᑦ ᒪᓕᒐᖏᓐᓂ ᐊᒻᒪᓗ ᓄᓇᕗᒥᑦ ᓂᕈᐊᕐᓂᕐᒧᑦ ᒪᓕᒐᕐᓂ ᒪᐃᔭᐅᑉ ᐃᓂᖓ ᐃᓄᖃᓕᕐᑎᓐᓇᓱᒃᖢᒍ. (ᐊᔾᔨᓕᐅᕆᔨ ᔨᐊᕝ ᐱᐊᑦᓯᐄ)
For the English version of this story, please see Pangnirtung mayor resigns after 2 years in office.
ᐸᖕᓂᕐᑑ ᒪᐃᔭᖓ ᓕᓐ ᒪᐃᒃ ᓄᖅᑲᓚᐅᕐᑐᖅ ᐃᓂᒋᔭᖓᓂ ᕼᐋᒻᒪᓚᒃᑯᓐᓂ ᐃᓂᒋᓚᐅᖅᖢᓂᐅᒃ ᐊᕐᕌᒎᖕᓂ ᒪᕐᕉᖕᓂ ᐃᓚᖃᖅᖢᓂ.
ᐅᕙᓂ ᕙᐃᔅᐳᒃᑯᑦ ᑐᓴᒐᒃᓴᓕᐊᕆᔭᐅᓂᑯᒥ ᑎᓯᐱᕆ 3-ᖑᑎᓪᓗᒍ, ᕼᐋᒻᒪᓚᒃᑯᑦ ᐊᐅᓚᑦᑎᔨᖏᑦ ᐅᖃᓚᐅᕐᑐᑦ “ᖃᐅᔨᒪᓂᕋᖅᖢᑎᒃ ᐊᒃᓱᕈᕐᓇᕐᓂᖓᓂ ᑎᑎᕋᕐᕕᒃᒥ ᐱᓕᕆᐊᖃᕐᖢᓂ” ᐊᒻᒪᓗ ᖁᔭᓕᓪᓗᑎᒃ ᒪᐃᒃᒥ ᐱᔨᑦᑎᕋᓚᐅᕐᓂᖓᓄᑦ ᐸᖕᓂᕐᑑᕐᒥᐅᓄᑦ.
ᒪᐃᒃ ᓂᕈᐊᕐᑕᐅᓚᐅᕐᓯᒪᔪᖅ ᐅᒃᑑᐱᕆ 23, 2023-ᒥ, ᒪᐃᔭᐅᓚᐅᕐᑐᒥ ᓯᑏᕕ ᖁᒻᒧᐊᕐᑐᕐᒥ ᓵᓚᖃᖅᖢᓂ.
ᐱᓕᕆᐊᖃᓚᐅᕐᓯᒪᔪᖅ ᓇᖕᒥᓂᕆᔭᐅᔪᓂ ᐱᕙᓪᓕᐊᑎᑦᑎᔨᐅᓪᓗᓂ ᑲᑭᕙᒃ ᑲᑐᔾᔨᖃᑎᒌᓄᑦ, ᐊᒻᒪ ᐃᓕᓐᓂᐊᖅᑐᓕᕆᔨᓄᑦ ᐃᒃᓯᕙᐅᑕᕆᔭᐅᓪᓗᓂ ᐊᒻᒪᓗ ᖃᑦᑎᕆᔨᐅᖃᑕᐅᓪᓗᓂ.
ᑭᒃᑯᓕᒫᓄᑦ ᑐᓴᒐᒃᓴᓕᐊᕆᔭᐅᔪᖅ ᐅᖃᕐᓯᒪᓚᐅᕐᒥᔪᖅ ᐱᓕᕆᔨᒻᒪᕇᑦ ᕿᒥᕐᕈᐊᕐᓂᖏᓐᓂ ᐅᑯᓂᖓ ᕼᐋᒻᒪᓚᒃᑯᑦ ᒪᓕᒐᖏᓐᓂ ᐊᒻᒪ ᓄᓇᕗᒥᑦ ᓂᕈᐊᖅᑐᓕᕆᓂᕐᒧᑦ ᒪᓕᒐᕐᓂ ᖃᓄᐃᓕᐅᕐᓂᐊᓕᕐᒪᖔᑕ ᒪᐃᔭᑖᒃᑲᓐᓂᕋᓱᖕᓂᒃᑯᑦ.
ᑐᓴᒐᒃᓴᒃᑲᓐᓂᕐᓂ ᑐᓴᐅᒪᑎᑦᑎᓂᐊᕐᑐᑦ ᓄᓇᓕᖕᓂ, ᐅᖃᕐᓯᒪᓚᐅᕐᑐᖅ ᑐᓴᒐᒃᓴᓕᐊᕆᔭᐅᓯᒪᔪᖅ.
ᐅᕘᓇᓂ ᓄᓇᕗᑦ ᒪᓕᒐᖅᑎᒍᑦ, ᓄᓇᓖᑦ ᒪᐃᔭᖓ ᓄᖅᑲᖅᐸᑦ ᑲᑎᒪᔩᑦ ᓂᕈᐊᕈᓐᓇᕐᑐᑦ ᒪᐃᔭᒋᓂᐊᖅᑕᖓᓂ ᐅᕝᕙᓘᓐᓃᑦ ᓂᕈᐊᖅᑎᑦᑎᒃᑲᓐᓂᕐᓗᑎᒃ.
ᓄᓇᑦᓯᐊᕐᒥ ᐱᕙᓪᓕᐊᔪᑦ ᐅᖃᖃᑎᖃᕈᓐᓇᓚᐅᙱᑦᑐᑦ ᒪᐃᒃᒥ ᐊᐱᕐᓱᖅᑕᐅᔪᒪᑎᓪᓗᒍ.
(0) Comments