ᑐᐊᕕᕐᓇᖅᑐᓕᕆᔨᒃᑯᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥ ᖃᓪᓗᓈᑦ ᓄᓇᖓᓐᓂ ᑎᑭᑉᐳᑦ ᓄᓇᕕᖕᒧᑦ ᐃᑲᔪᖅᓱᐃᔭᖅᑐᖅᖢᑎᒃ ᐃᖅᑲᓇᐃᔭᖅᑎᑭᒃᓴᓗᐊᖅᑐᓄᑦ ᐋᓐᓂᐊᕕᖕᓂ

ᑲᖏᖅᓱᐊᓗᖕᒥ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐸᖅᑭᔨᐅᔪᓄᑦ ᑐᐊᕕᕐᓇᕐᓂᐅᔪᒥ ‘ᐱᐅᔪᓐᓃᖅᐸᓪᓕᐊᑐᐃᓐᓇᖅᐳᖅ,’ ᐊᖓᔪᖅᑳᖑᔪᖅ ᔫᓂᐊᓐᒥ ᐅᖃᖅᐳᖅ

ᐃᓅᓕᑦᓯᕕᒃ ᐋᓐᓂᐊᕕᖓ ᐳᕕᕐᓂᖅᑑᒥ. ᐅᖃᐅᓯᐅᓪᓗᓂ ᓯᐅᕈᓪ ᒐᐳᕉᒧᑦ, ᐊᖓᔪᖅᑳᖑᔪᖅ ᑲᖏᖅᓱᐊᓗᖕᒥ ᐃᓗᐊᖅᓴᐃᔨᓄᑦ ᔫᓂᐊᓐ−ᖓᓂ, ᑯᐸᐃᖕᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᒥᓂᔅᑕᖓ ᑯᕆᔅᑎᐊᓐ ᑐᐸᐃ ᐃᓚᖓᓂ ᐋᒍᔅᑎ 12−ᒥ ᐳᕕᕐᓇᖅᑑᒥ ᑕᐃᑯᖓ ᖃᖓᑕᓪᓗᓂ ᐊᒻᒪ ᐊᐅᓪᓚᖅᖢᓂ ᓄᓇᓕᖕᓂ ᑲᑎᒪᖃᑎᖃᕆᐊᖅᖢᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐸᖅᑭᔨᐅᔪᓄᑦ. (ᑐᓴᒐᒃᓴᓕᕆᔨᒃᑯᑦ ᐊᔾᔨᖁᑎᖓ)

By ᔨᐊᕝ ᐱᓕᑦᑎᐊᐃᒧᑦ
ᓄᓇᓕᖕᓂ ᑐᓴᒐᒃᓴᓕᕆᓂᕐᒧᑦ ᐱᒋᐊᕈᑕᐅᔪᒥ ᐅᓂᒃᑳᖅᑎ

For English version, see Paramedics arrive in Nunavik to support short-staffed health centres

ᑕᓪᓕᒪᓂ ᑐᐊᕕᕐᓇᖅᑐᓕᕆᔨᒃᑯᑦ ᐳᕕᕐᓂᖅᑑᒧᑦ ᐱᓇᓱᐊᕈᓯᐅᓚᐅᖅᑐᒥ ᑐᓂᓯᓂᕐᒧᑦ ᐃᑲᔪᖅᓱᐃᓂᕐᒥ ᐃᖅᑲᓇᐃᔭᖅᑎᑭᓗᐊᖅᑐᓄᑦ ᐋᓐᓂᐊᕕᖕᓄᑦ ᐃᑲᔪᖅᓱᐃᔭᖅᑐᖅᖢᑎᒃ ᑲᖏᖅᓱᐊᓗᖕᒥ ᓄᓇᓕᐅᔪᓄᑦ.

ᑐᑭᓯᓇᓚᐅᙱᓚᖅ ᑐᓴᒐᒃᓴᓕᐊᒧᑦ ᐃᓱᐊᓂ ᑭᓱᑦ ᐱᔭᒃᓴᕆᓂᐊᕐᓂᖏᓐᓂ, ᑭᓯᐊᓂ ᐅᕙᓃᓚᐅᖅᐳᑦ “ᑕᑯᔭᐅᓂᖓᓂ” ᑎᑭᓚᐅᖅᑎᓪᓗᒋᑦ ᐋᒍᔅᑎ 1−ᒥ, ᐅᖃᓚᐅᖅᐳᖅ ᓯᐅᕈᓪ ᒐᐳᕉ, ᐊᖓᔪᖅᑳᕆᔭᐅᔪᖅ ᑲᖏᖅᓱᐊᓗᖕᒥ ᐃᓗᐊᖅᓴᐃᔨᓄᑦ ᐊᒻᒪ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐸᖅᑭᔨᐅᔪᓄᑦ ᐱᓕᕆᔨᒻᒪᕆᐅᔪᓂ ᐅᐊᖕᓇᒥ ᔫᓂᐊᓐ−ᖓᓂ.

ᑕᖅᑭᐅᓚᐅᖅᑐᒥ, ᒐᐳᕉ — ᓄᓇᖃᖅᑐᖅ ᐊᒻᒪ ᐃᖅᑲᓇᐃᔭᖅᖢᓂ ᓴᓪᓗᓂ ᐃᓗᐊᖅᓴᐃᔨᐅᓪᓗᓂ – ᑎᑎᕋᓚᐅᖅᐳᖅ ᑭᓇᑐᐃᓐᓇᒧᑦ ᑎᑎᖅᑲᒥ ᖃᐃᖁᔨᓂᖃᖅᖢᓂ ᑯᐸᐃᒃ ᒐᕙᒪᖓᓐᓂ ᑐᓂᓯᒃᑲᓐᓂᕐᓂᖏᓐᓂ ᐃᑲᔪᖅᓱᐃᒃᑲᓐᓂᕐᓂᐅᔪᒥ ᐊᕕᒃᑐᖅᓯᒪᔫᑉ ᐱᓕᕆᐊᒃᓴᖃᓗᐊᖅᑐᓄᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐸᖅᑭᔨᐅᔪᓄᑦ ᓴᓇᔨᐅᔪᓄᑦ, ᐊᒻᒪ ᐊᐱᕆᓪᓗᑎᒃ ᐊᔪᕐᓇᕋᔭᙱᒻᒪᖔᑦ ᐅᓇᑕᒃᑐᒃᓴᓂ ᑎᑭᑎᑕᐅᓂᖏᓐᓂ ᐃᑲᔪᕆᐊᖅᑐᕐᓗᑎᒃ.

“ᖃᓄᐃᓕᖓᓂᐅᔪᖅ ᐱᐅ)ᓐᓃᖅᐸᓪᓕᐊᑐᐃᓐᓇᖅᐳᖅ,” ᒐᐳᕉ ᐅᖃᓚᐅᖅᐳᖅ ᐋᒍᔅᑎ 5−ᒥ ᐊᐱᖅᓱᖅᑕᐅᓂᐅᔪᒥ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ.

ᖄᖏᖅᓯᒪᓕᖅᑐᒥ ᑕᖅᑭᒥ, ᐃᖅᑲᓇᐃᔭᖅᑎᑭᒃᓴᓗᐊᕐᓂᐅᔪᓂ ᐊᔭᐅᕆᓯᒪᕗᖅ ᐅᐸᕐᑕᐅᕕᓂ ᓄᓇᓕᖕᓂ ᐊᕕᒃᑐᖅᓯᒪᓂᐅᔪᓕᒫᒥ ᒪᑐᓯᒪᓚᐅᑲᖃᑦᑕᕐᓂᖏᓐᓂ. ᐃᖅᑲᓇᐃᔭᖅᑏᑦ ᑕᖃᓗᐊᖅᐳᑦ ᐅᖓᕙᕆᐊᖅᑕᐅᓯᒪᔪᓄᑦ ᐃᑲᕐᕋᐅᔪᓂ ᐊᒻᒪ ᐃᓚᖏᑦ ᐅᖃᖅᓯᒪᕗᑦ ᓄᖅᑲᕈᒪᓂᖏᓐᓂ ᐃᖅᑲᓇᐃᔮᒥᓂᒃ.

“ᐅᖓᕙᕆᐊᖅᑕᐅᓯᒪᔪᓂ ᐃᑲᕐᕋᓂ ᐃᓗᐊᖅᓴᐃᔨᕗᑦ ᐱᓕᕆᓂᖏᓐᓂ ᐊᖏᒡᓕᕙᓪᓕᐊᑐᐃᓐᓇᖅᐳᑦ ᐃᓂᖓᖅᓯᔨᖃᙱᑦᑎᐊᕐᒪᑕ ᐃᓄᖕᓄᑦ ᑕᐃᑯᙵᖃᑦᑕᖅᑐᓄᑦ,” ᒐᐳᕉ ᐅᖃᓚᐅᖅᐳᖅ.

“ᒪᑭᒪᔾᔪᑕᐅᔪᓐᓇᖅᑐᓂ ᖃᓄᐃᓕᐅᕐᓂᖃᙱᑦᑎᐊᖅᐳᖅ ᐃᔨᓯᒪᔪᓂ ᑕᐃᒫᒃ ᐃᓱᒫᓗᖕᓇᖅᐳᖅ, ᐃᓱᒪᐅᑉ ᐋᖅᑭᒃᓯᒪᓂᖓ ᖃᐅᔨᒪᙱᓐᓂᖓᓂ ᓇᒧᙵᐅᓂᖓᓂ.”

ᐅᖃᐅᓯᐅᓪᓗᓂ ᒐᐳᕉᒧᑦ, ᑯᐸᐃᖕᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᒥᓂᔅᑕᖓ ᑯᕆᔅᑎᐊᓐ ᑐᐸᐃ ᐃᓚᖓᓐᓂ ᐋᒍᔅᑎ 5−ᒥ ᐅᕕᕐᓂᖅᑑᒥᓚᐅᖅᐳᖅ ᑲᑎᒪᖃᑎᖃᖅᖢᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐸᖅᑭᔨᐅᔪᓄᑦ ᓴᓇᔨᐅᔪᓂ.

ᐅᖃᓚᐅᖅᐳᖅ ᐊᓕᐊᓇᐃᒍᓱᒃᐳᖅ ᒥᓂᔅᑕ ᐳᓚᕋᕐᓂᖓᓂ, ᑭᓯᐊᓂ ᑕᑯᔪᒪᕗᖅ ᐋᖅᑭᒍᑎᒃᓴᓂ ᓴᖅᑭᑦᑐᓂ ᑲᑎᒪᓂᐅᔪᓂ.

“ᐃᑲᕐᕋᓄᑦ-ᐱᖓᓱᓄᑦ ᑲᑎᒪᓂᐅᔪᒥ ᐊᓯᔾᔩᓂᖃᔾᔮᙱᓚᖅ ᑭᓱᑐᐃᓐᓇᓂ. ᖃᓄᐃᓕᐅᕐᓂᐅᔪᒥ ᐱᓕᕆᐊᖑᓂᐊᖅᑐᒥ ᑭᖑᓂᐊᒍᑦ ᐃᑲᔪᕐᓂᖃᕐᓂᐊᖅᑐᒥ ᐊᒻᒪ ᑐᓂᓯᓗᓂ ᐊᓯᔾᔨᕐᓂᐅᔪᒥ ᑕᐅᕘᓈᕐᓂᖓᓂ,” ᒐᐳᕉ ᐅᖃᓚᐅᖅᐳᖅ.

ᑕᒪᒃᑭᓗᒃᑖᖅ ᑲᓇᑕᒥ ᐊᕕᒃᑐᖅᓯᒪᓂᐅᔪᒥ ᓵᙵᕗᑦ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ−ᐸᖅᑭᔨᐅᔪᓄᑦ ᐃᖅᑲᓇᐃᔭᖅᑎᑭᒃᓴᓗᐊᕐᓂᐅᔪᒥ, ᐅᖃᓚᐅᖅᐳᖅ ᓄᓇᕕᖕᒥ ᐊᕕᒃᑐᖅᓯᒪᓂᐅᔪᒥ ᑲᑎᒪᔨᐅᔪᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓄᑦ ᐊᒻᒪ ᐃᓄᓕᕆᔨᒃᑯᓐᓂ ᐅᖃᖅᑎᐅᔪᒥ ᑳᑦᓖᓐ ᐴᓕᓐ, ᑭᓯᐊᓂ “ᑕᒪᒃᑭᐅᒪᒋᐊᖅᑐᒥ ᐊᔾᔨᒌᙱᕈᓘᔭᕐᓂᐅᔪᒥ” ᐋᖅᑭᒍᑎᒃᓴᓂ ᐅᖃᓪᓚᐅᓯᐅᕗᑦ.

“ᐊᐃᖅᑖᖑᒐᓗᐊᖅ, ᐃᖅᑲᓇᐃᔭᖅᓯᑭᒃᓴᓗᐊᕐᓂᐅᔪᒥ ᐊᒃᑐᐃᓂᖃᖅᐳᖅ ᑯᐸᐃᓕᒫᒥᒃ, ᐱᓕᕆᕝᕕᐅᔪᑦ ᑭᐅᒪᔪᐃᓐᓇᐃᓪᓕᓯᒪᕗᑦ ᐱᔪᒪᓂᐅᔪᓂ,” ᐴᓕᓐ ᑎᑎᕋᓚᐅᖅᐳᖅ ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ ᓄᓇᑦᓯᐊᖅ ᑐᓴᒐᒃᓴᓕᕆᔨᒃᑯᓐᓄᑦ.

“[ᐊᔪᐃᓐᓇᕆᐊᖃᕐᓂᕐᓂᒃ] ᐱᒋᐊᖅᑎᑕᐅᓯᒪᔪᖃᖅᐳᖅ ᖃᔅᓯᒐᓚᖕᓂ ᐊᓯᖏᓐᓂ ᑎᒥᐅᔪᓄᑦ ᐊᒻᒪ ᐃᑲᔪᕈᑎᒃᓴᓄᑦ.”

ᐱᓕᕆᓂᖃᖅᐸᓪᓕᐊᒐᓗᐊᖅᑎᓪᓗᒋᑦ ᑭᐅᓂᕐᒥ ᐃᓗᐊᖅᓴᐃᔨᓄᑦ ᐃᖅᑲᓇᐃᔭᕐᓂᖏᓐᓄᑦ ᖃᓄᐃᓕᖓᓂᐅᔪᓄᑦ, ᐴᓕ ᐊᐱᕆᓚᐅᖅᐳᖅ ᐃᓄᓕᒫᓂ ᑕᑯᒃᓴᐅᑎᑦᑎᓂᖏᓐᓂ ᑐᑭᓯᐅᒪᓂᒐᓚᐅᔪᒥ ᕿᓂᕆᐊᖃᕈᑎᒃ ᐸᖅᑭᔭᐅᓂᐅᔪᒥ ᓄᓇᓕᖕᓂ ᐋᓐᓂᐊᕕᖏᓐᓂ, ᐅᑕᖅᑭᓂᐅᔪᓂ ᐊᑯᓂᐅᖏᓐᓇᕐᒪᑕ.

“ᐅᑯᐊ ᖃᓄᐃᓕᖓᓂᐅᔪᑦ ᐊᒃᓱᕈᕐᓇᖅᐳᑦ ᑭᓯᐊᓂ ᓇᓗᓇᐃᖅᓯᒥᖃᙱᓚᖅ ᐸᒡᕕᓵᕆᓂᐅᔪᓂ, ᐋᓐᓂᖅᓯᓂᕐᒥ ᐅᕝᕙᓘᓐᓃᑦ ᐃᒃᐱᒍᓱᑦᑎᐊᙱᓐᓂᐅᔪᓂ,” ᐅᖃᓚᐅᖅᐳᖅ.

“ᕿᓄᐊᓵᕋᓱᑦᑎᐊᕐᓗᑎᒃ ᐊᒻᒪ ᑭᐅᓂᕐᒥ ᐊᐱᖅᑯᑕᐅᔪᓂ ᓴᙱᔪᒥ [ᓱᒃᑲᒃᑎᒋᐊᖅᓯᓲᖑᕗᖅ] ᑎᑭᐅᑎᓂᐅᔪᒥ ᑐᐊᕕᕐᓇᖅᑐᒥ ᐱᔨᑦᑎᕋᕐᓂᕐᒥ.”

Share This Story

(0) Comments