ᐸᕐᓇᐅᑎᓕᕆᓂᕐᒧᑦ ᑲᑎᒪᔨᕋᓛᑦ ᓂᕈᐊᕐᑐᑦ ᓄᖅᑲᖅᑎᑦᑎᔪᒪᓪᓗᑎᒃ ᐊᑭᓕᐅᑎᓂᒃ ᒪᕐᕉᖕᓂ ᐱᓕᕆᐊᖑᕙᓪᓕᐊᔪᓄᑦ

For English version, see Planning committee votes to cut fees on 2 Iqaluit developments

ᐅᖂᑕᖅ ᑲᑐᔾᔨᖃᑎᒌᑦ ᐊᒻᒪ ᐋᒻᐱᐅᕐ ᑕᒪᐃᓐᓂ ᐱᕙᓪᓕᐊᓇᓱᖕᓂᕐᒧᑦ ᐊᑭᓕᐅᑎᒃᓴᖏᓐᓂᒃ ᐃᑲᔪᕐᑕᐅᕗᑦ ᓄᑖᓄᑦ ᐃᓂᐅᓂᐊᖅᑐᓄᑦ ᐃᒡᓗᓄᑦ ᐃᖃᓗᖕᓂ.

ᓄᓇᓕᐸᐅᔭᐃᑦ ᐸᕐᓇᐅᓯᐅᕐᑎᒃᑯ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᑦ ᓂᕈᐊᓚᐅᕐᓯᒪᒻᒪᑕ ᐋᒐᓯ 19-ᒥ ᐊᑭᓕᐅᑎᒃᓴᐃᑦ ᓇᑉᐸᖏᑦ ᐲᕐᑕᐅᖁᔭᐅᓪᓗᑎᒃ ᐱᓕᕆᐊᖃᖅᑐᓄᑦ.

“ᖁᔭᒋᔭᕗᑦ ᐃᖃᓗᐃᑦ ᓄᓇᓕᐸᐅᔭᖏᑦ ᑖᔅᓱᒧᖓ. ᑮᓇᐅᔭᓂ ᐊᑐᓗᐊᙱᓐᓂᕗᑦ ᐊᑭᓕᐅᑎᓄᑦ ᒪᑯᓄᖓ ᑐᕌᖓᓂᐊᕐᑐᑦ ᐊᑭᖃᙱᑦᑐᒥ ᐱᓕᕆᐊᒃᓴᓄᑦ ᑕᒪᐃᓐᓂ ᐃᖃᓗᖕᓂ ᐊᒻᒪ ᓄᓇᕗᒥᑦ,” ᑲᕕᓐ ᑭᐊᓕ, ᑐᑭᒧᐊᖅᑎᐅᖃᑕᐅᔪᖅ ᓄᓇᕗᒥᑦ ᐊᐅᓚᑕᐅᔪᓂᒃ ᐋᒻᐱᐅᕐᑯᓐᓄᑦ ᐅᖃᕐᑐᖅ ᐅᖄᓚᐅᑎᒃᑯᑦ ᐊᐱᕐᓱᖅᑕᐅᑎᓪᓗᒍ ᐋᒐᓯ 20-ᒥ.

ᐋᒻᐱᐅᕐ, ᐊᑎᖃᕐᓂᑯᑦ ᐱᙳᐊᖅ ᑲᑐᔾᔨᖃᑎᒌᓂ, ᑮᓇᐅᔭᓕᐅᕋᓱᙱ:ᑎᒃ ᖃᐅᔨᓴᖅᑐᓕᕆᓂᕐᒧᑦ ᐱᓕᕆᔾᔪᑎᖃᖅᑎᑦᑎᕙᒃᑐᑦ ᓄᓇᓕᕋᓛᓂ ᐊᒻᒪ ᓴᓇᐅᒐᓕᕆᓂᕐᒥ ᐃᓕᓐᓂᐊᖅᑎᑦᑎᕙᒃᖢᑎᒃ ᓄᓇᖃᖅᑳᖅᑐᑦ ᓄᓇᖏᓐᓂ ᐃᓚᒋᔭᐅᓪᓗᓂ ᓄᓇᕗᑦ.

ᑭᐊᓕ ᐅᖃᓚᐅᕐᑐᖅ ᐋᒻᐱᐅᕐ ᐅᐱᕐᖓᒃᓵᖑᓛᕐᑐᒥ ᓴᓇᓯᒋᐊᕐᓂᐊᖅᖢᑎᒃ ᐃᓕᓐᓂᐊᕐᕕᐅᓛᕐᑐᒥ ᐃᖃᓗᖕᓂ ᒫᓂ ᓇᒧᙵᐅᓐᓇᙱᑦᑐᒥ ᐊᑐᕆᐊᒥ (Roard to Nowhere). ᐅᑯᐊ ᐱᓕᕆᔪᑦ ᐊᑭᓖᔭᕆᐊᖃᓚᐅᕐᑐᑦ $57,804ᓂ ᐃᒪᕐᒧᑦ ᐊᒻᒪ ᐊᓇᕐᕕᖕᓄᑦ ᐊᖅᑯᑎᒃᓴᓄᑦ.

ᐅᑯᐊ ᐊᑭᓕᐅᑎᒃᓴᕆᑎᑕᐅᔪᑦ ᑕᒪᐃᓐᓄᑦ ᓄᓇᓖ ᐃᓗᐊᓂ ᓴᓇᔭᐅᔪᒪᔪᓄᑦ ᑐᕌᖓᑎᑕᐅᔪᑦ. ᐊᑐᕐᑕᐅᖃᑦᑕᕐᒪᑕ ᑮᓇᐅᔭᑎᒍᑦ ᐊᑐᕐᑕᐅᔭᕆᐊᓕᖕᓂᑦ ᓄᑖᓂ ᓴᓇᔭᐅᕙᓪᓕᐊᔪᓂᑦ ᒪᐅᓇ ᓄᓇᓕᐸᐅᕙᐃᑦ ᓴᓇᒃᑲᓐᓂᕆᐊᖃᕐᓂᖏᑦᑎᒍᑦ ᓄᑖᓂ ᓱᓪᓗᓕᒃᓴᓂᒃ, ᐅᐊᔭᒧᑦ ᐊᑦᑕᑕᐅᑎᓂᒃ ᐊᒻᒪᓗ ᐃᒪᖃᐅᑎᖃᕈᑎᓄᑦ.

ᓄᓇᓕᐸᐅᔭᐃᑦ ᐃᒪᐃᑎᑦᑎᔪᓐᓇᕐᒪᑕ ᐃᓚᐃᓐᓇᖓᓂ ᑕᒪᐃᓐᓂᓪᓘᓐᓃᑦ ᐊᑭᓖᙱᑎᑦᑎᔪᓐᓇᕐᓂᕐᒥ ᐃᖃᓗᖕᓂ ᑮᓇᐅᔭᓕᐅᕋᓱᒐᑎᒃ ᐱᓕᕆᐊᖃᖅᑐᓂᒃ.

ᐋᒻᐱᐅᕐ ᐱᓇᓱᓚᐅᕐᒪᑕ ᐊᑭᓖᑎᑕᐅᔪᒪᙱᑦᑎᐊᕐᓂᕐᒥᒃ. ᑭᓯᐊᓂᓕ ᐅᑯᐊ ᐸᕐᓇᐅᓯᐅᕐᑎᒃᑯᑦ ᐊᒻᒪ ᐱᕙᓪᓕᐊᔪᓕᕆᓂᕐᒧᑦ ᑲᑎᒪᔨᕋᓛᑦ ᓂᕈᐊᓚᐅᕐᒪᑐ ᐋᒐᓯ 19-ᒥ ᓇᑉᐸᖓᓂ ᐊᑭᓖᑎᑦᑎᖁᔨᓂᕐᒥ, ᐅᑯᐊ ᐋᒻᐱᐅᕐ

ᑲᑎᒪᔨᕋᓛᑦ ᓂᕈᐊᓚᐅᕐᒥᔪᑦ ᐅᖂᑕᖅ ᑲᑐᔾᔨᖃᑎᒌᒃᑯᑦ ᐱᕙᓪᓕᐊᓂᕐᒧᑦ ᐊᑭᓕᐅᑎᒃᓴᖏᑦ ᐊᔾᔨᒌᙱᑦᑐᓄᑦ ᐊᑐᕐᑕᐅᔪᒃᓴᒥ ᐃᒡᓗᕐᔪᐊᒃᓴᒥ 27-ᓄᑦ ᐃᒡᓗᒋᔭᐅᔪᓐᓇᖅᑐᒥ ᓴᓇᔭᐅᔪᒪᔪᒥ ᐊᑭᖃᖅᖢᓂ $56,151 ᐅᕙᙵᑦ $112,303-ᒥ.

ᐅᖃᕐᑎᒋᔭᐅᔪᖅ ᐅᖂᑕᖅ ᑲᑐᔾᔨᖃᑎᒌᓄᑦ, ᑖᒃᑯᐊᓗ ᐊᐅᓚᑦᑎᓪᓗᑎᒃ ᐊᖑᑎᑦ ᐊᖏᕐᕋᖃᙱᑦᑐᒃᑯᕕᒃᓂ, ᐊᑭᑭᓈᕐᓯᒪᔪᓂᒃ ᐃᒡᓗᓕᐅᕐᑎᑦ ᐅᖃᕐᕕᐅᔪᓐᓇᓚᐅᙱᒻᒪᑕ ᐋᒐᓯ 21-ᒥ.

ᑲᑎᒪᔨᕋᓛᑦ ᐃᓱᒪᓕᐊᖓᑦ ᓱᓕ ᐊᖏᕐᑕᐅᔭᕆᐊᖃᕐᑐᑦ ᓄᓇᓕᐸᐅᔭᓄᑦ ᑲᑎᒪᔨᓄᑦ ᑖᒃᑯᐊᓗ ᑲᑎᒪᓛᖅᖢᓂ ᓯᑎᐱᕆ 9-ᒥ.