ᓄᓇᕗᒥᑦ ᐅᓇ ᓄᑖᖅ ᐸᓖᓯᒃᑯᓐᓂ ᖃᐅᔨᓴᖃᑦᑕᕐᓂᕐᒥᒃ ᒪᓕᒐᖅ ᓱᓕ ᐱᓕᕆᐊᖑᖃᑦᑕᕐᓂᐊᖅᑐᖅ ᖃᓪᓗᓈᓂᙶᖅᑐᓂᒃ ᖃᐅᔨᓴᖅᑎᓂᒃ

“ᒪᑐᐃᖓᔪᒍᑦ ᓱᓕ ᓄᓇᕗᒥᙶᖅᑐᒥᓐ ᐋᖅᑭᒍᑎᐅᓇᔭᖅᑐᓄᑦ”

ᐸᓖᓯᒃᑯᑦ ᖃᓄᐃᓕᐅᕐᓂᕐᒧᑦ ᐅᐸᒍᑎᔪᑦ ᐊᕐᕌᓂ ᐃᖃᓗᖕᓂᑦ. ᓄᑖᖅ ᒪᓕᒐᒃᓴᖅ ᓴᖅᑭᑕᐅᔪᖅ ᓄᓇᕗᑦ ᒪᓕᒐᓕᕆᔨᒃᑯᓐᓄᑦ ᒪᑯᓂᖓ ᐃᒻᒥᒃᑰᖓᔪᓂᒃ ᖃᐅᔨᓴᖅᑎᓂᒃ ᑲᒪᔨᖃᕈᓐᓇᖅᑎᑦᑎᓗᑎᒃ ᓄᓇᕗᒥᑦ ᐸᓖᓯᒃᑯᑦ ᐱᓕᕆᐊᖏᑦᑎᒍᑦ ᐃᓄᖕᓂ ᐋᓐᓂᖅᑐᖃᕐᓂᕈᓂ ᑐᖁᔪᖃᕐᓂᕈᓂᓘᓐᓃᑦ. (ᐊᔾᔨᙳᐊᖁᑎᒋᔭᐅᔪᖅ)

By ᓴᐃᕋ ᕌᔾᔪᔅ

For an English version of this story, see Nunavut’s new police oversight legislation will still rely on southern investigators

ᓄᓇᕗᒥᑦ ᒪᓕᒐᓕᕆᔨᒃᑯᓐᓄᑦ ᐱᓕᕆᔨᒻᒪᕆᐅᓚᐅᕐᑐᑦ ᐅᖃᓚᐅᕐᑐᑦ ᐋᖅᑭᒋᐊᕐᓯᓯᒪᓂᖏᓐᓂᒃ ᓄᑖᓂᒃ ᐊᑐᐊᒐᓕᕆᓂᕐᒧᑦ ᒪᓕᒐᓕᕆᓂᖅ ᑐᕌᒐᖃᕋᓱᒃᖢᑎᒃ ᐃᓕᖅᑯᓯᕐᒧᑦ ᐊᑐᕐᑐᓂᒃ ᐊᒻᒪ ᐊᑐᐃᓐᓇᐅᔪᓐᓇᖅᑐᓂᒃ ᐸᓕᓯᒃᑯᓐᓂᒃ ᖃᐅᔨᓴᕈᓐᓇᖅᑐᓂᒃ ᓄᓇᕗᒥᑦ.

ᑭᓯᐊᓂᓕ ᑎᑭᐅᑎᔭᐅᑲᐅᖅᑐᔾᔮᙱᑦᑐᖅ, ᐱᓕᕆᔨᒻᒪᕇᑦ ᐅᖃᖅᑐᖅ.

ᐅᓇ ᒪᓕᒐᖅ 53, ᒪᓕᒐᖅ ᐋᖅᑭᒋᐊᖅᑎᑦᑎᒍᑎᒃᓴᖅ ᑲᓇᑕᒥ ᐸᓖᓯᒃᑯᑦ ᐊᖏᕈᑎᖓᓄᑦ ᒪᓕᒐᕐᒥ, ᐊᐃᑉᐸᖓᓂ ᐅᖃᓕᒫᕐᑕᐅᓚᐅᕐᑐᖅ ᒪᓕᒐᓕᕆᕕᒡᔪᐊᕐᒥᓐ ᐱᓇᓱᐊᕈᓯᐅᓚᐅᕐᑐᒥ.

ᒪᓕᒐᖅ ᓴᖅᑭᑎᑦᑎᓯᒪᔪᖅ ᐃᓚᔭᐅᓯᒪᔪᓂᒃ ᒪᑯᓂᖓ ᐃᒻᒥᒃᑰᖓᔪᓂᒃ ᖃᐅᔨᓴᖅᑎᓂᒃ ᖃᐅᔨᓇᓱᒍᓐᓇᖅᑎᑦᑎᓗᑎᒃ ᓄᓇᕗᒥᑦ ᐸᓖᓯᒃᑯᑦ ᐱᓕᕆᐊᖏᑦᑎᒍᑦ ᐃᓄᖕᓂ ᐋᓐᓂᖅᑐᖃᕐᓂᕈᓂ ᑐᖁᔪᖃᕐᓂᕈᓂᓘᓐᓃᑦ, ᐊᒻᒪᓗ ᐅᖃᐅᓯᖃᖅᖢᑎ ᐱᒋᐊᖅᑎᑦᑎᒍᑎᐅᓇᔭᖅᑐᓂᒃ ᑕᐃᒪᐃᑦᑐᓄᑦ ᑎᒥᒃᓴᒥᑦ.

ᑭᓯᐊᓂᓕ ᓄᓇᕗᒥᑦ ᒐᕙᒪᒃᑯᑦ ᒪᓕᒐᓕᕆᔨᖏᑦ ᐅᖃᓚᐅᕐᑐᑦ ᓱᓕ ᓄᖅᑲᖅᑎᑦᑎᔭᕆᐊᒃᓴᖅ ᐸᕐᓇᒃᓯᒪᙱᓐᓂᖏᓐᓂᒃ ᐸᓖᓯᒃᑯᓐᓂᒃ ᖃᐅᔨᓴᖅᑎᐅᕙᒃᑐᓂᒃ ᐱᖓᔪᒋᔭᐅᓪᓗᑎᒃ ᐱᓕᕆᔨᓂᒃ, ᑖᓐᓇᓗ ᐊᓯᐊᒎᕈᑎᐅᔪᓐᓇᖅᖢᓂ, ᐅᕘᓇᓕ ᓄᑖᒃᑯ ᒪᓕᒐᖅᑎᒍᑦ.

ᒫᓐᓇᐅᔪᕐᓕ, ᓄᓇᕗᑦ ᐊᖏᖃᑎᒌᒍᑎᖃᕐᒪᑕ ᐸᓖᓯᒃᑯᓐᓂ ᐃᑲᔪᖅᑕᐅᔪᒪᔪᓐᓇᖅᖢᑎᒃ ᑕᐃᒪᐃᓐᓂ ᐋᑐᕚᒥ ᐊᒻᒪ ᒑᒍᕆᒥ ᖃᐅᔨᓴᖁᔨᓪᓗᑎᒃ ᖃᓄᐃᓕᐅᕈᑎᓂᒃ ᐅᑯᐊ ᓄᓇᕗᒥᑦ ᐸᓖᓯᒃᑯᑦ ᐃᓚᐅᑎᓪᓗᒋᑦ, ᐊᒻᒪᓗ ᑕᒪᓐᓇ ᑕᐃᒪᐃᑐᐃᓐᓇᕆᐊᖃᖅᖢᓂ ᐊᑯᓂᐸᓗᒃ.

“ᓱᖅᑯᐃᓇᑦᑎᐊᖅᑐᓂᒃ ᖃᓄᐃᓕᐅᕈᑎᒃᓴᖃᖅᑎᑕᐅᓚᐅᕋᑦᑕ ᐅᑯᐊ ᓄᓇᕗᒻᒥᐅᑦ ᐱᖁᔨᑐᐃᓐᓇᖅᖢᑎᒃ ᐸᓖᓯᓂᒃ ᖃᐅᔨᓴᖃᑦᑕᕐᓂᐊᖅᑐᓂᒃ,” ᐅᖃᖅᑐᖅ ᓯᑏᕙᓐ ᒫᓐᓱᓪ, ᒪᓕᒐᓕᕆᓂᕐᒧᑦ ᒥᓂᔅᑕᐅᑉ ᑐᒡᓕᖓ.

“ᐃᓱᒪᔪᖓᓕ ᐃᒪᓐᓇ ᐱᖁᔨᒋᐊᒃᓴᖏᓐᓂᒃ ᑲᐅᔨᓴᖅᑎᖃᕈᓐᓇᕐᓗᑎᒃ ᖃᓄᐃᓕᐅᕈᑎᖏᓐᓂᑦ ᐃᓄᐃᑦ ᐸᓖᓯᒃᑯᑦ ᐃᓚᐅᑎᓪᓗᒋᑦ, ᑭᓯᐊᓂᓕ ᑕᒪᐅᓇ ᐊᓯᔾᔨᕈᑎᑕᖃᕐᓂᐊᕐᑐᖅ,” ᐅᖃᖅᑐᖅ.

“ᒫᓐᓇ ᕿᓂᕐᐸᓪᓕᐊᔪᒍᑦ ᐃᓄᖕᓂ ᖃᐅᔨᓴᕐᑎᐅᓇᔭᖅᑐᓂᒃ ᐊᑐᖅᑕᐅᔪᓐᓇᕋᔭᖅᑐᓂᒃ. ᑕᐃᒪᓕ ᖃᐅᔨᓇᓱᒋᐊᖃᓚᐅᕋᑦᑕ ᑕᒪᒃᑯᓂᖓ ᐱᔨᑦᑎᕋᐅᑎᐅᕙᒃᑐᓂᒃ ᐊᑐᕈᓐᓇᕆᐊᒃᓴᑦᑎᓐᓂᒃ… ᒪᑯᓂᖓ ᐃᓄᖕᓂ ᖃᐅᔨᓴᕐᑎᐅᓇᔭᖅᑐᓂᒃ ᐱᔨᑦᑎᕋᐅᑎᓕᕆᓂᕐᒥ ᐊᐅᓚᑎᑦᑎᕙᓪᓕᐊᒐᓱᒃᑎᓪᓗᑕ.”

ᒪᑯᓇᓂᓕ ᓄᓇᕗᑦ ᓯᓚᑖᓂᙶᕐᓯᒪᔪᓂ ᐱᓕᕆᑎᑦᑎᓂᐊᕐᓗᑎᒃ ᖃᐅᔨᓴᕐᓂᐊᖅᑐᓂᒃ ᓄᓇᕗᒥᑦ ᖃᓄᐃᓕᐅᕈᑎᕕᓂᕐᓂᒃ, ᐅᓇ ᐱᖁᔭᖅ ᐱᔪᓐᓇᖅᑎᑦᑎᒍᑎᐅᔪᓐᓇᖅᑐᖅ ᐱᓕᕆᔪᓐᓇᖅᑎᑦᑎᓂᕐᒥᒃ ᐃᓄᖕᒥ ᖃᐅᔨᓴᕋᔭᕐᑐᒥᑦ ᐸᓖᓯᒃᑯᑦ ᐱᔨᑦᑎᕋᐅᑎᖏᓐᓂᒃ ᐊᒻᒪᓗ ᖃᐅᔨᓴᕐᓂᐅᔪᑦ ᐃᓚᐃᓐᓇᕐᓯᐅᑎᐅᕙᙱᓪᓗᑎᒃ.

ᒪᓕᒐᖅ ᐱᒋᐊᖅᑎᑦᑎᒍᑎᐅᔪᖅ ᓄᑖᒥ ᐱᓕᕆᐊᒃᓴᒥᒃ ᑕᒪᒃᑯᐊ ᐃᓄᐃᑦ ᐊᒻᒪ ᓄᓇᓕᖕᓂᙶᖅᑐᑦ ᖃᐅᔨᒪᔭᐅᔪᑦ ᐃᓚᒋᔭᐅᕙᒡᓗᑎᒃ ᖃᐅᔨᓴᕐᕈᑎᒧᑦ, ᒪᐅᓇ ᐃᓕᖁᓯᓕᕆᓂᒃᑯᑦ ᐅᖃᐅᔾᔪᐃᕙᒃᑐᒥᑦ.

ᒫᓐᓱᓪ ᐅᖃᓚᐅᕐᑐᖅ ᑕᒪᐃᓐᓂᒃ ᐱᓕᕆᐊᒃᓴᐃᑦ ᓱᓕ ᐋᖅᑭᒃᓱᖅᑕᐅᕙᓪᓕᐊᓂᖏᓐᓂᒃ, ᑭᓯᐊᓂᓕ ᒪᑯᓂᖓ ᖃᐅᔨᒪᔪᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᔭᕆᐊᖃᕋᔭᕐᑐᑦ, ᐊᒻᒪᓗ ᓄᓇᓕᖕᓂ ᖃᐅᔨᓴᖅᑕᐅᔪᒥ ᖃᐅᔨᒪᓗᓂ ᓄᓇᓕᖕᓂᒃ ᐊᒻᒪᓗ ᒪᓕᒐᓂᒃ ᐊᑐᖅᑕᐅᔭᕆᐊᓕᖕᓂᒃ.

ᐋᖅᑭᒃᓱᐃᕙᓪᓕᐊᓂᐊᕐᓗᑎᒃ ᓄᑖᒥ ᒪᓕᒐᒃᓴᒥᒃ, ᐱᓕᕆᕝᕕᐅᔪᖅ ᕿᒥᕐᕈᐊᓚᐅᕐᑐᑦ ᐸᓖᓯᓂᒃ ᖃᐅᔨᓴᖃᑦᑕᕐᒥᔪᓂᒃ ᐊᓯᖏᓐᓂᒃ ᐱᓕᕆᕝᕕᓕᖕᓂᒃ ᑲᓇᑕᓕᒫᒥᒃ ᐊᑐᖅᐸᒃᑐᓂᒃ ᐃᓄᑐᐃᓐᓇᕐᓂᒃ: ᐳᕆᑎᔅ ᑲᓚᒻᐱᐊ, ᐋᐴᑕ, ᒫᓂᑑᐸ, ᐋᓐᑎᐅᕆᐅ, ᑯᐸᐃᒃ, ᓄᕙ ᓯᑰᓯᐊ ᐊᒻᒪ ᔫᑳᓐ.

ᒫᓐᓱᓪ ᐅᖃᓚᐅᕐᓯᒪᔪᖅ ᓄᑖ ᒪᓕᒐᖅ ᖃᓄᐃᓕᖓᓂᐅᔪᓂᒃ ᒪᓕᒐᕐᓂ ᐅᑯᓄᖓ ᒪᓕᒃᓯᒪᓂᕋᖅᖢᓂᒋᑦ ᒫᓂᑑᐸ, ᔫᑳᓐ ᐊᒻᒪ ᐋᐴᑕᒥ.

ᐃᒻᒪᖄᓪᓘᓐᓃᑦ ᐱᓕᕆᕝᕕᐅᔪᖅ ᐅᖃᖃᑎᖃᕐᓯᒪᓕᕐᑐᑦ ᐋᐴᑕᒥ ᖃᐅᔨᓴᖅᑎᐅᕙᒃᑐᓄᑦ, ᐅᑯᓄᖓ ᐋᐴᑕᒥ ᐱᒻᒪᕆᐊᓗᖕᓂ ᑐᐊᕕᕐᓇᖅᑐᓕᕆᔨᒃᑯᓐᓂᒃ, ᖃᐅᔨᓴᕐᓂᕐᒥ ᓄᓇᕗᒥᑦ ᓯᕗᒧᒃᐸᓪᓕᐊᑎᑦᑎᔪᓐᓇᕐᓂᕐᒥᒃ.

“ᓄᓇᓕᖕᓂᙶᖅᑐᖅ ᑐᙵᕕᒋᔭᐅᔪᖅ ᐊᑐᖅᑕᐅᖃᑦᑕᖅᑐᖅ ᐱᐅᔪᐊᓘᖕᒪᑦ,” ᒫᓐᓱᓪ ᐅᖃᖅᑐᖅ. “ᐱᓕᕆᖃᑎᖃᓕᒪᖕᒪᑕ ᓄᓇᖃᖅᑳᖅᑐᑦ ᓄᓇᓕᖏᓐᓂᒃ.”

“ᒪᑐᓯᓚᐅᙱᑦᑐᒍᑦ ᓱᓕ ᓄᓇᕗᒻᒥᙶᖅᑐᒥᑦ ᐋᖅᑭᒍᑎᒃᓴᐅᓇᔭᖅᑐᓂᒃ ᐊᒻᒪᓗ ᐱᓕᕆᕝᕕᒃᐳᑦ ᐱᓕᕆᐊᖃᐃᓐᓇᕐᓂᐊᖅᖢᑎᒃ ᐊᑯᓂᐊᓂᕐᓴᖅ ᐊᑐᖅᑕᐅᔪᓐᓇᖅᑐᓂᒃ.”

ᐅᓇ ᒪᓕᒐᖅ ᐱᔭᒃᓴᖃᖅᑎᑦᑎᓇᔭᖅᑐᑦ ᓄᑖᓂᒃ ᖃᐅᔨᓴᖅᑎᐅᓇᔭᖅᑐᑦ ᑎᒥᖓᓂ ᐅᓂᒃᑳᓕᐅᕐᐸᒡᓗᑎᒃ ᑭᓯᐊᓂᓕ ᐃᓱᒪᓕᐅᕆᕙᙱᓪᓗᑎᒃ ᑕᒪᒃᑯᐊ ᑭᒃᑯᓕᒫᓄᑦ ᑐᓴᖅᑕᐅᔭᕆᐊᖃᕆᐊᒃᓴᖏᓐᓂᒃ.

ᒫᓐᓱᓪ ᐅᖃᓚᐅᕐᑐᖅ ᖃᓄᑎᒋ ᑐᓴᒐᒃᓴᓕᐅᕆᓂᖅ ᑐᓴᖅᑕᐅᔭᕆᐊᓕᖕᓂ ᐃᓚᒋᔭᐅᑎᑦᑎᓇᔭᖅᑐᑦ ᐊᖏᕈᑎᓂᒃ ᓄᓇᕗᒥᑦ ᒐᕙᒪᒃᑯᓐᓄᑦ ᐋᖅᑭᒃᓱᖅᐸᓪᓕᐊᔭᖓᓂ ᖃᐅᔨᓴᑎᒥ ᐱᓕᕆᖃᑎᖃᕐᓗᑎᒃ.

“ᑐᓴᕐᓯᒪᒐᑦᑕ ᓄᓇᕗᒻᒥᐅᓂᒃ ᑐᑭᓯᔪᒪᓂᕋᖅᑐᓂᒃ ᖃᐅᔨᓴᕈᑎᓄᑦ ᖃᐅᔨᔭᐅᔪᓂᒃ,” ᐅᖃᖅᑐᖅ. “ᐊᒻᒪᓗ ᐱᓕᕆᖃᑎᖃᕐᓯᒪᓪᓗᑎᒃ ᐋᑐᕚᒥ ᐸᓖᓯᒃᑯᓐᓂᒃ ᑕᒪᒃᑯᐊ ᖃᐅᔨᓴᕈᑎᐅᔪᑦ ᐊᑐᐃᓐᓇᐅᑎᑕᐅᓇᓱᖕᓂᐊᕐᓗᑎᒃ.

“ᐱᓕᕆᕝᕕᒃᐳᑦ ᓂᕈᐊᕐᓯᒪᓂᕐᓴᐅᖕᒪᑕ ᑭᒃᑯᓕᒫᓂᒃ ᖃᐅᔨᑎᑦᑎᕙᒡᓗᑎᒃ ᑕᒪᒃᑯᓂᖓ ᖃᐅᔨᓴᖅᑕᐅᕙᒃᑐᓂᒃ, ᐅᓇ ᐃᓱᒪᒋᔭᐅᓯᓐᓈᕐᓗᓂ ᐊᓯᑦᑎᓐᓂ ᐃᓱᒪᒋᔭᖃᑦᑎᐊᕐᓂᖅ ᒪᐅᓇ ᐃᓚᒌᖑᔪᑦ ᐊᒻᒪ ᑭᓇᑐᐃᓐᓇᖅ ᑐᓴᐅᒪᔭᐅᔪᒪᙱᓐᓂᖓ ᐃᓱᒪᒋᔭᐅᓂᖓᒍᑦ.”

ᓄᓇᕗᑦ ᒐᕙᒪᒃᑯᑦ ᓂᕆᐅᒃᑐᑦ ᒪᓕᒐᒃᓴᖅ ᐊᓂᒍᖅᑎᑕᐅᓂᐊᕆᐊᒃᓴᖓᓂᒃ ᒪᓕᒐᓕᕆᔨᕐᔪᐊᑦ ᐅᑭᐅᖅ ᑲᑎᒪᓕᕐᒥᒃᐸᑕ, ᐋᖅᑭᒃᑕᐅᓯᒪᔪᒥ ᕕᕝᕗᐊᕆ, 2021-ᒥᑦ.

Share This Story

(0) Comments

Join the Conversation

Your email address will not be published. Required fields are marked *

*