ᑯᐸᐃᖕᒥ ᖃᓪᓗᓈᑦ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᒥ ᐸᓖᓯᒃᑯᑦ ᐲᖅᐳᑦ ᓄᓇᕕᖕᒥ

ᓄᓇᖓᓐᓂ ᐊᕕᒃᑐᖅᓯᒪᓂᐅᔪᒥ ᐸᓖᓯᐅᔪᑦ ᐊᕐᕌᒍᓂ ᐱᖓᓱᓂ ᐃᑲᔪᖅᓱᐃᓚᐅᖅᐳᑦ ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᓂᑦ ᐱᔾᔪᑎᖃᖅᑐᒥ ᐃᖅᑲᓇᐃᔭᖅᑎᖃᕐᓂᕐᒥ ᐊᑲᐅᙱᓕᐅᕈᑕᐅᔪᓄᑦ

ᑯᐸᐃᖕᒥ ᖃᓪᓗᓈᑦ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᒥ ᐸᓖᓯᒃᑯᑦ ᐃᑲᔪᖅᓱᐃᓯᒪᕗᑦ ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᓂᑦ ᑕᐃᒪᙵᓂ 2021−ᒥ ᐃᑲᔪᕐᓂᕐᒧᑦ ᐃᖅᑲᓇᐃᔭᖅᑎᑭᒃᓴᓗᐊᕐᓂᐅᔪᒥ. ᒫᓐᓇ, ᑭᖑᓪᓕᖅᐹᖑᔪᖅ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᒥ ᐸᓖᒥᐅᔪᖅ ᐊᐅᓪᓚᖅᐳᖅ ᐊᕕᒃᑐᖅᓯᒪᓂᐅᔪᒥ. (ᓴᑐᕆᒃ ᒐᓛᓐᑦᒧᑦ ᐊᔾᔨᓕᐅᖅᑕᐅᔪᖅ)

By ᓴᑐᕆᒃ ᒐᓛᓐᑦᒧᑦ
ᓄᓇᓕᖕᓂ ᑐᓴᒐᒃᓴᓕᐅᕐᓂᕐᒧᑦ ᐱᒋᐊᕈᑕᐅᔪᒥ ᑐᓴᒐᒃᓴᓕᐅᖅᑎ

For the English version of this story, please see Quebec provincial police withdraw from Nunavik.

ᔫᓂ 5−ᒥ, ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᑦ ᐅᑎᖅᐳᑦ ᐸᓖᓯᖃᕐᓂᕐᒥ ᐃᒻᒥᒃᑰᖅᑐᓂ ᑯᐸᐃᖕᒥ ᐅᑭᐅᖅᑕᖅᑐᖓᓂ ᓄᓇᓕᐅᔪᓂ.

Sûreté du Québec, ᓄᓇᖓᓐᓂ ᐊᕕᒃᑐᖅᓯᒪᓂᐅᔪᒥ ᐸᓖᓯᐅᔪᑦ, ᑐᓂᓯᓚᐅᖅᑐᓂ ᐃᖅᑲᓇᐃᔭᖅᑎᖃᕐᓂᕐᒥ ᐃᑲᔪᖅᓱᐃᓂᐅᔪᓂ ᓄᓇᕕᖕᒧᑦ ᐱᒋᐊᖅᖢᑎᒃ ᒫᔾᔨ 2021−ᒥ.

“ᕿᑎᐊᓂ ᓄᕙᒡᔪᐊᕐᓂᐅᔪᒥ, ᐸᓖᓯᓂ ᑎᒥᐅᔪᑦ ᑯᐸᐃᖕᒥ ᑕᒪᒃᑭᑦ ᐃᖅᑲᓇᐃᔭᖅᑎᑭᒃᓴᖅᑐᐃᓐᓇᐅᓚᐅᖅᐳᑦ,” ᐅᖃᓚᐅᖅᐳᖅ ᔮᓐ-ᕗᕌᓐᓱᐊ ᒧᐊᕆᓐ, ᐊᖓᒧᖅᑳᖑᔫᑉ ᐊᐅᓚᑕᐅᓂᐅᔪᒥ ᑐᒡᓕᖓ ᐱᔨᑦᑎᕋᕐᓂᕐᒧᑦ ᑕᕐᕆᔭᕐᓂᕐᒧᑦ ᐅᖃᓗᖕᓂᐅᔪᒥ ᐊᐱᖅᓱᖅᑕᐅᓂᐅᔪᒥ.

ᑲᓇᑕᒥ ᐸᓖᓯᓄᑦ ᐃᓕᓐᓂᐊᕐᕕᖓ ᑯᐸᐃᖕᒥ ᒪᑐᓯᑲᐃᓐᓇᓚᐅᖅᐳᑦ ᐹᖏᓐᓂ, ᐊᒃᑐᐃᓂᖃᓚᐅᖅᑐᒥ ᑎᑭᓐᓂᐅᔪᓂ ᓄᑖᖑᔪᓂ ᐸᓖᓯᐅᔪᓂ. ᒪᑐᐃᒃᑲᓐᓂᕐᒪᑦ, ᐃᓕᓐᓂᐊᕐᕕᒃ ᒥᒃᖠᒋᐊᖅᑎᑦᑎᓚᐅᕆᕗᖅ ᐅᓄᕐᓂᐅᔪᓂ ᐃᓱᓕᑦᑎᔪᓂ.

“ᐅᓄᙱᓐᓂᖅᓴᒻᒪᕆᖕᓂ ᓂᕈᐊᒐᒃᓴᐅᔪᓂ ᐃᓕᓐᓂᐊᕐᕕᖕᓂᙶᓚᐅᖅᐳᑦ,” ᐅᖃᓚᐅᖅᐳᖅ ᒧᐊᕆᓐ.

ᐊᒻᒪᓗ ᐃᓕᓐᓂᐊᖅᑎᓂ ᐃᓱᓕᑦᑎᓚᐅᖅᑐᓂ, ᐅᖃᓚᐅᖅᐳᖅ, ᓄᓇᕕᒃ “ᐊᑖᓃᓛᖑᓚᐅᖅᐳᑦ ᑎᑎᕋᖅᓯᒪᓂᐅᔪᒥ.”

ᐃᓛᓐᓂᒃᑯᑦ, ᐊᒥᓲᑎᒋᔪᓂ 38−ᓂ ᑯᐸᐃᖕᒥ ᖃᓪᓗᓈᑦ ᓄᓇᖓᓐᓂ ᐊᕕᒃᑐᖅᓯᒪᓂᐅᔪᒥ ᐸᓖᓯᒃᑯᓐᓂ ᓄᓇᕕᖕᒥ.

ᒪᑐᓯᓂᕐᒥ ᐃᖅᑲᓇᐃᔭᖅᑎᖃᕐᓂᕐᒥ ᐃᓚᑰᓂᐅᔪᒥ, ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᑦ ᐱᓕᒻᒪᒃᓴᐃᓚᐅᖅᐳᑦ ᐃᖅᑲᓇᐃᔭᖅᑎᒃᓴᐅᔪᓐᓇᖅᑐᓂ ᑲᓇᑕᒥ ᐸᓖᓯᒃᑯᓐᓂ ᐱᓕᕆᕝᕕᐊᓂ ᕆᔭᐃᓇ, ᓴᔅᑳᑦᓱᐊᒻᒥ. ᑕᐃᑲᓂ, ᓯᕗᓂᒃᓴᒥ ᐸᓖᓯᒃᓴᐅᔪᑦ ᐱᓕᒻᒪᒃᓴᖅᑕᐅᕐᔪᐊᓲᖑᕗᑦ ᑕᖅᑭᓄᑦ 6-ᓄᑦ ᐱᒋᐊᕐᓂᖓᓂ. ᑕᐃᒃᑯᐊ ᐊᑎᓕᐅᖃᑕᐅᔪᑦ ᓄᓇᕕᖕᒥ ᐸᓖᓯᒃᑯᓐᓂ ᐱᒡᑦᑎᕋᕐᓂᐅᔪᒥ ᐃᖅᑲᓇᐃᔭᖅᑎᑕᐅᑲᐅᑎᒋᓚᐅᖅᐳᑦ ᐃᕐᙲᓐᓇᒥ ᐱᔭᕇᖅᓯᒐᒥᒃ ᐱᓕᒻᒪᒃᓴᐃᓂᐅᔪᒥ.

ᐅᓄᕐᓂᖅᓴᐅᔪᓂ 30−ᓂ ᐃᖅᑲᓇᐃᔭᖅᑎᐅᔪᓂ ᒫᓐᓇᐅᔪᒥ ᐃᖅᑲᓇᐃᔭᖅᑐᓂ ᓄᓇᕕᖕᒥ ᐸᓖᓯᒃᑯᑦ ᐱᔨᑦᑎᕋᖅᑎᓄᑦ ᐃᓱᓕᑦᑎᔨᐅᕗᑦ ᑕᐃᔅᓱᒥᖓ ᐃᓕᓐᓂᐊᕐᕕᐅᔪᒥ, ᖃᐅᔨᓴᖅᑕᐅᑦᑎᐊᖅᓯᒪᕗᑦ ᑲᓇᑕᒥ ᐸᓖᓯᒃᓴᓄᑦ ᐃᓕᓐᓂᐊᕐᕕᖓᓂ ᑯᐸᐃᖕᒥ.

“ᐳᒃᑕᓛᕈᓐᓇᖅᓯᓚᐅᖅᐳᒍᑦ” ᓄᑖᖑᔪᓂ ᑎᑭᕋᖅᑐᓂ ᐃᖅᑲᓇᐃᔭᖅᑎᐅᔪᓂ, ᐅᖃᓚᐅᖅᐳᖅ ᒧᐊᕆᓐ.

ᐱᔨᑦᑎᕋᕐᓂᖅ ᐊᓯᔾᔩᒋᕗᖅ ᐊᑐᕐᓂᐊᖅᑕᖏᓐᓂ ᐱᓇᓱᐊᕈᓯᐅᔪᓂ ᒪᕐᕉᖕᓂ ᐃᖅᑲᓇᐃᔭᓚᐅᑲᖃᑦᑕᕐᓂᖏᓐᓂ ᐅᑎᖅᑕᕐᓂᐅᔪᒥ ᐸᓖᓯᐅᔪᓄᑦ. ᒫᓐᓇᐅᔪᒥ, ᑎᓴᒪᓂ 14−ᖑᔪᓂ ᓄᓇᕕᖕᒥ ᓄᓇᓕᐅᔪᑦ ᐊᑐᖅᐳᑦ ᐆᒥᖓ ᐋᖅᑭᒃᑕᐅᓯᒪᓂᐅᔪᒥ.

ᐅᖃᐅᓯᐅᓪᓗᓂ ᒧᐊᕆᓐᒧᑦ, ᐅᓇ ᓄᑖᖑᔪᖅ ᐱᓕᕆᔾᔪᓯᐅᔪᖅ ᓇᓗᓇᐃᖅᓯᕗᖅ ᐸᓖᓯᐅᔪᒥ ᐃᖅᑯᓴᑦᑎᐊᕐᓂᖓᓂ ᐊᒻᒪ ᐸᕐᓇᒃᓯᒪᓗᓂ ᐅᖃᓗᖕᓂᐅᔪᓄᑦ ᖃᖓᓕᒫᑦᑎᐊᖅ ᐅᓪᓘᔪᒥ.

ᐊᑐᓚᐅᖅᐳᖅ ᐊᑯᓕᕕᖕᒥ ᐆᒃᑑᑎᐅᓪᓗᓂ, ᓄᑖᖑᔪᒥ ᐊᑐᖅᑕᐅᔪᒃᓴᖅ ᐃᓕᓯᒪᓂᖓᓂ.

ᓯᕗᓂᐊᓂ, ᐊᑕᐅᓯᐅᔪᒥ ᐸᓖᓯᒥᒃ ᐸᓖᓯᒃᑯᓐᓃᑉᐸᓚᐅᖅᐳᖅ 5 ᐅᓐᓄᒃᑯᑦ ᑭᖑᓂᐊᓂ ᐱᓕᕆᖃᑎᖃᖅᖢᑎᒃ ᖃᐃᖁᔭᐅᔪᓐᓴᖅᑐᒥ ᐊᖏᕐᕋᖓᓂ. ᒫᓐᓇ, ᐸᓖᓯᐅᔪᑦ ᐱᓕᕆᓲᖑᕗᑦ ᐃᑲᕐᕋᓂ−12-ᓂ ᐃᖅᑲᓇᐃᔭᕐᓂᐅᔪᓂ ᐱᓇᓱᐊᕈᓯᕐᓂ−ᒪᕐᕉᖕᓂ ᐅᑎᖅᑕᕐᓂᐅᔪᒥ ᐊᑐᖅᑕᐅᔪᒃᓴᒥ.

ᐱᐅᑦᑎᐊᕋᔭᖅᐳᖅ, ᒧᐊᕆᓐ ᐅᖃᓚᐅᖅᐳᖅ, ᒪᕐᕈᓪᓗᐊᓂ ᐸᓖᓯᓂ ᐸᓖᓯᒃᑯᓐᓃᑉᐸᖕᓂᖏᓐᓂ ᖃᖓᓕᒫᖅ, ᐊᕐᕌᒍᓕᒫᖅ, ᑕᒪᒃᑭᓄᑦ ᓄᓇᓕᐅᔪᓄᑦ. ᑕᒪᓐᓇ ᐱᔪᓐᓇᕐᓂᕐᒧᑦ, ᐱᔭᕆᐊᖃᕋᔭᖅᐳᖅ 170−ᓂ ᐸᓖᓯᐅᔪᓂ.

ᒫᓐᓇᐅᔪᒥ, 109−ᓂ ᐱᓕᕆᔪᓂ ᐸᓖᓯᐅᔪᓂ ᓄᓇᕕᖕᒥ. ᔭᓄᐊᕆ 2025−ᖑᕈᓂ, ᒧᐊᕆᓐ ᐅᖃᓚᐅᖅᐳᖅ ᐱᔨᑦᑎᕋᕐᓂᐅᔪᖅ ᑭᐅᓪᓗᐊᖅᐳᖅ ᐃᖅᑲᓇᐃᔭᖅᑎᖃᕐᓂᕐᒥ ᐱᒋᐊᕐᓂᖓᓂ ᐱᔪᒪᔭᖓᓐᓂ.

“ᐸᓖᓯᕗᑦ ᖃᓱᖓᓂᖅᓴᐅᓕᖅᐳᑦ,” ᒧᐊᕆᓐ ᐅᖃᓚᐅᖅᐳᖅ ᐊᑐᖅᑕᐅᔪᒃᓴᒥ ᐊᓯᔾᔨᕐᓂᐅᔪᒥ.

“ᐃᓄᐃᑦ ᐅᔾᔨᕆᓂᐊᖅᐳᑦ ᓴᐃᓕᓂᖅᓴᐅᓂᖏᓐᓂ, ᐸᕐᓇᒃᓯᒪᓂᖅᓴᐅᓂᐊᕐᓂᖏᓐᓂ ᐸᓖᓯᐅᔪᓂᑦ.”

ᑐᕌᒐᒃᓴᐅᔪᑦ ᒫᓐᓇᐅᔪᒥ ᐊᑐᐃᓐᓇᖃᖅᑎᑦᑎᓂᕐᒥ ᐸᓖᓯᐅᔪᓂ ᐱᔨᑦᑎᕋᕐᓂᐅᔪᒥ ᐊᑑᑎᖃᑦᑎᐊᕐᓂᖓᓂ ᐊᑐᐃᓐᓇᐅᑎᒋᔪᒥ ᖃᓪᓗᓈᑦ ᓄᓇᖓᑎᑐᑦ ᐊᒻᒪ ᐃᖅᑲᓇᐃᔭᖅᑎᑦᑎᓗᑎᒃ ᐅᓄᕐᓂᖅᓴᐅᔪᓂ ᐃᓄᖕᓂ ᐸᓖᓯᐅᔪᓂ. ᑭᓯᐊᓂ ᒧᐊᕆᓐ ᐃᖅᑲᐅᒪᓚᐅᖅᐳᖅ ᖃᓄᑎᒋ ᐊᓯᔾᔨᖅᓯᒪᓂᖓᓂ ᐊᕐᕌᒍᓂ 25−ᓂ years ᐊᓂᒍᖅᓯᒪᓕᖅᑐᓂ, ᓄᓇᕕᖕᒥ ᐸᓖᓰᑦ ᑎᑭᕋᑖᖅᖢᑎᒃ ᐊᕕᒃᑐᖅᓯᒪᓂᐅᔪᒧᑦ.

“ᑕᒫᓃᓯᒪᓕᖅᐳᖓ ᐊᕐᕌᒍᓄᑦ 23−ᓄᑦ,” ᒧᐊᕆᓐ ᐅᖃᓚᐅᖅᐳᖅ.

“ᐊᔾᔨᒌᙱᓐᓂᖓ ᐅᓪᓗᖓᓂ ᓯᕗᓪᓕᖅᐸᐅᔪᒥ ᐊᒻᒪ ᒫᓐᓇᐅᔪᒥ, ᒪᕐᕉᓪᓗᑎᒃ ᓄᓇᕐᔪᐊᖑᕗᑦ.”

Share This Story

(0) Comments

Join the Conversation

Your email address will not be published. Required fields are marked *

*