ᑯᐸᐃᒃ ᑐᕌᖅᑎᑦᑎᕗᖅ $90 ᒥᓕᐊᓐᓂᓂ ᓄᑖᙳᕆᐊᖅᑎᑦᑎᓂᕐᒥ ᒥᑦᑕᕐᕕᖕᓂ ᓄᓇᕕᖕᒥ

For English version, see Quebec targets $90M to renovate airports in Nunavik

ᑯᐸᐃᖕᒥ ᒐᕙᒪᒃᑯᑦ ᐊᖏᖅᓯᒪᕗᑦ ᖃᓂᒋᔭᖓᓂ $90 ᒥᓕᐊᓐᓂᓂ ᓄᑖᙳᕆᐊᖅᑎᑦᑎᓂᕐᒥ ᒥᑦᑕᕐᕕᒐᓚᐅᔪᒥ ᓄᓇᕕᖕᒥ.

ᒪᓕᒃᑐᓂ ᐊᕐᕌᒍᓄᑦ ᒪᕐᕉᖕᓄᑦ, ᒥᑦᑕᕐᕖᑦ ᐊᑯᓕᕕᒃ, ᑲᖏᖅᓱᔪᐊᖅ, ᑰᔾᔪᐊᕌᐱᒃ, ᐳᕕᕐᓂᑐᖅ, ᓴᓪᓗᐃᑦ, ᑕᓯᐅᔭᖅ ᐊᒻᒪ ᐅᒥᐅᔭᕐᒥ ᓄᑖᙳᕆᐊᖅᑎᑕᐅᓂᐊᖅᐳᑦ, ᒐᕙᒪᒃᑯᑦ ᐅᖃᐅᓯᒃᓴᓕᐅᓚᐅᖅᐳᑦ ᐊᐃᑉᕆᓕ 2−ᒥ ᑐᓴᒐᒃᓴᓕᐊᖑᔪᒥ.

ᑖᓐᓇ ᑮᓇᐅᔭᖃᖅᑎᑕᐅᓂᐅᔪᖅ ᓄᓇᕕᖕᒥ ᐃᓚᒋᔭᐅᕗᖅ ᐸᕐᓇᐅᑎᒥᒃ ᐊᑐᕐᓂᕐᒥ $7.7 ᐱᓕᐊᓐᓂ ᑯᐸᐃᓕᒫᒥᒃ ᓇᓗᓇᐃᖅᓯᓂᕐᒥ ᐊᑑᑎᖃᑦᑎᐊᕐᓂᖓᓂ ᐊᒻᒪ ᐸᓚᐅᖅᓯᒪᑦᑎᐊᕆᐊᖃᕐᓂᕐᒥ ᐃᖏᕐᕋᔪᓕᕆᔨᐅᔪᓄᑦ ᑯᐸᐃᓕᒫᒥ, ᐅᖃᓚᐅᖅᐳᖅ ᐃᖏᕐᕋᔪᓕᕆᓂᕐᒧᑦ ᑎᓂᔅᑕᖓ ᔭᓇᕖᕝ ᒋᐅᓪᐹᓪᑦ.

ᓄᓇᕕᖕᒥ, ᑮᓇᐅᔭᑦ ᐊᑐᖅᑕᐅᔪᑦ ᐃᑲᔪᖅᓱᐃᓂᐊᖅᐳᑦ 9−ᓂ ᐱᓕᕆᐊᒃᓴᐅᔪᓂ:

• ᐊᖏᓛᖑᔪᒥ ᐳᕕᕐᓂᑐᕐᒥᐅᓂᐊᖅᐳᖅ, ᕿᑎᐊᓂ $25 ᒥᓕᐊᓐᓂᓂ ᐊᒻᒪ $50 ᒥᓕᐊᓐᓂᓄᑦ ᓇᓗᓇᐃᖅᑕᐅᓯᒪᕗᖅ ᓄᑖᙳᕆᐊᖅᑎᑕᐅᓂᖓᓂ ᒥᑦᑕᕐᕕᖕᒥ ᒥᕝᕕᖓᓂ ᐊᒻᒪ ᐊᕙᓗᓯᒪᓂᐅᔪᒥ ᐃᓚᖏᓐᓂ.
• ᓴᓪᓗᐃᑦ ᑕᑯᓂᐊᖅᐳᖅ ᑲᑎᙵᓂᐅᔪᒥ $15 ᒥᓕᐊᓐᓂ ᐊᒻᒪ $30 ᒥᓕᐊᓐᓂ ᐱᔭᕇᖅᓯᓂᕐᒥ ᒪᕐᕉᖕᓂ ᐱᓕᕆᐊᒃᓴᐅᔪᓂ. ᐊᑕᐅᓯᖅ ᓄᑖᙳᕆᐊᖅᑎᑦᑎᓂᕐᒥ ᒥᕝᕕᖓᓂ, ᐊᐃᑉᐸᖓ ᐃᓚᖏᖅᓯᓂᖏᓐᓂ ᑯᕕᕕᓂ ᐊᑐᐃᓐᓇᐅᔪᒥ ᐊᖅᑯᒻᒥ ᑐᕌᖅᑐᒧᑦ ᒥᑦᑕᕐᕕᖕᒧᑦ.
• ᑰᔾᔪᐊᕌᐱᒃ ᑕᑯᓂᐊᖅᐳᖅ $10 ᒥᓕᐊᓐᓂ $25 ᒥᓕᐊᓐᓄᑦ ᐊᑐᖅᑕᐅᔪᒥ ᐃᒍᑦᑎᖅᑕᐅᓂᖓᓂ ᒥᑦᑕᕐᕕᖕᒥ ᖃᖓᑕᓲᒃᑯᕕᖓᓐᓄᑦ.
• ᐊᑯᓕᕕᒃ ᐊᒻᒪ ᐅᒥᐅᔭᕐᒥ ᒥᑦᑕᕐᕕᖏᑦ ᐊᑐᓂ ᐱᓂᐊᖅᐳᑦ ᕿᑎᐊᓂ $5 ᒥᓕᐊᓐᓂ ᐊᒻᒪ $10 ᒥᓕᐊᓐᓂ. ᐊᑯᓕᕕᒃ ᐱᔪᒃᓴᐅᑕᐅᕗᑦ ᓄᑖᙳᕆᐊᖅᑎᑕᐅᔪᒥ ᒥᕝᕕᖕᒥ ᐊᒻᒪ ᐊᑐᐃᓐᓇᐅᔪᒥ ᐊᖅᑯᒻᒥ ᑐᕌᖅᑐᒧᑦ ᒥᑦᑕᕐᕕᖕᒧᑦ, ᐅᒥᐅᔭᖅ ᓇᓗᓇᐃᖅᑕᐅᓯᒪᓪᓗᓂ ᖃᐅᔨᓴᕈᑕᐅᔪᓂ ᐊᔾᔨᓕᐅᕆᑎᑖᕐᓂᕐᒥ ᐊᒻᒪ ᓄᑖᙳᕆᐊᖅᑎᑕᐅᓯᒪᔪᓂ ᒥᑦᑕᕐᕕᐅᑉ ᐅᐊᔭᒨᖅᑐᓄᑦ ᐱᔭᕆᑐᔪᓄᑦ ᐱᓕᕆᔾᔪᓯᐅᔪᓄᑦ.
• ᒥᑦᑕᕐᕖᑦ ᑲᖏᖅᓱᔪᐊᕐᒥ ᐊᒻᒪ ᑕᓯᐅᔭᕐᒥ ᐊᑐᓂ ᑕᑯᓂᐊᖅᐳᑦ ᕿᑎᐊᓂ $1 ᒥᓕᐊᓐᓂ ᐊᒻᒪ $5 ᒥᓕᐊᓐᓂ ᐱᓕᕆᐊᒃᓴᐅᔪᓂ ᐱᓕᕆᐊᖑᔪᓂ.
• ᑲᖏᖅᓱᔪᐊᕐᒥ, ᒥᕝᕕᒃ ᓄᑖᙳᕆᐊᖅᑎᑕᐅᓂᐊᖅᐳᖅ ᐊᒻᒪ ᑕᑯᒃᓴᐅᓂᐅᔪᓂ ᐃᑲᔪᕈᑎᒃᓴᓂ ᐃᖏᕐᕋᓂᕐᒧᑦ ᐃᓇᖏᖅᑕᐅᓂᐊᖅᐳᑦ. ᐱᓕᕆᓂᖅ ᑕᓯᐅᔭᕐᒥ ᐃᓚᖃᕐᓂᐊᖅᐳᖅ ᓄᑖᙳᕆᐊᖅᑎᑦᑎᓂᕐᒥ ᐃᑳᕈᑎᒥ ᐊᖅᑯᒻᒥ ᒥᑦᑕᕐᕕᖕᒧᑦ.

ᑐᓴᒐᒃᓴᓕᐊᖑᔪᒥ. ᐅᖓ>ᒥ ᒪᓕᒐᓕᐅᖅᑎ ᑕᓂᔅ ᓚᒫᑦ ᐅᖃᓚᐅᖅᐳᖅ, “ᓄᓇᕕᖕᒥ ᐊᕕᒃᑐᖅᓯᒪᓂᐅᔪᒥ, ᒥᑦᑕᕐᕖᑦ ᐱᓕᕆᓲᖑᕗᑦ ᐱᒻᒪᕆᐅᔪᒥ ᐊᑐᕐᓂᖃᐅᑎᖏᓐᓂ ᐋᓐᓂᐊᖃᕐᓇᙱᑦᑐᓕᕆᓂᕐᒧᑦ ᐊᒻᒪ ᐸᓚᐃᖅᓯᒪᑦᑎᐊᕐᓂᖏᓐᓂ ᓄᓇᖃᖅᑎᐅᔪᓄᑦ. ᐅᑯᐊ ᑲᑎᖅᓱᖅᑕᐅᕙᓪᓕᐊᔪᑦ ᑮᓇᐅᔭᑦ ᑐᖅᑯᖅᑕᐅᓯᒪᓪᓗᑎᒃ ᐱᕈᖅᐸᓪᓕᐊᑎᑕᐅᔪᑦ ᑐᕌᕋᓱᐊᖅᐳᑦ ᐱᐅᓯᒋᐊᖅᑎᑦᑎᓂᕐᒥ ᐱᔨᑦᑎᕋᕐᓂᕐᒥ ᐊᕕᒃᑐᖅᓯᒪᓂᐅᔪᒥ.”

ᖃᐃᖁᔨᓂᐅᔪᑦ ᑳᓐᑐᕌᒃᑖᕋᓱᐊᕐᓂᕐᒧᑦ ᐅᑯᓄᖓ ᐱᓕᕆᐊᒃᓴᐅᔪᓄᑦ ᐋᖅᑭᒃᓱᖅᑕᐅᓯᒪᕗᑦ ᐱᒋᐊᕐᓂᐊᕐᓂᖏᓐᓂ 2024−ᒥ ᐊᒻᒪ 2025−ᒥ, ᑐᓴᒐᒃᓴᓕᐊᖅ ᐅᖃᓚᐅᖅᐳᖅ.