ᓇᐅᑦᑎᖅᓱᕐᕕᖕᒥᑦ ᖃᐅᔨᓴᕕᖓᓂ ᐃᖅᑲᓇᐃᔭᖅᑎ ᑐᖁᓪᓗᓂ ᓇᓄᕐᒥᑦ ᐹᔭᐅᑎᓪᓗᒍ ᐅᒋᐊᖅᑕᐅᓪᓗᓂ

For the English version of this story, please see Radar station worker dies in polar bear attack on Brevoort Island.

ᐃᖅᑲᓇᐃᔭᖅᑎ ᐊᑯᓂᐊᓗᒃ ᖃᐅᔨᓴᕐᕕᖕᒦᑦᑐᖅ ᐳᕈᕗᐊᑦ ᕿᑭᖅᑕᒥᑦ, ᓄᓇᕗᒻᒥ, ᑐᖁᓚᐅᖅᐳᖅ ᐹᔭᐅᓚᐅᖅᑎᓪᓗᒍ ᒪᕐᕉᖕᓄᑦ ᓇᓄᖕᓄᑦ ᐋᒡᒌᓯ 8-ᒥ.

ᓇᓯᑦᑐᖅ ᑯᐊᐳᕇᓴᒃᑯᑦ ᓇᓗᓇᐃᖅᓯᓚᐅᖅᐳᑦ ᐃᖅᑲᓇᐃᔭᖅᑎ ᐃᓅᔪᓐᓃᓚᐅᕐᓂᖓᓂᒃ ᐋᒡᒌᓯ 9−ᒥ ᑐᓴᒐᒃᓴᑎᒍᑦ. ᓴᖅᑭᑎᑦᑎᓚᐅᙱᑦᑐᖅ ᐊᑎᖓᓂᒃ ᐃᓅᑉ ᐅᕝᕙᓘᓐᓃᑦ ᓇᓗᓇᐃᖅᓯᓪᓗᓂ ᖃᓄᐃᓕᖓᔾᔪᑎᖏᓐᓂ ᐃᓅᔪᓐᓃᕈᑕᐅᓚᐅᖅᑐᒧᑦ.

ᓇᓯᑦᑐᖅ ᐊᖓᔪᖅᑳᖓ ᑯᕆᔅ ᐅᐊᑉ ᐅᖃᐅᔾᔨᓚᐅᖅᑐᖅ ᓄᓇᑦᓯᐊᖅ ᐱᕙᓪᓕᐊᔪᖓᓂ ᑲᒻᐸᓂᐅᔪᖅ ᓴᖅᑭᑦᑎᔾᔮᖏᓐᓂᕋᖅᖢᓂ ᑐᓴᒐᒃᓴᒃᑲᓐᓂᕐᓂᒃ ᖃᐅᔨᓴᖅᑕᐅᑎᓪᓗᒋᑦ ᐸᓖᓯᒃᑯᓐᓄᑦ ᐊᒻᒪᓗ ᐊᓯᖏᑦ ᐱᔪᓐᓇᖅᑎᐅᔪᑦ ᑲᔪᓯᑎᓪᓗᒋᑦ.

“ᐃᒃᐱᒋᑦᑎᐊᕆᐊᖃᖅᑕᕗᑦ ᖃᑕᙳᑎᒌᑦ ᑖᔅᓱᒧᖓ ᐊᒃᓱᕈᕐᓇᖅᑐᒧᑦ ᐊᒻᒪ [ᖃᐅᔨᓴᖅᑏᑦ] ᐊᒻᒪ ᐱᔪᓐᓇᖅᑎᖏᑦ ᐃᖅᑲᓇᐃᔮᖏᓐᓂ ᐱᓕᕆᑎᓪᓗᒋᑦ,” ᐃᑭᐊᖅᑭᕕᒃᐅᐊᑉ ᐅᖃᕐᖢᓂ.

ᓴᖅᑭᑎᑕᐅᔪᖅ ᑲᒻᐸᓂᒥᑦ ᐅᖃᓕᒫᖅᑐᖅ: “ᐱᒻᒪᕆᐅᓪᓗᓂ ᓇᓯᑦᑐᖅ ᑯᐊᐳᕇᓴᒃᑯᑦ ᓇᓗᓇᐃᖅᓯᖕᒪᑕ ᐱᕐᕈᓗᐊᕿᔪᖃᓚᐅᕐᓂᖓᓂᒃ [ᐋᒡᒌᓯ 8] ᐃᖅᑲᓇᐃᔭᕐᕕᑦᑕ ᐃᓚᖓᓂ ᐳᕈᕗᐊᑦ ᕿᑭᖅᑕᒥᑦ, ᓄᓇᕗᒻᒥ.”

ᑖᓐᓇ ᓴᖅᑭᑎᑕᐅᔪᖅ ᓇᓗᓇᐃᖅᓯᓚᐅᖅᐳᖅ ᐃᖅᑲᓇᐃᔭᖅᑎᓂᒃ ᑕᐃᑲᓂ ᐃᓂᒥ ᑭᐅᓯᓪᓗᑎᒃ ᐹᔭᐅᔪᒧᑦ ᐊᒻᒪᓗ “ᐃᓚᖓᑦ ᓂᕐᔪᑎᑦ ᑐᖁᑕᐅᓪᓗᓂ.

ᑯᐊᐳᕇᓴᒃᑯᑦ ᐃᑲᔪᖅᑐᐃᕗᑦ ᐱᓂᕐᓗᒃᑕᐅᔫᑉ ᖃᑕᙳᑎᖏᓐᓂᒃ ᐊᒻᒪ ᐃᓅᓯᓕᕆᔨᖏᓐᓂᒃ ᐃᖅᑲᓇᐃᔭᖅᑎᓕᒫᓄᑦ ᐊᒃᑐᖅᑕᐅᓯᒪᔪᓄᑦ ᖃᓄᐃᑦᑐᖃᖅᑎᓪᓗᒍ. ᑖᓐᓇ ᓴᖅᑭᑕᐅᔪᖅ ᐅᖃᖅᓯᒪᖕᒥᔪᖅ ᑲᒻᐸᓂᐅᔪᖅ ᐱᓕᕆᖃᑎᖃᕐᓂᖓᓂᒃ ᐱᔪᓐᓇᐅᑎᓕᖕᓂᒃ ᖃᐅᔨᓴᖅᑎᓪᓗᒋᑦ.

ᓄᓇᕗᒻᒥ ᐸᓖᓯᒃᑯᑦ ᑭᐅᓚᐅᙱᑦᑐᑦ ᑐᒃᓯᕋᐅᑕᐅᔪᒧᑦ ᐅᖃᐅᓯᒃᓴᓄᑦ.

ᐳᕈᕗᐊᑦ ᕿᑭᖅᑕᒥᑦ, ᒥᑭᖦᖢᓂ ᕿᑭᖅᑖᓘᑉ ᑲᓇᖕᓇᖓᓃᑉᐳᖅ, 200 ᑭᓚᒦᑕᓂᒃ ᐅᖓᓯᒃᑎᒋᓪᓗᓂ ᐃᖃᓗᐃᑦ ᓂᒋᖅᐸᓯᐊᓂ.

BAF-3 ᖃᐅᔨᓴᕐᕕᖕᒧᑦ ᐃᓂᒋᔭᐅᔪᖅ ᐃᓚᒋᔭᐅᕗᖅ ᐊᒥᐊᓕᒐᒥᐅᑦ ᐊᒻᒪᓗ ᑲᓇᑕᒥᐅᑦ ᐅᐊᖕᓇᖓᓂᑦ ᐅᔾᔨᖅᓱᕐᓂᕐᒧᑦ ᐊᑐᖅᐸᒃᑕᖓᓄᑦ ᑖᓐᓇᓗ ᐊᐅᓚᑕᐅᓪᓗᓂ ᐊᒥᐊᓕᒐᐃᑦ ᐅᐊᖕᓂᖓᓂ ᖃᖓᑕᔪᓐᓇᐅᑎᓄᑦ ᓴᐳᔾᔨᕙᖕᓂᕐᒧᑦ ᐃᓱᒪᑕᕐᒧᑦ.

ᐅᑭᐅᖅᑕᖅᑐᒥ ᐃᓂᖅᑎᕆᔾᔪᑎᑦ ᐊᔾᔨᒌᙱᕈᓘᔭᖅᑐᑦ ᐅᖓᓯᑦᑐᒧᑦ ᖃᐅᔨᓴᕐᕖᑦ ᐊᒥᐊᓕᒐᐃᑦ ᓄᓇᖓᓐᓂ ᐊᒻᒪ ᑲᓇᑕᐅᑉ ᐅᑭᐅᖅᑕᖅᑐᖓᓂ.

“ᐃᒃᐱᒋᑦᑎᐊᕐᓗᒋᑦ ᑲᙳᓇᖅᑐᑦ ᐃᓚᒌᓄᑦ, ᓴᖅᑭᑦᑎᔾᔮᙱᑦᑐᒍᑦ ᐊᑎᕐᒥᒃ ᐃᓅᑉ ᒫᓐᓇᐅᔪᖅ,” ᓴᒃᑯᑕᐅᔪᖅ ᐅᖃᖅᖢᓂ. “ᑭᒡᒐᖅᑐᖅᖢᒋᑦ ᐃᓚᒌᑦ, ᐊᐱᕆᕗᒍᑦ ᑐᑭᓯᐅᒪᔪᒪᓪᓗᑕ ᖃᐅᔨᔭᐅᔭᕆᐊᖃᙱᑦᑐᓂᒡᓗ ᐱᓕᕆᐊᖃᖅᑎᓪᓗᑕ ᑕᒪᑐᒥᖓ ᐊᒃᓱᕈᕐᓇᖅᑐᒥᒃ.”