ᐅᓇᑕᖅᑐᒃᓴᙳᐊᑦ ᑎᑭᐅᑎᕗᑦ ᐳᕙᕐᓂᖅᑐᕐᒧᑦ ᐃᑲᔪᕆᐊᕐᓂᕐᒧᑦ ᑐᓐᓂᖅᓴᐃᓂᕐᒥ ᐃᒪᕐᒥ

For the English version of this story, please see Rangers help distribute water in Puvirnituq as crisis nears 10 weeks.

ᑲᓇᑕᒥ ᐅᓇᑕᖅᑐᒃᓴᙳᐊᑦ ᑎᑭᓯᒪᕗᑦ ᐳᕙᕐᓂᖅᑐᕐᒧᑦ ᐃᑲᔪᕆᐊᕐᓂᕐᒧᑦ ᓄᓇᓕᖕᓂ ᑲᔪᓰᓐᓇᖅᑐᒥ ᐃᒪᕐᒧᑦ ᑐᐊᕈᕐᓇᕐᓂᐅᔪᒥ, ᐱᒋᐊᓇᐅᖅᑐᒥ ᐱᓇᓱᐊᕈᓯᑦ 10 ᐅᖓᑖᓂ .

“ᑲᓇᑕᒥ ᐅᓇᑕᖅᑐᒃᓴᙳᐊᑦ ᐃᑲᔪᕐᓂᐊᖅᐳᑦ ᐅᓯᑲᑦᑕᕐᓂᐅᔪᒥ ᐊᒻᒪ ᑐᓐᓂᖅᓴᐃᓂᐅᔪᒥ ᐃᒥᖅᑕᐅᔪᒃᓴᓂ ᐃᒥᕐᒥ ᐊᒻᒪ ᐊᓯᖏᓐᓂ ᐱᓪᓚᕆᐅᔪᓂ ᐱᖁᑎᓂᑦ ᐃᑲᔪᕐᓂᕐᒧᑦ ᖃᓱᓴᐃᓂᕐᒥ ᐊᒃᓱᕈᕐᓇᕐᓂᐅᔪᒥ ᓄᓇᓕᖕᓄᑦ,” ᐅᖃᓚᐅᖅᐳᖅ ᑲᓇᑦ ᓴᑎᑯ, ᐅᖃᖅᑎᐅᔪᖅ ᑲᓇᑕᒥ ᓴᐳᔾᔨᔨᐅᔪᓄᑦ, ᖃᕋᓴᐅᔭᑎᒍᑦ ᑎᑎᕋᕐᓂᐅᔪᒥ.

“ᑐᓂᓯᓂᐊᕆᕗᑦ ᐅᓂᒃᑳᕆᓯᒪᑦᑎᐊᖅᑐᒥ ᐊᐅᓚᑕᐅᓂᐅᔪᒥ ᓇᓗᓇᐃᖅᑐᓂ ᐃᑲᔪᖅᓱᐃᓂᐅᔪᓂ, ᐃᓚᖃᖅᑐᒥ ᐃᑲᔪᖅᓱᐃᓂᐅᔪᒥ ᐋᖅᑭᒃᓱᐃᓂᕐᒥ ᐊᒻᒪ ᐃᖅᑲᓇᐃᔭᖅᑎᖃᖅᑎᑦᑎᓂᕐᒥ ᐱᔨᑦᑎᕋᕐᕕᖕᓂ ᐃᑲᔪᕈᑎᒃᓴᐃᑦ ᐱᔪᓐᓇᖅᑎᑦᑎᓂᖓᓂ.”

ᐅᓇ ᓄᓇᙳᐊᖅ ᑕᑯᒃᓴᐅᑎᑦᑎᕗᖅ ᓇᒥ 2.9-ᑭᓛᒥᑐᒥ ᕿᓚᒻᒥᐅᔪᒥ ᓱᓪᓗᑯᑖᖅ ᐃᑳᖅᐳᖅ ᐳᕙᕐᓂᖅᑐᕐᒥ ᑲᑎᖃᑎᖃᕐᓂᕐᒧᑦ ᐳᓪᓚᒃᓴᐅᑎᖓᓄᑦ ᐃᒪᕐᒧᑦ ᓴᓗᒻᒪᖅᓴᐃᕝᕕᖕᒧᑦ. (ᖃᕋᓴᐅᔭᑎᒍᑦ ᐊᔾᔨᓕᐅᖅᑕᐅᔪᖅ ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ/ᒎᒍᓪ ᓄᓇᙳᐊᑦ)

ᐅᓄᕐᓂᐅᔪᓂ ᐅᓇᑕᖅᑐᒃᓴᙳᐊᓂᑦ ᓄᓇᓕᖕᓂ ᒪᓕᖕᓂᖃᕐᓂᐊᖅᐳᖅ ᐊᑐᐃᓐᓇᐅᓂᖓᓂ, ᓄᓇᓕᖕᓂ ᐱᔪᓐᓇᕐᓂᖓᓂ, ᐊᒻᒪ ᑭᓱᓂᒃ ᐃᑲᔪᕐᓂᐅᔪᓂ ᐱᔭᕆᐊᖃᕐᓂᖏᓐᓂ, ᓴᑎᑯ ᐅᖃᓚᐅᖅᐳᖅ.

ᐃᒪᕐᒥ ᖃᓛᖅᑎᑦᑎᖁᔭᐅᔪᒥ ᐅᖃᐅᔾᔨᓂᐅᔪᒥ ᑐᓂᔭᐅᓚᐅᖅᐳᖅ ᐳᕙᕐᓂᖅᑐᕐᒥ ᒫᔾᔨ 18−ᒥ ᓄᓇᓕᐅᑉ ᐃᒪᕐᒧᑦ ᓱᓪᓗᑯᑖᓪᓗᐊᖓ ᕿᕿᓚᐅᖅᑎᓪᓗᒍ ᐊᒻᒪ ᓱᕋᒃᖢᓂ. ᑕᐃᒪᙵᓂ, ᐊᒃᓱᕈᕐᓂᐅᔪᓂ ᑕᐅᑐᒃᑕᑐᐊᖃᑲᐃᓐᓇᖅᓯᒪᕗᖅ ᐃᓕᓯᓂᕐᒥ 2.9-ᑭᓛᒥᑐᒥ ᕿᓚᒻᒥᐅᔪᒥ ᐊᓯᐊᒎᖅᑐᒥ ᐊᖅᑯᒻᒥ ᐅᓯᑲᑦᑕᕐᓂᕐᒧᑦ ᐃᒪᕐᒥ ᐳᓪᓚᒃᓴᕐᕕᖕᒥ ᑰᖕᒥ ᐃᒪᕐᒧᑦ ᓴᓗᒻᒪᖅᓴᐃᕝᕕᖕᒧᑦ ᓄᓇᓕᖕᓂ.

ᐳᕙᕐᓂᖅᑐᕐᒥ ᒪᐃᔭᖓ ᓘᓯ ᖃᓕᖑ ᐃᓕᓯᕗᖅ ᑕᕐᕆᔭᓕᐊᖑᔪᒥ ᑕᑯᒃᓴᐅᑎᑦᑎᔪᒥ ᓯᑭᑑᑉ ᐃᓂᖏᓐᓂ ᐃᑳᖅᑐᒥ ᑭᓚᒻᒥᐅᔪᒥ ᓱᓪᓗᑯᑖᖓᓂ, ᐊᒻᒪ ᐊᓕᒃᓯᒪᓂᐅᔪᒥ ᑎᖕᒥᑳᕆᔪᒥ ᐃᒪᕐᒥ. (ᖃᕋᓴᐅᔭᑎᒍᑦ ᐊᔾᔨᓕᐅᖅᑕᐅᔪᖅ ᕙᐃᔅᐳᒃᑯᑦ/ᓘᓯ ᖃᓕᖑ)

ᓄᓇᖃᖅᑎᐅᔪᑦ ᑕᐃᒪᙵᓂ ᐊᑐᖅᓯᒪᕗᑦ ᐃᒥᖅᑕᐅᑎᒧᑦ ᓄᓇᓯᐅᑎᓂ ᓴᓗᒻᒪᖅᓴᖅᓯᒪᙱᑦᑐᒥ ᐃᓴᕐᒥ ᑰᖕᒥ. ᑭᓯᐊᓂ, ᑕᐃᓐᓇ ᐊᒃᓱᕈᕐᓂᐅᔪᖅ ᓱᒃᑲᐃᒡᓕᒋᐊᖅᑕᐅᓚᐅᖅᐳᖅ ᐅᑭᐅᒥ ᓯᓚᖓᓐᓂ ᐊᒻᒪ ᓱᓕᓂᐅᔪᒥ ᐃᓚᖏᑦ ᓄᓇᓯᐅᑎᑦ ᐊᑐᕈᓐᓃᕐᓂᖏᓐᓂ ᐊᒻᒪ ᐅᑕᖅᑭᔪᓂ ᐋᖅᑭᒃᑕᐅᓂᐊᕐᓂᖏᓐᓂ. ᐃᓕᓯᒪᐃᓐᓇᕐᓂᐊᖅᑐᒥ ᐃᓇᖏᖅᓯᔪᒥ ᓱᕋᒃᓯᒪᔪᒧᑦ ᓱᓪᓗᑯᑖᖕᒧᑦ ᓇᒃᓯᐅᔾᔭᐅᔭᕆᐊᖃᖅᐳᖅ ᐃᖕᓚᓐᒥ, ᒪᐃᔭ ᓘᓯ ᖃᓕᖑ ᐅᖃᓚᐅᖅᐳᖅ.

ᕙᐃᔅᐳᒃᑯᑦ, ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ ᐅᖃᓚᐅᖅᐳᖅ ᐱᓕᕆᓯᒪᓂᖏᓐᓂ “ᖃᔅᓯᒐᓚᖕᓂ-ᐱᒡᒍᔾᔨᔨᓂ ᐊᒃᓱᕈᕐᓂᐅᔪᒥ ᐳᐊᕐᕆᔭᐃᓂᖏᓐᓂ ᐊᖅᑯᑎᓂ ᐳᕙᕐᓂᖅᑐᕐᒥ, ᐱᔪᓐᓇᖅᑎᑦᑎᔪᒥ ᐃᓕᔭᐅᑦᑎᐊᕐᓂᖓᓂ ᕿᓚᒻᒥᐅᔪᒥ ᐃᒪᕐᒧᑦ ᐊᓯᐊᒎᖅᑐᒥ ᐊᖅᑯᒻᒥ.”

ᐊᓯᐊᒍᑦ ᑎᑎᕋᕐᓂᐅᔪᒥ, ᑲᑎᕕᒃ ᐊᕕᒃᑐᖅᓯᒪᓂᐅᔪᒥ ᒐᕙᒪᒃᑯᑦ ᐅᖃᐅᔾᔨᓚᐅᖅᐳᑦ ᓄᓇᖃᖅᑎᐅᔪᓂ ᐃᓱᒪᒋᔭᖃᑦᑎᐊᕐᓂᕐᒥ ᐃᓂᖓᓂ ᐃᒪᕐᒧᑦ ᐊᓯᐊᒎᖅᑐᒥ ᐊᖅᑯᒻᒥ ᓱᓪᓗᑯᑖᖓᓐᓂ, ᐱᓗᐊᖅᑐᒥ ᓯᑭᑑᓄᑦ ᐊᖁᑐᐃᓐᓇᕆᐊᓕᖕᓂ ᖄᖓᒍᑦ ᐱᔮᖅᑯᒨᙱᑦᑐᖅ. ᓱᔪᐃᔪᓐᓇᖅᐳᖅ ᓱᓪᓗᑯᑖᖓᓂ ᐊᒻᒪ ᐱᑎᑦᑎᑦᒃᑲᓐᓂᕐᓗᓂ ᓄᖅᑲᖅᑎᑦᑎᓂᐅᒃᑲᓐᓂᖅᑐᓂ ᐃᒪᕐᒥ ᑐᓐᓂᖅᓴᐃᓂᕐᒧᑦ.

ᖃᓕᖑ ᓴᖅᑭᑎᑦᑎᓚᐅᖅᐳᖅ ᑕᕐᕆᔭᓕᐊᖑᔪᒥ ᕙᐃᔅᐳᒃᑯᑦ ᑕᑯᒃᓴᐅᑎᑦᑎᔪᒥ ᐊᓕᒃᓯᒪᓂᐅᔪᒥ ᐃᓚᒻᒥᐅᔪᒥ ᐊᓯᐊᒎᖅᑐᒥ ᐊᖅᑯᒻᒥ ᓱᓪᓗᑯᑖᖓᓂ. ᓯᑭᑑᑉ ᐃᓂᖏᑦ ᐃᑳᖅᓯᕗᑦ ᐃᓂᐅᔪᒥ ᐊᓕᖕᓂᐅᔪᒥ, ᑎᖕᒥᑳᖅᑎᑦᑎᔪᒥ ᐃᒪᕐᒥ.