ᐱᔪᓐᓇᕐᓂᐅᔪᒥ ᐃᒻᒥᓂᒃ−ᓴᐳᑎᓪᓗᓂ ᐃᑲᔪᖅᓯᖅᑕᐅᕗᖅ ᕼᐋᔾᓴᓐᒧᑦ ᐃᓱᒪᓕᐊᖑᔪᒥ

For the English version of this story, please see Right to self-defence upheld in Hodgson manslaughter Supreme Court decision.

ᖁᑦᑎᖕᓂᖅᐹᖅ ᐃᖅᑲᖅᑐᐃᔨᑦ ᑲᓇᑕᒥ ᓴᖅᑭᑎᑦᑎᕗᖅ ᐱᔾᔪᑕᐅᔪᓂ ᐅᖃᐅᔾᔪᐃᓂᐅᔪᒥ ᖃᖓᒃᑲᓐᓂᖅ ᑕᒪᑐᒪᓂ ᐊᕐᕌᒎᔪᒥ ᑖᓂᐅᓪ ᕼᐋᔾᓴᓐ ᓵᙵᔾᔮᙱᓐᓂᖓᓂ ᓄᑖᖑᔪᒥ ᐃᖅᑲᖅᑐᖅᑕᐅᓂᖓᓂ ᐃᖅᑲᖅᑐᖅᑕᐅᔾᔪᑎᖓ ᖁᔭᓈᖅᑕᐅᓚᐅᖅᑎᓪᓗᒍ 2017−ᒥ ᐊᖑᒻᒥ ᑐᖁᓂᐅᔪᒥ ᐃᖃᓗᖕᓂ.

2021−ᒥ, ᕼᐋᔾᓴᓐ ᓇᓂᔭᐅᓚᐅᖅᐳᖅ ᐸᓯᔭᒃᓴᐅᙱᓐᓂᖓᓂ ᐸᕐᓇᐅᑎᒋᓯᒪᓇᒍ ᐃᓄᐊᖅᓯᓂᕐᒥ ᑐᖁᓂᐅᔪᒥ ᐳᕌᑦᓕ ᐅᐃᓐᓱᕐᒥ, 23, ᐊᖏᕐᕋᒥ ᐹᑎᕐᓂᐅᔪᒥ ᓂᐊᖁᙴᒥ.

ᐃᖅᑲᖅᑐᐃᑎᑦᑎᔨᑦ ᐅᖃᐅᔾᔨᒋᐊᖅᑎᐊ ᖁᑦᑎᖕᓂᖅᐹᒥ ᐊᔪᐃᓐᓇᕆᐊᒃᑲᓐᓂᓚᐅᖅᐳᑦ ᑕᐃᔅᓱᒥᖓ ᐅᖃᐅᔾᔪᐃᓂᐅᔪᒥ, ᐊᒻᒪᓗ 2022−ᒥ ᓄᓇᕗᒻᒥ ᐃᖅᑲᖅᑐᐃᕖᑦ ᖁᑦᑎᖕᓂᖅᐹᖓᑕ ᑐᒡᓕᐊ ᑎᓕᐅᕆᓚᐅᖅᐳᖅ ᓄᑖᖑᔪᒥ ᐃᖅᑲᖅᑐᖅᑕᐅᓂᖓᓂ ᕼᐋᔾᓴᓐᒧᑦ.

ᖁᑦᑎᖕᓂᖅᐹᒥ ᐅᓐᓂᕐᓗᖕᓂᐅᔪᒥ ᐃᖅᑲᖅᑐᐃᔨᐅᔪᑦ ᐅᖃᓚᐅᖅᐳᑦ ᐃᖅᑲᖅᑐᐃᔨ ᓲᓴᓐ ᓵᕈᔅᕗᑦ, ᑲᒪᒋᔭᖃᓚᐅᖅᑐᒥ ᕼᐋᔾᓴᓐ ᐃᖅᑲᖅᑐᖅᑕᐅᓂᖓᓂ, ᐃᓱᒪᒋᔭᖃᒪᐅᙱᓐᓂᖏᓐᓂ ᕼᐋᔾᓴᓐ ᖃᓄᐃᓐᓂᖓᓂ ᐃᓱᒪᖓᓂ ᑕᐃᔅᓱᒪᓂ ᖃᓄᐃᓐᐅᓂᔪᒥ ᓈᒻᒪᒍᓱᒃᑎᓪᓗᒍ ᐃᒻᒥᓂᒃ−ᓴᐳᑎᓪᓗᓂ ᑭᐅᓗᖕᓂᐅᔪᒥ, ᐊᒻᒪ ᐃᓱᒪᒋᔭᖃᑦᑎᐊᓚᐅᙱᓚᖅ ᐅᓗᕆᐊᓇᕐᓂᐅᔪᒥ ᕿᒥᓴᐃᓂᐅᔪᒥ.

ᕼᐋᔾᓴᓐ ᓴᐳᓐᓂᐊᖅᑎᖏᑦ ᐊᔪᐃᓐᓇᕆᐊᒃᑲᓐᓂᖅᑎᑦᑎᓚᐅᖅᐳᑦ ᐃᖅᑲᖅᑐᐃᕖᑦ ᖁᑦᑎᖕᓂᖅᐹᖓᑕ ᑐᒡᓕᐊᑕ ᐃᓱᒪᓕᐊᖓᓐᓂ ᖁᑦᑎᖕᓂᖅᐹᖅ ᐃᖅᑲᖅᑐᐃᔨᒃᑯᓐᓄᑦ, ᕕᕗᐊᕆᒥ ᐅᖃᐅᔾᔪᐃᓂᖃᖅᑎᓪᓗᒋᑦ ᕼᐋᔾᓴᓐ ᓵᙵᔾᔮᙱᓐᓂᖓᓂ ᓄᑖᖑᔪᒥ ᐃᖅᑲᖅᑐᖅᑕᐅᓂᔪᒥ.

ᔪᓚᐃ 12−ᒥ, ᓴᖅᑭᑎᑦᑎᓂᐅᔪᒥ ᑎᑎᕋᕐᓂᒃᑯᑦ ᐱᔾᔪᑎᖏᓐᓂ ᑕᐃᔅᓱᒧᖓ ᐃᓱᒪᓕᐊᖑᔪᒥ, ᖁᑦᑎᖕᓂᖅᐹᖅ ᐃᖅᑲᖅᑐᐃᔨᑦ ᓇᓂᓯᓚᐅᖅᐳᑦ ᓵᕈᔅᕗᑦ ᑕᒻᒪᕐᓂᖃᓚᐅᙱᓐᓂᖓᓂ ᒪᓕᒐᑎᒍᑦ ᐅᖃᐅᔾᔪᐃᓂᓕᐅᓚᐅᖅᑎᓪᓗᒍ ᕼᐋᔾᓴᓐ ᐱᓕᕆᓚᐅᕐᓂᖓᓂ ᐃᒻᒥᓂᒃ−ᓴᐳᑎᓪᓗᓂ ᐱᑎᑦᑎᑎᓪᓗᒍ ᑐᖁᔾᔪᑕᐅᔪᒥ, ᐊᑕᐅᓯᕐᒥ−ᑕᓕᕐᒥ ᕿᒥᓴᐃᓂᐅᔪᒥ ᐅᐃᓐᓱᕐᒧᑦ

ᐃᖅᑲᖅᑐᐃᔨᐅᔪᑦ ᓰᓚ ᒫᑎᓪ ᐊᒻᒪ ᓯᐊᕆ ᒨᕉ ᑎᑎᕋᓚᐅᖅᐳᖅ ᐅᓂᒃᑳᕐᓂᐅᔪᒥ ᐃᖅᑲᖅᑐᐃᕕᖕᒥ ᐅᖃᐅᔾᔪᐃᓂᖓᓂ, ᐊᖏᕐᓂᐅᔪᒥ 7−ᖑᔪᓂ ᐊᓯᖏᓐᓂ ᐃᖅᑲᖅᑐᐃᔨᐅᔪᓂ.

“ᒪᓕᒐᑎᒍᑦ ᒪᓕᒐᐊᙱᓚᖅ ᑕᒪᐃᑎᒍᑦ ᐅᓗᕆᐊᓇᕐᓂᖓᓂ ᕿᒥᓴᐃᓂᐅᔪᓂ,” ᒫᑎᓐ ᐊᒻᒪ ᒧᕉ ᑎᑎᕋᓚᐅᖅᐳᑦ.

ᖃᐅᔨᒪᓪᓗᓂ ᕿᒥᓴᐃᓂᐅᔪᒥ ᐱᑎᑦᑎᔪᓐᓇᕐᓂᖓᓂ ᑎᒥᒧᑦ ᓱᔪᐃᓂᐅᔪᒥ ᐊᒻᒪ ᑐᖂᑦᑎᑐᐃᓐᓇᕆᐊᖃᕐᓂᖓᓂ ᓈᒻᒪᒃᑐᒥ ᐱᔾᔪᑕᐅᙱᓚᖅ ᐸᓯᔭᐅᓂᖓᓂ ᐃᓄᖕᒥ ᐃᓄᐊᖅᓯᓂᐅᔪᒥ, ᐅᖃᓚᐅᖅᐳᑦ. ᖃᓄᐃᓐᓂᐅᔪᓂ ᐃᓚᒋᔭᖓᓐᓂ ᖃᓄᐃᓐᓂᐅᔪᒥ ᐃᓱᒪᒋᔭᐅᔭᕆᐊᖃᕆᕗᖅᑕᐅᖅ.

ᖁᑦᑎᖕᓂᖅᐹᖅ ᐃᖅᑲᖅᑐᐃᔨᑦ ᓇᓗᓇᐃᖅᓯᒪᐅᖅᐳᑦ ᓵᕈᔅᕗᑦ ᐊᑐᕐᓂᖓᓂ ᐃᓚᖓ 34−ᒥ ᐱᕋᔭᖕᓂᕐᓄᑦ ᓇᓗᓇᐃᒃᑯᑕᖓᓂ, ᐱᔾᔪᑎᖃᖅᑐᒥ ᐃᓅᑉ ᐱᔪᓐᓇᕐᓂᖓᓂ ᐃᒻᒥᓂᒃ−ᓴᐳᑎᓂᖓᓂ, ᖃᐅᔨᓴᐃᓂᕐᒧᑦ ᕼᐋᔾᓴᓐ ᐊᑐᕐᓂᖓᓂ ᐃᒻᒥᓂᒃ−ᓴᐳᑎᓂᖓᓂ.

ᕼᐋᔾᓴᓐ ᐊᑐᓚᐅᖅᐳᖅ ᕿᒥᓴᐃᓂᐅᔪᒥ “ᖃᐅᔨᒪᔭᐅᓪᓗᓂ ᓴᐃᓕᑎᑦᑎᓂᐅᔪᒥ ᐱᓕᕆᔾᔪᓯᐅᓂᖓᓂ,” ᑐᙵᕕᖃᖅᑐᒥ ᐱᓕᕆᓕᒪᓂᖓᓂ ᐊᑦᑕᓇᙱᑦᑐᒥ ᐊᑐᕐᓗᓂ ᐱᓕᕆᔾᔪᓯᐅᔪᒥ ᐃᖅᑲᓇᐃᔭᖅᑎᓪᓗᒍ ᐊᓂᑎᑦᑎᔨᐅᓂᖓᓂ 2016−ᒥ, ᐅᖃᐅᓯᐅᓪᓗᓂ ᖁᑦᑎᖕᓂᖅᐹᖅ ᐃᖅᑲᖅᑐᐃᔨᒃᑯᑦ ᐅᓂᒃᑳᕆᓂᖓᓂ ᐅᖃᐅᔾᔪᐃᓂᐅᔪᒥ.

ᕼᐋᔾᓴᓐ ᖃᓄᐃᓕᐅᕐᓂᖓ ᐃᓱᒪᒋᔭᐅᓚᐅᖅᐳᖅ ᓈᒻᒪᖕᓂᖓᓂ ᓵᕈᔅᕗᑦᒧᑦ ᑕᐅᑐᒃᖢᒍ ᑎᒥᒧᑦ ᐅᓗᕆᐊᓇᕈᑕᐅᔪᒥ ᐅᐃᓐᓱᕐ ᓴᖅᑭᔮᖅᑎᑦᑎᓚᐅᕐᓂ ᐊᒻᒪ ᐱᔭᕆᐊᖃᕐᓂᐅᔪᒥ ᐊᑐᕆᐊᖃᕐᓂᕐᒥ ᐊᒃᓱᕈᕐᓂᐅᔪᒥ ᐊᓂᓐᓇᓱᐊᕐᓂᖓᓂ ᐃᒡᓗᒋᔭᐅᔪᒥ.

ᐱᑕᖃᙱᓐᓂᐅᔪᒥ ᐊᑐᖅᑕᐅᓂᑯᓂ “ᐱᑦᑎᐊᖃᑦᑕᐅᑎᙱᓐᓂᐅᔪᒥ” ᐅᑯᓂᖓ ᕼᐋᔾᓴᓐ ᐊᒻᒪ ᐅᐃᓐᓱᕐᒥ, ᖁᑦᑎᖕᓂᖅᐹᖅ ᐃᖅᑲᖅᑐᐃᔨᑦ ᐃᖅᑲᖅᑐᐃᔨᖏᑦ ᐃᑲᔪᖅᓱᐃᓚᐅᖅᐳᑦ ᓵᕈᔅᕗᑦ ᐊᑐᕐᓂᖓᓂ ᐆᒥᖓ ᑕᑯᒃᓴᐅᓂᐅᔪᒥ, ᐊᓯᖏᓪᓗ ᑕᑯᒃᓴᐅᓂᐅᔪᓂ, ᐃᓱᒪᓕᐅᕆᓂᖓᓂ ᕼᐋᔾᓴᓐ ᑐᖂᑦᑎᓇᓱᐊᓚᐅᙱᓐᓂᖓᓂ ᐅᐃᓐᓱᕐᒥ.

ᐊᔪᐃᓐᓇᕆᐊᒃᑲᓐᓂᕐᓂᕐᒥ ᑐᓴᓚᐅᖅᐳᑦ ᖁᑦᑎᖕᓂᖅᐹᖅ ᐃᖅᑲᖅᑐᐃᔨᑦ ᓴᖅᑭᑎᑦᑎᓚᐅᕆᕗᑦ ᐃᖅᑲᖅᑐᐃᑎᑦᑎᔨᑦ ᐅᖃᐅᔾᔨᒋᐊᖅᑎᐊᔪᓂ ᑭᒡᓕᖃᖅᑐᒥ ᐱᔪᓐᓇᕐᓂᐅᔪᒥ ᐊᔪᐃᓐᓇᕆᐊᒃᑲᓐᓂᕐᓂᕐᒥ ᕿᓂᖅᑎᓪᓗᒋᑦ ᓴᖑᑎᑦᑎᓂᐅᔪᒥ ᐃᖅᑲᖅᑐᖅᑕᐅᔾᔪᑎᖓ ᖁᔭᓈᖅᑕᐅᓂᖓᓂ.

ᐅᕙᓂ ᐱᓕᕆᓂᐅᔪᒥ, ᐃᖅᑲᖅᑐᐃᑎᑦᑎᔨᑦ ᐅᖃᐅᔾᔨᒋᐊᖅᑎᐊ ᑕᑯᒃᓴᐅᑎᑦᑎᔪᓐᓇᓚᐅᙱᓚᑦ ᓵᕈᔅᕗᑦ ᑕᒻᒪᓚᐅᕐᓂᖓᓂ ᒪᓕᒐᐅᔪᒥ, ᐃᓚᖃᕋᔭᓚᐅᖅᑐᒥ ᐃᓱᒪᒋᔭᖃᙱᓐᓂᕐᒥ ᑕᒪᒃᑭᓂ ᑕᑯᒃᓴᐅᓂᐅᔪᓂ ᐅᕝᕙᓘᓐᓃᑦ ᐊᑐᕐᓂᕐᒥ ᑕᒻᒪᖅᑐᒥ ᒪᓕᒐᑎᒍᑦ ᑐᙵᕕᐅᔪᓂ.

ᕼᐋᔾᓴᓐ ᐃᖅᑲᖅᑐᖅᑕᐅᓂᖓᓂ 2021−ᒥ, ᐅᓂᒃᑲᐅᓯᑦ ᑕᑯᒃᓴᐅᑎᑦᑎᓚᐅᖅᐳᖅ ᐅᐃᓐᓱᕐ ᓂᙵᒃᓴᐅᕙᓪᓕᐊᓂᖓᓂ ᐊᖏᕐᕋᕆᔭᐅᔪᒥ ᐹᑎᕐᓂᐅᔪᒥ ᐊᒻᒪ ᐊᖑᒻᒥ ᐊᔭᒃᓯᓚᐅᖅᐳᖅ. ᕼᐋᔾᓴᓐ ᐅᓂᒃᑳᓚᐅᖅᐳᖅ ᐅᒃᐱᕈᓱᓚᐅᕐᓂᖓᓂ ᐅᐃᓐᓱᕐ ᐊᓇᐅᓯᓂᐊᕋᓱᒋᓪᓗᓂᐅᒃ ᐊᕐᓇᒥ, ᐊᒻᒪ ᑎᒍᓚᐅᖅᐸᖓ.

ᐅᐃᓂᓱᕐ ᐃᑯᓯᖓ ᐊᓇᐅᓯᓚᐅᖅᐳᖅ ᕼᐋᔾᓴᓐᒥ ᓂᐊᖁᖓᓂ, ᐊᒻᒪ ᕼᐋᔾᓴᓐ ᐃᓕᓚᐅᖅᐸᖓ ᕿᒥᓴᐃᓂᐅᔪᒥ ᑭᓯᐊᓂ ᐅᐃᓐᓱᕐ ᑐᖑᔪᖅᓯᕙᓪᓕᐊᓕᕋᒥ.