ᐅᓪᓚᒃᑏᑦ ᐊᖅᑯᑎᒧᐊᖅᐳᑦ ᐃᖃᓗᖕᓂ

For the English version of this story, please see Runners take to the streets in Iqaluit.

ᓴᙱᔪᒥ ᐅᐊᖕᓇᒥ ᐱᓇᖕᓇᒥ ᐊᓄᕆᒥ ᓂᐅᕝᕕᐅᖅᓯᓚᐅᖅᐳᖅ ᓵᓚᖃᕋᓱᐊᖅᑎᐅᔪᓂ ᐋᒍᔅᑎ 24−ᒥ ᐃᖃᓗᖕᓂ ᐅᓪᓚᖕᓂᐅᔪᒥ 2024−ᒥ ᑭᓯᐊᓂ ᐱᓕᕆᔪᒃᓴᐅᓐᓂᖅᐳᖅ ᐃᓚᖏᓐᓄᑦ ᐅᓪᓚᒃᑎᐅᔪᓄᑦ ᐃᑲᔪᖅᑕᐅᓂᖓᓂ, ᐅᖃᖅᐳᖅ ᐹᑦ ᓂᑯᓪ, ᐱᔭᕇᓚᐅᖅᑐᒥ ᓯᕗᓪᓕᖅᐸᐅᓪᓗᓂ ᑕᓪᓕᒪᓂ-ᑭᓛᒥᑐᒥ ᓱᒃᑲᓴᐅᑎᓂᐅᔪᒥ.

“ᐊᓄᕆᕐᔪᐊᖅᐳᖅ, ᑭᓯᐊᓂ ᐱᐅᑦᑎᐊᖅᐳᖅ ᐅᓪᓗᒥᒧᑦ,” ᓂᑯᓪ, ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓕᓴᐃᔨᐅᔪᖅ, ᐅᖃᓚᐅᖅᐳᖅ ᐃᑳᓚᐅᖅᑎᓪᓗᒍ ᐱᔭᕇᕐᓂᕐᒧᑦ ᑐᑭᓕᐊᖅᑐᒥ ᐱᓪᓚᕆᐅᙱᑦᑐᒥ ᐊᑯᓂᐅᓂᖓᓂ 31 ᒥᓂᑦᓂ.

“ᐊᓄᕆᒧᑦ ᓵᙵᓂᐅᕗᖅ, ᐱᒋᐊᖅᐸᓪᓕᐊᓪᓗᓂ,” ᐃᓚᒋᐊᖅᓯᓚᐅᖅᐳᖅ.

ᑲᑎᖦᖢᒍ, 84 ᐃᓄᖕᓂ ᐃᓚᐅᖃᑕᐅᓚᐅᖅᐳᑦ ᖃᓄᐃᓐᓂᐅᔪᒥ, ᐅᖃᓚᐅᖅᐳᖅ ᑲᐱᓗ ᒧᑰᓇ, ᐊᖓᔪᖅᑳᖅ ᐋᕗᕆᑲᓂ ᐊᒻᒪ ᑲᕆᐱᐊᓐᓂ ᑲᑐᔾᔨᖃᑎᒌᖑᔪᓂ ᓄᓇᕗᒻᒥ ᐋᖅᑭᒃᓱᐃᓚᐅᖅᑐᓂ ᓯᕗᓪᓕᖅᐹᑦᑎᐊᖑᔪᒥ ᖃᓄᐃᓐᓂᐅᔪᒥ.

ᐋᖅᑭᒃᓱᐃᔨᐅᔪᑦ ᐃᓕᓯᓚᐅᖅᐳᑦ ᓵᓚᖃᐅᓯᐊᒃᓴᒥ ᑮᓇᐅᔭᓂ ᐊᑐᓂᒧᑦ ᓱᒃᑲᓴᐅᑎᓂᐅᔪᒥ, $1,000 ᐊᖏᓛᖑᓪᓗᓂ ᓵᓚᖃᐅᓯᐊᒃᓴᖅ ᓯᕗᓪᓕᖅᐸᐅᔪᒧᑦ ᐃᓂᐅᔪᒧᑦ 10-ᑭᓛᒥᑐᒥ ᓱᒃᑲᓴᐅᑎᓂᐅᔪᒥ.

5-ᑭᓛᒥᑐᒥ ᓱᒃᑲᓴᐅᑎᓂᐅᔪᒥ, ᐅᓪᓚᒃᑏᑦ ᐅᓪᓚᒃᓯᓚᐅᖅᐳᑦ ᓇᑲᓱᒃ ᐃᓕᓐᓂᐊᓕᓵᖅᑐᓄᑦ ᐃᓕᓐᓂᐊᕐᕕᖓᓂ ᓄᓇᓯᐅᑎᖃᕐᕕᖓᓂ, ᒥᑦᑕᕐᕕᓕᐊᖅᖢᑎᒃ ᐊᒻᒪ ᐅᑎᖅᖢᑎᒃ ᐃᓕᓐᓂᐊᕐᕕᖕᒧᑦ.

ᑕᒪᓐᓇ ᑐᑭᖃᓚᐅᖅᐳᖅ ᐅᓪᓚᓚᐅᖅᐳᑦ ᐊᓄᕆᒧᑦ ᑐᕌᖓᓪᓗᑎᒃ ᓯᕗᓪᓕᖅᐸᐅᔪᒥ ᓇᑉᐸᖓᓂ, ᑭᓯᐊᓂ ᑐᓄᐊᓃᓚᐅᖅᐳᖅ ᑐᕌᖅᐸᓪᓕᐊᑎᓪᓗᒋᑦ ᐱᔭᕇᕐᓂᕐᒧᑦ ᑐᑭᓕᐊᕐᓂᐅᔪᒧᑦ.

ᓂᑯᓪ ᐅᖃᓚᐅᖅᐳᖅ ᐃᒪᐃᑎᑦᑎᓚᐅᖅᐳᖅ “ᓲᕐᓗ ᐅᓪᓚᖕᓂᐅᔪᒥ ᖃᓕᕈᓯᐅᑉ ᑕᐅᓄᙵᐅᖓᓂᖓᓂ ᐊᖏᕐᕋᐅᓪᓗᑎᒃ.”

ᐹᑦ ᓂᑯᓪ, ᖁᑦᑎᒃᑐᒥ ᐃᓕᓐᓂᐊᕐᕕᖕᒥ ᐃᓕᓴᐅᔨᐅᔪᒥ, ᐅᐸᒃᓯᕙᓪᓕᐊᕗᖅ ᐱᔭᕇᕐᓂᐅᔪᒥ ᑐᑭᓕᐊᕐᓂᖓᓄᑦ ᓯᕗᓪᓕᖅᐸᐅᓪᓗᓂ ᑕᓪᓕᒪᓂ-ᑭᓛᒥᑐᒥ ᐅᓪᓚᖕᓂᐅᔪᒥ, ᐃᓚᒋᔭᐅᔪᒥ ᐋᒍᔅᑎ 24−ᒥ ᐃᖃᓗᖕᓂ ᐅᓪᓚᖕᓂᐅᔪᒥ 2024−ᒥ, ᐋᖅᑭᒃᓱᖅᑕᐅᔪᒥ ᐋᕗᕆᑲᓂ ᐊᒻᒪ ᑲᕆᐱᐊᓐᓂ ᑲᑐᔾᔨᖃᑎᒌᖑᔪᓂ ᓄᓇᕗᒻᒥ.

ᓂᑯᓪ ᓂᐅᕝᕕᐅᖅᑕᐅᓚᖅᐳᖅ ᐱᔭᕇᕐᓂᕐᒥ ᑐᑭᓕᐊᕐᓂᖓᓂ ᐃᕐᓂᖓᓄᑦ ᐋᓕᒃᒥ, ᐱᔭᕇᓵᖅᑐᒥ ᒪᕐᕉᖕᓄᑦ-ᑭᓛᒥᑐᒥ ᐅᓪᓚᖕᓂᐅᔪᒥ. ᐃᓚᒌᖑᔪᓂ ᐱᓕᕆᓂᐅᓚᐅᖅᐳᖅ: ᓂᑯᓪ ᓄᓕᐊᖓ — ᐋᓕᒃ ᐊᓈᓇᖓ — ᕕᐅᓇ ᒪᐃᓐ ᐅᓪᓚᓚᐅᖅᐳᖅ 10-ᑭᓛᒥᑐᒥ ᓱᒃᑲᓴᐅᑎᓂᐅᔪᒥ, ᐊᓱᐃᓛᒃ ᓴᖑᓪᓗᓂ ᐊᒻᒪ ᐱᔭᕇᖅᓯᓪᓗᓂ ᒪᕐᕉᖕᓂ-ᑭᓛᒥᑐᒥ ᖃᓄᐃᓐᓂᐅᔪᒥ ᐃᕐᓂᕐᒥᓂᑦ.

“ᐅᓪᓚᒃᓯᒪᕗᖓ ᐊᒥᓱᐊᓗᖕᓂ ᐊᕐᕌᒍᓄᑦ, ᑭᓯᐊᓂ ᐱᓪᓚᕆᐅᒋᙱᖦᖢᒍ,” ᐅᖃᓚᐅᖅᐳᖅ after ᐅᓪᓚᓚᐅᖅᑎᓪᓗᒍ 12 ᑭᓛᒥᑐᓂ ᒪᕐᕉᖕᓂ ᖃᓄᐃᓐᓂᐅᔪᓂ ᓯᕙᑖᕐᕕᖕᒥ ᐅᓪᓛᖓᓂ.

ᓯᓚ ᐊᑲᐅᙱᓕᐅᖅᑎᑦᑎᓚᐅᖅᐳᖅ 10-ᑭᓛᒥᑐᒥ ᐅᓪᓚᖕᓂᐅᔪᒥ ᐅᐸᒃᑎᑦᑎᓚᐅᖅᑐᒥ ᐅᓪᓚᒃᑎᓂᑦ ᐅᑭᐅᖅᑕᖅᑐᒥ ᐅᑭᐅᒃᑯᑦ ᐱᙳᐊᕐᓂᕐᒧᑦ ᐊᓐᓂᑭᑕᕐᕕᖓᓂ, ᐊᓱᐃᓛᒃ ᒥᑦᑕᕐᕕᖕᒧᑦ ᐅᑎᓚᐅᙱᑎᓪᓗᒋᑦ ᐃᓕᓐᓂᐊᕐᕕᖕᒧᑦ. ᓯᕿᓐᓂᕐᔪᐊᓚᐅᖅᐳᖅ ᐊᒻᒪ ᐆᓇᕐᓂᖓᓂ 11 C−ᐸᓘᓚᐅᖅᐳᖅ.

ᐋᓚᓵᕐ ᓕᑕ, 33-ᓂ-ᐅᑭᐅᓕᒃ ᓄᓇᓕᐸᐅᔭᒥ ᐃᖃᓗᖕᓂ ᓴᓇᔨᐅᔪᖅ ᐱᔭᕇᓚᐅᖅᑐᒥ ᒪᕐᕈᒋᔭᐅᓪᓗᓂ 10-ᑭᓛᒥᑐᒥ ᐅᓪᓚᖕᓂᐅᔪᒥ, ᐅᖃᓚᐅᖅᐳᖅ ᓯᑭᓂᖅ, ᐊᓄᕆ ᐊᒻᒪ ᐆᓇᕐᓂᖓ “ᓇᓗᓇᖅᓯᑎᑦᑎᕐᔪᐊᓚᐅᖅᐳᖅ”.” ᐅᖃᓚᐅᖅᐳᖅ ᖃᐅᔨᒪᓚᐅᙱᓚᖅ ᖃᖓ ᐲᕐᓂᐊᕐᓂᖓᓂ ᓄᐃᔭᒐᖓᓂ, ᐅᖅᑰᓯᕙᓪᓕᐊᑎᓪᓗᒍ ᐅᓪᓚᖕᓂᖓᓂ.

ᓵᓚᖃᖅᑎᐅᔪᒥ 10-ᑭᓛᒥᑐᒥ ᓱᒃᑲᓴᐅᑎᓂᐅᔪᒥ, ᑎᐊᕆᒃ ᐊᑎᒻᑭᖕ, ᐱᔭᕇᓚᐅᖅᐳᖅ ᐊᑐᖅᖢᓂ ᕿᕐᓂᖅᑕᒥ ᓇᓴᕐᒥ ᐊᒻᒪ ᐆᔭᐅᔭᒥ ᐊᓄᕆᓯᐅᑎᖓᓂ ᐱᒋᐊᓚᐅᕐᓂᖓᓂ. ᐱᓪᓚᕆᐅᙱᑦᑐᒥ ᐊᑯᓂᐅᓂᖓᓂ 56 ᒥᓂᑦ−ᖑᓚᐅᖅᐳᖅ.

39-ᓂ-ᐅᑭᐅᓕᒃ ᓴᓗᒻᒪᖅᓴᐃᔨᓄᑦ ᐊᐅᓚᑦᑎᔨᐅᔪᖅ, ᑳᒪᕉᓐᒥᐅᑕᓪᓚᕆᒃ, ᐅᖃᓚᐅᖅᐳᖅ ᐅᓪᓚᖃᑦᑕᓕᓚᐅᖅᐳᖅ ᓱᕈᓯᐅᓪᓗᓂ ᐊᒻᒪ ᓄᖅᑲᓚᐅᖅᓯᒪᙱᓚᖅ. ᐊᑎᒻᑭᖕ ᐅᖃᓚᐅᖅᐳᖅ ᐱᓕᒻᒪᒃᓴᓚᐅᖅᐳᖅ ᐅᓪᓚᖕᓂᐅᔪᒥ ᑕᑉᐸᐅᖓ ᖃᓕᕈᓯᕐᒧᙵᐊᕙᒃᖢᓂ ᓄᓇᕗᒻᒥ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᐅᑉ ᖃᓂᒋᔭᖓᓂ. ᑕᐃᓐᓇ ᐃᓚᒋᔭᐅᓚᐅᖅᐳᖅ ᑕᐅᓄᙵᐅᖓᔪᒥ ᖃᓕᕈᓯᕐᒥ ᐊᖅᑯᒻᒥ 10-ᑭᓛᒥᑐᒥ ᐅᓪᓚᖕᓂᐅᔪᒥ.

ᐅᓪᓚᒃᑏᑦ ᓱᑎᒻᐸ ᓲᒪ, ᓴᐅᒥᖕᒥ, ᐊᒻᒪ ᓯᑕᕙᓂ ᑐᕌᒻᐱᓚᐃ ᑕᐅᖅᓰᕗᑦ ᖁᓛᓂ ᐊᒡᒐᒥᓄᑦ ᐸᑎᒃᓯᓂᐅᔪᒥ ᐃᑳᖅᑎᓪᓗᒋᑦ ᐱᔭᕇᕐᓂᐅᔪᒥ ᑐᑭᓕᐊᕐᓂᖓᓂ ᑲᑎᙵᓪᓗᑎᒃ ᐃᖃᓗᖕᓂ ᐅᓪᓚᖕᓂᐅᔪᒥ 2024−ᒥ 10-ᑭᓛᒥᑐᒥ ᓱᒃᑲᓴᐅᑎᓂᐅᔪᒥ.

“ᐅᐱᕐᔪᐊᖅᐳᖓ ᓄᓇᓕᐸᐅᔭᒥ ᐃᖃᓗᖕᓂ ᐃᑲᔪᖅᓱᐃᓂᕐᒥ ᐆᒥᖓ ᖃᓄᐃᓐᓂᐅᔪᒥ,” ᐅᖃᓚᐅᖅᐳᖅ ᐃᑳᓚᐅᖅᑎᓪᓗᒍ ᐱᔭᕇᕐᓂᕐᒧᑦ ᑐᑭᓕᐊᕐᓂᐅᔪᒥ.

ᕗᕌᓐᓱᐊ ᐊᕐᓇᑦᓯᐊᖅ, ᐅᖃᓚᐅᖅᑐᒥ ᕼᐋᑭᒨᕐᓂᖅᓴᐅᓂᖓᓂ ᐊᒻᒪ ᐊᕿᔭᕐᓂᕐᒧᑦ ᐊᖏᕐᕋᖓᓂ ᐃᒡᓗᓕᖕᒥ, ᐱᖓᔪᒋᔭᐅᓚᐅᖅᐳᖅ 10-ᑭᓛᒥᑐᒥ ᓱᒃᑲᓴᐅᑎᓂᐅᔪᒥ, ᓯᕗᓪᓕᖅᐹᑦᑎᐊᒥ ᐅᓪᓚᒃᓯᒪᓪᓗᓂ ᑕᐃᒪᓐᓇ ᐅᖓᓯᒃᑎᒋᔪᒥ.

“ᑕᓪᓕᒪᓂ ᑭᓛᒥᑐᑐᐃᓐᓇᕐᒥ ᐅᓪᓚᓲᖑᕗᖓ ᐊᖏᕐᕋᓐᓂ,” ᐅᖃᓚᐅᖅᐳᖅ.

ᐊᓕᐊᓇᐃᒍᓱᖕᓂᖅ ᐊᑎᕆᔭᐅᓚᐅᖅᐳᖅ ᐱᙳᐊᕐᓂᐅᔪᒥ ᐊᒥᓱᓄᑦ ᐃᓚᐅᖃᑕᐅᔪᓄᑦ.

“ᐊᓕᐊᓇᐃᖏᓐᓇᐅᔭᖅᐳᖅ ᐅᓪᓚᖃᑎᖃᖅᖢᓂ ᐱᖃᓐᓇᕆᔭᕐᓂᑦ,” ᐅᖃᓚᐅᖅᐳᖅ ᒫᑕ ᓕᓂᐅ, ᐃᓚᐅᖃᑕᐅᓚᐅᖅᑐᒥ ᑕᓪᓕᒪᓂ-ᑭᓛᒥᑐᒥ ᐅᓪᓚᖕᓂᐅᔪᒥ ᐱᖃᓐᓇᕆᔭᖓᑕ ᕿᒻᒥᖓᓂ ᒥᓕᒥ.

ᑕᐃᓯᓚᐅᖅᐳᖅ ᑕᓪᓕᒪᓂ ᑭᓛᒥᑐᓂ “ᑎᑭᐅᓯᔭᒃᓴᐅᓪᓗᓂ ᐅᖓᓯᖕᓂᐅᔪᒥ ᐱᓕᒻᒪᒃᓴᓂᖃᓗᐊᕌᓗᙱᑦᑐᒥ.” ᑭᓯᐊᓂ 10-ᑭᓛᒥᑐᒥ ᐅᓪᓚᖕᓂᐅᔪᒥ ᐱᓕᕆᒃᑲᐅᓂᖅᓴᓄᑦ ᐅᓪᓚᒃᑎᐅᔪᓄᑦ, ᐃᓚᒋᐊᖅᓯᓚᐅᖅᐳᖅ.

ᐃᖃᓗᖕᓂ ᐅᓪᓚᖕᓂᐅᔪᒥ 2024 ᖃᓄᐃᓕᖓᓂᐅᔪᒥ
10-ᑭᓛᒥᑐᒥ ᐅᓪᓚᖕᓂᐅᔪᒥ
1. ᑎᐊᕆᒃ ᐊᑎᒻᑭᖕ
2. ᐋᓚᓵᕐ ᓕᑕ
3. ᕗᕌᓐᓱᐊ ᐊᕐᓇᑦᓯᐊᖅ

ᑕᓪᓕᒪᓂ-ᑭᓛᒥᑐᒥ ᐅᓪᓚᖕᓂᐅᔪᒥ
1. ᐹᑦ ᓂᑯᓪ
2. ᒫᑎᐅ ᓯᓐᑲᐅ
3. ᐊᐃᑯᕆᐊᓐ ᐅᐃᓐᔅᓕ

ᒪᕐᕉᖕᓂ-ᑭᓛᒥᑐᒥ ᐅᓪᓚᖕᓂᐅᔪᒥ
1. ᑲᐃᑦᓕᓐ ᒍᑕᑦ
2. ᐆᑎᑦ ᐅᐃᓪᔅ
3. ᑰᑎᔅ ᒨᕐᓱᕐ